Неколку совети за правилно нанесување на мат кармин

Мат кармините се впечатливи, но не премногу и му овозможуваат на цел изглед елегантна нота додека истовремено и не изгледаат премногу формално. Тие се идеални за вечерни излегувања, но и за секојдневно носење и не постои дама која барем еднаш не пробала ваков кармин.rnrnrnrnЕдинствената маана на овој кармин е тоа што поголемиот дел од нив ги сушат усните и на крајот од денот можат да изгледаат лошо и неуредно. Сепак, и ова може да се реши во само неколку едноставни чекори. Кога знаете што треба да правите, нештата се многу поедноставни.rn

Пилинг на усните

rnСо цел да го спречите брзото сушење на усните, и истовремено да ја отстраните целата испукана кожа, потребно е да направите благ пилинг. Инвестирајте во производи обогатени со шеа путер и витамин Е, кои благотворно делуваат на кожата на усните. Ова е првиот чекор за долготрајност и нежен изглед на мат карминот.rn

Редовна хидратација

rnКожата на усните има три слоја (за споредба, остатокот од телото има околу 15), поради што не произведува природно масло, односно себум, чија задача е заштита и хидратација. Токму затоа и усните се посклони на УВ оштетувања и генерално повеќе се „трошат“ од самотокот од кожата. Токму затоа е и важно редовно да ги хидрирате со посебни маски и балсами за усни за тие да останат меки.rn

Квалитетен прајмер

rnПрајмерот е одлична подлога за нанесување на кој било кармин, сјај или моливче. Но, тој е особено добар за мат кармините затоа што помага при рамномерното нанесување и овозможува подолго траење.rn

Дефинирање на усните

rnКористењето на моливчето пред нанесувањето мат кармин ќе ви помогне да останете во линиите и совршено да ги обоите усните. Водете сметка и моливчето да биде мат за подобар ефект.rn

Нанесување на карминот

rnКога ќе ги подготвите усните во целост, тие ќе бидат спремни за последниот чекор – карминот. Немојте да нанесувате повеќе од еден слој бидејќи ризикувате во целост да ги исушите усните и да добиете изглед каков што сигурно не посакувате. Ако не успеете од прва убаво да го распределите карминот, направете го тоа со прстите или со четка наместо со втор слој.rnrnПрочитајте и што вели формата на врвот на вашиот омилен кармин за вас.