КАФЕ ПАУЗА

Tag: согласување

4 нешта за кои секогаш ќе се согласувате со вашата сродна душа

Дури и ако сте заедно со години, навистина е тешко да одредите како треба да изгледа врската со „вистинскиот партнер“. Без разлика во што ве натерале да верувате филмовите, љубовта на прв поглед најчесто е мит. Потребно е време да запознаете некого, а кога вистински се вљубувате, се вљубувате во срцето и умот на таа личност.rnrnrnrnПостојат неколку начини на кои можете да откриете дали конечно ја пронајдовте вашата сродна душа. Еден од најдобрите е анализирање на вашата комуникација. Кога се расправате, за што се расправате? Каде има несогласувања? Во секоја врска има расправии и несогласувања, но постојат неколку работи за кои секогаш треба да се согласувате со вашата сродна душа.rn

1. Созревање и напредок

rnСозревањето е обесхрабрено во погрешната врска бидејќи на едниот партнер му недостасува самодоверба или се плаши дека ако созреете може да ве изгуби. Но вашата сродна душа ќе ве охрабрува да продолжите понатаму и нема да ви дозволи да се откажете од вашите соништа. Оваа личност сака да бидете среќни и разбира дека за да го направите потребното, треба да бидете искрени кон себе.rn

2. Семејство

rnОвде спаѓаат две нешта – создавање на ваше семејство и согласување со семејството на партнерот. Вашето или семејството на партнерот секогаш може да предизвика проблеми во врската, без разлика колку е таа стабилна. Но ако сте со вашата сродна душа, ќе најдете начин да го решите тој проблем.rnrnДруг проблем што може да се појави во врската е кога едниот партнер сака деца, а другиот не. Ова може да се случи и кај луѓе кои се создадени еден за друг, затоа е важно да знаете што вие и партнерот би жртвувале за да останете заедно. Покрај тоа, со текот на времето секој може да си го промени мислењето.rn

3. Финансии

rnВо споредба со вистинската љубов, парите не се важни. Тие се само алатка за преживување. Но, во реалноста проблемите со парите можат да предизвикаат неволји и во најдобрите врски. Ако сте со вашата сродна душа, кога ќе настанат проблеми со пари ќе знаете дека најважно е да бидете заедно и да бидете среќни. И двајцата ќе направите сè што е потребно за да го постигнете тоа.rn

4. Каде сакате да одите

rnСекој си има свои цели и соништа. Ако сте со вистинскиот партнер, ќе најдете начин да стигнете до местото кое и двајцата го сакате. Ќе се обидувате и двајцата да ги исполните вашите желби бидејќи сакате да бидете заедно без разлика на сè.rnrnОвие конфликти можат да се појават во секоја врска. Доколку навистина се обидувате да најдете решение за нив што ќе ви одговара и на двајцата, без сомнение сте ја пронашле вашата сродна душа.rnrnПогледнете и кои се знаците кои покажуваат дека спиете со вашата сродна душа.

October 31, 2018
Тврдоглави и напорни: Најтешко оди спријателувањето со овие 7 хороскопски знаци!

Некои луѓе се многу тешки и напорни. Колку и да се трудите, не можете да пронајдете заеднички јазик и да се спријателите. Обично ваквите луѓе не само што секогаш го кажуваат своето мислење туку и се обидуваат да им го наметнат на другите. Тие веруваат дека секогаш се во право и ги обожуваат долгите расправии. Дознајте кои се 7-те хороскопски знаци со кои многу тешко ќе можете да се спријателите…rnrnrn

Водолија

rnСигурно си мислите дека лесно би можеле да се спријателите со Водолиите, со оглед на тоа што тие ги прифаќаат другите луѓе и нивните мислења. Меѓутоа, тие имаат големи проблеми со емоциите, па затоа знаат да бидат многу напорни. Водолиите воопшто не сочувствуваат со другите луѓе, а очекуваат од нив да бидат свесни за нивната чувствителност. Тие нема да ви кажат што им пречи и зошто се вознемирени, но ќе очекуваат да ги разберете нивните чувства. Никогаш нема да знаете дали Водолиите ве обожаваат или не можат да ве поднесат.rn

Овен

rnОвните се забавни сѐ додека ги следите нивните правила и ги исполнувате нивните потреби. Тие не се грижат за туѓите мислења и многу ретко размислуваат за последиците од нивните постапки. Доколку не сакате конфликти и преземање ризици, најверојатно нема да се сложувате со Овните. Тие имаат големи барања, но немаат ни грам трпение. Никогаш нема да признаат дека згрешиле, наместо тоа, ќе заминат на некоја авантура и воопшто нема да се потрудат да ја поправат грешката. Ако имате некаков проблем со овој хороскопски знак, никогаш нема да го натерате да разговарате, бидејќи тој сигурно ќе има попаметна работа.rn

