Некои луѓе тврдат дека спротивностите се привлекуваат, а според некои сродната душа е само малку изменета верзија од нас самите. Сите ние имаме интереси, хобија и активности кои ги правиме секојдневно. Па, колку тие влијаат во изборот на партнерот и на тоа колку ќе ни биде здрава врската?rnrn
rnrnКога партнерите се личности од различен пол, често се случува да не ги делат истите интереси. Со текот на времето, во тинејџерските години и нешто покасно, секоја личност го спознава светот низ своја призма и одлучува за своите желби и интереси. Па така, иако звучи стереотипно, постојат жени кои сакаат да гледаат фудбал, а мажи кои сакаат да поминуваат време во кујната. Но, колку и да сме индивидуални кога одлучуваме за она што нѐ интересира, сепак стои тоа дека мажите и жените често немаат исти интереси.rnrn
rnrnНа крајот од денот се наоѓаме во друштво на партнерот, па тогаш доаѓа до израз нашата компатибилност. Имено, не е неопходно целосно да ги измените вашите желби и интереси за да се прилагодите на партнерот, сѐ со цел вашата врска да успее. Решението е во компромисот. Без разлика дали скоро сте се вљубиле или сте во врска веќе подолго време, постои причина зошто сте си привлечни еден на друг. Многу е веројатно дека веќе имате слични ставови и интереси уште од самиот старт. Во спротивно, често би доаѓало до кавга и таа врска не би успеала. Доколку дознаете дека вашиот партнер има некое хоби кое вам никогаш не ви изгледало интересно, сепак испробајте се во таа активност. Можеби во вас се крие вистински мајстор!rnrn
rnrnОд друга страна, ако не уживате во некоја активност која вашиот партнер ја обожава, тоа е сосема оправдано и нормално. Не мора со сила да му правите друштво секаде и да глумите дека уживате во сето тоа. Вашиот партнер треба да ве разбере, исто како што и вие го разбирате него кога го нема истиот ентузијазам да присуствува на некој настан кој вие сакате да го посетите. Ако забележите дека вашата сакана личност ужива во нешто, обидете се да бидете заинтересирани, но не си создавајте притисок. Се работи за личност која ја љубите и нормално е да сакате да бидете вклучени во сите полиња од нејзиниот живот, но истовремено сте и индивидуа која има свои желби, потреби и интереси. Како и за сѐ друго, и оваа ситуација може да се реши со отворен разговор. Зборувајте за своите интереси, но сослушајте го и партнерот. На овој начин најдобро ќе се запознаете и ќе се разберете еден со друг.rnrn
rnrnАко на партнерот му е потребна поддршка и максимално се труди и вам да ви го доближи тоа што него го интересира, почитувајте го неговиот гест. Ако партнерот има омилен фудбалски тим за кој навива од мали нозе и ако ве замоли да присуствувате со него на некој натпревар, направете го тоа. Од друга страна, ако вие сакате да одите на шопинг бидејќи тоа ве опушта, партнерот треба да ви прави друштво. Тука не се ни работи за некои класични отстапки, туку за поминување квалитетно време заедно и создавање заеднички спомени. Ако вашата врска се заснова на заемно почитување, ништо нема да допринесе за уништување на вашиот однос. Напротив, вие ќе имате совршено здрава врска.rnrnЗнаете дека заедничкото гледање на серии може дополнително да ви ја зајакне врската? Прочитајте нешто повеќе за тоа тука.
Tag: интереси
-
Дали заедничките интереси се клучни за здрава врска?
