Луѓето имаат напишано илјадници поучни книги. Но, некогаш мудроста што ќе ја добиете не се наоѓа во ниту една книга, туку ја имате под вашиот покрив и е кажана од вашето дете. Мајката, а воедно и блогерка, Мери Кетрин Бексторм, имала уникатна шанса да научи нешто од нејзината тригодишна ќерка. Ви ја пренесуваме нејзината објава на Фејсбук што таа ја споделила за да ги опише резултатите од разговорот со ќерка ѝ, а за него добила позитивни реакции од илјадници луѓе.rnrn
rnrn[message_box title color=”yellow”]Мојата ќерка и јас бевме преморени пред спиење. Конечно, пред десет минути ја легнав во кревет и низ стегнати заби ѝ реков: „Те сакам Холанд, но не сакам да чујам ниту уште еден збор вечера. Сега ќе спиеш. Доста ми е од врева околу кадифени животни.“rnrn„Мамо?“ Застанав одејќи кон вратата, гризејќи си го јазикот бидејќи бев многу нервозна. „Што е Холанд“, ја прашав. Таа одговори: „Имам да ти кажам само уште едно нешто.“rnrnСекако дека имаше, седеше на својот кревет со рацете на колкови. Нејзината коса беше разлетана и со раката ги бришеше солзите од нејзиното лице. „Мамо, јас ти простувам!“, рече ќерка ми со горчина во нејзиниот тенок глас.rnrnПотоа легна и плачеше и да бидам искрена цела минута не знаев што да правам. Начинот на кој таа рече „Ти простувам“ звучеше како пцуење. Појдов над креветот и се наведнав. „Малечка, дали знаеш што значи простувањето?“ Таа низ солзи и со главата потпрена на перницата со малечката сирена ми рече: „Да, тоа значи дека ти згреши и јас сум уморна да бидам лута и сега ќе спијам и моето срце нема ништо да го боли.“rnrnВечерва научив важна лекција за простувањето од тригодишно дете. Тоа беше навистина за освестување. Не ми остана ништо друго освен да ја сакам бидејќи да бидам искрена, мене малку ме заболе срцето.rnrnМојата ќерка ме потсети дека не треба да си легнеме да спиеме со лутина. И знаете што? Живеам 35 години и мора да кажам дека таа има право![/message_box]rnrnrnПрочитајте ја и оваа објава на мајка која на моќен начин опишува како социјалните медиуми ја рушат самодовербата на родителите.
Tag: статус
-
Мало тригодишно девојче пред спиење ѝ одржало поучна лекција на својата мајка
-
Лута исповед на една мајка на која ѝ дошло преку глава од мажите кои не помагаат низ дома
Тешко е да се основа семејство. Обајцата партнери треба да бидат посветени и да работат напорно. Тимската работа е од клучно значење. Можете да си замислите каков презир се јавува кога едниот од партнерите ќе почне да ги занемарува своите обврски! Другиот мора да го носи целиот товар и тоа не се одразува добро на врската. Австралиската блогерка и мајка на 4 деца, Констанс Хол, објавила статус на Фејсбук кој станал вирален.rnrn
rnrnСтатусот предизвикал лавина од коментари, најчесто од жени, кои исто така биле фрустрирани поради неодговорното однесување на нивните сопрузи. Иако општествените очекувања за жените се менуваат, благодарение на борбата против сексуалното вознемирување и нерамноправноста, сепак се чини дека овие промени не се случуваат во домашни услови. Секако дека постојат исклучоци и дека многу жени се среќни и благодарни поради тоа што нивните сопрузи се одговорни и посветени.rnrnПрочитајте го статусот од Констанс и размислете дали се согласувате со неа…rnrn[message_box title=”” color=”yellow”]rnrnНеодамна, додека се жалев поради тоа што морам сѐ да правам сама по дома и многу од моите пријателки се согласија со мене, некој ми кажа „Ако сакаш помош, мораш да бидеш конкретна… побарај помош. На луѓето им требаат листи, тие не можат да читаат умови.“rnrnПа, се обидов на тој начин, барав… конкретни работи…rnrn„Можеш ли да го изнесеш ѓубрето?“rnrn„Можеш ли да станеш со децата? Јас сум малку уморна откако го правам тоа сама веќе 329 години.“rnrn„Можеш ли да одиш до продавница? Јас веќе 3 пат ја испразнив машината за перење, направив ручек, ги купив сите книги што им требаат на децата за на училиште, го исчистив базенот.