КАФЕ ПАУЗА

Tag: храброст

Како се справуваат хороскопските знаци со својот најголем страв?

Колку и да сте храбри, сигурно постои нешто од што се плашите. Сепак, тоа не значи дека треба да му дозволите на стравот да ве контролира. Во продолжение прочитајте како се справуваат хороскопските знаци со своите стравови.rnrnrn

Овен

rnНивниот страв им го зголемува нивото на адреналин. Овните го сакаат тоа чувство и постојано се поставуваат во опасни ситуации.rn

Бик

rnБиковите дозволуваат нивниот страв да ги контролира. Стравот не им дозволува да прават работи што навистина сакаат да ги прават.rn

Близнаци

rnБлизнаците му се смеат на стравот. Тие можат да западнат во неволја затоа што целосно ги игнорираат сите предупредувачки звуци што ќе ги слушнат.rn

Рак

rnРаковите се потпираат на своите најблиски кога се плашат за да им помогнат да ги преживеат случките.rn

Лав

rnЛавовите се експерти за преправање дека не се плашат, дури и кога се преплашени однатре. Тие секогаш изгледаат бестрашно, иако тоа е далеку од вистината.rn

Девица

rnДевиците го визуализираат најлошото сценарио и се обидуваат логично да размислат за ситуацијата со цел да ги ублажат своите стравови.rn

Вага

rnВагите анализираат зошто се плашат толку многу. Тие се обидуваат да го откријат коренот на проблемот за да можат да најдат решение.rn

Скорпија

rnСкорпиите се доволно силни за да признаат кога се плашат, но не дозволуваат ни стравот да ги спречи да направат нешто.rn

Стрелец

rnНивниот страв прави да се чувствуваат живи. Не им пречи, туку тие го прифаќаат тоа.rn

Јарец

rnЈарците знаат дека нивниот страв е дел од нивниот инстинкт за преживување. Тие го слушаат тој инстинкт внимателно за да не се стават во опасност.rn

Водолија

rnТрчаат и се кријат кога и да се исплашат. Водолиите се надеваат дека нема да треба да се справат со проблемот ако чекаат доволно долго.rn

Риби

rnНивниот страв предизвикува емотивен хаос. Рибите се расплакуваат многу често и многу лесно.rnrnПрочитајте од каков проблем се обидува да избега секој хороскопски знак.

November 9, 2020
Кој хороскопски знак е бестрашен?

Кога ќе се спомне зборот „бестрашен“, автоматски помислувате на личност која не се плаши од ништо, но тоа не е најточната дефиниција. Да се биде бестрашен значи дека сте спремни да се соочите со предизвиците што се пред вас.rnrnrnrnПоради тоа, Овенот е најхрабриот хороскопски знак во астрологијата.rnrnМоќниот Овен е роден да биде водач и никогаш нема да го видите како следи група луѓе.rnrnНаместо тоа, речиси секогаш ќе го гледате како создава свој пат додека привлекува соодветно внимание на она што го прави.rnrnОвните имаат натпреварувачки дух и не сакаат ништо повеќе од тоа сите очи да бидат вперени во нив кога ќе ја освојат највисоката планина или најниската длабочина на океанот.rnrnТие се вистински авантуристи и сакаат да бидат првите луѓе што направиле нешто што сите други се плашат да го направат. Овните сакаат предизвици.rnrnПрипадниците на овој хороскопски знак не се плашат да го кажат тоа што го мислат, без разлика дали станува збор за политика, за религија, за љубов или за нешто друго.rnrnДа се биде бестрашен може да се сфати како херојски чин, но тоа може да има и деструктивен исход. Истрајноста и храброста може да ве одведат во темна шума полна со трње и змии.rnrnДа не се плашите од многубројните предизвици во животот може да биде повеќе штетно отколку корисно. Сакате предизвици и ќе направите сè за да докажете колку сте силни.rnrnЗа жал, Овните дејствуваат импулсивно кога знаат дека има публика што ги гледа. Тие сакаат да им докажат на сите дека не се плашат од ништо.rnrnМожеби сте на врвот на листата на најхрабрите хороскопски знаци, но внимавајте со какви предизвици ќе одлучите да се соочите и не дозволувајте љубопитноста да ја загрози вашата сопствена безбедност.rnrnПрочитајте со кои 6 хороскопски знаци е предизвик да бидете во врска.

