Одраз на женственост, опуштен стил, мода или елеганција… со фризура со пунџа може да постигнете каков било ефект. Совршени речиси за секаква должина на вашата коса и за секаква пригода, се чини дека пунџите не излегуваат од мода. Еве некои интересни идеи за фризури кои би можеле да ги примените.rnrnrn
Инстантен гламур
rnОваа фризура е лесен и едноставен начин да изгледате свечено и гламурозно, без да трошите многу пари и време по фризерски салони. Извиткајте ја косата во локни, потоа врзете ја позади едното уво и извртете ги краевите околу со цел да формирате пунџа. Зацврстете ја фризурата со лак и додадете украс за коса ако сакате повеќе женственост.rn
rnrn
Ниска пунџа без многу напор
rnНеуредна, склона кон флерт и многу секси, така би ја опишале оваа фризура. Врзете ја косата во ниско коњско опавче, но оставете да биде несовршена. Истапирајте ја со цел да создадете неуреден изглед, и извртувајте големи прамени коса прицврстувајќи ги со шноли, но оставете ги во долниот дел, не ја кревајте пунџата високо.
rnrn
Пунџа со чорап
rnПогледнете како актерката Рис Витерспун го изведе овој едноставен и софистициран изглед. Ваквата фризура е одличен начин за додавање волумен на тенката коса. Измијте ја и исушете ја косата, потоа врзете ја во високо коњско опавче. Откако ќе ги исечете врвовите на еден чорап, извртете го во форма на крофна. Врвот на коњското опавче вметнете го низ средината на чорапот, и вртете го надолу распоредувајќи ја косата еднакво на сите страни.
rn
Пунџа настрана
rn
За да креирате ваков изглед, искористете производ кој ù дава волумен на косата, врзете ја во ниско опавче на една страна и извртете ги краевите.
rnrn
Лесно и гламурозно
rnНаведнете се со главата надолу и исчеткајте ја косата, па врзете ја во опавче, но не ја врзувајте многу цврсто. Извртете ја косата и прицврстете ги краевите. Оставете неколку прамени да паднат надолу.
rn
Впечатлива пунџа
rnМоже да се вклопи и во формална и во неформална пригода. Внимателно исчеткајте ја косата од сите страни и врзете ја во опавче на врвот на главата. Додека ја врзувате косата, може да додадете серум за да остане мазна. Извртете ја косата и прицврстете ја со шнола.rn
rn
Ексцентрична фризура
rn
Совршено за девојките кои сакаат да се издвојат од толпата. За да го постигнете овој изглед, прицврстете ја косата во мазно коњско опавче на врвот на главата и направете малечка плетенка во која било форма.
rnrn
Пунџа со плетенки
rn
Оваа фризура е слатка и романтична. Направете една плетенка на левата страна, а друга на десната страна на главата, потоа краевите на плетенките врзете ги во јазол и прицврстете ги со шноли или проѕирно ластиче.
rnrn
Висока пунџа
rnПред сè, мора да ја испеглате косата доколку ви е виткана, потоа врзете ја во коњско опавче на врвот на главата, употребувајќи серум за сјај на косата, со што ќе ја направите совршено мазна. Извртете ги краевите на пунџата, така што ќе добие изглед како на крофничка. Внимателно прицврстете ја и уживајте во прекрасниот изглед.rn
rnrn
Пунџа за кратка коса
rn
Истапирајте ја косата за да создадете волумен. Затегнете ја косата во ниско коњско опавче и прицврстете ги краевите.
rnrn
Многу волумен
rn
Елегантен, драматичен и секси изглед. Најпрво, врзете ја косата ниско во коњско опавче. Потоа исфенирајте ја врзаната коса за да ù дадете многу волумен. Краевите превртете ги врз дебел ластик за коса и прицврстете ги во коренот на пунџата со многу шнолички. Може да додадете некаков украс за коса, за да го „зачините“ изгледот.
rnrn
Неуредна пунџа
rnНеуредна пунџа поставена на врвот на главата е навистина шик. Брановидно извиткајте ја косата, потоа извртете ја во форма на пунџа, високо на главата. Оставете неколку прамени да висат лабаво и внимателно испрскајте ја косата со спреј.
rnrnrn
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.