КАФЕ ПАУЗА

Tag: најпознати

5 историски градби во Њујорк што вреди да ги видите

Исполнет со многубројни иконски згради, Њујорк отсекогаш бил впечатлив поради неговата архитектура. Токму неговата архитектура му помогна на градот да се трансформира од фарма, во метрополата што ни е позната денес. Всушност, градбите се толку испреплетени со градот, што речиси е невозможно да не помислите на овие згради кога го спомнувате Њујорк.rnrnДодека спомениците како Статуата на слободата се често синоним за градот, постојат некои други градби кои ја симболизираат неговата богата историја. Па кои се најдобрите архитектонски дела во Њујорк што треба да ги видите? Листата може да биде навистина долга, но сепак, најмногу се истакнуваат следниве пет.rn

1. Емпаер стејт билдинг (1931)

rnrnrnТешко е да го замислите Њујорк без Емпаер стејт билдинг. Овој облакодер во арт деко стил ја имаше титулата највисока зграда цели 40 години, пред изградбата на Северната кула од Светскиот трговски центар. Лоцирана во центарот на Менхетен, градбата била конструирана на место што во 18-тиот век било фарма. За зградата имало понудено 15 дизајни, пред архитектите Шрив, Лемб и Хармон да се одлучат за она што го гледаме денес. Денес можете да се качите на опсерваторијата на 102-иот кат и да уживате во неверојатна панорама на Менхетен.rn

2. Зградата Крајслер (1930)

rnrnrnКако олицетворение на американската арт деко архитектура, не можете да не ги видите облините на зградата Крајслер. Изграден како седиште на корпорацијата Крајслер, облакодерот отсекогаш се натпреварувал со Емпаер стејт билдинг. Всушност, зградата Крајслер уживаше во титулата највисока градба во светот, но само 11 месеци подоцна местото го зазема Емпаер стејт билдинг. Сепак, челична метална рамка со декоративниот метал и украсните скулптури, како и неверојатниот ентериер ја оставаат градбата помеѓу најдобрите примери од американската архитектура.rn

3. Зградата Флетајрон (1902)

rnrnrnИако не е висока како повеќето облакодери ви Њујорк, зградата Флетајрон со нејзините 20 ката била највисока кога била изградена на почетокот од 20-тиот век. Прво нарекувана Фулер, ова архитектонско чудо го добило новото име од нејзината форма, која наликува на пегла. Архитектот Даниел Бурнхам го направил дизајнот користејќи класични елементи – основата, оската и фасадата наликуваат на грчки столб. Засега Флетајрон е канцелариски објект, но сопствениците сакаат да ја трансформираат во хотел. Ова е најфотографираниот споменик во градот и често можете да го забележите во филмовите и ТВ сериите бидејќи веднаш потсетува на Њујорк.rn

4. Музејот Гугенхајм (1959)

rnrnrnНе само што музејот Гугенхајм бил последниот проект на Френк Лојд Рајт, туку и целосно го променил начинот на којшто луѓето ја гледаат музејската архитектура. Иако на почетокот градбата добила многу лоши критики бидејќи наводно наликувала на огромна тоалетна школка, нејзината репутација само се зголемувала со текот на времето. Зградата привлекува исто толку внимание колку и уметничките дела што ги крие внатре, а уникатниот ентериер одлично ги води љубителите на уметноста низ колекцијата. Целта на Френк била да дизајнира храм на духот што ќе ѝ овозможи на јавноста да се вклучи во колекцијата на значаен начин. Познатата зграда продолжува да ги инспирира архитектите, кои покажуваат дека и дизајнот на градбата може да биде посебно уметничко дело.rn

5. Седиштето на Обединетите Нации (1952)

rnrnrnСо цел да се дојде до совршената зграда која ќе биде седиште на ОН, биле собрани некои од најдобрите архитекти ширум светот. Овде спаѓале Оскар Нимајер и многу други од Кина, Австрлија, Белгија, Шведска и Велика Британија. На крајот биле комбинирани проектите од Оскар и Ле Корбизје со цел да се создаде иконското архитектонско ремек-дело. Изградена во интернационален стил, комплексот гледа кон Источната Река и пречекува над 1 милиони посетители годишно.rnrnПогледнете ги и овие неверојатни фотографии од Њујорк од 19-ти и 20-ти век.

May 13, 2019
10-те најголеми скулптори што ја променија историјата на уметноста

Низ историјата се појавиле многу скулптори чии дела го издржале тестот на времето. Можеби ги цениме поради нивната способност да создадат навистина реалистични фигури, а можеби пак ни се допаѓа тоа што ги поместуваат границите и ги надминуваат сите очекувања. Без разлика на нивниот стил, следниве 10 скулптори ги создале најпрепознатливите дела во западната историја на уметноста.rn

1. Праксител (4-ти век п.н.е.)

rnrnrnИако е тешко да се дознае нешто повеќе за големите вајари од древна Грција, едно име го издржало тестот на времето. Праксител станал синоним за вајарството од древна Грција. Ниту една од неговите оригинални статуи не преживеала, но знаеме за неговите дела благодарение на римските копии од оригиналите. Неговото најпознато дел е „Афродита од Книд“, скулптура која е прв пример за гола женска фигура во природна големина. Ова дело со векови имало големо влијание врз претставувањето на женското тело преку вајарство.rn

2. Донатело (1386 – 1466)

rnrnrnИталијанскиот скулптор Донатело дал голем придонес во уметноста од италијанската ренесанса. Воглавно работел во Фиренца и голем дел од неговите творби се наоѓаат во овој град. Неговата бронзена статуа „Давид“ означила значителна промена во уметноста и почетокот на ренесансното вајарство. Неверојатниот реализам на дрвената скулптура од Марија Магдалена само покажува дека Донатело навистина бил пред неговото време.rn

3. Микеланџело (1475 – 1564)

rnrnrnИако најчесто е поврзуван со цртањето фрески, Микеланџело најмногу сакал да прави скулптури. Тој верувал дека секое парче мермер содржи уметничко дело кое само чека да биде откриено. Иконската скулптура „Давид“ останува траен симбол на италијанската ренесанса и до денес ги инспирира уметниците. Микеланџело бил навистина посветен на неговата работа и творел сè до неговата смрт на 88 години.rn

4. Џан Лоренцо Бернини (1598 – 1680)

rnrnrnМожеби ниту еден уметник не го дефинира барокот како Бернини, чија импресивна кариера траела речиси 70 години. Како дете гениј, Бернини создавал големи мермерни скулптури уште кога бил тинејџер. Подоцна станал архитект во базиликата Свети Петар и го создал иконскиот плоштад пред базиликата. Бернини бил познат по неговата неверојатна способност да создаде движење и да ги долови емоциите со неговите дела. Со неговите раце, мермерот се претворал во меко месо кое изгледа толку реално, што ќе сакате да го допрете.rn

