КАФЕ ПАУЗА

Tag: одговорност

Како да бидете горди на себе и на она што сте?

Сигурно досега сте слушнале фрази од типот: „Кој треба да бидеш, што треба да бидеш, каде треба да бидеш – сè ќе си дојде на свое место“. Но, дали е навистина така? Дали нештата кои ги посакуваме едноставно ќе ни „паднат од небо“ без да мрднеме ниту со прст за нив? Најверојатно и не затоа што ни е потребно едно нешто што се вика… работа.rnrnrnrnДа, мора да работите за да бидете таму каде што сакате да бидете. Ваша одговорност е секое утро да се запрашате себеси дали вашиот живот се движи во посакуваната насока, а ако не, што можете да направите во врска со тоа. Не можете да се разбудите еден ден и да си речете себеси: „Можам да го направам ова затоа што…“. Не. Потребна ви е работа, а тоа понекогаш може да биде навистина долг процес.rn

Борете се за вашите соништа

rnОткријте што е тоа што треба да направите за вашиот сон да се претвори во реалност. Дознајте што ве спречува да ги остварите вашите соништа и обидете се да ги елиминирате тие пречки. Стравот е една од најчестите пречки кога станува збор за нашите соништа. Иако на сите нам ни е добро познато дека многу полесно е да се каже отколку да се направи, сепак обидете се да го надминете стравот. Важно е да не се откажувате. Не очекувајте дека животот е бајка и дека сè ќе си дојде на свое место. Ако не успеете првиот пат, обидете се пак, одново и одново.rn

Сакајте се себеси

rnЧувајте се и сакајте се себеси. Самодовербата ќе ви помогне да ги надминете сите пречки, иако понекогаш ќе има денови кога нема да имате волја и желба за ништо. Во тие моменти, доволно е да ги споделите своите тешкотии со најблиските и да побарате поддршка од нив.rn

Животот е полн со падови и подеми и затоа направете го вреден за паметење

rnНе седете со скрстени раце, очекувајќи светот да ви го даде она што го посакувате. Наместо тоа, борете се за вашите желби, направете го она што треба да го направите и пружете си ја можноста да бидете среќни. Иако можеби ви се чини дека работите се одвиваат премногу бавно, сепак доволно е тоа што се движите во потребната насока. Запомнете дека вие сте единствените кои сте способни да го промените сопствениот живот.rn

Бидете горди на себе и на сопствените соништа

rnНајважно од сè е да бидете горди на себе. На крајот на денот, вие мора да живеете за себе. Секако, тука се пријателите, семејството и саканите, но морате да се сакате и да се прифатите себеси онакви какви што сте за да можете да ја ширите својата љубов кон другите.rnrnОткако ги прочитавте нашите совети за како да бидете горди на себе, можеби ќе сакате да прочитате и дека не треба да сте горди на себе ако сте постојано зафатени.rnrnИзвор: yourtango.com

January 31, 2022
Како родителството ве прави одговорна личност?
Да се биде родител е можеби една од најважните и најтешките работи. Без разлика на која возраст станувате родител, одгледувањето деца ве прави зрела личност. Ве тера да бидете најдобрата верзија од себе со цел да ги заштитите вашите малечки.rnrnrnrnОдговорните родители поставуваат добар пример за нивните деца. Децата ги гледаат нивните родители како водичи низ животот. Начинот на којшто се однесуваат родителите со домот, семејството, професионалните обврски и финансиите можат да имаат директно влијание на верувањата на детето за одговорноста. Погледнете на кој начин родителството ве прави и ве учи да бидете одговорна личност.rn

1. Учење со пример

rnНајдобриот родителски совет не е со зборови, туку со постапки. Причината е што децата навистина внимателно го набљудуваат секое ваше движење. Децата учат и го имитираат однесувањето слушајќи ги и набљудувајќи ги луѓето околу нив. Овие луѓе не мора директно да комуницираат со децата, тие може да бидат и од телевизија, од продавница или од училиште. Откако ќе станете родители, вие имате должност да ги учите вашите деца со тоа што ќе му поставите правилен пример.rn

2. Финансиски менаџмент во бракот и родителството

rnВоопшто не е лесно да одгледате дете. Исто така не е ни евтино. Истражувања покажале дека иако милениумците се поотворени во разговорот за финансиите со нивниот партнер, на паровите сепак им е тешко да разговараат за пари. Всушност, во една анкета паровите повеќе сакале да разговараат за нивната тежина отколку за нивната плата.rnrnРазговарањето за финансиите во бракот значи дека сте одговорни. Ова ви помага да ги избегнете долговите, да направите буџет и да се грижите за најосновните работи, како храна и облека.rn

3. Давање на правилниот родителски совет

rnКако што децата растат и созреваат, тие имаат сè повеќе и повеќе прашања за нивните родители. Бараат совети за проблемите на училиште, проблемите со пријателите и за романтичните врски. Родителите се должни да ги советуваат нивните деца така што ќе им помогне да ги решат проблемите на одговорен и зрел начин.rn