-
5 работи што жените мислат дека се одбивни за мажите, но всушност не се
Понекогаш жените премногу размислуваат и се грижат за работи кои мажите не ги ни забележуваат. Се појавуваат на некој настан и низ главата им поминуваат илјадници мисли: „Се познава ли дека косата не ми е измиена?“, „Ќе забележи ли некој дека одамна немам отидено на маникир?“, „Се забележува ли дека сум ставила некое кило плус?“ и многу други. Бидете сигурни дека на мажот овие работи воопшто не му ни паѓаат на памет. Ако е заинтересиран за вас, тоа значи дека му се допаѓате и вие и вашиот изглед. Тој не се заморува со ситниците кои вас ве мачат. Најверојатно и тој самиот е загрижен за тоа каков впечаток остава, дури и да изгледа најсамоуверено на целиот свет. Следен пат кога ќе се најдете во ваква ситуација, потсетете се дека на мажите воопшто не им пречат следниве работи:rnrn
rn1. Ако се испотите
rnНемојте да избегнувате да правите физички активности заедно како трчање или возење велосипед само затоа што се плашите да ве види испотени. Немојте да се срамите да кажете дека сте вежбале. Всушност, фактот дека се грижите за вашето тело е огромен плус и нема маж кој би ви го замерил тоа. Секако доколку вежбате, но потоа не се истуширате, ќе го избркате веднаш.rn
2. Ако му пишете прва
rnЖените обично премногу размислуваат пред да пратат една обична порака. Се оптоваруваат со непотребни грижи да не бидат сфатени погрешно, да не изгледаат премногу заинтересирани и слично. Не заборавајте дека и на мажите им е тешко да го направат првиот чекор. Нема ништо лошо во тоа одвреме-навреме да му испратите први некој сладок текст за убав ден. Тоа ќе му даде знак дека нема да го одбиете и ќе го охрабрите да продолжи со освојувањето.rn
3. Ако имате целулит
rnЦелулит, стрии и какви било други неправилности на телото. Медиумското влијание го наметнува мислењето дека мажите сакаат жени со совршено тело. Но, тоа е далеку од вистината! Мажите ги сакаат малите несовршености кај жените бидејќи тие ги издвојуваат и ги прават посебни. На крајот на краиштата, доколку тој не ве прифаќа таква каква што сте, не ве заслужува и нема потреба понатаму да си го губите времето.rn
4. Ако не знаете да танцувате
rnКолку мажи познавате што знаат да танцуваат? Многу малку, нели? Така што дури и да сметате дека сте родени со две леви нозе, тој секогаш ќе мисли дека знаете да танцувате подобро од него. Немојте да се грижите за тоа како изгледате. Едноставно препуштете се на ритамот и забавувајте се. Важно е да се забавувате заедно како да сте сами на светот. На тој начин ќе се зближите и значително ќе го зацврстите вашиот однос.rn
5. Ако немате исти интереси
rnНе е важно дали ви се допаѓаат истите филмови или дали ја слушате истата музика. Во ред е да сакате различни работи. Немојте да се преправате дека имате исти интереси како него само затоа што мислите дека така ќе го задржите. Бидете она што сте. Многу поважно е да сте отворени кон нови искуства отколку со часови да разговарате за новата епизода од „Игра на тронови“.rnrnЗапаметете дека никој не е совршен. Сите ние имаме свои недостатоци кои треба да ги прифатиме и да ги свртиме во наша корист. Доколку забележите дека ви замерува поради некоја од овие работи, тој не е за вас и треба да се ослободите од него што е можно побргу.
-
Зошто е важно да имате хоби?
Хобито е активност која уживате да ја работите, тоа е сопствен избор, единствено и по ваш вкус, одбрано во однос на вашите таленти и познавања. Хобито може да ја подобри состојбата на нашиот дух и може да има повеќе позитивни значења во нашиот живот. Слично како што е вежбањето важно за нашето тело, опуштањето е важно за нашиот ум. Креативната енергија која се наоѓа во секој од нас не смее да биде потисната. Еве неколку причини зошто хобито е важно во вашиот живот.rnrn