5. Огист Роден (1840 – 1917)

rnrnrnФранцускиот скулптор Огист се смета за личноста која го донела вајарството во модерниот свет. Тој е еден од најпрепознатливите уметници во светот на вајарството, а „Мислителот“ е дело што го знаат сите. Огист е познат по неговата способност да ги замени реализмот и декорацијата со текстура, површински детали и светлина и сенки, со цел да прикаже емоција. Неговиот фокус на внатрешните емоции и страдањето е пресвртна точка во историјата на уметноста и е како белег на модернизмот.rnrnПродолжува на следната страница…rnrn

May 10, 2019
10-те најдобри мантри за вашите следни медитации

Што поточно е мантра? Тоа е збор или фраза којшто се повторува одново и одново за време на медитација. Меѓутоа употребувањето на мантри во текот на медитацијата подразбира многу повеќе, отколку да звучите како некоја расипана плоча. Тие најчесто се свети по природа, зборовите и звукот ве поткреваат и ви помагаат да се фокусирате во текот на медитацијата. Со други зборови, мантрите се дизајнирани за да ве променат, во позитивна смисла на зборот.rnrnrn

Која е улогата на мантрата?

rnИнтересна работа во врска со користењето мантри во текот на вашата медитација, е тоа што тие му даваат задача на вашиот мозок, односно го ангажираат да прави нешто. Секако дека спиритуалните мантри се наменети да го трансформираат вашиот живот, преку нивно постојано повторување. Но, тоа што се изговара не е некое празно баботење од типот „моите чевли се зелени“ или „јас многу сакам домати“. Интересно е да се спомене дека дури и ваквите реченици ефикасно ќе го одржуваат умот зафатен во текот на медитацијата, што значи дека имаат свои придобивки. Но, да се соочиме со реалноста: тие звучат како расипана плоча и ништо повеќе од тоа.rnrnВо продолжение, ѕирнете ги овие испробани и вистински мантри, кои ќе ви овозможат да практикувате медитација за трансформација.rn

АНТИЧКИ МАНТРИ

rn

1. „Ом“

rnОва е стара, но многу добра позната мантра, којашто навистина немате начин премногу да ја погрешите. „Ом“ е светиот звук на Хиндуизмот и се вели дека во превод означува: „Тоа е, ќе биде или ќе стане“.rn

2. „Ом мани пеме хум“

rnОваа мантра доаѓа од Тибет и грубо преведено означува: „Довикување на скапоцениот камен во лотосот“. За скапоцениот камен, во случајов се мисли на Буда на Сочувството.rnrnrn

3. „Намо Амитаба“

rnОваа мантра се кажува во име на почитта кон Буда од безграничната светлина.rn

4. „Јас сум тоа што сум“

rnОва е една од најпознатите реченици од Хебрејската Тора, а била одговорот на Господ, кога Мојсеј го прашал како се вика.rn

5. „Хам-са“

rnОваа Хинду варијанта, означува „јас сум ТОА“.rn

6. Хо’опонопоно

rnОваа хавајска мантра значи „Те сакам; Жал ми е; Те молам прости ми; Ти благодарам“.rn

СОВРЕМЕНИ МАНТРИ

rn

„Љубовта е единственото чудо коешто постои.“ – Ошо

rnrn

„Биди промената којашто сакаш да ја видиш во светот.“ – Ганди

rnrn

„Секој ден, во секоја смисла, мене ми е сè подобро и подобро.“ – Лора Силва

rnrn

„Ги менувам моите мисли, го менувам мојот свет“. – Норман Винсент Пил

rnrnrnСè започнало со антички Хиндуисти, но употребата на мантрите во медитација оттогаш се распространила, во најголем дел преку далечниот Исток, помеѓу Будистите, Таоистите, Сиките и други. Во денешно време, луѓето од Западот коишто сакаат да се движат по спиритуалниот пат во животот, исто така користат и создаваат мантри. Поголем дел од нив звучат како афирмации, но оние коишто се кратки и слатки, исто така имаат добар ефект во важниот трансформативен процес.rnrnПробајте ги и овие 10 мантри против драма, стрес и грижи

September 14, 2018
Историјата на најпознатите автомобилски логоа

Голем дел од автомобилските логоа, кои биле создадени за време на подемот на автомобилската индустрија, претставуваат конкретни теми или идеи зад кои се кријат интересни приказни.rn
rn

Духот на екстазата, Ролс Ројс

rnЛогото кое се наоѓа на хаубата на секој Ролс Ројс е исто толку екстравагантно како и самиот автомобил. Сепак, потеклото на „Духот на екстазата“, лого кое е познато и како „Сребрената дама“ или „Летечката дама“, е прилично скандалозно. Првото лого било дизајнирано за автомоблиот на Џон Волтер Едвард Монтагу, вториот барон Монтагу од Болие и уредник на списанието Car Illustrated во почетокот на 1900-тите години. Дизајнер на логото бил скулпторот Чарлс Робинсон Сајкс, кој идејата за женската фигура ја добил од Еленор Веласко Торнтон, секретарка и не толку тајна љубовница на баронот. Првичното лого претставувало женска фигура облечена во лесна облека која го држи прстот на усните што всушност ја означува тајната љубов на баронот и секретарката. rn

Амблемот во венец, Кадилак

rnКога Вилијам Марфи и Хенри Леланд во 1902 година ја основале компанијата Кадилак, тие сакале да му изразат благодарност на основачот на Мотор Сити, Антоан де Кадилак. Марфи и Леланд не го искористиле само неговото име, туку и грбот кој го регистрирале како трговска марка во 1906 година. И додека модерното лого вклучува венец и чист дизајн, првичната верзија опфаќала две групи од по три патки кои го симболизирале Светото Тројство и круна со девет врвови кои ги означувале античките точки на Франција. rn

Црниот пастув, Ферари

rnЦрниот пастув на златна позадина за првпат се појавил во 1932 година на Гран При трката во Белгија, но на автомобилите од компанијата Алфа Ромео. Истиот амблем се појавил и многу порано, за време на Првата светска војна, кога ги красел борбените авиони управувани од италијанскиот гроф Франческо Барака, познат како „кавалер на небото“. По смртта на пилотот, неговата мајка му го претставила амблемот на Енцо Ферари кој ја направил позадината жолта и ги додал боите на италијанското знаме. rn

Змијата на Алфа Ромео

rnЛогото на Алфа Ромео е креирано од страна на еден италијански сликар во 1910 година и претставува комбинација на два симбола од раниот период на Италија. Од десната страна се наоѓа „biscione“, односно змија која јаде луѓе, која се наоѓала и на грбот на средновековниот благороднички ред Висконти. Од левата страна, пак, има црвен крст на бела позадина кој истовремено е и амблем на Милано. Логото било редизајнирано во 1918 година, кога бил додаден темносин прстен околу него на кој биле напишани зборовите „Алфа“, „Ромео“ и „Милано“. Конечниот изглед логото го добило во 1970 година. rn