4. Дисциплинирање на правилен начин

rnОд голема важност е да научите како правилно да ги дисциплинирате вашите деца. Одговорните родители знаат дека дисциплината не се постигнува со удирање, викање или казни, туку има и други начини.rn
- Учење на децата како правилно да се однесуваат на училиште, дома, со пријатели и на социјални настани.
- Помагање на децата да развијат почит за оние околу нив.
- Учење на децата да ги разберат и да ги искажат нивните чувства.
- Одбирање на правилниот начин за дисциплинирање.
- Благи, но фер казни за лошото однесување на децата.
rnДисциплината е најдобра кога родителите имаат добра врска со нивните деца. Потребно е да можете да комуницирате со нив и да им покажете сочувство. Можете да почнете со неколку основни семејни правила. Овде може да спаѓаат разговарање со почит со другите, грижа за нивните работи и помагање во домот. Поставете им јасни граници на децата и кажете им кога ќе направат и нешто добро.rn

5. Поврзаност во бракот

rnЕден од најдобрите совети за паровите е да го стават нивниот брак на прво место. Иако одгледувањето деца бара одговорност, не треба поради нив да страда романсата во бракот. Колку е посилна вашата врска, толку ќе бидат подобри и другите аспекти од вашите животи. Можете да одредите еден ден од неделата само за вас и да одите сами на љубовен состанок. Од ова ќе почувствувате многу придобивки.rn
- Ќе се подобри вашата комуникација.
- Ја спречува здодевноста.
- Поминувањето време заедно го намалува стресот.
- Заедничките хобија и активности ја зголемуваат среќата во бракот.
- Физичката интимност ја поттикнува емоционалната интимност.
- Физичкото покажување внимание е поврзано со задоволството на вашиот партер.
rn

6. Одгледување добри деца

rnСонот на секој родител е да одгледа добро, комуникативно и силно дете. Ова можете да го направите со неколку одговорни одлуки како родител.rn
- Донесување одлуки, дури и кога се тешки.
- Одговарање и на чудните и на непријатните прашања.
- Отвореност за комуницирање.
- Учење на децата за вредноста на моралот и добрината.
- Искрено и доверливо советување на децата.
- Поставување добар пример за одговорност.
- Трпеливост и простување.
- Поминување квалитетно време со децата.
rn

7. Готвење и чистење

rnДруг начин на којшто родителството ве прави одговорна личност е со грижата за домот. Родителите треба да се осигурат дека домот е безбеден и чист. Ова значи дека вие ќе метите, ќе миете садови, ќе чистите прашина… Чистиот и безбеден дом е најдоброто опкружување за децата. Со ова ќе ги научите и самите да чистат по себе.rnrnИ готвењето е дел од родителството. Навистина е лесно да порачате храна, но понекогаш треба и вие да му направите некој здрав оброк на вашето дете.rnrnПогледнете и како да се справите со вашите деца кога се немирни.
November 22, 2018
Какви се навистина момците родени во знакот на Јарец?

Момците родени во знакот на Јарец се вистински божји дар. Овие мажи не само што се паметни и шармантни, туку ќе направат и вие да се чувствувате посебно кога сте во врска со нив. Нормално, како и сите останати, така и Јарците имаа свои недостатоци, но тие ќе сторат сè за нивните слабости да не дојдат до израз и да не го дефинираат нивниот карактер. Доколку сакате вистински да го запознаете карактерот на Јарецот, потребно е да сфатите дека не станува збор за едноставна личност, којашто може да се процени со само еден поглед.rnrnrn

1. Тие се сфаќаат себеси многу сериозно

rnЈарците се луѓе од збор и личности на кои можете вистински да се потпрете, што значи дека се придржуваат до одредени високи стандарди. Без оглед дали ветиле нешто на пријател или вложуваат многу во одредена врска, доколку се случи нешто неочекувано можат да бидат многу самокритички настроени. Ако сте во врска со Јарец, не сфаќајте ништо лично доколку вашиот партнер смета дека не е доволно добар. Тој едноставно сака да ги направи работите онака како што ги замислил.rn

2. Сакаат да се восхитувате на нивната практичност

rnЕдна од посилните страни на мажите родени во знакот на Јарец е дека се добро балансирани во повеќето ситуации, дури и кога се под стрес. Тоа е една од работите која им докажува колку прагматични можат да бидат. Но, доколку само еднаш им споменете дека ви се допаѓа што се чувствителни, верувајте тие долго ќе го паметат тоа.rn

