Во моментите кога ви треба енергија, може да биде сосема нормално да посегнете по филџан кафе во текот на денот. Сепак, ефектите на кафето се краткотрајни и затоа нутриционистите препорачуваат да консумирате почесто одредени намирници. Но, кои видови храна можат да ви дадат енергија која ќе трае во текот на целиот ден?rnrn
rnrnРафинираните јаглехидрати (додаден шеќер и бел леб) брзо го зголемуваат нивото на гликоза во крвта и всушност побрзо доведуваат до замор, но на сложените јаглехидрати (овошје, зеленчук, цели зрна) им треба многу подолго време за варење бидејќи постепено го зголемуваат нивото на гликоза во крвта и му даваат на вашето тело повеќе одржлива енергија. Заедно со јаглехидратите, здравите масти како омега-3 масните киселини обезбедуваат одржлива енергија, а храната богата со протеини може да го одржи нивото на енергија со тоа што ќе го спречи гладот и ќе ве одржува сити подолго време. Во продолжение прочитајте кои намирници треба да ги консумирате почесто доколку сакате да имате енергија во текот на целиот ден.rn
Грчки јогурт
rnГрчкиот јогурт може да биде одлична закуска која ќе ви даде енергија во текот на денот бидејќи содржи протеини кои ќе ве одржуваат со часови. Можете исто така да додадете бобинки богати со влакна и бадеми кои содржат здрави масти.rn
Туна и лосос
rnМасните риби како лососот и туната можат да обезбедат одржлива енергија во текот на денот поради високите нивоа на омега-3 масни киселини. Овие здрави масти помагаат во регулирањето на нивото на инсулин и го намалуваат воспалението во телото, што може да помогне во одржувањето на нивото на енергија и да го подобри целокупното физичко и ментално здравје.rn
Киноа
rnДруга храна богата со јаглехидрати која може да ви даде здрава, постојана енергија е киноата – нешто што можете да го вклучите во секој оброк во текот на денот. Киноата е сложен јаглехидрат со висока содржина на влакна и протеини кои обезбедуваат континуирано ослободување на енергија во текот на денот. Содржи важни хранливи материи како што се железо, магнезиум и витамини од групата Б кои помагаат во одржување на нивото на енергија.rn
Јаткасти плодови
rnКога сте гладни и ви треба енергија, можете да консумирате ореви бидејќи тие овозможуваат бавно ослободување на енергијата во текот на денот. Јаткастите плодови содржат протеини, здрави масти и влакна – совршена мешавина за да се чувствувате сити и да ги спречите флуктуациите на гликозата во крвта. Покрај тоа, оревите содржат и омега-3 масни киселини кои се корисни за срцето.rn
Бобинки
rnОвие плодови се еден од најдобрите избори за енергија бидејќи содржат витамин Б и калиум.rnrnОткако прочитавте кои намирници можат да ве снабдат со доволно енергија во текот на денот, можеби ќе сакате да прочитате и кои намирници треба да ги избегнувате кога сте под стрес.rnrnИзвор: ljepotaizdravlje.hr