Дали сте знаеле дека во Прага, Чешка постои ѕид посветен на големиот Џон Ленон? Овој некогаш обичен ѕид, во 80-тите години од минатиот век почнал да се преплавува со графити, пораки и стихови од песни на Битлси, па оттогаш претставува свето место за неговите фанови.rnrn
rnrnВо 1988 година ѕидот претставувал место за искажување револт против режимот на Густав Хусак. Ова искажување на незадоволството подоцна довело до судир помеѓу стотици студенти и полицијата на „Карловиот мост“. Подоцна ова движење на младите студенти, од страна на властите иронично било наречено „Ленонизам“, претставувајќи ги овие млади луѓе како алкохоличари, ментално заостанати, социопати и агенти на западниот капитализам.rnrn
rnrnСкоро сите посетители на ова место оставаат своја порака на ѕидот. Сепак, 90% од пораките не се поврзани само со Ленон, туку со Битлси воопшто. Тажно е само тоа што ѕидот постојано се обновува и старите пораки веќе не се видливи. Сепак, луѓето секогаш смислуваат нешто креативно кое останува да инспирира, а многумина се навраќаат за да се потсетат и да ги видат новите работи.rnrn
rnrn rnrn
rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.