3. Настојуваат да бидат поодговорни во врската

rnМажите Јарци се луѓе со кои е лесно да се воспостави комуникација, поради што се погодни партнери за припадничките на речиси сите знаци во Зодијакот. Но, она што ги прави навистина големи луѓе е нивниот одговорен однос. Без оглед дали сте практични како него или имате малку послободен дух, секогаш можете да се потпрете на вашиот партнер кога треба да се донесе добра одлука. Анализирањето е врежано во нивната природа и токму затоа, мажите Јарци најчесто донесуваат вистински одлуки.rn

4. Јарците се познати по тоа дека „тие знаат сè“

rnЈарците се паметни и сакаат да го истакнуваат тоа. На почеток од врската можеби ќе ви изгледа симпатично што вашето момче знае сè, но многу брзо може да ви здодее. Тие се однесуваат како сезнајковци. Доколку навистина си го сакате вашиот партнер, најдобро е да му кажете дека ова негово однесување ви пречи. Тие секогаш сакаат да бидете искрени со нив.rn

5. Многу често кај нив се мешаат љубовта и омразата

rnМажите родени во знакот на Јарец имаат интензивни чувства и природа. Една недела можат да бидат вљубени во нешто, а следната не сакаат повеќе ништо да имаат со тоа… Сè до оној момент кога кај нив повторно не се развие страста за истата работа. Овие карактеристики можат да внесат одредени проблеми во врската. Тешко може да ја откриете неговата вистинска личност, поради брзата промена на чувствата. Исто така, тоа може да биде проблем и во некои поедноставни ситуации. На пример, при изборот на роденденски подарок.rn

6. Семејството му е многу важно

rnЈарците љубат вистински, особено кога станува збор за семејството. Не се изненадувајте доколку сака веднаш да ве запознае со неговото семејство и притоа да тежнее да ги засакате исто толку колку што тој си ги сака своите мајка, татко, браќа сестри, баби и дедовци. Без оглед дали има мало или големо семејство, знајте дека за своите најблиски ќе издвојува подеднакво исто време, како и за вас.rn

7. Тие се горди на својата самоконтрола

rnЈарците знаат кога е време за забава, а кога треба да се повлечат. Момците родени во овој знак имаат развиено неверојатна самоконтрола и ретко се препуштаат на некои задоволства, како што тоа го прават другите знаци. Бидејќи се многу одговорни, Јарците имаат тенденција премногу да ги анализираат нештата и ретко се препуштаат на случајности.rn

8. Тешко поднесуваат кога се повредени

rnКога нештата веќе ќе бидат кажани или сторени, Јарците тешко го прифаќаат моментот кога се повредени. Можеби изгледаат дека добро се справуваат со ситуацијата или дека вешто се расправаат, но тоа не е секогаш така. Не само што ќе се затвори кога е повреден, во тешките моменти Јарецот може да каже и работи за кои подоцна ќе жали. Доколку сте во врска со Јарец, бидете подготвени понекогаш, за жал, да слушнете и некои не многу фини зборови кои ќе излезат од неговата уста.rn

9. Амбицијата е нивното средно име

rnЕден од најлесните начини да се опише Јарецот е дека тој секогаш се обидува да ги дофати „ѕвездите на небото“. Тие имаат толку амбиција, што понекогаш е тешко да се фати чекор со нивното темпо и идеи за напредок. Една од позначајните работи што можете да ги направите е да ги слушате нивните совети, тие секогаш знаат што зборуваат и за што се борат.rn

10. Тие цврсто газат на земја

rnОна што особено ги краси Јарците е нивната способност да се прилагодат кон различни карактери. Затоа, момците родени во овој знак се едни од најсимпатичните во Зодијакот. Но, тие веќе го знаат тоа. Тие се многу приземни и напорно работат на подобрување на своите слабости.

July 28, 2016
11 знаци дека сте влегле во светот на возрасните

Многумина се исплашени и збунети од самата помисла дека полека но сигурно треба да почнат да ги преземаат одговорностите што ги имаат возрасните. Тоа значи дека нема да можат повеќе да ги прават истите оние глупости со кои поминувале во минатото бидејќи никој веќе нема да им прогледува низ прсти. Сега ќе смеат да прават само работи со кои се одликуваат возрасните, што делува многу сериозно и здодевно. Ова се некои работи кои треба да ги направите за бестрашно и самоуверено да зачекорите во светот на возрасните:rnrnrn

1. Купете си убав рачен часовник

rnЗаборавете на мобилниот телефон. Рачниот часовник ќе направи да изгледате посериозно и поодговорно, а и ќе ви помогне секогаш да бидете во чекор со времето. Дури и да доцните, барем ќе знаете точно колку доцните.rn

2. Почнете да водите белешки

rnЗапишувајте сè што треба да направите на хартија. Доколку ги забележувате работите само во телефон, ќе изгледа како да се допишувате со пријателите на Фејсбук. Пишаниот збор на хартија може да послужи како веродостоен доказ и сигурно ќе запаметите повеќе работи ако прво ги напишете рачно. Имајте планер и правете листи за обврските што треба да ги завршите. На тој начин никогаш ништо нема да заборавите.rn