July 16, 2020
Овие хороскопски знаци не биле тука кога се делело храброст: Кои се најголемите кукавици во хороскопот?

Луѓето родени во овие хороскопски знаци се плашат од каков било конфликт, не знаат да направат избор за себе и се многу плашливи. Тие го избегнуваат ризикот дури и тогаш кога го нема. Овие личности се многу лоши во донесувањето одлуки затоа што каков било притисок лошо влијае врз нив. Погледнете кои се тие хороскопски знаци.rnrnrn

Близнаци

rnВо хороскопскиот знак Близнаци се раѓаат многу недоверливи луѓе кои не би сакале да ви бидат надредени затоа што тие не знаат како да се справат ни со самите себеси. Кога е потребно да се донесе некоја важна одлука, овие личности без совест ќе им го препуштат тоа на некој друг, така што тие во никој случај нема да бидат одговорни за какви било последици.rn

Вага

rnКога станува збор за критики и за соочување со реалноста, Вагите ја покриваат главата и чекаат да помине „бурата“. Тие не сакаат никаков конфликт, па ним им е подобро да страдаат отколку да соберат доволно храброст за да го кажат тоа што навистина го мислат.rn

Риби

rnЛичностите родени во овој хороскопски знак им простуваат на сите затоа што се плашат да имаат непријатели. Поради оваа причина, многумина ги искористуваат Рибите, но стравот ги спречува нив да зборуваат за оваа неправда. Исто како Близнаците, овие личности секогаш претпочитаат да им го препуштат донесувањето одлуки на некој друг затоа што тие тешко заздравуваат од критики и од неуспеси.rnrnПрочитајте и кои 3 хороскопски знаци се најголеми хејтери.

December 5, 2019
Сакате да се охрабрите? Престанете да ги правите овие 5 нешта!

Обидете се да се сетите кога последен пат сте се почувствувале доволно храбри да преземете некој поголем чекор или да се впуштите во екстремен предизвик? Иако не се соочуваме со вакви ситуации секој ден, понекогаш носиме некои одлуки само затоа што сме сигурни дека се безбеден избор, односно избегнуваме да ризикуваме. Сепак, некогаш е добро да се излезе од удобната зона и похрабро да се пристапи на некој проблем. Доколку се пронајдете во следните тврдења, тогаш треба да поработите на враќање на храброста и самодовербата.rnrnrn

1. Губите чувство за вашата цел

rnКога сме соочени со некој поголем предизвик, се случува вниманието да ни е одземено од неважни детали. Затоа, бараме одредена утеха и собираме информации и знаења, за да можеме да поставиме јасна цел. Но, кога ќе го пребукираме мозокот со премногу информации, можеме да се изгубиме по патот кон целта и да западнеме во споредни замки како што се одложувањето, барањето оправдување и нерационалните стравови.rn

2. Дозволувате минатото да ви влијае на иднината

rnСекој жив човек, кога ќе погледне назад во своето минато, сигурно ќе наиде на ситуација или случка која влијаела на него, кога бил повреден, навреден, понижен, кога не се чувствувал добро. Покажуваме вистинска храброст кога не дозволуваме тие темни дамки од минатото да ја дефинираат нашата иднина. Да, токму минатото нè има дефинирано како личност, но доволно е само да ги имаме на ум сите лекции што сме ги научиле поради некое искуство или грешка, за да можеме храбро да ѝ пристапиме на иднината.rn