“rnrnИ таа беше во право! Работите навистина беа завршени!rnrnНо, јас бев исцрпена поради тоа што постојано давав заповеди, се обидував да запомнам што треба да побарам да се заврши, постојано досадував…rnrnИ знаете што се случи во моментот кога престанав да барам?rnrnНИШТО.rnrnПовторно истото.rnrnИ така дојдов до заклучок дека не е ваша работа да барате помош, не е моја работа да пишувам листи. Имаме премногу работа и не треба да подучуваме некого како да нѐ цени нас и нашата глупава работа.rnrnЕдноставно направете го тоа што треба да се направи!rnrnМислете еден на друг и на обврските во домот. Дали едниот од вас работи додека другиот си лежи со сите 4 во вис? Дали едниот од вас се дружи со пријателите додека другиот го лупи 30-тото парче овошје дента? Дали едниот од вас го носи целиот товар?rnrnКога досадувањето ќе престане, кога повикот за помош ќе згасне и кога нема да има повеќе листи, сѐ што ќе ви остане е тивок презир. А тоа, пријатели, е како рак на љубовните врски.rnrnНе е ничија должност да учи некого како да биде внимателен. Тоа е ваша работа.rnrnЕдноставно измијте ги садовите без да биде побарано тоа од вас, барем одвреме-навреме!rnrn[/message_box]rnrnrnПовеќето жени се пронајдоа во овој статус и ја поддржаа Констанс…
rn
„Многу е секси кога треба да му давате обврски на возрасен маж кој се преправа дека нема никаква моќ за набљудување.“
rn
„Овој феномен кога мажите започнуваат моногамна врска и одеднаш почнуваат да се однесуваат како деца мора да престане!rnrnОд неодамна сум сингл, бидејќи во текот на првите 3 години од врската тој беше мажот од моите соништа. Кога не бевме слободни во ист ден, тој ја чистеше куќата и правеше вечера. Го носеше моите (не неговите) деца со себе додека ги извршуваше обврските, планираше интересни изненадувања и слично. Постепено тоа престана и сега додека сум на работа, тој само спие, јаде или оди на голф.rnrn4 години го молев партнерот повторно да стане мажот од моите соништа, но ништо не се случи, му реков да си замине. Работев 70 часа неделно, но никогаш не можев да бидам исто толку ’уморна’ колку него. Ако веќе сѐ морам да правам сама, сакам да бидам сингл за време на целиот процес.“
rn
„Не, не сте читачи на умови. Вие сте возрасни, господа.“
rn
Некои жени, пак, се обиделе да најдат објаснување за проблемот…
rn
„Смешно ми е тоа што познавам толку многу жени кои се жалат дека нивните сопрузи се бескорисни кога станува збор за грижење за домот и децата, а сепак гледам како истите тие жени прават сѐ за нивните синови, без разлика дали се тинејџери или возрасни. Никогаш не им дозволуваат да мрднат со прст. Тие исто така им се лутат на мажите поради тоа што не им помагаат во домот. Сите треба да се грижат за домашните обврски, без разлика дали имаат работа или не. Колку повеќе се однесувате со сопругот како со дете толку повеќе ќе се однесува на тој начин.“
rn
„Кога мажите ги извршуваат домашните обврски, тие не ’помагаат’. Тие се рамноправни партнери и сопственици на домот. Кога жената ги извршува домашните обврски, не се вели дека му ’помага’ на сопругот. Жените знаат дека треба да соработуваат за да го одржат домот и преземаат иницијатива. Обајцата партнери се подеднакво одговорни за домот и тоа не треба да се гледа како ’помагање’, туку како извршување на своите обврски. Не треба едниот партнер да биде главниот извршител, а другиот да биде ’помошникот’. Треба да се ослободиме од верувањето дека жените треба да ’бараат помош’. Обајцата партнери се возрасни и треба да си ги знаат своите обврски.“
rn
Постојат и жени кои се задоволни од нивните сопрузи и имаат среќни бракови…
rn
„Колку подолго ги користам социјалните мрежи толку повеќе сфаќам колку сум благословена што го имам мојот сопруг. Никогаш немам побарано од него да направи нешто, ниту пак тој побарал од мене. Обајцата живееме во домот. Заедничка работа е да се грижиме за него. Истото важи и за нашите деца. Никогаш не сум морала да побарам помош.“
rn
„Му давам на синот домашни обврски што се само негови, како што се чистење на тоалетот и перење алишта, без да треба да го потсетувам на нив. Вчера тој ја испразни машината за перење садови без да ме праша, бидејќи виде дека треба да се направи тоа.“
rnШто мислите вие за ова? Дали жените треба да бараат помош или мажите треба да преземат одговорност за своите обврски без некој постојано да ги потсетува?rnrnКако што веќе споменавме, постојат исклучоци и жени кои се задоволни од нивните сопрузи. Во тој контекст, прочитајте го следново моќно писмо од сопруг кој секојдневно го чисти домот и ги мие садовите.