Ѕвездата со три крака, Мерцедес Бенц

rnОткако „Мерцедес“ станало официјално трговско име за автомобилската групација „Дајмлер-Мерцедес“, компанијата побарала дефинирање на логото. Во 1909 година, Пол и Адолф Дајмлер, синови на основачот на компанијата Готлиб Дајмлер, ја презентирале идејата за користење на ѕвездата како симбол за амблем на автомобили. Готлиб Дајмлер, кој прво работел како технички директор во Келн, ја нацртал ѕвездата на една разгледница која ѝ ја испратил на сопругата. Во разгледницата пишувало дека ѕвездата означува напредок и дека еден ден ќе сјае на неговата фабрика. rn

Рондото на БМВ

rnМонгумина ја знаат приказната за логото на БМВ на кое белиот пропелер се врти кон синото небо. Но, ова објаснување е чиста заблуда. Рондото всушност е комбинација од црн круг на кој е напишано името на компанијата и слики кои личат на сините и белите дијаманти од знамето на слободната Баварска држава. Сепак, шемата на боите на дијамантите е обратна од онаа на знамето затоа што во тоа време било забрането националните симболи да се користат како трговски марки. rn

Панделката на Шевролет

rnПрепознатливата панделка на Шевролетот е креација на Вилијам Дурант, ко-основачот на Џенерал Моторс и Шевролет. Но, постојат различни приказни за настанувањето на логото. Најприфатена е верзијата според која Дурант бил инспириран од шарата на тапетот во еден хотел во Париз. Сепак, неговата ќерка во книгата „Мојот татко“ ќе напише дека Дурант ја добил идејата за логото за време на една вечера кога ги погледнал супата и пилешкото месо. За разлика од неговата ќерка, сопругата на Дурант во едно интервју изјавила дека тој го забележал логото додека читал весник во хотелска соба во Вирџинија. rn

Стрелата на Понтијак

rnЏенерал Моторс за првпат го пуштил Понтијак во употреба во 1926 година, како придружна марка на својата автомобилска линија во Оукленд. Зборот „Понтијак“ потекнува од американско–индијанскиот главатар Понтијак кој кренал неуспешен бунт против Британците. Оваа референца посебно се однесувала на оригиналното лого кое личело на американско–индијанска капа. Ова лого било во употреба сè до 1956 година, кога било заменето со препознатливата и стилизирана црвена стрела со сребрена ѕвезда во средината.
rnrn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

November 27, 2012
Како најпознатите брендови ги добиле своите имиња?

Именувањето на брендот е форма на уметност. Името треба да биде привлечно и незаборавно. Успешните компании како Гугл и Кока-кола направија вистински избор. Но, како настанале овие имиња?rn

Кока-кола

rnНајпознатиот газиран пијалак во историјата своето име го добил според листот кока (coca) и оревот кола (kola). Фармацевтот Џон Пембертон е творецот на првата серија на сирупот Кока-кола во 1886 година. Името на сирупот го предложил Френк Мејсон Робинсон, бизнис партнер на Пембертон. Тој латиничното „k“ го заменил со „c“, мислејќи дека така ќе изгледа подобро. На тој начин настанало познатото лого Coca–Cola. Но Кока-кола не станала веднаш хит. Во првата година од нејзиното производство просечно се продавале по 9 шишиња дневно. Во 1888 година Пембертон го продал својот бизнис непретпоставувајќи го огромниот потенцијал на она што го создал.rnrnrn

Гугл

rnНајголемиот пребарувач го добил своето име според зборот „Гугол“ (googol), што всушност претставува огромен број кој најдобро би се опишал како бројот 1 проследен со 100 нули. Постојат различни приказни како од Гугол настанал Гугл, но официјалната приказна била објавена од компјутерскиот научник Дејвид Колер. Коосновачите Лари Пејџ и Сергеј Брин го формирале пребарувачот познат како „BackRub“ кога во 1997 година размислувале за промена на името. Еден нивни колега го предложил „googolplex“, но Пејџ го скратил името на „googol“. Кога неговиот колега пребарувал дали името е достапно, тој погрешно го напишал зборот и го добил „Google“.rnrnrn

Најк

rnСпортската компанија Најк е именувана според грчката божица на победата прикажана со раширени крилја. Компанијата била основана во 1964 година и во тоа време се викала „Blue Ribbon Sports“. Еден од вработените, Џеф Џонсон, тврдел дека дизајнот за логото го видел на сон. По долго расправање околу името, најпосле во 1978 година Џонсон одлучил дека Најк звучи подобро од втората опција која гласела „Димензија шест“ (Dimension Six).rnrnrn

Старбакс

rnГордон Букер, еден од основачите на Старбакс, ги советувал своите колеги дека зборовите кои почнуваат со буквите „st“ звучат многу помоќно. Така тој направил список на зборови кои почнуваат на „st“. Во тој период тимот разговарал за еден рудник во Вашингтон кој се викал Старбо (Starbo). Тогаш Букер помислил на Старбак, најдобриот пријател на капетан Ахаб во романот „Моби Дик“. Така Старбакс го победил второто можно име за оваа компанија кое гласело „Карго куќа“ (Cargo House).rnrnrn

Амазон

rnЏеф Безос својата онлајн компанија прво ја нарекол Кадабра (како дел од абракадабра). Кога му го соопштил името на неговиот адвокат, тој го прашал зошто би сакал да си ја нарече компанијата така? Безос сфатил дека ќе мора да го смени името и се сложил тоа да биде Амазон заради две причини: прво затоа што името навестувало колку голема може да стане компанијата и бидејќи тоа ќе го доведел сајтот при врвот на ранг листите, кои во тоа време се правеле по азбучен редослед.rnrnrn

Твитер

rnСпоред коосновачот на оваа социјална мрежа, Џек Дорси, нејзиното прво име било „Stat.us“. Дорси изјавил дека тимот сакал име кое најмногу ќе одговара на зуењето низ цел свет, па така дошле до името „twitch“, но Дорси сметал дека ова име не ја доловува вистинската замисла. Тој го пронашол зборот Twitter (црцори) во речникот и сфатил дека овој збор совршено одговара на неговата идеја.rnrnrn

Доритос

rnФрито-Леј, компанијата која го произведува познатиот чипс, го преведува името Доритос од шпански јазик како „мали парчиња злато“. Арч Вест, извршниот директор на Фрито-Леј, ја добил идејата за Доритос во 1964 година, додека бил на одмор. Тој купил ќесичка препечени тортиљи од еден локален ресторан во Калифорнија. Кога се вратил на работа веднаш смислил име за крцкав пченкарен чипс со шпански призвук.rnrnrn