3. Се грижите што мислат другите

rnПред да преземете каков било чекор, размислувате што би рекле останатите и често се повлекувате? Можеби се откажувате од нешто што го сакате само за да бидат задоволни вашето семејство и пријателите? Од ова следи и стравот дека нема да успеете, но и дека ќе бидете посрамени. Но, како би знаеле ако воопшто не се обидете? Во менталниот склоп на луѓето е да сакаат да добијат одобрување или пофалба од оние околу нас, но важните чекори зависат само од ризикот кој сме подготвени да го преземеме за да ги реализираме.rnrnrn

4. Очекувате совршенство

rnКога смислата за себе ја основаме врз нашиот начин на работа и достигнувањата, тогаш развиваме перфекционистичка состојба на умот. Поради превисоките очекувања кои си ги поставуваме, се изложуваме на дополнителен напор, во обид да ги оствариме зацртаните цели. Секој неуспех, најпрво прави да се чувствувате лошо пред себе, па наместо да преземате ризици, вие ги избегнувате. Затоа, поставувајте си пореални очекувања, не зависете од судот на другите, вежбајте ја храброста и запомнете, совршенството е тешко достижно.rn

5. Ги обвинувате другите

rnКога сме во ситуација во која нашата способност и професионалност се ставени на тест, се случува вината да ја бараме во некој друг. Најлесен начин за тоа да се направи е да избегаме и да се скриеме, да ја игнорираме ситуацијата или пак, да обвиниме некој друг. Преземањето одговорност е значаен напредок во охрабрувањето. На овој начин си дозволуваме да се чувствуваме убаво кога некоја ситуација ќе се реши добро, иако тоа добро е различно од нашата замисла, што е знак на зрелост и одговорност. Храброста дури може и да помогне во креирањето планови за иднината.rnrnПрочитајте ги и овие цитати за надежта кои веднаш ќе ви го подобрат расположението.

May 7, 2018
Мажите родени во овие хороскопски знаци се вистински фраери

Иако хороскопот не треба секогаш да го сфаќаме премногу сериозно, сепак има некоја вистина во него. Некои знаци се плашат од промени и не сакаат да ризикуваат, додека други секој предизвик го пречекуваат со раширени раце. Погледнете кои се најхрабрите мажи според нивниот хороскопски знак.rnrnrn

Лав

rnЛавовите се познати по тоа што навистина се сакаат себеси и мислат дека се подобри и попаметни од другите. Истовремено, тие се најхрабрите знаци чиј владетел е сонцето, симбол на успехот. За да ја постигне својата цел, Лавот е подготвен да направи речиси сè. Не сакате личност со овој знак да ви биде непријател.rn

Стрелец

rnСтрелците сакаат да ризикуваат и не се плашат бидејќи лесно го преболуваат секој неуспех. За кратко време се повторно подготвени да се соочат со предизвици и во приватниот и во професионалниот живот. Исто така, на Стрелците воопшто не им е страв од промени бидејќи тие се само уште еден предизвик за нив.rn

Скорпија

rnМарс и Плутон, планетите на храброста и моќта, се одговорни за бестрашноста на Скорпиите. Како и Стрелците, така и тие ги сакаат предизвиците и ризиците.rn

Овен

rnСо Овните владее Марс, планетата на храброста и акцијата. Затоа и припадниците на овој знак навистина не знаат за страв. Ако се најдат во опасна ситуација, Овните ја гледаат како предизвик од кој ќе станат уште посилни и посамоуверени.rnrnДознајте и какви се мажите во бракот според нивниот хороскопски знак.

