Сигурно ви се случило да имате некаков проблем кој целосно го окупира вашиот мозок, прави да се чувствувате лошо, да мислите дека само вам може да ви се случи нешто такво. Ви се случило ли да се срамите од она што ве мачи и да го потиснувате во себе мислејќи дека ако го игнорирате ќе мине побрзо? Секој има тешки периоди во животот, не сте единствени. Еве зошто не треба да молчите и да го игнорирате она што ве мачи, туку да му се доверите некому.rnrn
rn
Што се случува кога го чувате проблемот во себе?
rn
Проблемот целосно го окупира вашето внимание
rnИронично, колку повеќе се трудите да не мислите на тоа што ве мачи, толку повеќе мислите на истото. Може да мине пола ден или ден без да му придадете значење, но потоа ви се враќа истото она чувство, само со поголема сила.rn
Влијае на тоа како ги извршувате вашите задачи
rnЌе ви биде ужасно тешко да се сконцентрирате на учењето или да направите нешто добро на работа. Ќе ви се чини дека постојано заборавате, ќе имате проблем да се сконцентрирате и да се организирате. Проблемот е како темен облак надвиснат над вашите глави кој не ви дозволува да бидете слободни, свои или исполнителни во вашата работа.rn
Се чувствувате навистина лошо
rnНе ги гледате нештата кои некогаш ве правеле среќни. Се залажувате себеси дека нема што да направите, но знаете дека би можеле да разговарате со некој близок само што не можете да соберете храброст.rnrn
rn
Претерано размислувате
rnНесигурни сте во себе и претерано размислувате за сè што се случува околу вас, поврзувајќи го со вашиот проблем. Ги анализирате луѓето и нивните постапки посакувајќи да најдете некакво решение, некаква поврзаност. Станувате меланхолични и нерешителни, па навистина ви е тешко да направите што било.rn
Се измачувате себеси
rnКако да сте затворени во некоја бездна и никако да излезете на слобода. И сами чувствувате како некој да ви ги врзал мислите и ги насочил само кон негативното. Се чувствувате како упорно да трчате кон ќорсокак, кон ситуација од која нема излез.rn
Не може да го живеете животот онака како што сакате
rnБидејќи сте попречени од вашите лоши мисли. И сами чувствувате дека сте заглавени и стоите во место додека светот околу вас неуморно се движи.rn
Дозволувате некој друг да го живее вашиот сон
rnЗаборавате на своите соништа и цели. Престанувате да верувате во себе и во тоа дека може да успеете, правејќи му простор на некој друг кој верува во себе.rnrn
rn
Што ќе се случи кога ќе зборувате со некого за вашиот проблем?
rn
Ќе почувствувате како голем товар да ви се тргнал од раменици
rnДругата личност може да не ви рече ни збор, да биде далеку од одговорот за вашиот проблем, но самото тоа што ќе ѝ се доверите ќе ве ослободи макар делумно од товарот. Ќе почувствувате како вашиот проблем го делите со некого и повеќе не е само ваш. Токму затоа служат членовите на семејството и блиските пријатели, да земат дел од тој товар бидејќи никој не може да чекори сам.rn
Ќе се прашувате зошто сте чекале толку долго
rnАко решението било толку едноставно, зошто сте чекале толку долго да го споделите вашиот проблем со некого?rn
Ќе сфатите дека признавањето на вашиот проблем било далеку побезопасно од она што сте го замислувале
rnМоже ќе ви биде тешко да почнете да зборувате за она што ве мачи, но штом еднаш се отворите ќе кажете сè што ви лежи на душа.rnrnВо ред е да има нешто што ве мачи, секој искусува такви чувства. Не сте сами и не мора да бидете. Одберете ја личноста на која ќе ѝ се доверите, пријател, родител, психијатар, духовен водач. Криењето на проблемот нема да направи истиот да исчезне, туку само да стане поголем.