Родителите што се премногу заштитнички настроени кон децата, може да им наштетат на многу начини. Ако сте премногу вклучени во животот на вашето дете, тоа може да доведе до депресија и ниска самодоверба, како и да го оставите детето прилично неподготвено за животните предизвици. Од друга страна, ако ги оставите децата самостојно да ги решаваат проблемите, ќе имаат многу придобивки.rn
1. Се подобрува развојот
rn
rnrnПостојат неколку важни фази од животот што детето треба да ги помине, а ползењето е една од нив. Не само што помага да се развијат и да се зајакнат координацијата и вестибуларниот и сензорниот систем, туку се развиваат и вештините за препознавање и решавање проблеми. Затоа не треба да го ограничувате движењето на вашето дете. Само проверете дали е доволно безбедно и оставете го да ги постигне своите мали цели.rn
2. Се подобруваат вештините за решавање проблеми
rn
rnrnУчењето како сами да се справат со тешки ситуации е клучно за децата. Тие треба да донесат свои одлуки со цел да развијат одредени вештини, а некои од нивните одлуки може да бидат дури и погрешни. Но, тоа е во ред затоа што децата учат не само од успесите, туку и од неуспесите.rn
3. Учат како да управуваат со своите емоции
rn
rnrnДецата треба да научат како да се однесуваат во согласност со својата возраст и во одредени ситуации. Плачењето како одговор на нешто може да биде апсолутно нормално за едногодишно бебе, но поголемите деца треба да реагираат поинаку. Затоа, треба да ги научите децата да реагираат повнимателно, наместо да бидат импулсивни.rn
4. Децата стануваат попаметни
rn
rnrnРешавањето домашни задачи заедно со вашето дете всушност може да направи повеќе штета отколку корист. Точно решената домашна задача, направена со ваша помош, нема да го направи вашето дете попаметно. Спротивно на тоа, добивањето лоша оценка може да биде добра можност за учење. Тоа ќе му помогне да сфати како да ги спречи грешките во иднина, а исто така ќе види дека светот не завршува ако направи грешка.rn
5. Се подобрува саморегулацијата
rn
rnrnНавистина е важно децата да доживеат неуспех бидејќи тоа е единственото нешто што може да ги научи како да реагираат правилно кога се чувствуваат лошо. Експертите велат дека ако децата не научат да го толерираат неуспехот, нема да бидат отпорни на стресот. Доживување неуспех е неизбежно во животот и тие мора да знаат како да се справат со тоа.rn
6. Децата учат дека барањето помош е во ред
rn
rnrnДецата треба да научат да побараат помош кога им е потребна, без да се плашат или да се срамат. Поради тоа, вашата реакција на проблемите со кои се соочува детето треба да биде соодветна, така што тие ќе имаат позитивно искуство кога ќе побараат поддршка. Кога ќе се случи нешто посериозно, тие ќе се чувствуваат посигурно кога ќе побараат помош.rnrnПрочитајте зошто не треба да ги учите децата да споделуваат додека сè уште се мали.