March 31, 2018
13 неверојатни жени за кои можеби не сте слушнале во 2017-та година

На некој начин, 2017-та ја обележаа многу силни жени и девојки, за кои можеби и не сте чуле досега. Имајќи го тоа на ум, во продолжение погледнете 13 силни и неверојатни жени од минатата година кои се прославија со нивната храброст и упорност.rn

1. Кетрин В. Хари

rnrnrnХари направила популарен блог и влог во Камбоџа каде што зборува за женското здравје, онлајн малтретирањето, сексуалното здравје и стандардите за убавина. Некои од темите се табу во нејзината држава, а традиционалните полови улоги сè уште претставуваат норма.rn

„Ниту една личност од Камбоџа го нема направено ова. Луѓето ги гледаат реакциите кои ги добивам и се плашат од тоа. Не е најпријатно да го добивате целото тоа малтретирање и негативност.“

rnТаа сепак има многу млади фанови, а нејзиното видео за женската невиност има над 2 милиони прегледи. Се надева дека еден ден ќе основа своја фондација.rn

2. Микајла Холмгрен

rnrnrnОваа 22-годишна девојка е првата жена со Даунов синдром која учествувала во натпревар за убавина. Покрај тоа, таа освоила и две награди.rn

„Бев шокирана и во солзи. Од натпреварите за посебни потреби стигнав до најголемиот натпревар на светот. Тоа е лудо.“

rnМикајла била инспирирана да се пријави откако победила на натпревар за убавина за лица со посебни потреби во 2015-та година. Таа е и танчарка и сака да му докаже на светот дека и жените со Даунов синдром можат да направат сè што ќе посакаат.rn

3. Даница Роем

rnrnrn32-годишната Роем е првата трансродна личност која е избрана да биде дел од законодавната власт во САД. Таа го победила републиканецот Боб Маршал кој е против хомосексуалноста со 54% од гласовите. Тој дури ја нарекувал и маж кој оди против природните закони на Бог. Сепак, Роем не се грижи многу за овие напади.rn

„Јас сум голема девојка, можам да се грижам за себе.“

rn

4. Захра Ноури

rnrnrnЗахра се прослави по тоа што го водеше иранскиот рагби тим додека се грижеше за своето бебе. Таа работи и со Setaregan RFC, тим од главниот град Техеран.rn

5. Хејли Џоунс

rnrnrnОва 7-годишно девојче има рака направена со 3Д печатач и е на пат да стане познат бејзбол играч. Хејли добила многу понуди од големи спортски тимови откако се прославила нејзината цел. Досега го направила првото фрлање во 7 игри, од кои 4 биле на светското финале во 2017-та година.rn

6. Ребека Синохара

rnrnrnРебека е иден инженер и има само машки пријатели бидејќи таа е единствената девојка на нејзиниот факултет. Сепак, наместо да се откаже од деверици, таа решила да ги земе работите во своите раце. Таа и нејзините машки пријатели направиле неверојатна серија фотографии каде што пријателите глумат деверици.rn

„Кога невестата нема женски пријателки, време е да им се обрати на пријателите. Ова им се случува на девојките кои учат компјутерско инженерство.“

rnПродолжува на следната страница…rnrn

January 2, 2018
Неправдите во светот се должат на смелоста на глупавите и несигурноста на паметните луѓе

