Пред повеќе од 40 години, започнала една неверојатна романса помеѓу уметник од Индија и жена од Шведска. Тие успеале да ги надминат сите препреки коишто им застанале на патот и до ден денес, се сè уште среќни заедно. Еве како започнала нивната уникатна љубовна приказна…rnrn
rnrnПрадјумна Кумар Маханандија бил роден во изолирано традиционално село во Индија, во 1949 година, во коешто владеат строги, тврдокорни правила и ендогамија – брак дозволен само помеѓу членовите на кастата. Кога се родил Кумар, неговиот астролог предвидел дека неговата судбина е да се ожени со музичарка од некоја далечна земја, којашто е Бик во хороскоп и поседува шума.rnrn
rn
„Јас силно верувам во претскажувања и знам дека на оваа планета, сè е однапред испланирано да се случи“, изјавил Кумар за National Geographic.
rnЧовекот многу добро се сеќава на денот, кога ова претскажување станало реалност. Неверојатната романтична приказна, започнала на 17 декември, 1975 година. Во тоа време, Кумар бил уличен артист. Некоја прекрасна жена со сини очи, по име Шарлот Вон Шедвин, му пристапила и го замолила да ѝ наслика портрет.rnrn
rn
„Кога таа се појави пред моите очи, се почувствував премногу лесно, како да не тежам ни грам. Не постојат зборови со коишто може да се опише тоа чувство. Нејзините очи беа толку крупни, тркалезни и блескаво сини и ми делуваше како да не гледа во мене, туку низ мене, како апарат за рендген“, вели тој.
rn
Младиот човек, бил премногу возбуден и не можел во тој момент добро да ја наслика жената од неговите соништа, па ја замолил Шарлот, да дојде повторно некој друг ден. Таа доаѓала уште три пати, па Кумар ѝ насликал три портрети.rn
„Кога ме посети по втор пат, почувствував дека таа е вистинската жена за мене!“, објаснува Кумар
rn
Произлегло дека мистериозната странкиња била родена во знакот Бик, поседува шума и свири на флејта, исто како што предвидел астрологот на денот на раѓањето на Кумар. Кога го дознал сето тоа, Кумар ѝ рекол:rn
„Ти ќе бидеш моја сопруга. Судбината реши да нè спои!“
rn
Шарлот, којашто имала само 19 години во тоа време, не се исплашила од ова неочекувано признание и решила да му даде шанса на младото момче. Парот поминал 2-3 седмици заедно, а потоа Шарлот морала да се врати во Шведска.rnrn
rnrnНивната љубовна приказна можела да заврши таму, но младиот и упорен Кумар не дозволил тоа да се случи. После година и пол од нивната разделба, младиот уметник решил да продаде сè што има, за да може да купи велосипед. Со многу малку пари и со помошта од неколку љубезни луѓе коишто ги сретнал по патот, Кумар успеал да извози неверојатни 9650 км со велосипедот, сè додека не пристигнал во Шведска, за да биде со жената на неговиот живот.rnrn
rn
„Најголемата препрека ми беа моите сопствени мисли и сомнежи“, вели Кумар
rnПриказната на овие неверојатни љубовници, била крунисана и со брак, во кој се заедно повеќе од 40 години. Парот има израснато и две деца и нивната љубов е подеднакво силна, каква што била отсекогаш.rnrn
rnrnМоже да ве интересираат и овие 11 вистински приказни кои ќе ве натераат повторно да верувате во љубовта