Доминос

rnВо 1960 година Том Монаган и неговиот брат купиле пицерија во Мичиген и ја нарекле Доминикс (DomiNick’s). Бизнисот одел добро, па Монаган купил уште две локации. Оригиналниот сопственик на пицеријата, чие име било Доминик, не сакал неговото име да се користи во проширувањето на бизнисот и заради тоа Монаган морал да го смени името. Името Доминос случајно го предложил еден вработен во пицеријата, додека завршувал со доставата. На Монаган му се допаднало името и веднаш потоа го смислил и логото на кое се наоѓаат домино коцки, на кои Монаган додавал уште една точка секогаш кога ќе отвори нова пицерија. Како што самиот вели, тогаш не размислувал на интернационалниот синџир кој го поседува денес.rnrnrnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

November 7, 2012
Најпознатите автомобили на Џејмс Бонд

По повод 50-годишнината од појавувањето на серијалот филмови за Џејмс Бонд, ова се најпопуларните автомобили на тајниот агент 007, препознатливи по својата брзина и неверојатните додатоци. rn

Бентли Марк 4 во филмот „Од Русија со љубов“ (1963)

rnАвтомобилот Бентли Марк 4 е исто толку легендарен колку и Астон Мартин ДБ 5; тој се појавува во многу романи на Флеминг. Но, за жал, овој автомобил е фиктивен исто како и неговиот сопственик, Џејмс Бонд. Ваков модел на Бентли всушност никогаш не е произведен. Возилото во филмот „Од Русија со љубов“ е кабриолет со кој Шон Конери ќе ја заведе Силвија Тренч. rn

Астон Мартин ДБ 5 во филмот „Голдфингер“ (1964)

rnЕден од најпознатите автомобили на тајниот агент 007, без сомнение е Астон Мартин ДБ 5. Овој уникатен автомобил веднаш стана заштитен знак на серијалот филмови за Џејмс Бонд. Дизајнот на Астон Мартин ДБ 5 вклучува автоматски пушки, стакла отпорни на куршуми, ротирачки регистарски таблички и фамозното седиште за исфрлување. rn

Тојота 2000 ГТ во филмот „Само двапати се живее“ (1967)

rnКон крајот на 60-тите години, многумина сметаа дека Тојота 2000 ГТ е само уште еден футуристички автомобил. Но, се покажа дека не е така. Тојота произведе 350 возила од овој модел и секој од овие автомобили поседуваше напредни инженерски техники, тркалезни сопирачки на секое тркало, 6-цилиндричен мотор, видео монитор, безжичен телефон и стерео систем со гласовна контрола – додатоци кои во тоа време не биле стандардни. rn

Форд Мустанг Мак 1 во филмот „Дијамантите се вечни“ (1971)

rnОткако веќе ги покори злобните организатори, Советскиот Сојуз и заводничките, беше само прашање на време кога Џејмс Бонд ќе го освои и американскиот Форд Мустанг. Во една од многуте спектакуларни акробатски сцени, Џејмс Бонд (Шон Конери) го вози Мустангот во една тесна уличка само на две тркала. rn

АМЦ Матадор Купе во филмот „Човекот со златен пиштол“ (1974)

rnНајдобриот автомобилски трик во серијалот филмови за Џејмс Бонд е дефинитивно автомобилот кој се претвора во авион. Франциско Скарамана и Ник Нек го користат овој автомобил за да ја киднапираат Мери Гуднајт и за да го реализираат планираното бегство. Трансформацијата се случува кога крилјата, опашката и пропелерот биле прикачени на вистинскиот автомобил кој, пак, ја имал функцијата на трупот на авионот. rn

Лотус Есприт во филмот „Шпионот кој ме сакаше“ (1977)

rnУште една сензационална трансформација на автомобилот на Џејмс Бонд беше претставена во филмот „Шпионот кој ме сакаше“. Во моментот кога Бонд (Роџер Мур) излета во Средоземното Море, неговиот автомобил веднаш се претвори во вистинска подморница вооружена со проектили земја–воздух и торпеда. Лотус Есприт беше толку популарен што си обезбеди место и во следниот филм „Само за твоите очи“. rn

Цитроен 2 ЦВ во филмот „Само за твоите очи“ (1981)

rnНеверојатно е како автомобилот на Џејмс Бонд, Цитроен 2 ЦВ, за време на една потера помина низ два автомобила Пежо 504. Тоа што го прави овој автомобил посебен е фактот дека секој дел од оригиналниот Цитроен бил заменет со елементи со високи перформанси, инаку веројатно брзо би се распаднал. rn

Рускиот тенк Т – 55 во филмот „Златно око“ (1995)

rnИако официјалниот автомобил на Џејмс Бонд во филмот „Златно око“ е БМВ, рускиот тенк Т-55 со својата тежина од 40 тони, вооружен со 100-милиметарски топ, две автоматски пушки и мотор со 580 коњски сили, го надминува БМВ-то. Со помош на овој тенк, Бонд (Пирс Броснан) поминува преку автомобили, низ згради и пука во воз на патот. rn

БМВ 750 ИЛ во филмот „Утрото никогаш не умира“ (1997)

rnИако во споредба со другите автомобили на Џејмс Бонд, БМВ 750 ИЛ е помалку спортски, но не и помалку спектакуларен автомобил. Тој е опремен со неколку предвидливи подобрувања, како ракетни лансери, засилени гуми и секачи на жици. Едно од позначајните подобрувања беше можноста агентот да управува со возилото користејќи го мобилниот телефон. rn

Астон Мартин В 12 во филмот „Умри друг ден“ (2002)

rnКон крајот на 1990-тите години БМВ беше заштитен знак на Џејмс Бонд сè до 2002 година, кога во филмот „Умри друг ден“ тајниот агент му се врати на британскиот производител Астон Мартин. Моделот Астон Мартин В 12 беше опремен со веќе познатата опрема (седиште за исфрлање, ракетни лансери, митралези, зашилени гуми за возење по мраз, како и со уред кој го прави автомобилот невидлив). rn

Астон Мартин ДБС во филмот „Казино Ројал“ (2006)

rnПочетоците на Астон Мартин ДБС се наоѓаат во филмот „Тајната служба на Нејзиното Височество“ од 1969 година, но својот врв го достигна во 2006 година во филмот „Казино Ројал“ кога, според Гинисовата книга на рекорди, автомобилот се преврте седум и пол пати во еден спектакуларен трик. Во однос на опремата, Астон Мартин ДБС е скромен, поседувајќи само полуавтоматски пиштол со придушувач, медицински комплет и компјутерски линк до МИ6.
rnrn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

October 15, 2012
Најпознатите криминалци во историјата

Нема некој кој не слушнал за славниот Ал Капоне, но дали знаете за што всушност бил обвинет овој гангстер? Или кој се крие зад прекарот „Били Кид“? Ова се најпознатите криминалци кои човештвото ги памети.