Скорпија

rnСкорпиите се познати по тоа што секогаш го добиваат тоа што го сакаат и не дозволуваат никој да им застане на патот. Скорпиите знаат да бидат претерано доминантни. Кога ќе се налутат, можат да избувнат на најстрашните можни начини. Кога се љубоморни или полни со омраза, разумот сосема ги напушта. Ако Скорпијата мисли дека сте ја излажале или изневериле, нема да има дискусија. Само ќе ве „отпише“ од нејзиниот живот и најверојатно ќе почне да крои планови за одмазда.rn

Близнаци

rnБлизнаците делуваат многу шармантно и опуштено, но тешко е да се задржи нивното внимание. Тие се многу чувствителни и понекогаш премногу лично ги сфаќаат работите. Го мислат дека не ги почитувате или се чувствуваат повредени, почнуваат да глумат дека се рамнодушни. Близнаците кажуваат едно, а потоа прават нешто сосема друго. Со нив никогаш не можете да знаете на што сте.rnrnrn

Девица

rnКога Девицата ќе се почувствува загрозена, таа ќе ја нападне личноста што мисли дека ѝ претставува закана и воопшто нема да се воздржува. Девиците знаат да бидат многу остри со нивните критики и најверојатно ќе зажалите ако побарате нивен совет или мислење за некој проект. Освен тоа, припадниците на овој знак премногу осудуваат. Никој не сака да биде осудуван кога се обидува да комуницира. Девиците се многу пребирливи и понекогаш изгледа како да ја бараат најмалата грешка. Тие знаат како треба да се направи нешто и целосно се убедени дека вие не знаете.rn

Бик

rnТешко е да се спријателите со Биковите, бидејќи многу се тврдоглави. Тие не разбираат што значи зборот „компромис“ и го затвораат умот за сите останати идеи и мислења. Биковите исто така знаат да бидат некултурни и невнимателни кон туѓите чувства. Понекогаш разговорите со Биковите се толку фрустрирачки што ќе си помислите дека подобро би било кога би зборувале со ѕид.rn

Јарец

rnЈарците мислат дека знаат повеќе од сите останати и можат да бидат многу тврдоглави. Не сакаат да преземаат ризици и да излегуваат од нивната удобна зона, па ако се обидете да ги натерате да го сторат тоа, подгответе се за неволја. Јарците понекогаш имаат многу затворен ум. Припадниците на овој знак премногу сакаат да ги контролираат другите и да даваат заповеди, поради што Јарецот е хороскопскиот знак со кого дефинитивно најтешко оди спријателувањето!rnrnДознајте и кои се најзлобните хороскопски знаци!

December 22, 2017
Неколку совети што ќе ви помогнат при изборот на цимери

Тешко е да пронајдете некој со кој би можеле да живеете. Цимерите се личности со кои ќе треба да го поминувате поголемиот дел од времето, па затоа, многу е важно да се согласувате со нив. Секако, никој не е совршен, па ќе постојат моменти кога ќе треба да се обидете да го најдете најдоброто заедничко решение за сите, но на тоа какви ќе бидат вашите односи многу влијаат и нивните навики, личниот живот, очекувањата и слично. Наместо да доживеете непријатно искуство кога е веќе доцна за промена, погледнете ги овие неколку начини што ќе ви помогнат да ги намалите грешките при одбирањето личност со која би можеле заедно да живеете и споделите многу животни моменти.rnrnrn

1. Мислете на иднината

rnНе избирајте ги цимерите импулсивно. Личноста којашто сте ја нашле преку оглас на Интернет или преку вашиот пријател, не мора да значи дека е она што го барате. Не прифаќајте некого само затоа што вашите пријатели ви тврдат дека е добар човек. Најдобро е тоа да го планирате еден период однапред. На пример, бидете поблиски со таа личност еден или два месеци пред да треба да почнете да живеете заедно. Така, ќе споделувате повеќе заеднички моменти и ќе можете да сфатите како личноста реагира во одредени ситуации, што ѝ смета, а што не, при што ќе можете и да донесете барем приближен заклучок за тоа дали вие би си одговарале или не. Не фаворизирајте некого само затоа што другите настојуваат на тоа. Сепак, вие сте оние кои треба да живеете со него/неа, па одлуката е ваша!rn