rnrn1. Хобито е најлесен начин за враќање на позитивниот дух кога не се чувствувате добро и кога се наоѓате под стрес. Активноста која сами ќе ја одберете како хоби секогаш ќе ви нуди задоволство и ќе ви помогне да се опуштите.rnrn2. Хобито претставува еден од најдобрите активни начини да бидете во контакт со самите себеси и да се изразувате полесно. Тоа е приватно време кое го имате само за себе. Интересно е што кога имате некое хоби, секогаш ќе настојувате да најдете време за себе.rnrn3. Многу луѓе го доживеале врвот во своите кариери преку хобито. Посебно радува фактот што кариерата и работата се извор на релаксација, па ако хобито ви е алтернатива за кариерата, тогаш никој нема да биде посреќен од вас.rnrn4. Хобито е важно за да одржувате контрола врз себе. Но, исто така ви даваи чувство на слобода во начинот како сакате да го потрошите вашето драгоцено време.rnrn5. Вашата работа може да ги препознае и искористи вашите способности до одредена мера, но потребно е повеќе од тоа за да дознаете каде се крие талентот кај одредени личности. Занимавањето со некое хоби ќе открие дека поседувате необичен талент за кој досега не сте биле свесни.rnrn6. Хобито е можност за запознавање луѓе со кои делите исти вкусови и интереси. Зарем има подобро поминато време од она во кое сте опколени со личности како вас?rnrn7. Кога имате хоби, имате што да споделите со другите. Музиката и театарот ви овозможуваат да споделувате искуства за уметност. Луѓето кои сакаат фотографија, сакаат да ги споделат своите дела со други фотографи. -
Дами, вака не се заведува: Женски потези кои мажите не ги поднесуваат
Заведувањето е секако една од највозбудливите работи, но ако се прави на вистинскиот начин. Затоа исфрлете ги овие пет потези од играта на заведување, бидејќи мажите тврдат дека ниту малку не им се допаѓаат.rnrn
rn1. Детски глас
rnСите ние барем еднаш сме ја испробале оваа техника: со желба да го привлечеме вниманието на посакуваното момче сме се обиделе да го заведеме со нежен и умилив глас. Меѓутоа, вистината е дека на мажите им е навистина иритирачко да го слушаат тоа. Доволно им е да слушнат женски глас, без никаква глума.rn
2. Беспомошна дама
rnМажите навистина може да препознаат дама која се преправа дека е невина и беспомошна ако навистина не е. Затоа немојте да барате помош во ситуации кога е очигледно дека не ви е потребна, бидејќи мажите нема да паднат на тоа. Тие се свесни дека нас нè краси памет и сила.rn
3. Игра топло-ладно
rnИако претходно нè учеле дека играта топло-ладно повеќе ќе го заинтересира мажот, вистината е поинаква. Момците велат дека ова однесување ги исцрпува и дека брзо го губат својот интерес.rnrn
rn4. Љубоморни обиди
rnМажот ќе почувствува љубомора ако забележи дека жената којашто му се допаѓа флертува со друг. Меѓутоа од таа љубомора нема да се добие таков резултат како што очекува таа. Таа се надева дека љубоморниот маж ќе биде повеќе заинтересиран, но всушност поголеми се шансите дека тој нема ниту да започне разговор со неа.rn
5. Глумење заеднички интереси
rnНа мажите воопшто не им смета ако жените не знаат ништо во врска со нивното хоби или омилениот спортски клуб, па затоа нема потреба да глумите дека знаете нешто повеќе отколку што е. Мажот кога-тогаш ќе сфати дека претерувате со вашето (не)знаење, а понатамошниот епилог нема да биде сјаен.
-
Проверете дали сте родени еден за друг
Во врска сте, задоволни сте и среќни сте заедно. Меѓутоа и понатаму се прашувате дали сте судени еден за друг. Прочитајте ги овие 10 знаци и веднаш дознајте дали сте сродни души.rnrn
rn1. Имате слични интереси
rnЈа делите страста кон спортот, некое хоби или кулинарството. Без разлика дали е во прашање скијање или љубовта кон лутата храна, вие и вашиот партнер со самото тоа имате цврста основа за врска. А тоа е добар знак дека врската ќе трае.rn
2. Но не ги сакате баш СИТЕ исти работи
rnНезависно од тоа колку е еден пар компатибилен, секој од нас би требало да ја зачува својата индивидуалност и своите сопствени интереси кои се важни за да одржувате здрав начин на живот.rn
3. Еден на друг си ги кажувате тајните
rnДали ви се има доверено дека во трето одделение се измочал во кревет? Дали му го откривте стравот од пајаци? Способноста да му верувате на партнерот и да се чувствувате пријатно додека му откривате некои од најсрамните и најмрачните искуства во вашиот живот, говори многу за силата на вашата врска.rn
4. Не можете да престанете со допирите и бакнежите
rnФизичката привлечност не е сè, но дефинитивно е многу важна.rn
5. Сакате да истражувате заедно
rnБез разлика дали е тоа пат до Мачу Пикчу или заедничка посета на курс по готвење, посета на некој музеј или заеднички часови по фотографија, работите кои ги учите и откривате заедно значат дека сте способни заедно да се развивате.rn
