Автор: Калин БабушкуrnrnСекојдневно сме во комуникација со различни соговорници или во дискусии каде што треба активно или пасивно да учествуваме. Овие дискусии понекогаш се конструктивни, но знаат да бидат и тотално неконструктивни.rnrn
rnrnНеконструктивноста на дискусиите зависи од многу фактори коишто влијаат на текот на дискусијата, но и од соговорниците. Тие предизвикуваат и губење време на сите што се инволвирани, но и на следните чекори.rnrnИдејата е дискусиите да бидат конструктивни и да се извлече некаква поука од нив, но и да се дојде до некој заклучок или план за во иднина.rnrnЗатоа, споделуваме неколку совети со цел дискусиите да имаат конструктивен крај:rnrnУчество на сите – Најважната работа е сите во дискусијата да имаат активна улога, без разлика дали се двајца или повеќе учесници. За да имаат сите таква улога, потребно е „модераторот“ да го насочува разговорот во правилна насока, за што е потребна желба и знаење.rnrnКажете сè – Гледајте да бидете целосни во своето искажување и комуницирајте ја целата порака што сакате да ја испратите. Притоа, гледајте да бидете кратки и прецизни во кажувањето, а не да ги кажувате работите на долго.rnrnЈАС, наместо НИЕ – Со употреба на НИЕ, најчесто се насочуваме кога сакаме да окривиме некого или нешто, но заслугата ја земаме секогаш на ЈАС. Пробајте да го свртите целиот концепт, и заслугата да биде на НИЕ, а одговорноста на ЈАС. Верувајте, дискусијата добива друга насока.rnrnТон на гласот – Многу често дискусиите на нашето поднебје преминуваат во неконструктивни поради тонот на гласот, бидејќи после некое време почнуваме да се надвикуваме. За да го истакнеме нашето, почнуваме да го покачуваме тонот, на тоа соговорникот/ците реагираат со покачување на нивниот глас и на крај сите викаме.. може да се има повишен тон, но при тоа да се остане во тек со дискусијата, затоа што викањето знае често да прејде во расправија и неконструктивна дискусија.rnrnАктивно слушање – Ментална работа во која ќе треба да го слушнете соговорникот, да го обработите неговиот или нејзиниот став или факти и да процесирате дали се точни или не и да бидете подготвени да го промените својот став или да имате уште поголем аргумент дека вашиот став е најисправен. Колку тешка работа, па и затоа не сме активни во слушањето, тука повеќе сакаме да биде слушнат нашиот став.rnrnФокус – Фокусирани на дискусијата, фокусирани на проблемот, а не на личноста, фокусирани на времето, фокус на сегашноста и иднината, а не на минатото. Ако се дефокусирате на некои од овие или други работи, многу е веројатно дека ќе имате деструктивна дискусија која ќе избега од темата.rnrnЕмоции – Немојте да внесувате премногу емоции во разговорите, освен ако не знаете да ги контролирате. Во спротивно, можете да дозволите тие да ве вовлечат во друг правец кој под влијание на емоциите може да има друга насока.rnrnДополнително на сите овие совети и правила, на конструктивните дискусии, влијание има и атмосферата во која ги правите. Како надворешната (место и околина), така и внатрешната (претходно несогласување, лош однос, стереотипи, предрасуди итн.).rnrnИмајќи го сето ова предвид, гледајте дискусиите кои ги имате со вашите соговорници да имаат конструктивен крај, а од деструктивните научете некоја поука и немојте да ги повторувате.rnrn[message_box title=”” color=”yellow”]Петар Лазаров и Калин Бабушку, основачи на Македонија Експорт, се автори на прирачникот Tip of the week кој изобилува со совети за личен и професионален развој. Повеќе информации ќе најдете на нивната страница на Фејсбук. [/message_box]rnrn rnrn
rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.