КАФЕ ПАУЗА

Tag: женкар

Знаци дека „финиот“ дечко со кого се гледате најверојатно ќе ви го скрши срцето

Некои мажи мислат дека сѐ им е дозволено во љубовните врски. Тие се толку големи професионалци што многу тешко ќе можете да ги препознаете. Овие момци се познати и под името „женкари“. Па, каква е нивната тактика? Тие ќе ви ги симнат ѕвездите, ќе ве натераат да „паднете“ на нивниот шарм, ќе ве убедат дека тие се вашите принцови на бел коњ и потоа ќе ве напуштат како никогаш ништо да не постоело помеѓу вас. Најверојатно се прашувате како би можеле да препознаете ваков човек. Не грижете се! Следниве неколку знаци ги издаваат „фините“ момци кои сакаат само да ви го скршат срцето…rnrnrn

Не објавува лични работи на социјалните мрежи

rnТој никогаш не сака да објави фотографија од вас двајца на социјалните мрежи. Ви вели дека сака да си ја задржи приватноста, но немојте да му верувате на овој изговор. Тој само игра на сигурно. Не сака неговите други симпатии да дознаат дека се гледа со некого.rn

Секогаш е зафатен

rnСите имаме обврски, но ако навистина сакаме да бидеме со некого, дефинитивно ќе најдеме време за саканите. „Зафатеноста“ не е изговор. Тој се гледа со вас само тогаш кога сака, но не и тогаш кога вие сакате.rn

Многу е шармантен и секогаш е среден

rnТој е вистинската верзија на принцот од бајките. Многу внимава на својот изглед и секогаш се грижи за себе. Нему му треба тоа за да ги привлекува жените, а вашето вљубување не му значи апсолутно ништо.rn

Знае добро да се изразува

rnТој е одличен говорник. Можете да го слушате со часови. Ова е вештина што му треба за да може да манипулира со девојките и да ги убеди дека вреди да се вљубат во него и да му веруваат.rn

Никогаш не наоѓа време за да ви се јави

rnТелефонските повици се знак дека партнерите навистина сакаат да бидат заедно. Кога зборувате со некого на телефон, можете да му го чуете гласот и да ја почувствувате емоцијата. Праќањето пораки е многу безгрижен начин на неформална комуникација. Ако не ви се јавува, време е да размислите дали вашата врска може да опстане.rn

Не ве запознал со неговите пријатели

rnНикогаш не ве претставил на неговото семејство и пријатели. Дури и тогаш кога самите ќе изразите желба да ги видите, тој ја менува темата. Тоа е знак дека нема сериозни намери и не сака неговите најблиски да знаат за вас.rnrnrn

Не е подготвен за ништо повеќе од пријателство

rnСака да останете добри пријатели, но ништо повеќе од тоа. Што и да ви каже, најдобро би било да не му верувате, бидејќи постои голема веројатност дека тој ќе се обиде да ве искористи. Фактот што не е подготвен за врска значи дека не сака да се врзува и посакува да живее без обврски.rn

Постојано зборува за секс

rnМожеби ви се допаѓаат ваквите разговори, бидејќи ве привлекува и сакате да бидете интимни со него, но ова е голем знак на предупредување. Ако вашиот дечко постојано зборува за секс, тоа значи дека тој сака само секс и ништо друго.rn

Секогаш вели дека е сингл

rnТој ви вели дека не сака да го открива неговиот приватен живот, но ако на сите им кажува дека е сингл, тоа значи дека сака да си има и други опции. На тој начин, тој им дава простор на другите жени да му се додворуваат и да флертуваат со него.rn

Има многу пријателки

rnЖивееме во современо општество и не е грев да се има пријатели од спротивниот пол. Но, ако тој има премногу пријателки и секогаш разговара со нив на социјалните мрежи, тогаш треба да бидете внимателни. Преголемиот број на пријателки и постојаното стекнување нови е знак дека тој сака да ги истражува неговите можности за да си ги исполни потребите.rn

Го бие глас на женкар

rnПонекогаш гласините се вистинити. Ако тој е познат како женкар, треба да бидете внимателно. Доколку луѓето кажуваат многу лоши работи за него, тогаш сигурно нешто не е во ред со него.rnrnНемојте да „паѓате“ на неговиот шарм! Размислувајте со главата!rnrnВо продолжение прочитајте кои се седумте карактери на мажи од кои треба да бегате.