rnrn

Били Кид

rnВилијам Бони (1859-1881), познат како Били Кид, бил еден од најпознатите пиштолџии на Дивиот Запад. Учествувал во војната во округот Линколн, во Ново Мексико, каде што во 1880 година бил фатен и осуден на бесилка, но успеал да избега. Подоцна шерифот Пет Гарет го пронашол Били Кид и го убил. Се претпоставува дека Били Кид убил 21 човек, по еден за секоја година од неговиот живот, но според поновите информации, бројката е сведена на 9 луѓе. rn

Крвавата Мама

rnКејт Ма Баркер (1873-1935), позната уште како Крвавата Мама (Bloody Mama), била лидер на бандата Баркер–Карпис во периодот помеѓу 1931 и 1935 година. Дел од криминалната банда која извршила безброј убиства, грабежи и киднапирања низ Америка, биле и нејзините пет деца кои несомнено биле убијци. На 16 јануари 1935 година Крвавата Мама и нејзиниот син Фред биле убиени од страна на ФБИ. rn

Ал Капоне

rnАлфонсо Габриел Капоне (1899-1947), познат како Ал Капоне, е најпознатиот американски гангстер кој се занимавал со коцкање, проституција и шверц на алкохол. Најголемиот масакр кој Ал Капоне го направил, бил масакрот во подземјето на 14 февруари 1929 година, кога ги убил речиси сите членови на противничката гангстерска банда. И покрај многуте злосторства што ги извршил, завршил во озлогласениот затвор Алкатраз, само заради затајување данок. Откако целосно го загубил здравиот разум, починал во својот дом на 25 јануари, како резултат на подоцнежна фаза на сифилис. rn

Бони и Клајд

rnНајпознатиот гангстерски пар, кој во 1967 година беше прикажан на големото платно преку Ворен Бити и Феј Данавеј, го сочинуваа Бони Паркер (1910-1934) и Клајд Бароу (1909-1934). Оваа љубовна двојка ја предводеше бандата на Бароу во серија грабежи и убиства во централниот дел на САД, помеѓу 1931 и 1934 година. Славниот пар завршил многу неславно кога биле убиени во заседа од страна на полициските службеници во руралниот дел на Луизијана во 1934 година. rn

Убавото момче Флојд

rnЧарлс Флојд (1904-1934) станал познат како Убавото момче Флојд, откако еден сведок на негов грабеж го опишал како „убаво момче со образи како јаболки“. Но Флојд отсекогаш го мразел тој прекар. Тој негирал дека бил вмешан во нападот во Канзас Сити во 1933 година, кога биле убиени четворица полицајци. Но и покрај тоа, Флојд бил застрелан од агентите на ФБИ во Оклахома во 1934 година. Неговиот погреб, на кој се смета дека присуствувале помеѓу 20.000 и 40.000 луѓе, бил еден од најголемите погреби во историјата на Оклахома. rn

Тројцата затвореници од Алкатраз

rnИако многумина се обиделе, само тројца затвореници успеале да избегаат од Алкатраз и никогаш да не бидат повторно фатени. Френк Ли Морис (1926-1962), Кларенс Англин (1931-1962) и Џон Англин (1930-1962) се тројцата учесници во бегството од озлогласениот Алкатраз кое се случило во јуни 1962 година. Тие ги ископале ѕидовите од ќелиите, се движеле по вентилацијата и допловеле до заливот во Сан Франциско со помош на сплав кој самите го направиле. Никогаш повторно не биле видени.rn

Ли Харви Освалд

rnЛи Харви Освалд (1939-1963) наводно го извршил атентатот врз претседателот Џон Кенеди во Далас на 22 ноември 1963 година. Според разни владини истраги, Освалд испукал три куршума од еден прозорец во Тексас, кон поворката во која бил Кенеди. Меѓу другото, Освалд бил уапсен и за убиство на полициски службеник. Тој бил убиен два дена подоцна од страна на сопственикот на еден локален ноќен клуб, Џек Руби. rn

Џејмс Ерл Реј

rnЏејмс Ерл Реј (1928-1998) бил осуден за убиство на Мартин Лутер Кинг Помладиот во Мемфис во 1969 година. По атентатот, Реј избегал од САД во Лондон, каде што бил фатен. Тој се изјаснил како виновен за убиство и добил 99-годишна затворска казна. Подоцна ја повлекол својата исповед и избегал од затвор во 1977 година, но бил фатен три дена подоцна. Реј починал во затвор во 1998 година. rn

Џејмс Холмс

rnЏејмс Е. Холмс (роден 1987 година) е осомничен за масовното убиство во кое загинаа 12 лица, а повредени се уште 58 други, за време на прикажувањето на премиерата на филмот „The Dark Knight Rises“, на 20 јули 2012 година. За него се покренати дури 142 обвиненија кои вклучуваат убиство од прв степен, обид за убиство и експлозиви.
rnrn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

September 27, 2012
Најпознатите фонтани во светот

Фонтаните се места кои ги поврзуваат луѓето. Тука можете да седнете и да јадете, да напишете разгледница или едноставно да ги гледате другите луѓе. Ако се наоѓате покрај некоја фонтана, не заборавајте да си замислите желба и да фрлите паричка.rnrnrn

Фонтана ди Треви во Рим, Италија

rnСо своите 26 метри во височина и 20 метри во широчина, Фонтана ди Треви е најголемата барокна фонтана во Рим. На фасадата на фонтана прикажана е сцената на пронаоѓањето на чиста вода, а тука се и скулптурите на Нептун, Агрип и римската девица Тривиа. Се верува дека оној кој ќе фрли паричка во Фонтана ди Треви, сигурно ќе се врати во Рим. Според статистиките, секој ден во Фонтана ди Треви завршуваат 3000 евра во монети.rnrnrn

Фонтаните Петерхов во Санкт Петербург, Русија

rnФонтаните Петерхов се наоѓаат во дворот на палатата Петерхов која Петар Велики ја изградил во Санкт Петербург во 1709 година. Восхитен од Версајските фонтани на Луј 14, Петар Велики изградил исти такви фонтани во дворот на својата палата. Централно место кај фонтаните зазема каскадниот пад на водата покрај кој се поставени статуи во ренесансен стил.rnrnrn

Фонтаните Белаџио во Лас Вегас, Невада

rnФонтаните Белаџио се ноаѓаат на предната страна од истоимениот хотел. Овие фонтани секојдневно приредуваат претстава од бои и музика која се одржува на секој половина час во попладневните часови и на секои 15 минути во вечерните часови. Фонтаните се поставени на површината на големо вештачко езеро, чија вода постојано се прочистува од хотелскиот отпад.rnrnrn

Магичната фонтана на Монжуик во Барселона, Шпанија

rnМагичната фонтана во Барселона се наоѓа под Националната палата на ридот Монжуик. Изградена е во 1929 година за потребите на Меѓународната изложба на Барселона. За време на шпанската граѓанска војна, фонтаната била оштетена и не била во употреба сè до 1955 година, кога била реставрирана. Во текот на 1980-тите години, музиката и боите стануваат дел од величествените претстави на Магичната фонтана.rnrnrn