-
Статус кој предизвика хаос на Фејсбук: Мајките би требало да ги бањаат девојчињата, а татковците момчињата!
Една мајка на три деца, едно момче и две девојчиња, предизвикала лавина коментари после својата објава на Фејсбук во која тврди дека на сопствениот сопруг му забранила да ги бања своите ќерки.rnrn
rnrnАвстралијката напишала статус на Фејсбук дека не се чувствува пријатно кога сопругот (се работи за нивниот татко), ги бања девојчињата, бидејќи имаат „различни делови на телото“.rn„Мојот маж е вознемирен, бидејќи му кажав дека не сакам тој да ги бања нашите две ќерки. Мислам дека би требало мајките да ги бањаат девојчињата, а татковците синовите. Мајките и ќерките имаат исти делови на телото, како и мажите и нивните синови. Мојот маж мисли дека за него размислувам на болен начин, но тоа воопшто не е така, а и ова мислење сум го имала одамна. Луѓето овие денови често ја користат картата ‘бев злоупотребуван/а’ и јас не сакам ниту да им дадам шанса на своите деца да размислуваат за тоа“, напишала Австралијанката на Фејсбук.
rnПотоа додала и дека нејзиниот сопруг ѝ се лутел заради одлуката, но дека нејзините деца ѝ се на прво место и таа само го прави тоа што смета дека е најдобро.rnrnНејзиниот статус ги поделил мислењата на социјалните мрежи, но само мал дел ја разбираат и се согласуваат со неа, додека повеќето ја напаѓаат дека го третира сопругот како педофил. Дел од коментарите следуваат во продолжение:rn
„Не би требало да размислуваш така, бидејќи со тоа го изедначуваш твојот партнер со педофилите“, гласел еден од коментарите.rnrn„Оваа објава многу зборува за тоа како се гледаш себеси, како и за твојот негативен начин на живеење “, напишала друга жена и додала дека е тажно да не му дозволува на својот сопруг да си ги бања своите деца.rnrn„А, што е со самохраните родители? Зар и тие би требало да престанат да ги бањаат своите синови и ќерки за секој случај?“, уште еден од коментарите што отвориле дополнителна дискусија.
rnrnШто мислите вие? Дали се согласувате со нејзината одлука или сметате дека таа претерува со заштитата на своите деца?
