Вљубете се во девојката која ќе ви даде втора шанса

Вљубете се во девојката која ќе ви даде втора шанса, бидејќи таа нема да ви даде трета. Ако ја повредите повторно, таа ќе си замине без ронка грижа на совест, бидејќи знае дека веќе дала сѐ од себе. Таа ви дала втора шанса кога повеќето девојки би ве напуштиле без око да им трепне.rnrnrnrnНе е нејзина вина ако повторно погрешите. Немојте да погрешите повторно. Нема да го сторите тоа ако можете да ја согледате нејзината вредност. Нема да го сторите тоа ако сфатите дека таа е најдоброто нешто што ви се случило.rnrnИако таа е доволно силна за да ви прости, тоа не значи дека ќе го прифати вашето претходно однесување. Не значи дека ќе ви прогледа низ прсти за тоа. Таа многу добро знае што заслужува. Таа е свесна дека сте ѝ дале само половина од тоа што ви го дала вам и нема да ја толерира таквата нерамноправност. Но, за ваша среќа, нејзиното срце е доволно големо за да верува дека можете да научите нешто од вашите грешки и дека можете да станете подобри.rnrnТаа не одлучила да ви даде втора шанса затоа што има ниска самодоверба, ниска самопочит и ниски стандарди. Таа ви дава втора шанса, затоа што има силни чувства кон вас. Таа се надева дека ќе можете да изградите врска што ќе трае засекогаш.rnrnНемојте да ја сфатите погрешно! Нејзината втора шанса не значи дека таа ќе дозволи да се повтори историјата. Тоа не значи дека ќе можете да ја „сакате“ на истиот начин како што сте ја сакале претходно. Тоа значи дека таа ви дава шанса да постапите поинаку овој пат. Да ја почитувате како што требало да ја почитувате уште на почетокот.rnrnВљубете се во девојката која ќе ви даде втора шанса, затоа што таа не се откажува од луѓето кои ѝ значат. Таа разбира дека ќе правите грешки во текот на врската. Таа сфаќа дека не сте совршени. Не е совршена ниту таа самата. Најважно е тоа што таа знае дека имате потенцијал да се промените.rnrnАко сакате да ја задржите во вашиот живот, мора да ја направите таа промена. Мора да станете таков партнер каков што таа заслужува да има. Кажете ѝ збогум на незрелоста што сте ја покажувале во минатото.rnrnВљубете се во девојката која ќе ви даде втора шанса, бидејќи вашата врска поминала низ толку многу среќни периоди што таа е подготвена да ги заборави лошите. Таа е подготвена да заборави на сета болка што сте ѝ ја нанеле, само доколку ѝ дадете едно единствено ветување. Само доколку ветите дека никогаш повторно нема да ја повредите.rnrnАко сепак го сторите тоа, ќе ги изгубите сите шанси. Нејзината љубов и добрина ја принудуваат да ви даде втора шанса во моментов, но нема да имате неограничен број шанси. Ќе имате само уште една.rnrnНемојте да ја потрошите залудно. Бакнувајте ја како никогаш досега. Прегрнувајте ја кога ќе ѝ биде потребна вашата прегратка. Држете ја цврсто и секојдневно потсетувајте ја колку се грижите за неа. Потрудете се овој пат. Дајте ѝ го она што го заслужува.rnrnВљубете се во девојката која ќе ви даде втора шанса, бидејќи таа ве сака толку многу што ви дозволува да почнете од почеток.rnrnДоколку се двоумите дали да му простите на партнерот или партнерката кои ве повредиле, прочитајте зошто не треба да ѝ дадете втора шанса на бившата љубов.