6. Фер кавги
rnНиеден пар не е имун на кавги, но начинот кој го правите тоа е вистински тест за вашата врска. Ако сте во состојба заедно до дојдете до продуктивен заклучок, вие сте буквално родени еден за друг.rn
7. Го обожавате семејството на другиот
rnАко ги сакате членовите на неговото/нејзиното семејство колку што го сакате него/неа, тоа е знак дека сте идеален партнери. Не грижете се премногу за неговата чудна мајка или за нејзиниот престрог татко. Во секое семејство има некој што е „чуден“, а заштитничкиот став кон своето чедо исто така си го прави своето.rn
8. Ги сакате неговите/нејзините пријатели
rnСемејството е важно, но важни се и пријателите со кои го минувате времето. Добувате бонус поени доколку немате ништо против да поминете заедничко време со неговите другари во друштво, но двојно повеќе поени доколку како машко се сложите да излезете со нејзините другар(к)и.rn
9. Имате исти вредности
rnСудбината на вашата врска има подобри изгледи ако обајцата сакате три деца и два златни ретривери. Или ако двајцата знаете дека не сакате деца туку јахта на која ќе живеете до крајот на животот додека други ви служат шампањско и сирење на послужавник.rn
10. Меѓусебно си ги довршувате речениците
rnОва е и знак дека сте најдобри другари. Кога двајца луѓе се познаваат толку добро за меѓусебно да си ги читаат мислите, значи дека потполно сте опуштени во врската и можете да бидете сосема свои во неа.
-
10 лекции кои ги учиме за пријателството во нашите 20-ти
Нашето мислење за пријателството се менува многу во 20-тите години од нашите животи. Еве што сè учиме за пријателството во оваа декада.rnrn
rn1. Некои пријатели едноставно не го заслужуваат вашето време
rnКако што се менува вашиот живот, а и вашите приоритети, ќе сфатите дека некои личности едноставно не го заслужуваат вашето време и дека не се вклопуваат веќе во вашите животи. Како што влегувате во светот на возрасните, сосема нормално е да развиете поинакви мислења и ставови за животот, и истите може да не се ни малку слични со мислењата и ставовите на вашите пријатели од средно.rn
2. Секогаш наоѓајте време за оние кои го заслужиле вашето време
rnНо секако, тука се и пријателствата кои се вредни за вашиот труд, како и за вашето време. Во 20-тите учиме дека иако многу пријателства се прекинуваат, постојат и такви кои не смееме да ги запоставиме. Иако се ретки, постојат пријателства кои се долги и искрени. Тоа се луѓето со кои може секогаш да си направите добар муабет, да се разберете и да си дадете совет и најважно од сè, да се чувствувате пријатно во нивно друштво.rn
3. Истовремено е и потешко и полесно да склопите пријателства кога сте возрасни
rnБидејќи точно знаете што барате кај пријател, може да ви биде потребно време за да пронајдете таква личност. Исто, бидејќи веќе почнувате да имате големи обврски, не можете да им посветите многу време на пријателствата. Но, од друга страна, вие веќе сте насочени кон главните интереси во животот, факултет или работна кариера, и многу полесно ќе склопите пријателства кога веќе се движите во такви кругови и се дружите со луѓе кои имаат слични интереси.rnrn
rn4. До крајот на 20-тите секој од нас има помалку, но повредни пријателства
rnБројот на вашите пријателства ќе се намали со тек на време. Некои од вашите пријатели ќе се преселат во друг град/држава, други ќе бидат премногу зафатени со работата и семејството и сами ќе се оддалечат од вас, за некои пак едноставно ќе сфатите дека не сте толку добри пријатели како што сте биле некогаш. Но пријателствата кои ќе продолжат да траат, иако помали на број отколку во средно, ќе стануваат сè повредни и побогати.rn
5. Никогаш нема да го/ја заборавите најдобриот/ата пријател/ка од детството
rnБез разлика колку време минало откако сте се виделе за последен пат, секогаш може да се потсетите на некои смешни ситуации низ кои сте минале заедно.rnrn
rn6. Некогаш пријателствата бараат повеќе труд
