Замислете си некој од овие кабриолети, сонце, малку ветар во косата, гласна музика и некоја драга личност покрај вас…rnrn
Голем дел од автомобилските логоа, кои биле создадени за време на подемот на автомобилската индустрија, претставуваат конкретни теми или идеи зад кои се кријат интересни приказни.rnrn
rnЛогото кое се наоѓа на хаубата на секој Ролс Ројс е исто толку екстравагантно како и самиот автомобил. Сепак, потеклото на „Духот на екстазата“, лого кое е познато и како „Сребрената дама“ или „Летечката дама“, е прилично скандалозно. Првото лого било дизајнирано за автомоблиот на Џон Волтер Едвард Монтагу, вториот барон Монтагу од Болие и уредник на списанието Car Illustrated во почетокот на 1900-тите години. Дизајнер на логото бил скулпторот Чарлс Робинсон Сајкс, кој идејата за женската фигура ја добил од Еленор Веласко Торнтон, секретарка и не толку тајна љубовница на баронот. Првичното лого претставувало женска фигура облечена во лесна облека која го држи прстот на усните што всушност ја означува тајната љубов на баронот и секретарката. 
rn
rnКога Вилијам Марфи и Хенри Леланд во 1902 година ја основале компанијата Кадилак, тие сакале да му изразат благодарност на основачот на Мотор Сити, Антоан де Кадилак. Марфи и Леланд не го искористиле само неговото име, туку и грбот кој го регистрирале како трговска марка во 1906 година. И додека модерното лого вклучува венец и чист дизајн, првичната верзија опфаќала две групи од по три патки кои го симболизирале Светото Тројство и круна со девет врвови кои ги означувале античките точки на Франција. 
rn
rnЦрниот пастув на златна позадина за првпат се појавил во 1932 година на Гран При трката во Белгија, но на автомобилите од компанијата Алфа Ромео. Истиот амблем се појавил и многу порано, за време на Првата светска војна, кога ги красел борбените авиони управувани од италијанскиот гроф Франческо Барака, познат како „кавалер на небото“. По смртта на пилотот, неговата мајка му го претставила амблемот на Енцо Ферари кој ја направил позадината жолта и ги додал боите на италијанското знаме. 
rn
rnЛогото на Алфа Ромео е креирано од страна на еден италијански сликар во 1910 година и претставува комбинација на два симбола од раниот период на Италија. Од десната страна се наоѓа „biscione“, односно змија која јаде луѓе, која се наоѓала и на грбот на средновековниот благороднички ред Висконти. Од левата страна, пак, има црвен крст на бела позадина кој истовремено е и амблем на Милано. Логото било редизајнирано во 1918 година, кога бил додаден темносин прстен околу него на кој биле напишани зборовите „Алфа“, „Ромео“ и „Милано“. Конечниот изглед логото го добило во 1970 година. 
rn
rnОткако „Мерцедес“ станало официјално трговско име за автомобилската групација „Дајмлер-Мерцедес“, компанијата побарала дефинирање на логото. Во 1909 година, Пол и Адолф Дајмлер, синови на основачот на компанијата Готлиб Дајмлер, ја презентирале идејата за користење на ѕвездата како симбол за амблем на автомобили. Готлиб Дајмлер, кој прво работел како технички директор во Келн, ја нацртал ѕвездата на една разгледница која ѝ ја испратил на сопругата. Во разгледницата пишувало дека ѕвездата означува напредок и дека еден ден ќе сјае на неговата фабрика. 
rn
rnМонгумина ја знаат приказната за логото на БМВ на кое белиот пропелер се врти кон синото небо. Но, ова објаснување е чиста заблуда. Рондото всушност е комбинација од црн круг на кој е напишано името на компанијата и слики кои личат на сините и белите дијаманти од знамето на слободната Баварска држава. Сепак, шемата на боите на дијамантите е обратна од онаа на знамето затоа што во тоа време било забрането националните симболи да се користат како трговски марки. 
rn
rnПрепознатливата панделка на Шевролетот е креација на Вилијам Дурант, ко-основачот на Џенерал Моторс и Шевролет. Но, постојат различни приказни за настанувањето на логото. Најприфатена е верзијата според која Дурант бил инспириран од шарата на тапетот во еден хотел во Париз. Сепак, неговата ќерка во книгата „Мојот татко“ ќе напише дека Дурант ја добил идејата за логото за време на една вечера кога ги погледнал супата и пилешкото месо. За разлика од неговата ќерка, сопругата на Дурант во едно интервју изјавила дека тој го забележал логото додека читал весник во хотелска соба во Вирџинија. 
rn
rnЏенерал Моторс за првпат го пуштил Понтијак во употреба во 1926 година, како придружна марка на својата автомобилска линија во Оукленд. Зборот „Понтијак“ потекнува од американско–индијанскиот главатар Понтијак кој кренал неуспешен бунт против Британците. Оваа референца посебно се однесувала на оригиналното лого кое личело на американско–индијанска капа. Ова лого било во употреба сè до 1956 година, кога било заменето со препознатливата и стилизирана црвена стрела со сребрена ѕвезда во средината. 
rnrn
Ако Мерцедес добие шанса да произведува патролни полициски возила во 2025 година, тогаш тие би изгледале според овој концепт создаден за натпреварот Los Angeles Design Challenge 2012.