„Тивките луѓе имаат најгласни умови.“ – Стивен Хокинг

rnНеоткриените таленти и генијалци се насекаде околу нас. Дали имате пријателка со ангелски глас која одлично пее, но никогаш не се осмелила да го покаже својот талент во јавност? Од друга страна, постојано гледате како „пејачи“ без ронка музикалност снимаат видео спотови и храбро настапуваат пред илјадници луѓе. Дали познавате дечко кој сите мисли знае да ги преточи во зборови и пишува извонредна поезија што никој ја нема прочитано? А сепак, секојдневно гледате како неписмени луѓе објавуваат по неколку книги годишно. Нивната поезија се состои од „Ако не е само твоја, брат, не е твоја“ и тоа го читаат илјадници луѓе, па дури и му се восхитуваат, а ливчињата на вашиот пријател кои се полеани со вистинска емоција стојат затрупани во некоја фиока.rnrnrnrnОвие примери не завршуваат тука. Луѓе кои газеле преку лешови за да добијат улога во театар стануваат познати глумци, „режисери“ без идеја, но со многу кеш, режираат претстави и филмови, поединци кои крадат туѓи визии, но имаат „врски“ основаат свои бизниси, лажливци кои ги интересира само материјалното богатство стануваат лидери и владетели на држави, додека индивидуите кои навистина се грижат за општото добро никогаш не се осмелуваат гласно да ги кажат своите мислења и решенија.rnrnПостојано гледаме како погрешни луѓе зафаќаат важни места во светот и донесуваат одлуки што влијаат на целото човештвото. Тоа нѐ тера да си помислиме дека нема правда на светов и дека понекогаш луѓето не го добиваат тоа што го заслужуваат. Па, на што се должи сето тоа? Зошто глупавите луѓе успеваат во животот, а голем дел од талентите и генијалците остануваат неоткриени?rnrnМожеби ќе помислите дека многу од паметните луѓе се мрзеливи и немаат волја да ги следат своите соништа, додека тие што не се толку интелигентни, сонуваат на големо и работат напорно. Во некои случаи тоа е точно, бидејќи сепак интелектот нема да може да го исполни својот потенцијал доколку не се негува и развива преку вложениот труд и работата. Но, понекогаш станува збор за нешто сосема друго.rnrnШто мислите, која е разликата помеѓу паметните и глупавите луѓе? Под „глупави“ не се мисли на луѓе со понизок коефициент на интелигенција, туку на поединци кои се површни, лицемерни, полни со предрасуди и кои негуваат погрешни морални вредности. Тоа се луѓето кои секогаш го одбираат полесниот пат и се обидуваат да ги искористат другите за да ги постигнат своите цели. И покрај недостатокот на талент, писменост и интелект тие успеваат да фасцинираат голема толпа на луѓе. Паметните луѓе, од друга страна, пак, се слободоумни, добродушни и талентирани, но сепак им недостига клучната особина од која зависи нивниот успех.rnrnrnrnГлавната разлика помеѓу овие два типа луѓе лежи во начинот на размислување. „Глупавите“ луѓе не размислуваат премногу за последиците од нивните постапки. Тие знаат која е нивната цел и се обидуваат да го најдат најлесниот можен начин за да ја постигнат. Нивниот начин на размислување е едноставен и лишен од претерани грижи. Тие не се плашат од неуспех и не се грижат многу за реакциите на другите луѓе. Подготвени се да преземаат ризици и големи чекори, без оглед на цената што ќе треба да ја платат. Кога ќе им дојде некаква идеја, не остануваат заглавени во своите мисли, туку веднаш дејствуваат. Не ја обмислуваат доволно добро, па затоа резултатите се површни. Нешто ќе им успее, нешто не, но тоа не им ја намалува самодовербата. Тие никогаш не се сомневаат во своите способности, па оттаму произлегува и нивната храброст.rn

„Вистинскиот проблем не е во тоа што многу скромни, благородни и надежни луѓе страдаат, туку во тоа што некои воопшто не страдаат.“ – К. С. Луис