Бакингемската фонтана во Чикаго

rnБакингемската фонтана во Чикаго е обележје кое се наоѓа во центарот на паркот Грант и се смета за една од најголемите фонтани во светот. Инспирирана е од фонтаната Латона во Версајскиот дворец и е изградена во рококо стил. На 26 август 1927 година Кејт Бакингем ја донирала фонтаната на Чикаго во спомен на нејзиниот брат Кларенс Бакингем.rnrnrn

Фонтаната на богатството во Сингапур

rnВо 1998 година Фонтаната на богатството се запиша во Гинисовата книга на рекорди како најголема фонтана во светот. Изградена во 1995 година, фонтаната е препознатлива по бронзениот прстен кој според хинду принципите го означува универзумот и претставува единство на духот. Фонтаната на богатството симболично ја означува хармонијата на сите раси и религии во Сингапур.rnrnrn

Фонтаните во паркот на Версајскиот дворец во Франција

rnФонтаните во градината на Версајскиот дворец имаат централна улога и се користеле за да се демонстрира моќта на човекот над природата. Најпозната од сите е фонтаната „Латона“ на која симболично е прикажано како измачуваната Латона е прогонета со своите две деца, Дијана и Аполон, кои биле казнети така што биле претворени во жаби.rnrnrn

Фонтаната на кралот Фад во Саудиска Арабија

rnФонтаната на кралот Фад се наоѓа на брегот на Џеда, во западниот дел на Саудиска Арабија. Името го добила според самиот крал Фад кој ја донирал фонтаната на градот Џеда. Оваа фонтана фрла вода во висина од 312 метри над површината на Црвеното Море и затоа е видлива од секоја точка на градот. Брзината на исфрлањето вода достигнува до 375 километри на час со што се трошат 18 тони вода.rnrnrn

Меморијалната фонтана „Ел Аламејн“ во Сиднеј, Австралија

rnМеморијалната фонтана „Ел Аламејн“ претставува спомен – обележје на војниците кои загинале во 1942 година, за време на Втората светска војна, во две битки или две во Ел Аламејн во Египет. Фонтаната во форма на глуварче е изградена од армискиот ветеран Роберт Вудворд во 1959 година.rnrnrn

Фонтаната на четири реки во Рим, Италија

rnФонтанатата на четири реки се наоѓа во урбаниот дел на Пјаца Навона во Рим. Изградена е во 1651 година од Џан Лоренцо Бернини. Од центарот на фонтаната се издигнува древен египетски обелиск, додека самата фонтана симболично ја сочинуваат четирите најголеми реки на четири различни континенти: реката Нил во Африка, Дунав во Европа, Ганг во Азија и Рио де ла Плата во Америка.rnrnrn

Фонтаната во Дубаи

rnФонтаната во Дубаи се наоѓа на вештачкото езеро Бурџ Калифа во центарот на градот. Компанијата која ги дизајнираше фонтаните Белаџио во Лас Вегас, беше одговорна и за изградбата на фонтаната во Дубаи. Во хармонија со арапските звуци и светските музички хитови, фонтаната долга 275 метри исфрла вода во висина од над 73 метри. Фонтаната во Дубаи беше пуштена во употреба на 8 мај 2009 година.rnrnrn

Фонтаната на желките во Рим, Италија

rnФонтаната на желките, изградена во стилот на доцната ренесанса, се наоѓа на плоштадот „Свети Матеј“ во Рим. Фонтаната била изградена во периодот помеѓу 1580 и 1588 година, од страна на архитектот Џакомо дела Порта и скулпторот Тадео Ландини. Бронзените желки на горниот дел од фонтаната на почетокот не постоеле. Тие биле додадени подоцна, во 1658 година, кога фонтаната била обновена.rnrnrnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

August 15, 2012
Најпознатите плажи од списанието „Sports Illustrated“

Секоја година во февруари излегува нов број на модното списание специјализирано за костими за капење, „Sports Illustrated Swimsuit Issue“. Фотографиите се прават на најегзотичните места ширум светот, а ова се плажите кои се нашле на насловните страници. rn

Шарк Беј, Австралија

rnШарк Беј е прекрасна плажа која се наоѓа северно од Перт. Црвените песочни дини, тиркизната вода и делфините привлекуваат илјадници туристи годишно. Во 1985 година, „Sports Illustrated Swimsuit Issue“ ја донесе Полина Поришкова во Шарк Беј, каде што младиот модел позираше за нејзината втора насловна страна. rn

Мауи

rnМауи е вториот најголем хавајски остров познат белите песочни плажи и кристално сината вода. На Мауи можете да уживате во неповторливата глетка на изгрејсонцето преку вулканската карпа Халеакала. Овој остров беше одлично место за насловната фотографија од ланскиот број на Sports „Illustrated Swimsuit Issue“, кога позираше рускиот модел Ирина Шеик. rn

Домениканска Република

rnДомениканската Република претставува прекрасна мешавина од шпанска, африканска и локална култура, храна и историја. Таа го дели островот Хиспаниола заедно со Хаити. Прекрасните доменикански плажи може да ги видите во „Sports Illustrated Swimsuit Issue“ од 1987 година, кога на насловната страна се најде популарната Ел Макферсон. rn

Фангнга Беј, Тајланд

rnЗаливот Фангнга се смета за национално богатство на Тајланд, поради што тајландската влада сака Обединетите Нации да го прогласат ова место за светско културно наследство. Во далечната 1988 година, Ел Макферсон се појави уште еднаш на насловната страна на „Sports Illustrated Swimsuit Issue“, овој пат позирајќи на карпестото крајбрежје во близина на Пукет. rn

Сејшелите

rnРомантичните Сејшели сместени во Индискиот Океан претставуваат одлично луксузно засолниште за љубителите на нуркањето и риболовот. Овие острови имаат тропска температура во текот на целата година, а во 1979 година песочните плажи на Сејшелите се најдоа на насловната страна на „Sports Illustrated Swimsuit Issue“ заедно со моделот Кристи Бринкли. rn

Ланзароте, Шпанија

rnВо 1992 година Шпанија беше во центарот на вниманието на светската јавност, не само заради Олимписките игри кои се одржаа таа година во Барселона, туку и заради вулканскиот остров Ланзароте, познат по плажите Плаја Бланка и Пуерто дел Кармен, кој заедно со американскиот модел Кети Ајленд се најде на насловната страна на „Sports Illustrated Swimsuit Issue“. rn

Јамајка

rnЗемјата на реки и потоци, како што уште се нарекува Јамајка, во 1983 година ја красеше насловната страна на „Sports Illustrated Swimsuit Issue“. Американскиот модел Шерил Тигс беше фотографирана под водопадите на реката Дан, во близина на гратчето Очо Риос. rn