Креаторите на концептот Mercedes Benz Ener-G-Force го приспособиле ова возило првенствено за оф-роуд услови затоа што предвидуваат дека слободните активности на луѓето ќе се префрлат во дивината во идниот период. Сепак, тој е вооружан и со соодветна технологија која ќе му овозможува брзо и ефикасно пробивање и во сообраќајните метежи на големите метрополи.
Базиран на модел на Мерцедес од 1979 година, Ener-G-Force има помали прозорци поради тоа што полициските службеници се изложени на голем број опасности, а сигналните светла се сместени на покривот од каде што се лесно видливи. Дизајнот на предниот дел делува смело и застрашувачки. Негова најинтересна карактеристика се предните светла кои наликуваат на буквата G.
Како и секое друго возило на иднината, така и ова ќе „води сметка“ за животната средина. Во него ќе биде вграден посебен уред којшто водата ќе ја претвора во хидроген кој ќе придонесе за работата на електромоторот. Дел од водата до овој уред ќе стигнува од посебен сад инсталиран на покривот, кој ќе ја собира водата од дождовите за подоцна да ја употреби за да го придвижи возилото.
rnrn
Дали сонувате да возите Мерцедес обложен со кристали од Сваровски? Или повеќе би сакале да го освежите лицето со 24 – каратна златна маска за лице? Ова се само дел од предностите во кои ужива високата класа во Азија. 
Луксузниот автомобил Мерцедес Бенц SL600, обложен со 300.000 кристали од Сваровски, е еден од автомобилите изработени по нарачка. Мерцедесот за прв пат беше претставен во салонот за автомобили на компанијата „Гарсон“ во Токио, која се занимава со производство на додатоци за автомобили направени по нарачка. Оние пак, кои ги претпочитаат јахтите пред автомобилите, може да се зачленат во клубот „One Degree 15“ кој се наоѓа на марината во Сингапур, каде што членовите на високата класа може да ги паркираат своите јахти. 
Изборот на хотели е од големо значење за високата класа. Кога се работи за првокласни хотели, не може да не се спомене хотелот Риц – Карлтон кој е сместен во Меѓународниот трговски центар во Хонг Конг. Со самото тоа што овој хотел се наоѓа во четвртата највисока зграда во светот, Риц – Карлтон нуди неверојатен поглед кон трговската област Цим Ша Цуи. 
А дали знаевте кое е најскапото суши? Познатиот готвач Анџелито Аранета Џуниор го обновува Гинисовиот рекорд во Манила за најскапо суши некогаш направено, така што става африкански дијаманти врз бисерите на сушито. Рекордот на Аранета беше запишан во Гинисовата книга на рекорди во јуни 2010 година. Најскапото суши ги чини припадниците на високата класа 91.800 пезоси, односно 1.978 долари. 
Врвната храна секогаш е во комбинација со квалитетно вино. Во Хонг Конг најквалитетните сорти вина може да се купат на аукција. Една таква аукција на ретки и квалитетни вина беше одржана за време на прес-конференцијата во Хонг Конг. Директорот на аукцијата, Џон Капон, имаше чест да ја претстави најскапата колекција составена од 70 шишиња вино произведени помеѓу 1799 и 2003 година. Колекцијата беше проценета помеѓу 125.000 и 175.000 долари. 
Аукциите, изложбите и салоните за убавина сè она во кое ужива високата класа. Во Азија има многу места наменети за богатите. Во Индија може да купите минијатурна репродукција на Таџ Махал изработена од 22 – каратно злато. На аукција во Кина може да се најде автентичен златен накит, како и репродукции на будистичката божица Јиујанг изработени, исто така, од злато. За врв на задоволството се смета третманот со маска за лице од 24 – каратно злато, кој го има само во ексклузивните салони за убавина. 
rnrn
Ако се погледнат перформансите на Мецредес Бенц СЛС АМГ Купе Електрик Драјв, јасно е дека еколошките стандарди веќе не значат мала моќност на автомобилот.
И покрај тоа што не ја загадува околината, моторот сместен во задниот дел на овој Мерцедес за само 3,9 секунди достигнува брзина од 100 км/ч, а потоа може да оди до извонредни 250 км/ч, каде што е електронски поставениот лимит на брзината. Овие перформанси се постигнуваат благодарение на Формула 1 технологијата употребена во производството на батеријата која обезбедува напојување со енергија на возилото, а е тешка дури половина тон.
Слично како и со другите електрични автомобили, и овој е неверојатно тивок, па затоа конструкторите мораат самите да му додадат звук. Тој се менува во зависност од брзината со која се движи возилото и условите на патот.rnrnМецредес Бенц СЛС АМГ Купе Електрик Драјв најчесто може да се види како безбедносно возило на трките од Формула 1.
rnrn
Мерцедес Бенц Стајл Купе е вистинско откритие кога станува збор за дизајнот. Контурите карактеристични за славниот германски бренд надополнети со големиот панорамски покрив, предната решетка со дијамантски изглед и иновативните фарови му даваат авангарден белег кој ќе претставува репер за идните модели на спортски автомобили.