December 27, 2017
Вистинската причина зошто мажите успеваат да ги изиграат жените со кои започнале врска

Девојките кои биле изиграни од страна на некој маж не се глупави и неискусни. Интелигентните жени исто така постојано остануваат повредени, но не затоа што дечкото бил премногу паметен и вешт, туку затоа што неговата измислена приказна делувала вистинито.rnrnrnrnСтанува збор за женкари кои не се воопшто наивни. Тие набљудуваат и чекаат, дознаваат што бара жената во љубовта и ѝ го даваат тоа. Тие не исполнуваат некоја нејзина површна потреба, туку суштинска како што е онаа за внимание, безбедност, љубов, слобода, романтика, квалитетен сексуален живот и слично.rnrnОткако нејзините потреби ќе бидат исполнети, девојката почнува да ги игнорира сите знаци на предупредување што го издаваат неговото вистинско лице. Дечкото воопшто не ги исполнува основните желби и потреби на девојката, но тоа не е важно затоа што нејзината суштинска потреба е остварена – потребата од внимание и романтика.rnrnОва е многу опасно за женската самодоверба, бидејќи таа ќе почне да се прашува зошто тој ѝ го дава она основното, но не и останатото што е потребно за да функционира една љубовна врска. По некое време, таа ќе почне да мисли дека не го заслужува неговото внимание во целост. Тоа ќе ја натера да се труди сѐ повеќе и повеќе и ќе го извлекува најлошото од неа, сѐ додека тој не си замине.rnrnПотоа таа ќе почне да се прашува каде згрешила и со што го заслужила неговото лошо однесување. Нејзината самодоверба е скршена и ѝ треба нешто што ќе направи да се чувствува добро во врска со себе. А тоа обично е уште еден погрешен дечко кој ќе ја исполни нејзината суштинска потреба за на крај повторно да помине низ истиот циклус.rnrnДоколку постојано ви се случува ова, треба да сфатите дека во секоја врска мора да постои баланс. Некои од вашите потреби ќе бидат исполнети, но некои од нив вашиот партнер нема да може да ги оствари поради тоа што нема да знае како или пак едноставно нема да сака да го направи тоа.rnrnЉубовната врска не треба да се заснова на вашите исполнети и неисполнети потреби, бидејќи честопати не постои доволна урамнотеженост помеѓу вашите желби и оние на партнерот.rnrnДоколку забележите дека треба премногу да се трудите за да ја одржите врската, а не добивате никаква повратна реакција, најдобро е да прекинете со време и да ја побарате љубовта на друго место. Најдете некој кој ќе знае да ве цени и да ги почитува вашите вредности.rnrnАко во последно време дечкото со кого се гледате ви праќа измешани сигнали, прочитајте зошто неговата неодлучност е одлуката која треба да ја чуете.

February 22, 2017
Како да ја препознаете разликата меѓу дечкото кој е вечно сингл и женкарот?