-
Лични прашања што не треба да ги поставувате на Фејсбук
Кога имате голем број пријатели или следбеници на Фејсбук или на која било друга социјална мрежа, сакате да ја користите таа бројка не само за да соберете лајкови, туку и за добивање на потребните информации. Понекогаш тие информации се прилично бизарни, но најчесто ви е многу полесно да поставите прашање, дали во вид на статус или пак, како објава во некоја група за дискусија, и потоа да чекате одговори и поделени мислења, отколку самите да „изгуглате“ или уште подобро, да ги откриете лично. Нема да зборуваме подетално зошто е тоа така, но ќе ви го насочиме вниманието на неколку прашања/ситуации/дилеми кои се премногу лични за да се прашаат на еден ваков јавен начин.rnrn
rn1. Правни совети
rnТоа што вие мислите дека не сте платиле некоја казна, па на Фејсбук барате совети како да се извлечете или што и да е друго во прашање, воопшто не е симпатично. И всушност, зошто некој би знаел што треба да (не) правите? Ситуацијата е уште полоша кога се во прашање големи правни проблеми. Наместо тоа, лично прашајте ги вашите пријатели дали познаваат адвокат, контактирајте го лично и решете го вашиот проблем.rn
2. Прашања во врска со вашето здравје
rnОвие прашања не се пребаруваат и не се објавуваат на Фесјбук или на Инстаграм. Ако имате некој проблем од здравствена природа, единственото нешто што би требало да го направите е да отидете на доктор или да му се јавите. Сѐ останато има навистина несакан ефект.rn
3. Информации што самите можете да ги дознаете со пребарување
rnНемојте да бидете толку мрзливи. Отворете Гугл и поставете го вашето прашање, без разлика дали станува збор за какво ќе биде времето денес, кој глуми во тој и тој филм, како се вика онаа песна… Навистина не треба да ги прашувате вашите пријатели на Фејсбук ваков вид прашања.rnrn
rn4. Идеи во врска со храната
rnПронајдовте одлични рецепти на Пинтерест? Сјајно! Но, немојте сега да ги прашувате вашите виртуелни пријатели дали да подготвите едно или друго јадење. Послушајте го вашиот стомак, а не вашите социјални мрежи!rn
5. Понуди за работа
rnСекако, многу огласи за работа се пронаоѓаат на социјалните мрежи, бидејќи денес сите „живеат“ на нив. Сепак, едно е кога ќе забележите некој оглас, а друго е кога поставувате такви прашања јавно, со статус, или кога ќе напишете на некоја страница или нечиј профил… Воздржете се и бидете дискретни!rnrnПогледнете ги и овие 7 работи што не треба да ги правите на Фејсбук ако сакате да ви се допаѓа вашиот живот!
-
Слободни како птица во лет: Какви се хороскопските знаци кога се сингл?
Дали вашиот статус сингл е избор во кој уживате и чиј предизвик го избравте сами или чувствувате дека ви е наметнат и дека тоа не е природен начин за да живеете? Како излегувате на крај со својот статус сингл, значително зависи од тоа кој е вашиот хороскопски знак.rnrn
rnОвен
rnОвните се природни водачи и се во состојба да уживаат во предноста да бидат сами. Не сакаат да бидат попречувани и своето однесување и постапки да ги прилагодуваат на некого, па така за нив во самотијата нема ништо неприродно. Тие ја доживуваат како слобода за да ги искажат своите способности и темперамент.rn
Бик
rnИ овој знак ја цени својата независност и самостојност. Биковите имаат силна волја и сакаат да ги прават работите на свој начин. Премногу ги иритира кога некој им се спротивставува и им наредува да постапат поразлично. Повеќе се плашат да влезат во врска после долг период на самотија, отколку да останат сами после долга врска.rn
Близнаци
rnИзразито самостојни, енергични и луѓе од акција, Близнаците се ужасуваат од врзување и обврзување. Тие се премногу динамични и со променливо расположение, па се склони да почнат да се досадуваат кога се во стабилна врска. Премногу се привлечни и ретко се случува да бидат сами, но со вештото балансирање успеваат да одржуваат лабави и површни врски, без вложување и посветување.rn
Рак
rnРаковите се многу комплицирани и осетливи души. Тие ги ценат својата слобода и независност, па немаат проблеми да бидат сами. Меѓутоа, потребен им е некој кој ќе се грижи за нив и ќе им пружи поддршка додека поминуваат низ своите бурни емотивни кризи. Не доаѓа во обѕир да бидат сами, и кога сингл периодот ќе потрае, тие го преживуваат со помош на мечтаење за тоа дека ќе пронајдат партнер каков што им е потребен.rn