3. Не стискајте „снуз“

rnНе мора да станувате порано, но будете се точно тогаш кога треба да станете. „Ама ми се спие уште…“ – оваа реченица не треба да биде изговорена од еден возрасен млад човек. Исто така, ако го започнете денот со тоа што ќе одбиете да направите нешто, лесно можете да влезете во рутина на постојано одложување на работите.rn

4. Не откажувајте планови

rnДетството е период од животот кога немаме никакви задолженија и обврски, но нештата се менуваат како што созреваме. Немојте да им откажувате состаноци на луѓето. Едноставно отидете, дури и да доцните или да не ви е баш по волја. Немојте да користите глупави изговори. Ако постојано откажувате, луѓето нема да ве сфатат сериозно и ќе ја изгубите нивната почит.rn

5. Одговарајте веднаш на пораките

rnАко ја имате потребната информација, нема причина зошто да не одговорите веднаш. Некои разговори знаат да бидат здодевни, но немојте да ги одбегнувате. Работите што можете да ги завршите во моментот, не ги оставајте за подоцна. Така само ќе ви се натрупаат еден куп обврски и кога ќе дојде времето кога ќе мора да ги завршите, нема да знаете од каде да почнете.rn

6. Набавете си растение или милениче

rnФактот што нечиј живот ќе биде во ваши раце, ќе ве научи да бидете поодговорни. Почнете со еден обичен кактус и продолжете понатаму со животни форми кои бараат повеќе грижа и внимание. Ќе сфатите дека ако не водите доволно грижа за нечиј живот, тој нема да трае долго. Ќе добиете бонус поени доколку успеете да го одржите во живот онолку колку што му трае животниот век.rnrnrn

7. Стигнете до посакуваната дестинација без ничија помош

rnАко сè уште зависите од вашите родители или пријатели кога станува збор за транспорт, вие не сте подготвени за светот на возрасните. Мора да научите да бидете независни, а тоа подразбира да можете сами да стигнете онаму каде што треба. Не мора да ги знаете сите улици на памет, но барем научете да користите јавен превоз.rn

8. Чувајте си ги сами важните документи

rnВажно е во секое време да знаете точно каде се вашите лични документи како пасош, диплома, извод на раѓање и слично. Немојте да очекувате од вашите родители да ги чуваат заедно со нивните документи. Обезбедете си своја сопствена папка и сместете ја во посебна фиока. Направете и неколку копии за секој случај. Мора да се соочите со фактот дека светот на возрасните подразбира многу административни работи.rn

9. Чистете си го сопствениот неред

rnНе чекајте некој да ви каже да си го средите нередот или да си ги измиете садовите. Не оставајте хаос зад себе. Не е многу забавно да се чисти постојано, но тоа е една од работите која едноставно мора да се заврши. Можеби некогаш ќе се најдете во ситуација да го чистите и туѓиот неред, но запаметете дека сè тоа е дел од она што значи да се биде возрасен.rn

10. Штедете

rnНемојте да се жалите, не е толку тешко. Всушност не мора да правите ништо. Едноставно не купувајте. Никогаш нема да имате онолку пари колку што сакате. Важно е да ја научите разликата помеѓу зборовите „ми треба“ и „сакам“. Треба да ги платите сметките, а сакате да ги купите оние фармерки покрај 10-те други пара што веќе ги имате. Една од клучните особини што ги краси возрасните е самоконтролата. Барем така велат.rn

11. Знајте кога е време за забава, а кога за работа

rnЧесто ќе се соочувате со паметувањето на другите луѓе кои ви кажуваат кои работи му прилегаат на еден возрасен човек, а кои не. Тоа би значело дека пиењето текила во недела вечер не е баш најсјајна идеја. Вашиот внатрешен часовник самиот ќе покаже кога е време за забава, а кога треба малку да олабавите и да се посветите на работата. Ја немате повеќе онаа кондиција како кога бевте тинејџер. Мора да внимавате малку и на своето здравје.rnrnВлезот во светот на возрасните може да делува застрашувачки и сигурно се чувствувате збунето и изгубено. Но, кога ќе влезете во рутина ќе видите дека покрај сите одговорности што доаѓаат со него, носи и многу забавни работи во една поинаква смисла на зборот. Уживајте во најпродуктивните години од вашиот живот и извлечете го максимумот од нив.