rnНе секогаш во вашето пријателство ќе тече мед и млеко. Некогаш ќе треба да вложите екстра труд во пријателството. Не сакате да се разделите и никогаш да не разговарате повторно поради банална кавга. Во 20-тите сфаќаме дека многу нешта можат да ни се случат и нам, како и на нашите пријатели. Доколку најдобрата пријателка се пресели во друг град, ќе сфатите дека сакате да вложите напор и понатаму да го одржувате вашето пријателство и покрај географската оддалеченост. Доколку дојде до конфликт ќе пробате да го решите. Бидејќи знаете колку скапоцени се ретките пријателства, нема да кренете раце лесно. Ќе се откажете тогаш кога ќе ви стане јасно дека другата страна не вложува толку напор или дека веќе е залудно.rn
7. Не мора да бидете најдобри пријатели со пријателите на вашето/ата момче/девојка
rnНиту пак мора да станете најдобри пријателки со девојката на вашиот најдобар другар. Не постојат правила. Да, може да се согласувате и да се гледате често, но не мора да значи дека ќе станете најдобри пријателки, па не јадосувајте се ако не се случи тоа.rn
8. Пријателите може да престанат да ви бидат пријатели
rnДа, може да ве „откачат“, да се оддалечат од вас, да си најдат други пријатели и слично. Бидете подготвени. Исто како што вие може да посакате да прекинете некое пријателство (види број 1), така и некој друг може да посака да го прекине пријателството со вас. Не мора да значи дека вие сте лоши личности, едноставно од x причини вашите патишта се разидуваат.rn
9. Секогаш може да разговарате со вистинскиот пријател
rnВистинскиот пријател е секогаш тука да ве ислуша, макар и преку скајп или телефонски разговор. Истото се очекува од вас, едноставно да бидете тука за некого. Со тек на време учиме многу да ги вреднуваме разговорите, советите, па макар и само трпеливото слушање од нечија страна.rn
10. Вашата мајка навистина може да ви биде најдобра пријателка
rnВо средно сигурно криевте некои работи од вашата мајка, и во одредени периоди од вашето тинејџерство сте мислеле дека воопшто не ве разбира и дека живее во поинаков свет од вашиот. Но како што растете, сфаќате дека таа може навистина да ви биде најдобрата пријателка која некогаш сте ја имале.rnrn rnrn
rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук. -
5 одлични начини да го надградите своето знаење без да трошите пари
Во свет и време кога толку многу информации ни се дадени како на послужавник, игноранцијата е сопствен избор. Но доколку сте дел од оние кои секогаш се стремат да научат повеќе и да го надградат своето знаење, ова се 5 одлични и исплатливи начини како да научите повеќе за она што ве интересира.rn
rnrn1. Интернет семинари и форуми
rnСлушањето на онлајн-семинари најчесто е бесплатно, а лесно може да најдете семинар без разлика на вашето поле на интерес. Како да го надградите својот бизнис, како до успешна маркетинг стратегија, влијанието на социјалните мрежи, итн. Сè што треба да направите е да ги пребарувате клучните поими на темата која ве интересира. Некогаш можеби ќе пробаат да ви продадат нешто, но не мора да купувате ништо друго, освен знаењето кое, нели, во овој случај е бесплатно.rnrnИсто, на интернет многу лесно може да пребарувате и читате форуми на најразлични теми. Се двоумите за нешто, ви требаат повеќе мислења и слично? Посетувајте различни форуми каде ќе чуете многу размислувања како и предлози и идеи.rn
rnrn2. Семинари
rnДоколку подобро учите кога имате контакт во живо со оној кој зборува, тогаш одлучете се за посета на семинари. Информирајте се дали има и кои се семинарите кои би можеле да ги посетувате бесплатно или кои се поевтини. Може да научите многу, а што е најважно од сè ќе имате можност за интеракција со други личности со кои имате заеднички интереси, како и да создадете многу нови контакти и да го проширите кругот на пријатели.rnrn
3. Тренинзи и курсеви
rnРазликата меѓу семинари и курсеви е во тоа што семинарите обично се наменети за поголема група, додека за курсевите обично се формираат помали групи и имате многу поголема интеракција со оној кој предава. Може веднаш да го тестирате она што сте го научиле и да добиете поголемо внимание. Ретко кои курсеви се сосем бесплатни, но ги има. Ако не бесплатни може да најдете поевтини, а најчесто доколку најдете уште неколкумина кои се интересираат за тој курс може да добиете групен попуст. Доколку полесно учите во помали групи со интеракција на повисоко ниво, курсевите се подобра опција за вас.rn
rnrn4. Книги