Кенија

rnВо 1982 година, американскиот модел Керол Алт, се најде на насловната на „Sports Illustrated Swimsuit Issue“, позирајќи на зајдисонце, на коралниот крајбрежје на Кенија, облечена во црвен костим за капење. И додека синооката убавица беше во преден план, во позадина се протегаше Индискиот Океан по кој пловеа белите едрилици. rn

Јужна Африка

rnНајвпечатливите места во Јужна Африка, пустината Калахари, африканските резервати и полуостровот Кејп, се места кои не само што се привлечни за туристите, туку и за „Sports Illustrated Swimsuit Issue“. Во 1996 година, американската манекенка Тајра Бенкс, облечена во бикини со леопардски принт, беше фотографирана токму на овие места кои подоцна се најдоа на насловните страници. rn

Бахамите

rnВодата околу Бахамските Острови е толку бистра што можете да гледате на длабочина до 70 метри. Заради тоа, Бахамите се најпосакувана дестинација за нуркање и пливање. Во 2005 година, Бахамите беа најпосакувана дестинација и за „Sports Illustrated Swimsuit Issue“, па затоа се најдоа на насловната страна, заедно со американскиот модел Каролин Марфи. rn

Козумел, Мексико

rnВо далечната 1964 година, на насловната страна на првиот број на „Sports Illustrated Swimsuit Issue“ се појави германката Бабет Марч која, облечена во скромни бели бикини, позираше на островот Козумел, кој се наоѓа источно од мексиканскиот полуостров Јукатан. Тогаш Козумел беше ново и сè уште неоткриено место, а денес неговите гребени се заштитени заради ретките видови на риби кои егзистираат тука. rn

Бора Бора

rnБора Бора е синоним за рајски остров со бели песочни плажи и кристална сина вода. Тропскиот амбиент кој е карактеристичен за Бора Бора, во 1986 година придонесе овој остров да се најде на насловната страна на „Sports Illustrated Swimsuit Issue“, кога на бескрајните песочни плажи се најде Ел Макферсон. rn

Малдиви

rnМалдивите беа одбраната дестинација која се најде на насловната страна на „Sports Illustrated Swimsuit Issue“ во 1998 година, кога Хајди Клум беше во фокусот на насловната фотографија. Пријатните температури во текот на целата година и недопрената природа ги прават овие корални острови и денес едни од најубавите места на земјата. rn

Аруба

rnПалм Бич, Игл Бич и Бејби Бич се најжешките точки на карипскиот остров Аруба, објавени на насловната страна на „Sports Illustrated Swimsuit Issue“ во 1984 година. Полина Поришкова уште еднаш се фотографираше за ова списание, но овој пат позираше на островот Аруба кој некогаш беше холандска колонија. rn

Барбадос

rnНекогашна британска колонија, а денес веќе независна држава, островот Барбадос е идеален за оние кои ги сакаат топлото време, мирната вода и песочните плажи, од кои најпознати се плажите Браунис и Брендонс, лоцирани околу главниот град на Барбадос. Во 2003 година, чешкиот модел Петра Немцова позираше на Барбадос за насловната страна на „Sports Illustrated Swimsuit Issue“. rn

Сент Џон, Американски Девствени Острови

rnДве третини од островот Сент Џон отпаѓа на националниот парк, што прави овој остров да биде беспрекорен. Плажите се мирни, песочни и се протегаат долж целиот северен брег. Во 2008 година, на овој остров, американскиот модел Мариса Милер беше фотографирана за насловната страна на „Sports Illustrated Swimsuit Issue“. rn

Бермудите

rnБританската традиција оставила голем печат врз културата на Бермудските Острови. Попладневниот чај и голфот се само дел од многуте атракции кои ги нудат Бермудите. Дел од шармот на овие острови е и ограниченото возење кое се сведува само на велосипеди и скутери. Можеби тоа ја привлече и Даниела Пестова која се фотографираше на Бермудите за насловната страна на „Sports Illustrated Swimsuit Issue“ од 1995 година. rn

Тунис

rnИако северниот дел на Африка е политички доста нестабилен и небезбеден за патување, тимот на „Sports Illustrated Swimsuit Issue“ одлучи во 2001 година мексиканскиот модел Елза Бенитез да биде фотографирана на медитеранското крајбрежје во Тунис, за насловната страна на списанието. Тунис е посакувана туристичка дестинација заради посебната мешавина од берберска, арапска, римска и феникиска култура и заради прекрасните крајбрежни плажи. rn

Канкун, Мексико

rnМексиканската ривиера на Маите се најде на насловната страна на „Sports Illustrated Swimsuit Issue“ во 1975 година, кога моделот Шерил Тигс повторно беше одбрана да биде во фокусот на насловната фотографија, овој пат позирајќи на плажите во Канкун. Освен заради рајските плажи, Канкун е привлечен за туристите и заради многубројните спортови на вода, рушевините од храмовите на Маите и луксузните одморалишта.
rnrn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

August 7, 2012
Најпознатите дизајнерски имиња во историјата на модата

Во светот на модата постојано се појавуваат нови дизајнерски имиња. Почнувајќи од 1923 година па сè до денес, ова се дваесетте највлијателни дизајнери во историјата на модата.rn
rn

Џорџо Армани

rnПоранешниот аранжер на излози, Армани, ја започнал својата кариера во 1975 година, во истоимената компанија. Славата ја стекнал за кратко време, кога започнал да дизајнира костими за Ричард Гир. Армани соработувал со многу познати ѕвезди, меѓу кои и со Лејди Гага за која ги дизајнираше костимите кои таа ги носеше на нејзината последна турнеја. rn

Пјер Карден

rnФранцузинот роден во Италија, Пјер Карден, има футуристички пристап кон модата. Неговите парчиња облека создадени во 20-от век, беа оценети како облека креирана во 25-от век. Познат е по авангардните балон–фустани кои и денес се популарни. Освен облека, Карден дизајнирал и автомобили и чадори. rn

Коко Шанел

rnНа почетокот на 20-от век, Коко Шанел воведе револуција во женската мода, создавајќи поудобна облека со што ги ослободи жените од корсетите. Кариерата ја започнала со отворањето на првата продавница за шапки во 1910 година, со финансиска помош од нејзиниот љубовник. Во 1923 година го лансираше парфемот „Шанел број 5“. Со почетокот на Втората светска војна, Шанел ја затвори продавницата за шапки и повторно ја отвори дури во 1954 година, кога ѕвонарките станаа популарни. rn

Кристијан Диор

rnПрвата модна линија на Диор беше одржана во неговиот дом во 1947 година и подразбираше строги креации кои ја потенцираа половината. Но разбирајќи ги потребите на жените, Диор продолжи да креира облека која ги открива колената и не ја стега половината. Смртта на Диор во 1957 година значеше и пропаст на целата компанија. За среќа, тогаш 21-годишниот Ив Сен Лорен, кој беше непознат за јавноста, беше унапреден и ја продолжи славата на модната куќа Диор. rn

