Омиленото нешто на многумина во летниот период, сладоледот, се приготвува на илјадници начини и вкусови, а е обожаван на сите континенти. Познатиот магазин „National Geographic“ составил листа од места, каде што можете да го пробате најдобриот сладолед во светот.rn
„Perchè No!“ – Фиренца, Италија
rnУште од 1939 година, слаткарницата „Perchè No!“ (Зошто да не!) секојдневно произведува и продава сладоледи со интензивен вкус. Овде имате голем избор на сладоледи, а помеѓу омилените и најбараните се комбинациите од мед и сусам, како и онаа од зелен чај, кафе и парчиња чоколадо. Исто така тука има голем број вкусни овошни сорбета и гранити. Слаткарницата се наоѓа на улицата „Via dei Tavolini“, на само две минути од познатата катедрала во Фиренца.rnrn
rn
„Vaffelbageriet“ – Копенхаген, Данска
rnЗабавниот парк „Tivoli“ е седиштето на најпознатиот дански „аутлет“, кој има стогодишна традиција. Специјалитет на куќата е сладоледот послужен во корнет од вафла познат како Американер, во кој можат да се стават четири топки сладолед. Потоа, врз нив се ставаат преливи, шлаг и голем број други додатоци. Паркот се наоѓа во центарот на Копенхаген и е отворен од средината на април до крајот на септември. Во овој забавен парк има дури 40 ресторани.rnrn
rn
Хотел „A’jia“ – Истанбул, Турција
rnНема ништо поромантично од прошетка покрај крајбрежјето на Босфор, особено доколку седнете на сладолед на терасата на хотелот „A’jia“, сместен во вила која датира од 19 век. Тие служат фантастичен пржен сладолед од ванила, сорбето од маракуја и традиционален сладолед од козјо млеко.rnrn
rn
„Ice Cream City“ – Токио, Јапонија
rnНа ова место можете да пробате повеќе од 300 вкусови на сладолед. Тука дефинитивно ќе имате можност да ги пробате најчудните вкусови, како сладолед со вкус на пилешко во соја, корен од Орхидеја, морска сол или од јагула.rnrn
rn
„Capogiro Gelato“ – Филаделфија, САД
rnТука сладоледите имаат единствен вкус, најмногу поради тоа што се користат најсвежи состојки, како свежо млеко од фармите на Амишите. Помеѓу најпознатите вкусови се мадагаскарска бурбон ванила, melograno (калинка), Nocciola Piemonte (лешник), сајгонски цимет, тајландско кокосово млеко со малку рум и Zucca (тиква).rnrn
rn
„Bombay Ice Creamery“ – Сан Франциско, САД
rnНекои од најдобрите индиски сладоледи на светот можат да се најдат во САД, поточно во шпанскиот кварт во Сан Франциско. Во понудата можат да се најдат вкусови како кардамом, шафран, ружа, ѓумбир, кои многу ретко можат да се најдат надвор од Индија.rnrn
rn
„Devon House“, Кингстон, Јамајка
rnСлаткарницата „Devon House“ е изградена доцна во 19 век, како дом на првиот црн јамајкански милионер и претставува ремек-дело на карипската викторијанска архитектура. Воедно, денеска ова е место на најпознатиот сладолед на островот. Помеѓу триесетината вкусови можат да се пронајдат традиционални, како вишна и ф’стак, егзотични, како манго, кокос, но и сладолед со вкус на пиво, познат како „Devon Stout“.rnrn
rn
„Helados Scannapieco“ – Буенос Аирес, Аргентина
rnВо оваа мала слаткарница, начинот на работење се нема променето уште од 1938 година, кога италијанските доселеници Андрес и Џозефина Сканпјеко првпат ја отвориле. Членовите на семејството сè уште го произведуваат сладоледот на истиот начин како пред 60 години. Слаткарницата се наоѓа во квартот Палермо, а нуди повеќе од 50 вкусови, од чоколадо и ванила, до праска, цимет, лимон, шампањ и „caipirinhe“ (бразилски коктел направен од какао и зелен лимон).rnrn
rnrn rnrn
rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.