Интровертите не се баш популарни личности и честопати се стигматизирани. Нашата култура пропишува дека, барем површно, човек треба постојано да биде комуникативен, отворен и секогаш спремен да ги искаже своите чувства и ставови, па затоа околината често ги доживува интровертите како луѓе кои не сакаат да се социјализираат и кои не ги сакаат луѓето околу себе. Тоа воопшто не е точно. Тие само се повеќе свртени кон својот внатрешен свет, но истовремено се топли личности кои се заинтересирани за другите. Ако ги поседувате следните девет карактеристики тогаш и вие спаѓате во таа група, но тоа воопшто не треба да ве загрижува.
rn
Уживате и сами да го поминувате времето
rnУбаво ви е кога слободното време ќе го поминете во читање книги, играње видеоигри или само слушање музика. Сакате да поминете некое време сами, оддалечени од другите и тоа е важно за вашиот мир.
Најдобро размислувате кога сте сами
rnАко треба да го искористите сиот ваш интелектуален капацитет за да дојдете до решение на одреден проблем, вам ви е потребно тоа да го сторите сами. Можете без проблем да работите со други луѓе, но подобри сте кога сами се посветувате на задачата.
Можете да бидете одличен лидер на група од мотивирани луѓе
rnНаспроти раширениот лош углед на лидери кои им го доделува стигмата, интровертите можат да бидат извонредни лидери кога групата која ја водат е веќе мотивирана. Кога, пак, треба на своите подредени да им дадат причина да работат понапорно, тогаш може да потфрлат.
rn
Вие сте последниот од групата кој ќе истапи
rnЕкстровертните луѓе се повеќе склони да истапат кога некој бара нешто од одредена група. На пример, во училиште има деца кои веднаш доброволно се пријавуваат да сторат нешто што ќе побара наставникот, а има други кои се задоволни со тоа да си седат мирно и им ја препуштаат на другите можноста да бидат во центарот на вниманието. Вторите се обично интроверти.
Луѓето ве прашуваат за мислење
rnЗатоа што вашето мислење најчесто го чувате за себе и затоа што веројатно другите го ценат вашето мислење, тие често ќе ве прашуваат за тоа.
Носите слушалки на јавни места
rnПорано интровертите имале потреба да го насочат погледот кон земјата со цел да го избегнат контактот со другите. Денес можете да ставите слушалки додека сте во автобус или на улица и да ги искористите како штит во моментите кога не ви е потребна комуникација со никого.
rn
Избегнувате гневни и вознемирени луѓе
rnПсихолошките истражувања покажуваат дека интровертните личности ги избегнуваат вознемирените луѓе кои покажуваат негативни емоции. Психолозите веруваат дека тоа се случува поради тоа што се плашите од евентуалното негативно мислење кое другите може да го имаат за вас. Ако мислите дека некој е лут и тоа има некаква врска со вас, директното гледање во очи од таа личност за вас претставува закана, и затоа сакате да го избегнете.
Другите почесто иницираат комуникација со вас отколку вие со нив
rnИнтровертите обично не се оние кои започнуваат комуникација, било тоа да е во живо, преку СМС или мејл. Тие најчесто се оние кои возвраќаат на пораките.
Не разговарате со продавачи и сл.
rnЕкстровертите секогаш имаат за што да позборуваат со продавачите, со таксистите и со други луѓе со кои имаат само привремен и површен контакт. Вие, доколку сте интровертна личност, не можете да се замислите во таква улога.rnrn
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.