Необичноста на предните фарови доаѓа оттаму што имаат застрашувачки изглед и светат во црвена боја додека се во стенд бај, а штом се активираат, ламбите се палат една по една во стилот на брановите кои ги прават навивачите на стадионите. Специфично за овој модел на Мерцедес е и внимателно избраната сребрена нијанса која што максимално ги истакнува линиите на автомобилот, давајќи му го прекрасниот изглед. Во автомобилот е вградена и платформата COMAND Online, со која што во секое време од него ќе може да се сурфа на интернет.
rnrn
На натпреварот организиран од страна на македонскиот претставник на „Мерцедес“, МакАутоСтар, талентираниот Апостол Тноковски, пријавил еден навистина интересен и несекојдневен концепт. Имено, станува збор за дизајн инспириран од охридската пастрмка, бидејќи авторот сакал да искористи нешто карактеристично за Македонија како инспирација.
rn
„Она што е карактеристично за мене како дизајнер е тоа што моите концепти се најчесто органски и инспирирани од водниот свет. При креирањето на овој концепт сакав да внесам свој личен печат со користење на органски (флуидни) форми, но во исто време како предмет на инспирација сакав да искористам нешто што е карактеристично за Македонија. По мало истражување одлучив како предмет на инспирација да ја земам нашата позната Охридската пастрмка“ – вели тој.
rnОвој концепт тој го има наречено „SLK APHELIOS“, што се базира на латинското име на еден од видовите пастрмка.
rn
„На концептот му го додадов предзнакот SLK бидејќи сметам дека во блиска иднина одлично би се вклопил во истоимената спортска линија на Мерцедес“ – вели Апостол.
rnСпецифично за овој концепт е флуидната линија која дава чувство на моќ и брзина, а во комбинација со мат-сребрената боја јасно асоцира на предметот на инспирација.
rn
„Откако се одлучив што ќе биде предмет на анализа и на што ќе се темели формата на концептот, веднаш прејдов на наредната фаза која се состоеше од темелно скицирање, а потоа и стилизација и поедноставување на скиците со цел да дојдам до форма која би можела да прерасне во автомобилски концепт“ – кажува Тноковски.
rn
rnrn
Откако во последно време ги тјунираа најновите модели на „Мерцедес“, од „Барбус“ велат дека имаат планови и за величествениот „Mercedes SLS AMG“ кој ќе добие нови подобрувања на изгледот и перформансите.
Моќниот мотор од 700 коњски сили, ќе може многу лесно да достигне максимална брзина од 340 километри на час. Од нула до 100 ќе може да достигне за само 3,7 секунди, додека, од 0 до 200 за 10,2 секунди.
И надворешниот изглед на автомобилот ќе добие свои подобрувања. Пакетот ќе вклучува 4 спортски издуви, редизајнирани спојлери, алуминиумски бандажи, а во внатрешноста, кожа со сини детали. Сумирано, ова е автомобил во кој ќе се вљубите на прв поглед. Зарем не би го посакале за себе?
rn———————————————————————————————————————————————————————rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
Кој не би ја посакал оваа моќна двојка? Компаниите „Дукати“ и „Мерцедес“ решија да сторат нешто посебно за нивните обожаватели пред крајот на оваа година, па за таа цел го искористија мото-шоуто во Болоња, каде што го открија својот нов феноменален проект.
Од „Дукати“ го донесоа својот ѕвер, моделот „Streetfighter 848“, а од „Мерцедес“ елегантниот „SLK 55 AMG“. Двата модела обоени во жолта боја навистина ги воодушевија посетителите на настанот. Инспирирани од оригиналната боја на моделот на „Дукати“, од „Мерцедес“ се решени оваа боја да се најде на листата на опции достапни за купувачите на ова возило. Едноставно моќта и елеганцијата на двете возила примамува и тешко кој не би посакал да ги поседува во својата гаража. 
rn———————————————————————————————————————————————————————rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
Компанијата „Еурокоптер“ е виновникот кој стои зад ова импресивно дело, хеликоптерот EC145 кој е направен во соработка со автомобилскиот производител „Мерцедес“. Прекрасниот модел е придвижуван од дупли турбински мотор, а во неговата луксузна кабина можат да се раскомотат 8 луѓе.rn
Кабината која е направена од дизајнерите на „Мерцедес“ е одлично средена со бели кожни столчиња за добра комоција на патниците, а големата остава, дозволува да се понесе поголем багаж со себе. Дрвените детали се забележуваат на неколку места, а таванот и подот се целосно направени од дрво. Мерцедес е вклучен и во пилотската кабина, каде што е вграден софистициран електронски систем. Хеликоптерот е достапен за продажба, па доколку сакате да си го подновите вашиот возен парк, ќе треба да издвоите 5,5 милиони американски долари.
rn——————————————————————————————————————————————————————-rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.