Кога разговараме, особено во работното опкружување, всушност се презентираме себеси и им дозволуваме на останатите да создадат општ впечаток за нас. Токму поради таа причина овие пет вообичаени фрази би требало да ги елиминирате од вашиот вокабулар и тоа уште денес.
rn
1. „Извести ме кога ќе имаш информации“
rnОваа фраза е честа појава на самиот крај од имејлот, бидејќи знае да звучи доста учтиво, меѓутоа таа го прави токму спротивното. Со реченица како оваа вие всушност ја префрлате обврската на вашиот колега, наместо да преземете иницијатива. Најважно е во имејлот да поставите клучни прашања што ќе ви овозможат што повеќе да се вклучите во одредена задача, а не да чекате некој друг да ви испраќа информации. Одличната замена за оваа фраза би гласела: „Извести ме дали можам да помогнам во врска со тоа“ или „Ќе ги повикам колегите денес, па потоа ќе ви ги пренесам информациите.“rn
2. „Ми се чини дека…“ или „Мислам дека би требало…“
rnФразите како овие прават да изгледате доста несигурно, што дополнително ќе влијае на тоа за останатите да не ве сфаќаат сериозно. Само замислете ја ситуацијата во која на вашиот надреден му кажувате: „Мислам дека би требало да добијам покачување“. Поефективен пристап во овој случај би бил: „Сметам дека би требало да го разгледате случајот за повишување на мојата плата од X, Y и Z причини.“rn
3. „Нема на што“
rnБез разлика дали се во прашање ситни предизвици или некоја работна пресвртница, доколку некому сте му направиле услуга, секако дека тој има за што да ви се заблагодари. Наместо фразата која до сега сте ја користеле и сте ја сметале за регуларна, следниот пат на вашиот колега само благо насмевнете му се и препуштете да ве преплави она преубаво чувство кога некој го почитува вашиот труд.
rn
4. „Ова најверојатно е лоша идеја, но…“
rnНикогаш не правете го ова! Кога на памет ќе ви падне некоја сјајна идеја, немојте да ја соопштите на останатите со претходно наведување на мааните и дупките во планот. На тој начин покажувате дека сте нервозни и дека всушност се срамите од вашите замисли!rn
5. „Не сум сигурен/на како се работи ова“
rnСте слушнале за Гугл? Пред да го прашате вашиот шеф или колега, обидете се самите да го одговорот за вашите недоумици. Не само што е побрзо, туку и ќе направи да изгледате попаметно и посилно.