rnДа, читањето книги звучи по малку застарено имајќи ја предвид новата технологија. Но, да не заборавиме дека книгите никогаш нема да излезат од мода. Не само што може да најдете евтини примероци, туку може да ги купите на старо, да ги позајмите, или пак да ги најдете онлајн. Без разлика дали би ви помогнале книги кои ќе ви ги надградат знаењата на професионално ниво, или пак барате книга за самопомош или едноставно мисла или идеја која ќе ви го смени животот, книгите ви нудат што и да ви треба. Плус, сами одлучувате кога ќе читате односно учите и си создавате амбиент што најмногу ви се допаѓа вам.rnrn
5. Онлајн-курсеви
rnНе сите онлајн-курсеви се бесплатни, но постојат, па зошто да не ги искористите за надградување на вашите знаења? Особено лесно е да најдете онлајн курсеви за странски јазици, а преку Open culture може да слушате снимени курсеви од познати факултети, на која било тема, бесплатно.rnrnrnrn
rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.rn -
Како да знаете кога станува збор за вистинска љубов?
„Не можам да живеам без тебе“, „ти си воздухот кој го дишам“, „ти си сè што ми треба, јас и ти сме едно“… Ова се дел од најчестите фрази кои луѓето ги користат со цел да ја искажат својата љубов. Но, доколку љубовта навистина постои, тогаш секоја од овие фрази и многу слични на нив, би биле кажани сосема поинаку.rnrn
rnМожам да живеам без тебе
rnЗа да бидете способни во иднина да доживеете стабилна и силна врска, тогаш мора да знаете самите да се грижите за себе и за своите потреби. Факт е дека би преживеале без кој било, вашиот партнер не е клучниот фактор кој ве одржува во живот. Сè додека користиме вакви излитени и невистинити фрази со цел да ја искажеме нашата љубов, таа всушност не е онаа вистинската. Ако некој ве чекал вас цел живот за да почне вистински да живее, ако му требате исто колку што му е потребен кислородот или во состојба е да се убие доколку му раскинете, не залажувајте се, не се тоа симптоми на љубов туку на опседнатост.rn
Мојата љубов за тебе ќе се промени
rnВродена карактеристика на секој човек е да сака промени, само што некој ја поседува во помали, а друг во поголеми количини. Како и да е, секој се менува. Во текот на животот созреваме, ги менуваме нашите интереси, почнуваме да сакаме различни работи, се дебелееме, слабееме, ја менуваме бојата на косата, менуваме имиџ… Исто како што луѓето се менуваат, така се менува и љубовта. Кога некој ќе ви рече дека љубовта која ја има за вас никогаш нема да се промени, лаже! Некогаш љубовта е послаба, некогаш поинтензивна, некогаш поинаку ја чувствуваме… но едно нешто е факт, кога станува збор за вистинска љубов, да, таа се менува, како што изминуваат годините љубовта е поцврста, позрела, поиздржлива.rn
Ти не си сè што ми треба
rnНекогаш навистина би се запрашале колку партнерите кои се постојано заедно и еден во друг наоѓаат апсолутно сè што им е потребно, навистина се сакаат или пак станува збор за навика и зависност. Луѓето се „дизајнирани“ да работат во групи, да се надградуваат себеси, да имаат повеќе личности околу себе. Да речете дека вашиот партнер е сè што ви треба во животот е исто како да сте рекле дека бананата ги содржи сите витамини кои ви се потребни. Нам, покрај љубовниците, потребни ни се и пријатели, роднини, родители, колеги… Ако љубовта е вистинска нема да чувствувате дека само вашиот партнер ви е неопходен, туку дека тој совршено исполнува еден дел од вашиот живот.rn
Нема секогаш да сум блиску до тебе
rnЛуѓето кои тврдат дека секогаш ќе бидат блиску до вас, ве сакаат исто како што пајаците ги сакаат инсектите – ги ловат, ги врзуваат во мрежа без да ги оспособат слободно да се движат. Да, тој кој ве љуби ќе сака да биде близу до вас, но не 24/7, туку ќе ви ја даде слободата која ви е потребна. Тогаш ќе знаете дека е вистинска љубов.rn
Ти и јас не сме едно
rnНа никаков начин не е возможно двајцата да сте едно. Вие не сте камелеон кој се претвора во она што му е во близина. Вие сте своја личност, со сопствени ставови и мислења и оној кој ве сака ќе ужива во вашите разлики и во начинот на кој се надополнувате еден со друг. Вистинските вљубени се со два различни идентитети, нив не ги гледате постојано заедно, тие некогаш имаат различни мислења и различни цели. Тоа што сте вљубени, не значи дека треба да го изгубите вашиот идентитет и да станете едно со некој друг, туку да најдете личност која ќе ве сака и покрај сите разлики меѓу вас.