rnТаквиот начин на живот им носи успех, бидејќи повеќето луѓе сакаат едноставни работи за кои нема потреба да го вклучуваат мозокот. Тоа им го одвлекува вниманието од сериозните проблеми што ги имаат и го одложува нивното решавање. Токму затоа, многумина читаат бестселери наместо класици, гледаат комедии со лош хумор наместо трагедии, слушаат турбофолк наместо џез и се восхитуваат на едноставни мислења и реченици, бидејќи тие не им го заморуваат умот, туку им служат како бегство од реалноста. Покомплицираните идеи бараат од нив да анализираат, прашуваат и да се соочат со своите демони и стравови.rnrnПаметните луѓе имаат сосема поинаков начин на размислување. Кога тие ќе добијат некаква идеја, не избрзуваат со нејзината реализација, бидејќи секогаш мислат на последиците. Тие ја разгледуваат ситуацијата од секој можен агол и се обидуваат да го најдат најдоброто решение, а не првото што ќе им дојде на памет. Откако ќе дознаат како да ја остварат својата замисла, дури тогаш започнуваат вистинските проблеми. Тие се грижат за тоа како ќе реагираат луѓето, дали ќе сметаат дека идејата е добра, дали нејзината реализација ќе биде успешна и дали ќе ги постигнат посакуваните резултати. Овој процес трае со денови, месеци, па дури и години. Паметните луѓе никогаш нема да се осмелат да ги претстават своите визии во јавност, доколку имаат макар и ронка сомнеж за нив. Токму затоа, тие многу ретко ја собираат потребната храброст за да преземат големи ризици.rnrnНивниот најголем страв е неуспехот. Многу тешко ги прифаќаат поразите кои ги обесхрабруваат и ја намалуваат нивната самодоверба. Тие се толку многу свесни за своите недостатоци што наместо да ги прифатат и да научат нешто од нив, им дозволуваат да ги попречат во остварувањето на нивните соништа. Извонредните писатели не се осмелуваат да објават ниту статус на Фејсбук, а не па книга, бидејќи се плашат од реакциите што ќе ги предизвикаат. Талентираните музичари пејат и свират само во парк пред друштво, бидејќи секогаш мислат дека нивните дела не се доволно добри и дека можат да станат уште подобри.rnrnrnrnТоа е главниот проблем кај паметните луѓе. Тие не се задоволуваат со површни и просечни работи. Кај нив важи правилото „Сѐ или ништо“. Тие веруваат дека секогаш можат подобро и нема да се осмелат да преземат што било, додека не се уверат дека нивното дело е најдобро. Но, она што мора да го сфатат сите таленти и генијалци на светот е дека не постојат совршени идеи, замисли и визии, а уште помалку совршени реализации. Нема ништо лошо во тоа да се биде претпазлив, меѓутоа за да се сонува на големо, мора и да се ризикува на големо.rnrnПаметните луѓе треба да ги сфаќаат неуспесите како можности за учење и напредок, а не како крај на светот. Во ред е да пробаат дури и да не се сигурни во генијалноста на својата идеја. Не мора сите дела да бидат ремек-дела. Сѐ додека не станат свесни за грешката што ја прават, ќе продолжат и понатаму да живеат во туѓа сенка, уверени дека не постои правда на овој свет. Погрешни луѓе и понатаму ќе заземаат значајни позиции и ќе владеат со човештвото, а големите маси нема да знаат да препознаат квалитет, бидејќи никогаш немале можност да сретнат такво нешто.rnrnПаметните луѓе мора да соберат храброст и да излезат од својата глувчешка дупка. Човештвото не смее да биде лишено од нивната генијалност само поради нивната несигурност во себе. Тоа си го должат не само себеси, туку и на целиот свет. Секоја чест за интелигентните индивидуи кои покрај тоа што се талентирани, истовремено се и многу храбри. Сигурно ја стекнале потребната храброст по потешкиот пат, но најважно е тоа што стигнале таму каде што треба да бидат. Иако тие се многу ретки, треба да ни послужат како пример и инспирација за да се осмелиме и да ги оствариме и нашите соништа. Не плашете се од вашата генијалност – дозволете ѝ да процвета!

November 6, 2017
Зошто интровертите одржуваат најдобри јавни говори?

За повеќето луѓе, овој талент изгледа недостижен. Ова особено важи за интровертите кои се изморуваат од голема толпа луѓе. Тоа нè води до заклучокот дека единствено екстровертите можат да одржат добар говор? Тие немаат страв од многу луѓе и се чувствуваат многу удобно додека ги држат своите говори. Но, Барак Обама е интроверт. Нелсон Мандела – интроверт. Ганди, и тој бил интроверт. Како е ова можно?rnrnrn