Лав
rnНа Лавовите им е тешко да бидат сами, иако сметаат дека се многу јаки и независни. Сепак, на нив им е потребно да имаат некој кој ќе ги смирува и зауздува кога лавовски ќе се разбеснат, како што им е потребно и да имаат поданици и обожаватели. Ова е можеби најнесамостојниот знак во хороскопот.rn
Девица
rnДевиците бараат многу и се комплексни личности кои нема да ги намалат своите критериуми и да се прилагодуваат за да не останат сами. Тешко им е да пронајдат некој што ќе им одговара, а некој што не им одговара не доаѓа предвид. Ако самуваат, тоа е поради тоа што не пронашле некого, а не поради тоа што сакаат да бидат сами.rnrn
rnВага
rnВагите се независни мислители, но тие ги сакаат луѓето и уживаат во нивното одобрување. Предизвикуваат симпатии и потребно им е обожавање. Кога се сами, тоа е поради тоа што мора да се одморат од постојаното заљубување во секого кој ќе им покаже наклоност.rn
Скорпија
rnКако партнери, можат да бидат верни и посветени, ако се освоени. Меѓутоа, на нив им е сосема природно да бидат сами. Имаат доволно своја работа, интересирања и амбиции, за да им го окупираат целото внимание. Кога се сами, се чувствуваат слободно и задоволно со себе, нив самотијата не ги плаши и загрозува.rn
Стрелец
rnСтрелците се дружељубиви и привлечни и сакаат да освојуваат, но не сакаат да се обврзуваат. Тие бараат авантура и фасцинација, а освен тоа, доста добро се чувствуваат и сами.rn
Јарец
rnНа нив не им е потребен некој кој ќе ги одобрува и ќе им додава гориво на нивната самодоверба. Со својот независен дух, Јарците удобно се чувствуваат во самотијата.rn
Водолија
rnТие ја сакаат слободата повеќе од љубовта. Дури и кога ве обожаваат, ќе ја задржат дистанцата и независноста. Ним самотијата не им е само природна, туку и неопходна за да се чувствуваат нормално.rn
Риби
rnОд сите знаци, на Рибите врската им е најпотребна. Тие се пречувствителни, несигурни и склони кон самосожалување, па за нив самотијата е опасна по нивната емотивна стабилност. Кога се сами, тие минуваат низ многу маки и кукање, а тоа е знак дека веќе поминале преку границата на стабилноста.
-
Што велат статусите кои ги објавувате на Фејсбук за вашиот карактер?
Според една нова студија, луѓето кои редовно објавуваат на Фејсбук за своите вежби, диети и постигнувања најчесто се и нарцисоидни. Овие пофалби за своите постигнувања имаат тенденција да привлечат повеќе внимание од пријателите.rnrn
rnrnАвторот на оваа студија, д-р Тара Маршал вели:rn„И покрај тоа што нашите резултати сугерираат дека пофалбите на нарцисите се исплатат и тие добиваат повеќе лајкови и коментари на нивните статуси, исто така има големи шанси и дека нивните пријатели учтиво нудат поддршка додека пак, потајно не им се допаѓаат овие егоистични изјави. Поголемата свесност за начините на кој се сфаќаат овие статуси од страна на пријателите, може многу да помогне при избирањето теми кои ќе бидат позабавни и кои нема да ги нервираат останатите.“
rnОваа студија исто така открила дека луѓето кои најчесто објавуваат за нивниот сегашен романтичен партнер, има големи шанси тоа да го прават поради ниска самодоверба. Од друга страна пак, луѓето кои се посовесни, имаат тенденција почесто да објавуваат статуси за своите деца. Екстровертите почесто објавуваат за нивните социјални активности, како и секојдневниот живот, па токму затоа и го користат Фејсбук како начин за комуникација и поврзување со другите. Луѓето кои се поотворени имаат поголема тенденција да објавуваат интелектуални теми, кои се конзистентни со нивната употреба на оваа социјална мрежа за споделување информации.rnrnРезултатите биле извлечени од вкупно 555 корисници на Фејсбук. Д-р Маршал заклучува:rn
„Можеби ќе ви дојде како изненадување дека статусите на Фејсбук можат да ги отсликуваат личните карактеристики на луѓето. Но, многу е важно да се разбере зошто одредени луѓе пишуваат за одредени теми со цел да се разбере и различниот начин на кој тие се ‘наградени’ со лајкови и коментари. Луѓето кои добиваат повеќе лајкови и коментари имаат тенденција да ги искусат придобивките од социјалната вклученост, додека пак оние кои не го добиваат тоа се чувствуваат отфрлени.“
-
Важноста на чантите за жените: Што кажува за вас онаа која ја носите?