-
Откријте која е вашата страст
Исполнетоста во животот во голема мера зависи од секојдневни нешта кои со себе носат задоволство. Тоа доаѓа оттаму што тие работи ги правиме со голема страст. Страста е многу силна движечка сила, која доколку се внесе во извршувањето на одредена активност, неизмерно ќе го збогати животот. Доколку вие сè уште не сте пронашле нешто такво, кое секојдневно, или барем одвреме-навреме ќе ви ги полни батериите, следните чекори имаат за цел да ви помогнат да откриете што е тоа и да уживате во она што сакате да го правите.rnrn
rnШто знаете да правите добро?
rnРазмислете за тоа во што сте навистина добри. Дали можеби има работи кои сакате да ги правите, но сметате дека не сте добри во тоа, па ги избегнувате? Можно е токму тука да се крие она нешто кое ќе додаде нешто убаво во вашиот живот. Не мора да бидете брилијантни во одредена активност за тоа да биде вашата страст. Нема секој талент за цртање, но ако вам ви причинува задоволство, само напред.rn
Кои ограничувања ви пречат?
rnКога постои нешто што страсно сакате да го правите, ќе ви пречи сето она што ќе ви оневозможува да му се препуштите на тоа. Ако од време-навреме сакате да направите по некоја фотографија, а брат ви постојано ви го зема фотоапаратот, што вам многу ви пречи, може да значи дека токму фотографијата е вашата страст.rn
Што сакате да читате?
rnКога некоја активност многу ве привлекува, ќе поминете часови читајќи нешто во врска со тоа. Во прв момент може и да не помислувате сериозно да се бавите со тоа. Сепак, секој не го троши времето на читање магазини за риболов или прегледување видеа со танци. Страста е таа која го поттикнува интересот за овие работи.rnrn
rnШто сте сакале да правите кога сте биле деца?
rnОва е веројатно е наједноставниот начин да ја откриете вашата страст. Кога сте биле дете сте имале можност да покажете наклонетост кон што било без да бидете оптоварени со очекувањата според кои живеат возрасните.rn
Кога губите чувство за време?
rnКога страста ќе ве обземе, таа предизвикува губење на чувството за време. Ако работите работа која не ја сакате или ако не ви се седи на факултет, постојано ќе погледнувате на часовникот. Но, ако уживате играјќи фудбал или свирејќи гитара, ќе се прашувате кога поминало времето.rn
Не откажувајте се
rnБарањето на вашата скриена страст нека ви биде авантура, со која ќе навлезете во непознат дел на вашата личност и ќе го истражите. Дури и да не успеете брзо да најдете нешто кое ќе ви ги полни батериите, не откажувајте се. Уживајте во самиот процес на истражување, а резултатот кога-тогаш ќе стигне. Тогаш, задоволството ќе биде уште поголемо.rnrn rnrn
rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук. -
Колекција од грижливо подредени предмети
„Серија на мали колекции“ е насловот на овој проект чиј автор е Џесика Нејплс. Таа на еден чист и софистициран начин презентира конкретни предмети на одредени личности. Сите предмети се лични и се буквално извадени од скриени полици и заклучени кутии. Заедно предметите претставуваат временска капсула која одбележува одредено време, лични интереси и приоритети. Погледнете го овој кул проект:
