Понекогаш помислувате дека треба сè да правите сами? Да наоѓате соодветна шминка, фризура, да купувате производи за убавина и нега… но, некогаш немате ни време ни нерви за ова.rnrnМодерната технологија секојдневно ни го олеснува животот. Истото важи и кога станува збор за нашата надворешна убавина. Овие неколку апликации им помагаат на жените ширум светот да го негуваат својот изглед и да блескаат секој ден.rnrn
SEPHORA + PANTONE COLOR IQ
rn
Наоѓањето соодветна нијанса на пудра за вашето лице не е баш едноставна работа. Толку многу нијанси и можности, а со погрешен избор ви следува пудра која не е соодветна за вашето лице, ни според текстурата, ни според типот на кожата, а ниту пак според тенот. Секоја кожа е посебна и треба да се негува на соодветен начин. Sephora + Pantone Color IQ ви помага да ја решите дилемата. Засега апликацијата е достапна само во продавниците на Сефора.rnrn
INSTYLE HAIRSTYLE TRY – ON
rn
Секојдневно следиме примери од црвениот тепих и некогаш навистина би сакале да украдеме некој изглед од познатите. Апликацијата InStyle Hairstyle try-On ви помага да откриете како фризурата која ви се допаѓа би одговарала на вашето лице. Има стотици фризури кои може да ги пробате, а самата апликација става акцент на најновите трендови.rnrn
UV SAFE TIMER
rn
Апликацијата UV Safe Timer e одлична помош при сончање, особено за оние кои имаат чувствителна кожа. Според тоа какво заштитно средство користите, тајмерот ќе ве извести кога е време да нанесете повторно, за да не добиете изгореници. Алармирањето е базирано на типот на вашата кожа и на УВ индексот на местото каде се наоѓате.rnrnrn
LANCÔME MAKEUP
rn
Оваа апликација ви помага да испробате различни мејкап изгледи, а дополнителна погодност е тоа што можете да мешате и комбинирате бои. Со Lancome Makeup можете лесно да откриете кога имате доволно шминка, а кога премногу.rnrn
HAIRCASTER
rn
Иако сè уште не е достапна за сите, девојките кои навистина внимаваат на секој детаљ поврзан со нивната коса и фризура со нетрпение ја очекуваат оваа апликација. Од Haircaster наутро добивате информации за тоа какво време се очекува во текот на денот, колкава ќе биде влажноста на воздухот, силата на ветрот и очекуваната температура, и како сето тоа може да влијае на вашата коса. Со други зборови, ви кажува што да направите со вашата фризура според временските услови кои се очекуваат во текот на денот.rnrn
SEPHORA TO GO
rn
Сè ви е дадено како на чинија. Sephora to Go ги истакнува најновите трендови, мејкап изгледи и козметички производи. Најновата верзија дури ви нуди и огледалце за да се гледате себеси како ја нанесувате шминката, и да се споредите со видеото прикажано како туторијал.rnrn
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.