Кога ќе забележите некој да стои со вкрстени раце, немојте веднаш да донесувате заклучок дека се обидува да се дистанцира од вас. Постојат 9 причини зошто луѓето несвесно го прават ова. На пример, може да станува збор и за создавање чувство на пријатност, воздржаност од лутење, криење на неудобноста…
rn
1. Удобност и утеха
rnЛуѓето почесто заземаат поза со вкрстени раце во јавноста отколку кога се сами. На тој начин, понекогаш, како да се обидуваат да се прегрнат самите себеси и така да се утешат.rn
2. Го намалуваат стресот
rnКога се под стрес, луѓето ги вкрстуваат рацете за да се масираат, а тоа го прават несвесно. Ова смирува, а има и малку поинтензивна ефикасност од стискањето на дланките.rn
3. Ја сокриваат несигурноста
rnКога на жените им е непријатно заради машките погледи, често ги вкрстуваат рацете на градите, бидејќи така скоро инстантно почнуваат да се чувствуваат помалку изложено. Вака се однесуваат и мажите кога се чувствуваат неудобно и несигурно во присуство на друг маж.
rn
4. Нервоза и страв
rnВкрстените раце на луѓето им помагаат да совладаат одредени психолошки напнатости, како што се нервозата и стравот. Во овој случај, луѓето често го допираат вратот, а тоа е чист знак дека некој е напнат, нервозен, несигурен…rn
5. Воздржаност или фрустрација
rnЛуѓето ги вкрстуваат рацете кога се вознемирени, најчесто за да се воздржат или да се смират. Кај децата ваквото однесување е доста често, на пример, кога ќе се налутат или кога не сакаат да направат нешто, ќе ги вкрстат цврсто рацете, понекогаш во комбинација со стиснати дланки. Слично се однесуваат и на возрасните во слични ситуации.rn
6. Копирање на туѓото однесување
rnЛуѓето може несвесно да се копираат едни со други, на пример, да ги копираат позите во кои стојат. На пример, двајца мажи стојат со вкрстени раце и нозе, двајцата со едното рамо потпрени на ѕидот. Многумина, кога би ги виделе од страна, би помислиле дека има некаков конфликт помеѓу нив, но не е така. Тие се копираат еден со друг, а положбата открива дека помеѓу нив сѐ е во ред. Рацете им се вкрстени, бидејќи така се чувствуваат попријатно додека разговараат.
rn
7. Се чувствуваат помоќно
rnМажите често ги вкрстуваат рацете и максимално се исправуваат за да изгледаат покрупно и помоќно со цел да ја предупредат конкуренцијата или невербално да порачаат некому да не се впушта во конфликт со нив. На пример, сигурно сте забележале дека обезбедувањето во ноќните клубови честопати заземаат ваква положба. И жените го прават ова, но не толку често.rn
8. Сакаат да се изолираат
rnЛуѓето ги вкрстуваат рацете кога ќе наидат на некој што не им се допаѓа, бидејќи на тој начин создаваат еден вид бариера. За жал, пораката која невербално се испраќа на овој начин, многумина не ја сфаќаат, па и понатаму упорно се обидуваат да комуницираат со нив.rn
9. Студено е
rnДа, кога на луѓето им е студено, тие автоматски ќе ги вкрстат рацете за да се згреат. Ова однесување не крие никакви задни намери.
Говорот на телото е моќен алат кој скоро секојдневно го користиме, а заради овие пораки на телото другите луѓе се чувствуваат лошо во вашето присуство.