April 18, 2016
Науката открива како правилно да се извините
Да се направи вистинското извинување може да биде голем предизвик. На секој му е тешко да признае дека направил грешка и уште потешко е тоа да го направи со искреност и милост. За среќа, група истражувачи од државниот Универзитет во Охајо го откриле рецептот за совршеното извинување.rnrnrnrnСпоред студиите, објавени во списанието „Negotiation and Conflict Management“, извинувањето може да биде моќна алатка за помирување и прифаќање на ситуацијата, но не сите извинувања се исти. Всушност, истражувачите откриле 6 клучни компоненти кои формираат ефективно извинување кое делува искрено и промислено:rn
- Израз на каење
- Објаснување каде работите тргнале на лошо
- Препознавање и прифаќање на одговорноста
- Декларација на покајание
- Понуда за поправка на ситуацијата
- Барање прошка
rnИстражувачите на група од 755 испитаници – волонтери им дале едно хипотетичко бизнис сценарио во кое потенцијалниот работник признава дека направил нешто погрешно додека одел на своето претходно работно место и потоа се извинил за своите дела. На испитаниците им биле дадени неколку извинувања кои соодветствувале со истото сценарио и им било побарано да ја проценат нивната сила, односно ефект. Додека некои од извинувањата ги исполнувале сите компоненти за успешно извинување, некои користеле само еден или два од нив.rnrnСе забележало дека две од клучните компоненти биле поефективни од другите: Препознавањето и прифаќањето дека сте направиле нешто лошо и понудата да се поправат и решат проблемите. Најмалку ефективната компонента била онаа во која се барало прошка.rn

„Една грижа околу извинувањата е тоа што се мисли дека разговорот е евтин. Но со велењето дека ќе го поправите она што е погрешно, се посветувате на тоа дека треба да преземете нешто за да ја намалите или отстраните штетата. Извинувањата навистина делуваат, но треба да се погрижите во нивното пренесување да внесете што е можно повеќе од 6-те клучни компоненти за успешно извинување“, вели Рој Луицки, главниот истражувач на Универзитетот.
April 16, 2016
10 совети кои ќе ви помогнат да го воспитате детето да биде примерно

Одгледувањето на децата можеби е една од најтешките работи што постои, но тоа е и најубавото нешто што може да му се случи на човекот. Децата се нашата иднина и ние мора да се погрижиме тие да израснат во примерни луѓе.rnrnrnrnЉубовта кон децата е неспоредлива со ниедна друга, тие се најголемото богатство, но токму поради тоа родителите често грешат при воспитувањето. Секако, тоа не ги прави лоши родители, само што децата примаат навики кои потоа лошо влијаат врз нивниот живот во иднина.rnrnНаправивме листа од 10 работи кои ќе ви помогнат да го израснете вашето дете во подобар човек.rnrn1. Почесто кажувајте НЕ. Практикувајте одложено задоволство и едноставно не му давајте на вашето дете сè што ќе посака во моментот, иако вие тоа лесно можете да си го дозволите.rnrn2. Очекувајте благодарност. Одете чекор подалеку во учењето на вашето дете да кажува „ве молам“ и „благодарам“. Научете го да воспоставува контакт со очи, правилен поздрав со рака, да покажува љубезност и благодарност за убавите зборови кои му се кажуваат и дарежливите подароци кои ги добива. Ако ова не се случува, натерајте го детето да го врати подарокот (на личноста која му го подарила или вам на безбедно чување) и објаснете му зошто не е подготвено да го добие.rnrn3. Практикувајте алтруизам. Донирајте облека и играчки за луѓето на кои им се потребни (не само на вашите соседи бидејќи така е најлесно и бидејќи тие имаат мали деца) и потрудете се и вашето дете да биде дел од тој процес. Правете го ова почесто кога имате можност, пакувајте и подарувајте заедно со цел детето да научи да не биде себично.rnrn4. Бидете внимателни во врска со вашето друштво. Ако се дружите само со богати семејства кои не го одгледуваат нивното дете правилно, можеби ќе почувствувате потешкотии да го постигнете тоа што сакате кога станува збор за воспитувањето на вашето дете. Гледајте да го поминувате времето со членови на фамилијата или пријатели кои имаат слични вредности на вашите.rnrn5. Пишувајте картички за благодарност. Да, картички напишани на хартија со пенкало! Генерално, денес децата пократко го задржуваат вниманието, расеани се и не се научени да одвојуваат време и внимание за да ја изразат нивната благодарност. Оваа едноставна, но сепак важна работа, може значително да го научи вашето дете не само да ја изразува својата благодарност за нештата кои ги има и доживува, туку и своите чувства и грижи.rnrnrnrn6. Не ги фаќајте секогаш кога ќе паднат. Гледајте да научат дека постапките имаат последици уште од рана возраст – споделете ваши искуства и научете ги лекции како „животот не е фер“. Дополнително, не претерувајте во заштитувањето од разочарувања. Мора да разберете и да верувате дека падовите се дел од успешниот развој на детето.rnrn7. Одолејте му на поривот да купувате повеќе работи наеднаш. Само затоа што можете, не значи дека морате! Не купувајте му 4 играчки наеднаш, купете му една и дозволете му на детето да ја засака и да го цени она што го има.rnrn8. Разговарајте со нивните дедовци и баби и објаснете им ги вашите намери. Споделете со нив дека имате желба детето да научи за почит, благодарност, љубезност и одговорност, и дека целите кон тоа. Потребна ќе ви биде нивната помош во остварување на овие цели, особено ако тие се како повеќето баби и дедовци кои сакаат да ги разгалуваат нивните внуци и внуки. Побарајте од нив да го разгалуваат вашето дете со љубов, време, наклонетост и внимание, а не со пари, подароци и играчки.rnrn9. Научете го детето за вредноста на парите. Поттикнете го вашето дете да управува со пари преку заштеда и донирање во добротворни цели, наместо во трошење. Ако го практикувате ова уште од рана возраст, тогаш детето ќе израсне во навистина одговорна личност.rnrn10. Споделувајте ги вашите приказни. Ако потекнувате од богата фамилија, раскажете му ја на вашето дете приказната како дошло до тоа. Ако самите го имате постигнато она што го имате, раскажете му ја таа приказна. Не заборавајте дека „давањето на детето сè што вие сте немале“ не е секогаш добра работа. Сигурно постојат многу работи кои вие сте ги научиле по патот кои ве направиле личноста којашто сте денес.

