Фактот дека никогаш не сме престари за добра бајка го потврдува и моментот кога излезе првиот трејлер за филмот Убавицата и ѕверот. Сите ние со нетрпение ја чекаме премиерата на филмот, за да се навратиме на незаборавните моменти во детството кога сме уживале во анимираната верзија на истата приказна. Имајќи го тоа на ум, зарем има подобар избор од Ема Вотсон за улогата на прекрасната убавица?rnrn
rnrnМладата актерка порасна пред камерите, и тоа токму со филм за магионичари, па слободно можеме да кажеме дека светот на магијата одлично ѝ прилега. Од друга страна пак, таа растела и покрај цел тим мејкап експерти и признава дека од нив научила многу трикови за одржување на убавината. Токму затоа и решила да ги сподели своите тајни за нега на кожата со останатите дами ширум светот.rn
1. Најважна е правилната нега на кожата
rnЕма многу внимание посветува на нејзината кожа и се труди никогаш, дури и оние денови кога работи од сабајле до вечер, да не ги прескокне своите секојдневни чекори за одржување на негата. Според неа, беспрекорната кожа е најдобра подлога за шминка.rn
2. Ништо не се прави без заштита од сонце
rnОваа точка за младата актерка е од исклучителна важност. Поради својот светол тен и нежна кожа, таа никогаш не излегува од дома без заштитен фактор 15, што го препорачува на сите дами.rn
3. Добриот избор на руменило е од големо значење
rnИ покрај тоа што таа се труди да го избегне руменилото, бидејќи има чувствителна кожа, сепак кога решава да го нанесе се определува за розова нијанса. На тој начин кожата секогаш ѝ изгледа природно и здраво.rn
4. Карминот ја содржи целата моќ
rnОд различните шминкери таа научила дека карминот за усни е тајното оружје што го исполнува изгледот на една жена. Таа најчесто носи нежни нијанси за дневните настани, а потемни верзии за вечерните.rn
5. Забава со боите
rnЕма од сè срце им препорачува на младите дами да експериментираат со боите. Таа сака светли нијанси, весели бои и најважно ѝ е да ја одбере истата онаа боја што ја носи на усните и за ноктите.rnrnВо продолжение прочитајте и за 10-те мудри животни лекции од Ема Вотсон!