Веќе некое време се гледате со дечко кој неколку години немал врска подолга од еден месец. Сигурно се прашувате дали бил толку повреден од претходната врска што сега повнимателно ги одбира партнерките или пак, се работи за заводник кој цело време ги менува девојките. Премногу е рано за да започнете разговор за вашите бивши партнери, па затоа не знаете што да мислите и како да се однесувате. Пред да донесете избрзани заклучоци, прочитајте ги овие 9 разлики меѓу дечкото кој е вечно сингл и женкарот…rnrnrnrn1. Дечкото кој е вечно сингл излегува со повеќе девојки додека не ја пронајде вистинската. Заводникот излегува со различни девојки за да си додаде цртки над креветот.rnrn2. Дечкото кој е вечно сингл јасно ќе ви даде до знаење ако не е подготвен за врска. Женкарот ќе ве наведе да си помислите дека ќе започнете врска и потоа ќе го снема без трага и глас.rnrn3. Дечкото кој е вечно сингл можеби бил повреден во минатото, па затоа се плаши да се отвори. Женкарот има скршено многу срца и никогаш нема да ви се отвори.rnrn4. Дечкото кој е вечно сингл сака да биде финансиски стабилен пред да основа семејство. Женкарот троши пари без мерка.rnrn5. Дечкото кој е вечно сингл ќе се потруди да ве запознае. Женкарот воопшто нема да се обиде да дознае нешто повеќе за вас.rnrnrnrn6. Дечкото кој е вечно сингл нема да ви дава лажна надеж. Со него секогаш ќе знаете на што сте. Женкарите се многу пресметливи и ќе ви ги кажуваат точно тие работи што сакате да ги чуете иако нема да ги мислат истите.rnrn7. Дечкото кој е вечно сингл знае со кого сака да го поминува времето. Женкарот не знае што сака, но секогаш оди кон тоа што ќе го привлече неговото внимание.rnrn8. Врската со дечкото кој е вечно сингл ќе ви биде точно дефинирана и реална. Во врската со женкарот постојано ќе се прашувате дали нештата се предобри за да бидат вистинити.rnrn9. Дечкото кој е вечно сингл е мотивиран и има цели во животот. Женкарот сака да си игра цело време и не се грижи за никој освен за себе.rnrnНикој не сака да остане сингл засекогаш, но сепак повеќето момци не сакаат да се „врзат“ премногу рано. Не заборавајте дека на дечкото кој е вечно сингл не му е приоритет да биде во врска моментално, но еден ден ќе одвои време за неговата понежна половина.rnrnДознајте и кои се седумте карактери на мажи од кои треба да бегате.