March 26, 2016
7 работи кои треба да ги направите пред да наполните 30 години

Има многу работи кои треба да ги направите пред да влезете во четвртата деценија од вашиот живот. Она што е најважно е да не губите верба во себе и да не се откажувате. Можеби ќе ви бидат потребни неколку години за да ги остварите повеќето работи на оваа листа, можеби ќе ве фати паника и ќе почувствувате замор. Но, едно е сигурно: Ќе бидете среќни што сте ја презеле контролата врз својот живот и што не сте барале изговори за своите постапки. Во продолжение прочитајте ги 7-те работи кои треба да ги направите пред да наполните 30 години.rnrnrn

1. Не мора да ја сакате првата работа

rnДоколку почнувате со кариерата, слободно прифатете работа во која не сте баш „заљубени“ и бидете најдобри во неа. Воодушевете го шефот, работете дополнителни задачи, бидете колегијални. Немојте да се жалите. Можеби платата нема да биде толку добра на почетокот и се разбира тоа нема да биде работата од вашите соништа, но еден ден вашиот труд ќе се исплати и можеби благодарение на оваа работа побрзо ќе ги исполните своите желби.rn

2. Патувајте сами

rnБез најдобрите пријатели, без вашиот партнер, без родителите. Обрнете внимание на деталите, независно дали се работи за проверување на багажот, читање на мапите или снаоѓање низ улиците во некој непознат град. Испробајте ги своите граници и пребродете ги своите стравови. Така ќе научите подобро да комуницирате и со себеси и со другите.rn

3. Доколку постои нешто што силно го посакувате, направете сè за да го остварите

rnЧитајте инспиративни книги кои ќе ви помогнат да сфатите како да дојдете до целта. Направете „табела на визиите“ и залепете ги на неа фотографиите од нештата што ги сакате. Се разбира, обидете се овие работи и да ги остварите. Доколку имате желба да одите на студии во странство, побарајте емотивна и финансиска поддршка од родителите или побарајте работа за сами да заработите за тие студии. Аплицирајте на универзитетите на кои сакате да студирате. Учете го јазикот кој ви е потребен за таа земја. Каква и да е вашата желба, најважно е да се осмелите и да си докажете себеси дека вие тоа го можете.rn

4. Направете нешто лудо, смешно и некарактеристично

rnНешто што секогаш ќе можете да го прераскажувате. Најдобрите работи можете да ги направте кога нема премногу да ги анализирате своите постапки. Опуштете се и играјте како да сте пијани, иако не сте. Патувајте 24 часа без престан, престанете да се дружите со пријателите кои лошо се однесуваат со вас, запејте со непознати луѓе… Списокот е бескраен. Вашите 20-ти години треба да бидат исполнети со моменти на кои секогаш ќе се сеќавате со насмевка на лицето.rn

5. Погрижете се за себе

rnБез оглед на тоа дали од шефот ќе побарате поголема плата бидејќи сметате дека ја заслужувате или ќе речете некому да не ве третира како личност без вредност, вие треба да научите да се заштитите себеси и да бидете малку поагресивни. Научете кога треба да речете „да“ и како на луѓето да им дадете до знаење дека вашето „не“ навистина значи „не“.rn

6. Научете се да се грижите за своите пари

rnНикој не вели дека мора да бидете милионери, но обидете се да заштедите доволно пари за да можете да живеете сами. Правете белешки и водете евиденција за своите трошоци. Доколку земете кредитна картичка, водете сметка како ја користите. Обидете се за заработите и да заштедите доволно пари за самите да си ги платите сметките. Тоа се ваши лични пари и се разбира имате право повремено да се почестите, но бидете одговорни во трошењето.rn

7. Пронајдете партнер кој нема да ве кочи, во ниедна смисла

rnВистинската љубов е онаа која ви овозможува да созревате и да растете како личност. Доколку имате среќа, таквата личност ќе ја пронајдете во своите 20-ти. Вашата мотивација може да биде токму вашата сродна душа, кариерата или пак, вашето хоби. Доколку вашиот партнер е тој кој ве поттикнува, тогаш погрижете се тоа да биде некој кој ќе направи да се чувствувате незаменливи и неопходни. Доколку кариерата е она што ве мотивира во животот, тогаш не би требало никогаш да се чувствувате искористени или принудени. На крај, доколку се работи за вашето хоби, тогаш потрудете се тоа да не ви го одвлекува вниманието од вашите работни обврски.