Долче и Габана

rnИталијанските дизајнери Доменико Долче (роден во Сицилија во 1958 година) и Стефано Габана (роден во Милано во 1962 година), својот прв успех го доживеале во 1985 година, за време на модната недела во Милано. Истовремено, дуото започна романтична врска која траеше 19 години. Иако нивната романса заврши, Долче и Габана продолжија да работат заедно дизајнирајќи парфеми и модни додатоци. rn

Том Форд

rnВо 1990 година, кога модната куќа Гучи беше пред банкрот, едно ново и непознато лице беше назначено за креативен директор на оваа модна куќа. Тоа беше Том Форд, кој подоцна стана познат по провокативните и сексуално експлицитните рекламни кампањи за зајакнување на брендот. rn

Хуберт де Живанши

rnЖиванши отворил сопствена модна куќа во текот на 1950-те години, откако се преселил во Париз, каде што го донел своето аристократско наследство. Тој е можеби најпознат по дизајнирањето облека за Одри Хепберн, и приватно и професионално, во филмовите „Појадок кај Тифани“ и „Шарада“. Одри Хепберн, меѓу другото, беше и заштитно лице за неговиот парфем L’interdit. rn

Џон Галијано

rnПрвиот обид за лансирање на сопствена модна линија Галијано го направи веднаш по дипломирањето на Колеџот за уметност и дизајн во Лондон, но финансиските проблеми беа пречка за развој на неговиот талент. Во 1995 година, тој почна со дизајнирање за Живанши, со што стана првиот британски дизајнер на чело на француската мода куќа, а веќе во 1996 година стана уметнички директор на Диор. Пред една година, Галијано беше разрешен од Диор заради антисемитски забелешки. rn

Жан Пол Готје

rnИ покрај несогласувањата со француската модна куќа Хермес во периодот од 2004 до 2010 година, самоукиот француски дизајнер, Жан Пол Готје, ќе остане запаметен по конусниот градник кој го дизајнираше за Мадона во почетокот на 90-те години. Креациите на Готје се специфични заради спојот на два спротивни елементи, кожа и метал. rn

Марк Џејкобс

rnМарк Џејкобс станал препознатлив по својот бунтовен талент, благодарение на отказот што го добил во еден бутик затоа што изработувал облека од премногу скапи материјали. Во 1997 година, Џејкобс станал уметнички директор на Луј Витон, каде што од 1984 година почнува да работи заедно со неговиот колега Роберт Дафи. rn

Келвин Клајн

rnКариерата на Келвин Клајн започнала во 1968 година, неговиот стил од 90-те години со минималистички и чисти линии и денес е препознатлив ширум светот. Клајн докажа дека ваквите чисти линии, карактеристични за машката облека, може да ги носат и жените. Неговата компанија „Вечност, опсесија, бегство“ е синоним за облека и парфеми. rn

Рене Лакост

rnФранцускиот тенисер Лакост, познат по тоа што вовел тениска униформа со поинаков изглед од стандардната, е основач на истоимената компанија за спортска облека. Во 1920 година го добил прекарот „Крокодил“, со што крокодилот за кратко време станал заштитно лого на брендот Лакост. За најголем изум на Лакост се смета поло маицата. rn

Карл Лагерфилд

rnНа 17-годишна возраст Карл Лагерфилд бил второпласиран на еден избор за фустани, веднаш зад победникот Ив Сен Лорен. Веднаш потоа, Лагерфилд почнал да дизајнира за најпознатите модни куќи. Во 1983 година ја доби најголемата задача за него: враќање на модната куќа Шанел за одбележување на 12 години од смртта на Коко Шанел. Денес Лагерфилд дизајнира истовремено и за сопствената модна куќа и за Фенди. rn

Ралф Лорен

rnАмериканскиот бренд Ралф Лорен за многумина претставува бренд кој повеќе од 40 години му пркоси на времето. Роден како Ралф Лифшиц во еврејско семејство во Бронкс, тој го менува своето име во Ралф Лорен во текот на 50-те години. Кариерата на Лорен започнала во 1967 година, прво со дизајнирање на машка, а подоцна и на женска облека. rn

Ив Сен Лорен

rnВо 1966 година, Ив Сен Лорен ја шокирал јавноста со неговиот смокинг наменет за жени. Со тоа, овој дизајнер им го отвори патот на жените за носење машки костими и за покажување моќ и авторитет. Популарните сафари јакни и чизми на високи потпетици, исто така се креација на Ив Сен Лорен. Тој е првиот дизајнер кој вовел етнички модели на модната писта и првиот кој создал колекција „подготвена за носење“. rn

Валентино

rnЗа едно интервју во 2008 година, на прашањето „Што сакаат жените?“, Валентино одговорил: „Знам што сакаат жените. Тие сакаат да бидат убави.“ Ова е мотото со кое тој постигна огромен успех, дизајнирајќи ја венчаницата на Жаклина Кенеди и освојувајќи ја наградата Нејман Маркус (моден Оскар). Креациите на Валентино изобилуваат со драматичност, детали и луксуз. Валентино се повлече од светот на модата во 2007 година. rn

Џани Версаче

rnЏани Версаче беше моден могул цели 20 години, сè додека не беше убиен пред неговиот дом во Мајами во 1997 година. Со отворањето на неговата прва продавница во 1978 година, Версаче станал синоним за гламур и иновативност. Тој дизајнирал за Мадона, Елтон Џон и за принцезата Дајана. По неговата смрт, раководството на модната куќа го презеде неговата сестра, Донатела Версаче. rn

Луј Витон

rnИдејата за дизајнирање чанти Витон ја добил уште кога почнал да работи како носач на багаж. Неговата прва линија чанти била лансирана во 1854 година. Благодарение на Луј Витон, денес имаме правоаголни куфери идеални за долги патувања. Заради многуте копии на неговите производи, Луј Витон го создаде своето лого (иницијалите LV вметнати на костенлива површина), кое се наоѓа на секоја негова чанта. rn

Вера Ванг

rnКога Вера Ванг ја планирала сопствената венчавка во 1989 година, таа била разочарана од слабиот избор на наметки, па така сама ја дизајнирала својата венчаница. За кратко време поранешната натпреварувачка во уметничко лизгање станала најпознатиот бренд за венчаници. Денес Вера Ванг не дизајнира само невестински фустани, туку и накит, долна облека и парфеми. rn

Вивиен Вествуд

rnГолемата дама на британската мода, Вивиен Вествуд, отсекогаш имала талент за провокација. Во 70-тите години, Вествуд создала нов бран и панк мејнстрим, кога почнала со продажба на ексцентричната колекција на масивни чевли на платформа и маици со слоганот „Лондон – епицентар на луксузот“. Вествуд ќе остане запаметена по нејзиното модно деби, кога претстави линија корсети со нејзин потпис, инспирирани од силуетите на куртизаните од 18-от век.
rnrn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.rnrnИзвор:

May 2, 2012