February 17, 2017
Категорија: Женкар
Вистина е дека не сме еднакви, се делиме на машки и женски пол и меѓу нив има разлика како од Северниот до Јужниот. И физички и психички, поинаку сме градени, поинаку се развиваме, поинаку размислуваме, имаме различни сфаќања за нештата… Да се разбере како функционира женскиот мозок не е лесна работа, ако пробувате да го сторите тоа – со среќа! Ама постои една група на мажи кои извежбале некои проверени финти, па така можат лесно да ќарат женски… е таквите милуваме да ги викаме ЖЕНКАРИ… ЖЕНКАРИШТА!Женкарите – вечито обвинувани и омразени од останатите припадници на погрубиот пол. Можеби дел им се восхитуваат зашто „мотаат“ женски, ама сите потајно ги мразат од проста причина што им ги ќаруваат женските лесно, додека тие остануваат со прстот во уста.rnrnКако да ги познаете? Момци кои се гледа дека се грижат за својот изглед. Владеат со просторот околу нив, зборуваат гласно и јасно, имаат шмекерски поглед, се движат така мажествено и заводливо. Преовладуваат во друштво, силни се, упатуваат заводнички погледи. Го имаат тој шмек кој ги издвојува од толпата.rnrnКако шармираат? Нема да ви пријдат пијани, ќе бидат трезни, дури и по малку скромни. Зошто трезни? Па имаат премногу самодоверба, така што, не им треба алкохол. Ќе ве шармираат со убави зборови, мажествен став, а можеби и со цвеќе.rnrnКако оперираат? Сте виделе кученце кое се врти околу месарница? Колку повеќе ги одбивате толку повеќе трчкаат по вас, како издресирани мајмунчиња. Колку сте вие поладни тие сè повеќе горат. Подготвени се да клекнат на коленици. Глупави се? Папучари се? Не драги мои, далеку од тоа, тие се упорни, вие сте им цел, а упорните луѓе кои имаат зацртана цел ќе направат сè што е потребно за да ја добијат.rnrnКако ве освојуваат? За да се дојде до машкото срце клуч е заводливоста, а за да се дојде до женското, најважни се убавите зборови. Тие имаат финти, ама добро извежбани. Секогаш имајте на ум дека не сте ни прва ни последна на која ù ги упатува тие зборови. Тие долго и очигледно ќе зјапаат во вас, подгризнувајќи ги устите за вам да ви се покачи самодовербата, да знаете дека сте посакувани… што да ви кажам, оперираат добро и проверено.rnrnНивните финти:rn
- Отвораат врата од кола.
- Ви даваат предност.
- Тие се „вистински“ џентлмени.
- Играат ладно-топло.
- Ќе ви купат цвеќе, или уште потрогателно, ќе наберат самите.
- Може да ви посветат, дури и да ви потпевнат по некоја убава песна.
- Вие сте нивното срце, злато, душа, ангел, убавица, малечко будалче…
- Ќе ве залажат со спомнување на иднината.
- Кажуваат „ние“ а не „јас“ (ама само мислете си дека навистина станува збор за вас, најчесто е тој со неговото его).
rnИ уште купишта финти, изрази, зборови, комплименти… и ситници. Таквите мажи знаат дека жените обрнуваат внимание на ситници, па ги кажуваат спонтано како да немаат значење, а всушност зад нив стои некаква намера.rnrnШто треба да запаметите?rn
- Да, нивниот однос ќе се промени откако ќе ве освојат.
- Не, не сте му ни прва ни последна.
- Да, тој сака само секс.
- Не, не смеете да фантазирате за иднина со него.
- Да, тој еден ден ќе реши да стапи во брак, но шансите да биде верен се минијатурни.
- Не, не сака сериозна врска.
- Да, истите финти ги има испоробано безброј пати со други девојки пред вас.
- Не, нема да ви биде верен.
- Да, ќе биде со вас додека да му здодеете.
- Не, не сака да се запознае со вашите родители.
rnЗаклучок? Во ред е да запознаете многу луѓе, животот ќе ве однесе на различни патишта и ќе сретнете различни карактери, меѓу кои и карактерот на еден женкар. Оставете го да се глупира, да се труди да ве освои, но никогаш не му се покорувајте, секогаш ставете му до знаење дека не верувате на што и да излезе од неговата уста. Може да одберете воопшто да не се плеткате со каков било човек од оваа врста, а може да одите до крај и да видите како функционира тој. Ништо страшно, едно животно искуство повеќе. Но што и да правите, секогаш бидете еден чекор пред него, не дозволувајте да се вљубите, оддалечете се додека имате време, тој со неговите финти ќе се појавува одвреме-навреме и лесно ќе паѓате под негово влијание колку и да сте ладни. Кога веќе сте одбрале да играте со оган, навреме и цврсто повлечете линија за крај.rnrnПа дами мои, спремни сте да им одолеете на ваквите заводници?rnrnДо следното читање,rnrnВашата Ели.rn
rn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
September 16, 2012
Луда, глупава, љубов (Crazy, Stupid, Love.)