March 22, 2016
Ако сте почнале да се откажувате од вашите соништа, прочитајте го ова…

Кога сте млади и за прв пат го напуштате вашиот дом, ви се чини дека слободата ве зела во прегратка и заедно сте скокнале од карпа. Тоа е чувство на летање, без страв дека ќе треснете од земја или во студена вода, со ненадеен шок за вашиот систем. Спуштањето не е ништо друго туку далечна мисла, оддалечена цел универзум. Во моментов, вие летате.rnrnrnrnМожеби ова чувство е поврзано со факултетот. Или со првиот стан во кој ќе живеете сами. Можеби е нешто сосема друго, но тоа е слобода која вие цврсто сте ја зграпчиле со двете раце, како исплашено дете кое се држи за својата мајка, првиот пат кога ќе излезе во непознатиот надворешен свет. Можеби во оваа споредба има доза иронија. Веројатно не сте размислувале така во тоа време. Едноставно сте го живееле градот, сте го вдишувале животот. Чад, мистерија, звуци, опасности, сè е возбудливо, а вие сте млади, светот постои за да го освоите и можете да бидете сè што ќе посакате.rnrnЗамрзнете го тој момент во вашата глава. Првиот момент кога вистински сте се почувствувале слободни. Очекувањата, идеите, нештата кои мислите дека ви се предодредени. Дали се сеќавате на чистата, незагадена среќа? Одлично. Чувајте го тој спомен засекогаш.rnrnЦелосната слобода носи одговорност. Одеднаш вие сте тие кои ги поставуваат правилата. Одеднаш вие сте одговорни за животот кој никогаш не помисливте дека ќе тргне во погрешна насока. Одеднаш целиот свет се движи побрзо отколку што вие очекувате. Одеднаш сфаќате дека не сте подготвени. Одеднаш сè излегува од контрола и сакате сè да сопре.rnrnНо. не запира. Светот не запира за никого. Нема да запре ниту за вас.rnrnТажно е што мора да го запаметите сето ова, но навистина е важно. Бидејќи детето е сè уште некаде длабоко во вас, криејќи се во собата за паника која сте ја направиле во вашето срце. Истото дете кое ги имаше сите тие соништа, соништа кои ви биле на дофат во моментот на слобода, што скоро и сте можеле да го почувствувате успехот.rnrnВратете се на тој момент. Вратете се во секундата кога помисливте дека светот е ваш. Што ќе си кажевте себеси сега, откако веќе го знаете исходот и кога веќе сте постари и помудри? Веќе научивте дека светот не застанува за никого. Сте се помириле со вашите обврски. Сте почувствувале што значи да ви го скршат срцето и најважно од сè, сте научиле што значи одбивањето.rnrnСо други зборови, нема подобро време од сега да барате целосна и апсолутна слобода во вашиот живот, да ја преземете контролата врз вашата иднина, да го зауздите животот и да го следите секој ваш сон. Не дозволувајте стравот од слободата да го спречува секое ваше движење и да го уништи сето она што некогаш мислевте дека ви е на дофат. Можеби сега сте уморни и презаситени, но тоа не смее да се случува.rnrnНаместо тоа, научете од грешките од вашата младост и искористете го секој момент на слобода која ја чувствувате во моментов, да се борите за секоја една цел и сон кој го имате.rnrnСветот е прекрасно место, но само ако вие изберете така да го доживувате секој ден. Светот е блажено место, но мора да сте благодарни за малите нешта за да го доживеете така. Ваш е изборот дали светот ќе го гледате позитивно или негативно, исто како што слободата е состојба на умот.rnrnСите во животот имаме избор. Може да изберете и да забавите, да се повлечете и да се откажете од вашите соништа. Или може да изберете никогаш да не заборавите како е да сте апсолутно слободни и да го искористите тоа чувство за да го исполните секој ваш сон.rnrnСетете се на решителната млада личност која некогаш сте биле. И почнете повторно да верувате во неа.

