Апел за помош: На Петар му се потребни средства за операција и терапија во Истанбул

На Петар од Охрид му е потребна помош за да продолжи со лекувањето и да ја добие неопходната медицинска грижа во Истанбул.

Реклама

Неговата мајка, Гордана Попоска, преку емотивна објава упати апел до хуманите луѓе од Македонија и од странство да помогнат во собирањето средства за операција, како и за физикална и роботска терапија по зафатот.

Петар изминатите години се соочува со сериозни здравствени предизвици како последица на ретката болест Tyrosine Hydroxylase Deficiency, која, според неговото семејство, била откриена многу доцна. Поради слабата циркулација во левата нога, силните болки кои не се смируваат со аналгетици и деформитет на стапалото, лекарите препорачале итна операција.

Според апелот на неговата мајка, за операцијата и терапиите кои треба да следуваат по неа потребни се околу 40.000 евра. Зафатот треба да се изведе во Истанбул, бидејќи, како што наведува семејството, поради специфичноста на неговата здравствена состојба третманот не може да се реализира во земјава.

„Секој изминат ден за него претставува тешкотија, а операцијата ќе му донесе големо олеснување и напредок во здравствената состојба“, пишува неговата мајка во апелот.

Гордана, која е самохрана мајка, вели дека по години поминати по болници не е во можност сама да ги обезбеди потребните средства. Таа им се заблагодарува на сите хумани луѓе кои досега биле поддршка за Петар и замолува, доколку се во можност, повторно да помогнат со донација или со споделување на апелот.

Донации може да се уплатат на:

Трансакциска сметка: 270-7000821760.21
Име: Gordana Poposka
Банка: HALKBANK
IBAN: MK07270700082176215
SWIFT: EXPCMK22

Линкови за донација:
pavelandreev.org/mk/campaign/pomosh-za-petar
gofund.me/7cd3cbca9

Телефони за донација:
Т-Мобиле: 143-161
А1: 143-479

Секој придонес, без разлика на износот, може да биде од големо значење за Петар и неговото семејство.

<iframe src=”https://www.facebook.com/plugins/post.php?href=https%3A%2F%2Fwww.facebook.com%2Fgordana.poposka.52%2Fposts%2Fpfbid0qRgeqZAAVmVWjDq1pGivvnx8ufwzTRWsQASQ7kTxmQeR5AJ16NXqKcGCHfGf3fijl&show_text=true&width=500″ width=”500″ height=”742″ style=”border:none;overflow:hidden” scrolling=”no” frameborder=”0″ allowfullscreen=”true” allow=”autoplay; clipboard-write; encrypted-media; picture-in-picture; web-share”></iframe>