Филм за тоа колку љубовта може да биде слатка, но понекогаш и горчлива и за справувањето со длабоките емоции кои притоа го облеваат човечкото срцеrnrnРежија: Глен Фикара и Џон РекваrnrnУлоги: Стив Карел, Рајан Гослинг, Џулиен Мур, Ема Стоун, Анали Типтон, Џона БобоrnrnВреметраење: 118 минутиrnrnЈазик: англискиrnrnПремиера: 29 јули 2011rnrnЖанр: романтична комедија, драмаrnrnНаша оценка: 8rnrnВаша оценка: [ratings]rnrn————————————————————————————————————————————————–rnМожеби на прв поглед ќе помислите дека „Луда, глупава љубов“ е уште една романтична комедија, со неколку заплети и расплет со среќен крај. Но, овој филм не само што на неколку пати добро ќе ве изнасмее, тој и ќе ве натера да размислите и да ги „разбудите“ вашите најдлабоки љубовни емоции. Интересно е тоа што филмот е многу модерен и ги прикажува видовите на љубовно однесување на современите луѓе (стабилни врски, секс за една вечер, среќни бракови кои завршуваат со развод, афера со колега од работа, дете вљубено во постара девојка…)rnrnСекој од нас си мисли дека вистинската љубов треба да е едноставна, да не боли, туку само да лекува, но да бидеме искрени, тоа е сепак невозможна реалност, нели?! Овој филм ја прикажува токму таа комплексност на љубовните врски, справувањето со љубовните разочарувања, но и задржувањето на љубовните успеси. Овој филм е по малку машки, бидејќи повеќе ја прикажува емотивната состојба на мажите кога тие се чувствуваат немоќни да ја спасат нивната љубовна врска со саканата, што го прави уште поинтересен, бидејќи сме навикнати да гледаме романтични комедии претставени од поженска перспектива. rnrnНајдоброто од сè, е што филмот не е толку лесно предвидлив, па уживањето во „рипањето“ од еден на друг фокус и на крајот совршено склопената целина, е големо.rn————————————————————————————————————————————————–rn

rn Кратка содржина: На четириесет и кусур години, правичниот Кал Вивер смета дека живее совршен живот. Има добра работа, убава куќа, одлични деца и е женет со неговата љубов од средно училиште. Но кога тој дознава од жена му дека таа го изневерила со заводливиот колега од работа и бара развод, неговиот „совршен“ живот станува пекол. Плус, тој не бил сингл две декади и не знае ни како да се однесува со други жени. Поминувајќи ја секоја вечер во локалниот бар, осамен, очаен и намуртен, го запознава неодоливиот триесет и нешто годишен Џејкоб, секси маж, кој ќе го учи како да брка женски и да ја врати мажественоста во себе. Со цел да му помогне на Кал да ја преболи жена му, Џејкоб му ги отвора очите кон многу можности: како да заведува згодни девојки, да пие „машки“ алкохолни пијалаци и да оформи сопствен имиџ. Кал и неговата жена Емили не се единствените кои ја бараат љубовта на погрешно место. Нивниот тринаесетгодишен син Роби е лудо заљубен во неговата седумнаесетгодишна бебиситерка Џесика, која пак е вљубена во татко му, Кал.Глума: На смееме да изоставиме да ја споменеме глумата на Рајан Гослинг, кој покажа дека умее совршено да се вклопи во улогата на ладнокрвен криминалец во „Drive“, да биде непоправлив романтичар во „The Notebook“ и да биде нескротлив и дрзок женкар во „Crazy, Stupid, Love,“ кој може да ја освои секоја девојка што ќе посака. Тој очигледно умее да ги одбере вистинските улоги за него. Веднаш зад него е Стив Карел кому одлично му прилега улогата на маж во години, кој е „изгубен во вселената“ откако жена му го остава за друг. Останатите актери во филмот, како Џулиен Мур, Ема Стоун, Анали Типтон и четиринаесетгодишниот Џона Бобо, одлично си ја донесуваат нивната улога, исто така.Кога и како да го гледате: Може да се каже дека овој филм е наменет за секој тип луѓе, во кој било дел од денот и во какво било друштво. Бидејќи тој изобилува со една искреност, емоционална длабочина, ненаметлив хумор кој повеќекратно ќе ве изнасмее до солзи и ја анализира човековата љубовна состојба, прикажана преку различни карактери и во различни ситуации, нема причина зошто да не одвоите два часа и да се релаксирате гледајќи го.rnrn———————————————————————————————————————————————————————rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

October 21, 2011