March 21, 2016
Запознајте ја Џунипер, лисицата која се однесува како кученце

Џунипер е лисица која со својата милина ги освојува социјалните мрежи. Таа е интересен избор за домашно милениче, но брзо се навикнала на луѓето и сега обожава да си игра со нив. Нејзината омилена игра е да се брка со нејзината сопственичка и пријателите низ дворот и куќата.rn

„Лисиците се многу енергични и природно се обидуваат да го ловат пленот бидејќи тоа им е вродено. Џунипер, како и сите други лисици, реагира кога ќе слушне гребење, бидејќи тоа ја потсетува на звукот кој го прават глувците под снегот или земјата“, вели сопственичката на Џунипер.

rnrnrnТаа на Инстаграм ги објаснува сите предизвици кои доаѓаат со чувањето на лисиците како домашни миленичиња и дека тоа не е воопшто лесно како чувањето мачиња и кучиња.rn

„Лисиците мирисаат лошо. Нивната урина и нивниот измет мирисаат како твор и амонијак. Не постои начин да се ослободите од миризбата. Исто така не можете ни да ги чувате дома 24/7… Тие се деструктивни и ќе ви ги уништат работите низ домот. Лисиците мораат да се хранат со месо и коски. Исто така им треба и таурин или ќе ослепат, ќе страдаат од напади, а можат и да умрат…“, објаснува таа.

rnНо, и покрај сè, едноставно не можеме да ја изнагледаме оваа слатка лисица. Зарем не би сакале да ја имате во вашиот живот?rn

February 12, 2016
20 знаци дека сте успешни иако не сте свесни за тоа

Сите имаме периоди во животот кога чувствуваме дека тапкаме во место и дека не го даваме најдоброто од себе. Многу често не сфаќаме колку сме направиле и колку далеку сме стигнале. Доколку токму така се чувствувате во моментов, само размислете дека можеби сте успешни, но не сте свесни за тоа. Ова се 20 знаци дека сте постигнале многу повеќе отколку што мислите.rnrnrn

1. Не дозволувате платата да ве ограничува и преокупира

rnМожеби не можете да си ја дозволите најскапата марка часовник во моментов, но барем не се грижите како ќе сврзете крај со крај до следната плата. Знаете дека секогаш може да добивате повеќе и дека во природата на човекот е ништо да не му е доволно, па затоа сте научиле да бидете среќни со она што го имате. Тоа значи дека не само што сте научиле како правилно да ги распоредувате парите за да не влезете во „дупка“, туку и знаете како да бидете задоволни и среќни без постојано да мислите на пари.rn

2. Не сте опседнати со потребата да се докажете

rnРетко кога вашите реченици почнуваат со „јас“ и слушате повеќе одошто зборувате. Не чувствувате потреба да се докажете и покажете, едноставно сфаќате дека другите се оние кои треба да ги увидат вашите позитивни страни и вредности. Честитки, бидејќи успешен е токму оној кој нема потреба да се покаже и издигне себеси за да си го нахрани сопственото его.rn

3. Не драматизирате како порано

rnЗнаете за неколку минути да се спакувате за викенд надвор од градот, умеете да поднесете доза на несовршенство без да експлодирате од бес и не си ги сфаќате работите толку сериозно. Ако порано драматизиравте за секоја ситница, сега едноставно верувате во себе и знаете дека сè ќе излезе како што треба.rn

4. Имате план

rnЕдноставно знаете каде одите, кон што се движите, имате слика за себе по една година и знаете што сакате да остварите. Бидете горди на тоа, бидејќи има многу луѓе кои не знаат што сакаат и кои просто немаат план за себе.rn

5. Сакате да учите нови работи

rnПостојано сте жедни за знаење и искуство па ја користите секоја можна шанса. Ништо нема да ве запре и отворени сте на сè што е ново и корисно. Вашата желба за надградување е нескротлива и тоа само по себе е успех.rn

6. Ранобудници сте

rnСтанувате рано со нескротлива желба да го освоите претстојниот ден наместо нескротлива мрза да останете во кревет.rn

7. Често сте социјално активни

rnМожеби не ви се излегува во секој момент, но многу често сте во интеракција со колеги, пријатели и роднини. Пријателските врски не само што придонесуваат за хармоничен живот, туку ве носат до нови познанства, ги шират вашите видици и ви помагаат да оформите корисни врски за во иднина. Потребните контакти нема да ви затропаат на врата, треба да ги најдете сами.rn

8. Ги почитувате луѓето

rnБез потреба да потцените некого за да се издигнете себеси, вие сте доволно исполнети за да ги вреднувате луѓето околу вас и во секого да најдете нешто позитивно.rn

9. Им помагате на другите

rnВашата емпатија придонесува за вашиот хуман однос кон луѓето што ве исполнува и ви дава вредност во очите на другите.rn

10. Водени сте од страста за животот

rnНе знаете што е меланхолија. Вие како да сте приклучени на струја, едноставно итате кон успеси, знаења и унапредување. Тоа е страста која ја чувствувате за она што го работите и општо за животот.rnrn

March 9, 2015