Надворешниот изглед е начин преку кој го изразуваме своето јас. Се облекуваме така како што се чувствуваме, секој на свој начин и во она во кое се чувствуваме најубаво. Секое парче облека, секој додаток, чевлите… Сите овие работи кои внимателно ги избираме и комбинираме откриваат дел од нашиот карактер и по малку ја опишуваат нашата личност. Истиот случај е и со чантата која ја носиме. Таа е симбол кој на светот му кажува нешто повеќе за нас, па како таква има голема улога во оној т.н. прв впечаток кој го оставаме на некој кој го запознаваме за прв пат.rnrn
rnФункционалност
rnЧантата е главно собиралиште за секоја потребна и непотребна работа, особено онаа женската. За првпат чантите се појавиле во средината на 19-иот век и со една единствена намена – во нив да се чуваат основните и неопходни работи. Со текот на времето, чантата добила двојна функција. Жените почнале да носат чанти кои го изразуваат нивниот моден стил, па денес чантата претставува и неопходен, но и моден детаљ на секоја жена. Така, доколку функционалноста на чантата е поважна за жената отколку модата, таа најверојатно ќе одбере чанта која е доста практична и во која може да ги собере сите неопходни ситници.rn
Големината е важна
rnПостојат милиони различни типови чанти, во сите можни бои и големини и секоја соодветна за различна пригода. Голема или мала, сѐ зависи од вкусот и потребите на жената. Големите чанти се најчесто избирани поради нивната функционалност, што не го исклучува фактот дека можат соодветно да одговараат на облеката. Малите чанти, од друга страна, се повеќе избирани за моден изглед, кафе шема или вечерни излегувања. Како големината на чантата влијае на изгледот? Доколку е чантата преголема во однос на телото на жената, се добива прилично неприроден изглед, односно пренатрупаност во поглед на додатоци, дури и ако имате само чанта на себе. Доколку чантата е премала за да ги задоволи потребите, се добива доста неуредна слика за личноста која ја носи, па таа воопшто не изгледа убаво.rnrn
rnБренд
rnЗа некои жени, брендот на чантата која планираат да ја носат е многу важен. Се следат најновите модни трендови и се чита и слуша за најславните модни имиња, а сѐ што тие креираат е неверојатно привлечно и целосно ин. Од друга страна, носењето брендирана чанта кажува многу за социјалниот статус на личноста која ја носи. Тие се прилично скапи, па може да се претпостави дека жената која носи чанта од некој светски познат бренд е добро ситуирана. Но додека за некои жени е важно тоа што со брендираната чанта го изразуваат својот статус во општеството, за други брендот може да биде опсесија. Тие едноставно обожаваат некој бренд, па се случува да купуваат чанти кои дури не се ни практични. Но фактот дека се модерни и од нивниот омилен креатор е многу поважен за нив. Со други зборови, брендот е одраз на модниот вкус, стилот, но и на социјалниот статус.rn
Она што се случува внатре
rnВнатрешноста на чантата е одраз на културата, трпението и контролата на личноста која ја носи. Средена или хаос, полна или празна, со секакви глупости или исполнета само со потребните и неопходни работи. Секое од овие четири нешта открива поинаква особина за личноста која ја носи. Во поглед на самата чанта, жените кои се грижат за тоа каков впечаток оставаат на луѓето околу нив поверојатно ќе носат модерни и наизглед убави чанти, во кои ќе ги собере нивниот телефон, огледалото, паричникот и карминот. Оние жени за кои чантата претставува секојдневна потреба ќе одберат практична чанта, со повеќе прегради и џебови, во која лесно и организирано можат да ги сместат работите кои ги носат со себе, односно чанта во која собира сѐ.rnrn
rnrnИ внатрешниот и надворешниот изглед на чантата кажуваат многу за секоја жена. Секој детаљ од чантата може да ни открие нешто за жената, карактерно или во однос на физичкиот изглед. Чантата е од големо значење за секоја жена, таа е чувар на нејзините лични работи, па не за џабе велат дека ако сакаш да дознаеш нешто повеќе за жената, треба да погледнеш во нејзината чанта.rnrn rnrn
rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук. -
Фејсбук знае кога ќе си го смените љубовниот статус
Сите знаеме дека на интернет нема тајни, но како би реагирале доколку некој ви каже дека Фејсбук знае дека ќе започнете нова врска уште пред да се случи тоа? Доколку ова не ви звучи верно, само помислете колку информации секојдневно оставате на Фејсбук.rnrn
rnrnЕве како Фејсбук го опишува овој феномен:rnrn„Истражувавме група луѓе кои го сменија својот статус од „слободен“ во „во врска“, и кои исто така наведоа датум на почеток на врската. Во времетраење од 100 дена пред почетокот на врската бевме сведоци на бавно, но значајно покачување на бројот на постирања и споделувања помеѓу двајцата идни партнери. Штом врската и официјално ќе започне, бројот на споделувања почнува да се намалува.“
rn
rnrnТака што не плашете се, Фејсбук нема инсталирано камери во вашата соба, ниту пак праќа луѓе да ве следат. Едноставно гледа сѐ што можат да видат и вашите пријатели. Според тоа колку често споделувате нешто на нечиј профил, може да се процени тајното жарче кое го имате за одредена личност, дури и пред вие да си го смените статусот.rnЗатоа умерено споделувајте. Инаку вашата тајна заинтересираност за некого, лесно може да биде забележана.rnrn rnrn
rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.rn -
30 остроумни Фејсбук статуси
Кога некој има да каже нешто паметно на Фејсбук со една реченица, тоа изгледа од прилика како овие 30 остроумни Фејсбук статуси.rnrn
rnrn1. Покорисно е да запалиш свеќа отколку да ја колнеш темнината.rnrn2. Не пиј вода. Ако може да го ‘рѓоса железото, замисли што може да му направи на твојот стомак.rnrn3. Не е важно колкава е температурата во собата. Тоа секогаш е собна температура.rnrn4. Кога постапуваш исправно, никој не памети. Кога ќе погрешиш, никој не заборава.rnrn5. Секогаш позајмувај пари од песимист. И онака не очекува да му ги вратиш.rnrn6. Ако не можеш да ја видиш светлата страна на животот, исчисти ја темната страна.rnrn7. Правилото 50-50-90: Кога шансите да успееш се 50-50, имаш 90% шанси да не успееш.rnrn8. Подобро да разбереш малку отколку да не разбереш многу.rnrn9. Сите се надарени, но некои порано го отвораат подарокот.rnrn10. Никогаш не заборавај на пријателите, особено на оние кои ти должат.rnrn11. Не може да имаш сè, нема каде да го ставиш.rnrn12. Кога ќе видиш дека слепиот ги води слепите, тргни им се од патот.rnrn13. Смеј се многу. Така другите ќе се прашуваат што толку убаво ти се случува.rnrn14. Секогаш има светло на крајот од тунелот… само надевај се дека не е од воз.rnrn15. Оние што велат дека среќата со пари не се купува не знаат каде да пазаруваат.rnrn16. Секој прави грешки. Работата е во тоа да ги правиш кога никој не гледа.rnrn17. Со пари не може да се купи среќа, но може да се изнајми на неколку часа.rnrn18. Тој што последен се смее не го сфатил вицот.rnrn19. Зошто да бидеш тежок карактер кога со малку напор можеш да бидеш невозможен.rnrn20. Времето лета кога не знаеш што правиш.rnrn21. Ние сме луѓето за кои нè предупредуваа нашите родители.rnrn22. Не се расправај со идиот. Ќе те спушти на неговото ниво и ќе те победи на база на искуство.rnrn23. Светлината патува побрзо од звукот. Затоа некои луѓе се убави сè додека не отворат уста.rnrn24. Да знаеш дека доматот е овошје е знаење. Да не го ставиш во овошна салата е мудрост.rnrn25. Тој што се смее во тешките моменти веќе нашол кого да обвини.rnrn26. Не се тепај со грди луѓе. Тие немаат што да изгубат.rnrn27. Не удирај човек со очила. Удри го со бејзбол палка.rnrn28. Ако сакаш сигурно да гаѓаш во целта, прво гаѓај, а потоа она што ќе го погодиш наречи го цел.rnrn29. Ако секогаш стоиш цврсто на земја ќе имаш проблем да ги облечеш панталоните.rnrn30. Што се добива кога ќе се вкрстат кумот на мафијата и адвокат? Понуда што не можеш да ја разбереш. -
Сингл – да се биде или не, прашање е сега!