2. Дознајте детали

rnЗакажете средба со личноста која треба да ви биде цимер/ка и поминете долго време во разговор. Поставувајте прашања чијшто одговор сметате дека ќе ви даде основа да донесете заклучок дали личноста ви одговара или не. Настојувајте да разговарате отворено и анализирајте ги добиените одговори. Иако можете да комуницирате преку телефон или социјални мрежи, сепак, најдобро е тоа да го направите очи в очи, затоа што ќе можете да ги видите реакциите и да ја слушнете интонацијата на гласот.rn

3. Дознајте за нивниот начин на живот

rnНикогаш не прекинувајте да поставувате прашања. Бидејќи секој најслободно се чувствува во својот дом, тој секогаш е и одраз за навиките на една личност. Но, бидејќи ретко кој би ве поканил во својот дом уште на првата средба, поставувајте прашања што се однесуваат на начинот на нивниот живот. Прашајте ги во врска со нивните навики за чистење, хобијата, музиката, начинот на исхрана, декорирањето на просториите, споделувањето соба со некој друг и слични прашања што ќе ви помогнат да имате барем приближна слика за нивниот начин на живот. Сепак, треба да сфатите дека вашиот цимер нема да ги промени лошите навики. Тоа што го гледате е тоа што ќе го добиете, па доколку некоја навика не ви одговара, подобро е да не започнувате да живеете заедно, за да не ги влошите односите.rnrnrn

4. Разговарајте за трошоците

rnТрошоците се значаен дел од заедничкиот живот. Плаќањето кирија за изнајмен простор, трошоците за електрична енергија, комуналните услуги и трошоците за Интернет се големи прашања кои треба да ги разгледате уште на самиот почеток. Однапред договорете се на кој начин ќе ги плаќате овие трошоци, па и на кој датум ви одговара. Исто така разговарајте и за храната, односно дали ќе ја делите или секој ќе ги плаќа своите работи.rn

5. Претставете се и вие

rnОсвен тоа што ќе ги слушнете одговорите од другата личност, одговорете и вие самите на истите прашања. На таков начин ќе го прикажете и вашиот карактер, па ќе дојдете до заеднички заклучок дали си одговарате или не.rn

6. Испитајте ја нивната состојба

rnРаспрашајте се за нивниот живот. Сигурно не би ви било добро да живеете со некој кој има криминално досие, или пак некој кој има големи кредитни долгови. Доколку тие одбиваат да ви одговорат на овие прашања, тогаш тоа треба да биде некој сомнителен знак. Исто така алтернативен начин да ги проверите неговите изјави е да прашате и други луѓе за нивниот живот. Користете ја оваа стратегија за да се уверите со каква личност би живееле.rnrnКако и да е, доколку сфатите дека личноста со која сте разговарале не ви одговара, не се откажувајте, продолжете понатаму и секоја претходна лекција додајте ја на наредната. Секако, никогаш не можете да бидете сигурни дали би ви одговарало живеењето со некоја личност, зашто можеби оние кои на почетокот ќе се покажат како најдобри, понатаму ќе бидат најголем проблем. Но, без разлика што не знаете што се крие во секоја личност, овие неколку прашања и совети ќе ви бидат од голема помош за да формирате некое мислење, па и да донесете одлука.

October 10, 2016
9 причини да патувате со партнерот пред да се земете

Патувајте со вашиот партнер пред да се земете. Животот е големо патување, па една таква авантура може да ви даде претстава за тоа каков всушност е вашиот партнер и како е да се патува со него/неа. Исто како што може да ви помогне да се откриете и сфатите самите себеси, патувањето може да ви помогне да ја сфатите и вашата врска поради овие девет причини.rnrnrn

1. Надвор од зоната на комфорот

rnПатувањата се излез од зоната на комфорот. Тогаш излегувате од оној емоционален простор во кој добро се познавате и чекорите на непозната територија на која не сте биле заедно. Тоа ќе ви овозможи да видите како функционирате заедно кога ќе се соочите со некој неочекуван тест и со разни други препреки кои се појавуваат на патот до хармонијата по која сте отишле.rn

2. Темпо на истражување

rnЌе го откриете и темпото на истражување на околината кој го има секој од вас. Можеби двајцата заедно ќе го правите тоа, но можеби едниот ќе сака да остане да лежи в кревет додека другиот е полн со елан да дознае што крие тоа место. Темпото со кое ги истражувате местата може да ви каже за темпото со кое ќе истражувате различни нешта во текот на животот и начинот на кој двајцата балансирате меѓу своите потреби и обврски кон другиот.rn

3. Спомени

rnПатувањето создава спомени. Дури и кога ќе се случи некоја глупост по некое време на тоа ќе се сеќавате како на анегдота. А зарем има подобра личност за создавање спомени од вашиот партнер?rnrnrn

4. Компромис

rnПатувањето е нуркање во непознатото. Никогаш не можете до детаљ да испланирате што ќе се случува и затоа ќе биде потребно да направите бројни компромиси. Начинот на кој ќе се договарате додека патувате многу веројатно ќе биде слика на она што веќе го практикувате во секојдневниот живот. Кога ќе бидете таму сликата ќе ви се избистри и до извесен степен ќе се промени. Притоа важно е дали двајцата ќе бидете спремни на компромиси додека се соочувате со непредвиденото.rn

5. Тест на трпението

rnЌе го видите вашиот партнер на дело додека се нервира поради долги редици на аеродром, одложени летови, пропуштени автобуси или штрајкови на машиновозачи. Тоа е одлична можност да видите како тој/таа реагира на тоа. Ќе научите дали се вкочанува и се жали, дали ги обвинува другите и вас или пак е ориентиран/а кон наоѓање на решение. Ќе сфатите и како можете да се справите со него/неа кога е соочен/а со ваков проблем на патот.rn

6. Тест на издржливост

rnКога-тогаш ќе се соочите со непроспиени или малку проспиени ноќи поминати во чекање на некаков лет или автобус. Ќе се соочите и со взаемната раздразливост која е последица на непроспиените ноќи.rnrnrn

7. Трошење пари

rnНачинот на трошењето на парите е еден најважните критериуми по кој се бира друштво за патување. Во случајот кога се работи за партнери пред кои има перспектива за заедничка иднина, патувањето покажува дали можат заеднички да трошат пари или тука треба да се усогласуваат. Ако едниот партнер сака да престојува во хотели и да јаде по ресторани, додека другиот сака поевтин престој и храна со цел да има пари да патува што е можно подолго и подалеку, тогаш има тема на која треба да се разговара.rn

8. Справување со туѓи култури

rnЛуѓето на два начини се справуваат со туѓите култури: или се игнорантни кон она што е туѓо или љубопитно испитуваат што е она што го гледаат околу нив без да осудуваат. Некои луѓе сметаат дека земја која не е покриена со асфалт е нецивилизирана, а други сфаќаат дека тие се сиромашни за сметка на некои други земји и оттаму црпат искуства. Тоа ќе ви покаже како вашиот партнер се справува со она што не припаѓа во неговиот свет.rn

9. Тест на вреднување на нештата

rnНа патувањето ќе сфатите што е она што ве восхитува. За некого тоа се музеите и библиотеките, друг сака да лежи по паркови и да се забавува по барови. Можеби вие сакате бесцелно да скитате по градот и така да откривате што тој има да понуди, а другиот сака да ги види само „битните“ работи. Дали евентуалните разлики ви предизвикуваат проблеми? Неколку дена на пат ќе ви помогнат да го откриете сето тоа.

February 10, 2015
3 нешта во кои треба да си одговарате со партнерот за да имате долг и среќен брак
Додека некои научни студии тврдат дека, генерално гледано, луѓето кои се во брак се посреќни од другите, денеска тие сè потешко се решаваат на тој чекор. Еднаш штом се решите на тоа, една од најважните работи во животот станува избегнувањето на разводот. За да не дојде до такви проблеми потребно е добро да си одговарате со партнерот. Но, за жал тешко е да знаете дали можете со личноста со која сте денес во врска да созревате заедно и секогаш во текот на животот да сакате да одите по истиот пат.rnrnБрачните советници Питер Пирсон и Елен Бејдер велат дека најважна состојка за долга љубов е хемијата меѓу партнерите. Таа не е сè, но кога ја нема тешкотиите меѓу нив потешко се надминуваат. Важна е и т.н. социјална хемија, односно тоа како едниот партнер се чувствува додека е во друштво на другиот. Луѓето кои изневеруваат во бракот најчесто го прават тоа токму поради оваа причина – начинот на кој се чувствуваат покрај новата личност.rnrnrnrnПовеќе за тоа „како едниот партнер се чувствува кога е во друштво на другиот“ може да се бара во книгата „Која игра ја играш?“ на психологот Ерик Берн. Таа зборува за трансакционата анализа, односно во овој случај каква е интеракцијата на двајца луѓе кои се во врска. Тој зборува за три основни состојби на егото кои произлегуваат од тоа како личноста ја гледа врската меѓу неа и светот:rn
- родител – тоа што те научиле
- дете – тоа што си почувствувал
- возрасен – тоа што си научил
rnПирсон вели дека партнерите кои ќе се поврзат преку секој од овие делови најмногу си одговараат и имаат перспектива за многу успешен брак. Тој овој концепт го поедноставува преку неколку прашања:rn
- родител: Дали имате слични ставови и верувања за светот?
- дете: Дали ви е забавно кога сте заедно? Можете ли да бидете спонтани кога сте со него/неа? Дали ви се допаѓа како изгледа партнерот? Сакате ли да патувате заедно?
- возрасен: Дали секој од вас мисли дека другиот е паметен? Дали умеете заедно да ги решавате проблемите?
rnrnrnИдеална ситуација би била кога партнерите би биле компатибилни по сите три точки. Кога тоа не е случај, тие можат да балансираат меѓу себе. На пример, едната личност е авантурист и сака да се забавува, а другата е грижлива, повлечена и одговорна. Според Пирсон ваквите комбинации изгледаат симпатично, но се неодржливи на долг рок. Тој вели дека ваквите двојки функционираат додека едниот не се измори и каже дека не сака да биде оној што е постојано презема одговорност за другиот или да биде оној кој ќе носи забава во домот. Тоа е момент кога личноста сфаќа дека е многу поразлична од својот партнер и дека била во заблуда за карактерот на оној со кој влегла во брак. Тука сепак не е нивниот крај. Доколку личноста сфати дека и покрај различностите тие сè уште можат заедно да живеат исполнет живот, тоа е возможно. Овој процес бара голем напор и желба да се надминат проблемите.rnrnЗа да сфатите до каде сте вие, Пирсон предлага да направите еден едноставен тест. Ако живеете заедно со вашиот партнер и тој е отсутен на неколку дена и некаде видите дел од неговата облека, како ќе се чувствувате? Ќе бидете нервозни што морате да раскренете или тоа ќе ви разбуди некакви убави спомени? Одговорот на прашањето ќе ви даде одговор како вашите „родител, дете и возрасен“ се сложуваат заедно.
January 13, 2015
Вага и овен – љубовна комбинација

Вага и овен се спротивни знаци во зодијакот, а сите знаеме дека спротивностите се привлекуваат. Љубовта помеѓу нив се раѓа уште од самиот почеток, како резултат на нивното огромно уживање во заеднички поминатите мигови. Вагата сака баланс во сè, додека овенот не знае што значи зборот воздржаност. Вагата ја привлекува храброста, решителноста и иницијативноста на овенот, како и неговата подготвеност да презема ризици. Овните се цврсти личности, кои имаат свое мислење за секоја тема, но понекогаш избрзуваат во своите постапки. Вагите пак, се високо интелигентни и аналитични личности кои сакаат да соработуваат и да ги решаваат работите по мирен пат.Присуството на вагата во животот на овенот може многу добро да му влијае, доколку тој научи да ја слуша. Шармантната вага внесува хармонија во врската и таа може да го научи овенот да се однесува со стил. Овенот за возврат може да ја научи неодлучната вага да донесува одлуки базирани на интуиција и да ги претвори идеите во реалност.rnrnОвенот е секогаш добро друштво, од кое не може да ви досади. Вагата е софистицирана личност, која секогаш се труди да биде одмерена во односите со своите пријатели, додека овенот има побунтовен дух кој вагата може да го контролира со својот хумор.rnrnВо кревет, вагата и овенот се страсни љубовници, кои обострано уживаат во нивниот сексуален апетит. Нивните очи може да почнат да „шараат“ по други луѓе, но само доколку им стане здодевно. За да не се случи тоа, овенот и вагата треба да се потрудат да го одржуваат нивниот однос жив и непредвидлив. Вагата сака да стапи во брак кога ќе дојде вистинскиот момент за тоа, но овенот не е сигурен дали сака да биде засекогаш врзан со една личност. Ако вагата сака да го задржи овенот во своите прегратки, ќе мора да го натера да поверува дека идејата за брак била негова.rnrnИ двата знака имаат тенденција да започнуваат работи кои никогаш нема да ги довршат, без разлика дали станува збор за работа или за љубов. Навидум, во нивната врска лидер е овенот поради неговата моќна енергија и способност за убедување, но вагата е интелектуалниот лидер. И двата знака сакаат да ги држат конците во врската, па за да го добие овенот тоа што го сака може да се послужи со закани, а вагата со манипулација. Компромисот е основна алатка која може да го сочува здравиот дух на оваа врска. Среќа што дипломатската вага умее да ги балансира работите, за разлика од овенот кој мисли дека попустливоста значи потчинување. Поради тоа, вагата ќе мора да се труди да ги исполнува желбите на овенот, за да ја задржи хармонијата во врската. Од оваа љубовна комбинација обата знака можат да научат многу, бидејќи секој од нив го надополнува она што другиот го нема.rnrn

September 23, 2010