Како што читам текстови за луѓето кои не се во врска, сè повеќе сфаќам дека денес не е ин да си сингл. Ако повеќе обрнеш внимание, ќе сфатиш дека статусот „сингл“ го спомнуваат во таков контекст како да е болест.rnrnДали сè уште сте сингл? Што не е во ред со вас? Како да си најдете момче? Како да го освоите принцот од бајките? Зошто не можете да запознаете некој по ваша мерка? И вие ми ги нудите сите тие одговори, како на послужавник? Браво! А што ако, ете по некоја чудна претпоставка, некој сам си одлучил дека сака да биде сингл? Замислете си, постојат и такви луѓе, кои се сингл зашто така им се сака!rnrn
rnrnЗнам доволно личности кои влетале во врска, не зашто тие сакале туку дека така требало, па затоа си имам поткрепа за една моја теорија. Луѓето забораваат да си го тераат својот ќеф. Некои од нас се толку опседнати со тоа да не бидат осудувани и покажувани со прст, што забораваат на она што навистина им е важно во животот. Општеството не е монотона шема, барем не сега во 21-ви век! Не мора да значи дека по завршувањето факултет мора да се мажиш, во случај да не се запишеш на факултет, дека ќе се мажиш по завршувањето средно, не мора да имаш дечко/девојка само затоа што сите останати од твоето друштво имаат, не мора да имаш сериозна врска само зашто ти било дојдено времето за сериозна врска. Секој си го тера животот по своја шема, на секого различно ќе му се наместат коцките, секој си ја наоѓа среќата во различни работи.rnrnАко таа сака да биде сингл и на 30 години, ќе биде, ако сака да ù се посвети на кариерата ќе го стори тоа, а нема да ги слуша бабите и тетките по свадби како благословуваат 20-годишни девојчиња „И на ваша глава, што поскоро!“ Сакав да применам една добро позната финта за на погреби ама ми звучеше многу лошо, па научив да си ја таложам нервозата и да возвратам со насмевка и едно кратко и безначајно „Благорадам“. Сепак е благослов, не велам не, само немојте што поскоро, туку кога вие ќе мислите дека е правото време. Свадбите и слични семејни собири за сингл-луѓето можат да бидат вистински пекол, но и рај, кој како ќе си ја сфати ситуацијата. Исто како што и животот е трагичен за оние кои премногу размислуваат.rnrnУбаво ми вели тато и ќе си го послушам, „Не фаќај дечко кој ќе го стави фудбалот пред тебе како примарна работа, најди некој кој ќе го исклучи телевизорот кога ќе види дека имаш проблеми, исто како што тоа го правам јас.“ Ете така, а кога ќе мислам дека ми треба некој ќе си распишам оглас: „Барам дечко за озбилно, ама не за везден, да не ме замара 24/7.“rnrnШала на страна, мој совет е да го следите РАЗУМОТ. Кога вие ќе се чувствувате подготвени за врска или за брак, а не кога вашата комшивка ќе ви рече дека ви заминал возот. Проблемот на нашето општество е тоа што секој си го пика носот таму каде не му е местото. Кога секој би си ги гледал своите грижи и проблеми сè би било поинаку! Имате право да пребирате и на 40 години, никој на ништо не смее да биде приморан, сакам веќе еднаш да дојде тоа време кога луѓето ќе ги рашират видиците, ќе гледаат подалеку од носот и ќе престанат да осудуваат. Подобро да си сингл отколку да си во врска која те гуши, подобро не биди во брак на колку било години отколку да се мажиш/жениш зашто општеството така налага. Не смееме да правиме нешто што не нè исполнува и не нè прави среќни.rnrnДа се биде сингл има свои предности и недостатоци, но да не бидеш сингл само поради непишаните критериуми на општеството е трагичо.rnrnНе знам за вашето, но моето кафе е „дабл“ и покрај тоа што е наменето за една личност, како инаку да се справам со овој мамурлак?rnrnБидете сингл ако ви се сака, бидете дабл ако уживате повеќе така,rnrnТерајте си ќеф, до следното читање,rnrnВашата Ели.rnrn rnrn
rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.