Верувајте ѝ на вашата техника

rnМногу луѓе сметаат дека за јавното говорење е потребна храброст. Дека и покрај стравот, сепак ќе го направите тоа. Во овој случај, екстровертите имаат голема предност – тие не чувствуваат социјална анксиозност. Екстровертите се помалку чувствителни на адреналин, чувствуваат помалку страв, па поголема е веројатноста да се качат на сцената. Но интровертите, особено оние почувствителните, се многу склони кон социјална анксиозност.rnrnНајдобрите зборувачи не се најхрабрите. Најдобрите се оние со одлична техника. Оние кои знаат да останат смирени и под притисок. Тие можат да го контролираат своето дишење, да владеат со говорот на нивното тело и да го проектираат својот глас. Тие се како музичари кои многу умешно свират на својот инструмент. Јавното зборување не е натпревар за храброст, тоа е моторна вештина. Тоа е физички процес кој се подобрува со вежбање. А кога ќе го погледнете од таа страна, интровертите навистина имаат предност.rn

Смисла и чувствителност

rnИнтровертите се одлични кога станува збор за размислувањето. Тие секогаш размислуваат длабоко и детално, а нивното мислење може да доведе до интересни резултати. Кога се во социјални ситуации, тие се почувствителни на луѓето околу нив. Тие можат да забележат суптилни социјални знаци и лесно ги препознаваат и најмалите промени.rnrnИнтровертите многу често се загрижени за мислењето кое го имаат другите за нив. Тие се посвесни за нивното опкружување и за нивното присуство. Постојано си поставуваат прашања како „Дали ѝ се допаднав на таа личност?“ или „Да не реков нешто погрешно?“rnrnОвој внатрешен монолог може да биде исцрпувачки, но токму тој им дава предност. Тие лесно можат да ги протолкуваат реакциите на својата публика. Интровертите ја подобруваат својата вештина за јавно говорење со навика. Со други зборови, тие се качуваат на сцена толку често што веќе се навикнуваат на тоа. Со текот на времето адреналинот има помало влијание на нив.rnrnПремногу чувствителниот интроверт може да стане одличен во одржувањето јавни говори бидејќи тој секогаш ќе го адаптира својот говор според реакциите на публиката. Ако почувствува дека публиката не е задоволна од говорот, тој веднаш ќе се обиде да го направи интересен. Но, како да знаете дали го правите вистинското нешто?rn

Подобрување

rnЗа да престанете да ги гледате јавните говори како натпревар за храброст, неопходно е ментално да созреете. Немојте да очајувате за вашите слабости, туку препознајте ги и работете на нив.rnrnИако звучи чудно, јавното говорење треба да направи да се чувствувате убаво. Тоа значи дека не треба да му дозволите на адреналинот да ве надвладее. Тоа можете да го направите со неколку техники. Една од нив е дишење со дијафрагмата. Оваа техника докажано го намалува стресот, ги опушта мускулите и го полни мозокот со кислород. Можете да ја практикувате техниката пред да се качите на сцената, или пак за време на самиот говор. За да ја примените техниката, ставете ја раката на вашиот стомак. Издишете и соберете го стомакот. Почекајте неколку секунди, па вратете го во нормала. Кога вдишувате вашиот стомак треба да се „надува“. Повторете неколку пати и почувствувајте ги ефектите.

September 19, 2017
12 приказни за необично силни и снаодливи луѓе

Животот ни е полн со непредвидливи ситуации кои ни ги тестираат способностите и храброста. Постојат некои луѓе кои имаат посебен дар за справување со вакви ситуации. Погледнете ги овие 12 неверојатни приказни за луѓе кои успешно ги надмудриле околностите и кои ќе ве инспирираат да верувате во себе.rnrnrn

„Работев како дизајнер и имав пари само за храна и кирија. Еден ден некој ми го украде паричникот. Почнав да плачам, и во тој момент здогледав нечиј паричник на земјата. Го отворив, а во него имаше многу пари. Прво помислив дека сум среќна, но тогаш сфатив дека и некој друг се наоѓа во истата ситуација како мене. Имаше бизнис картичка во паричникот, па се јавив на бројот кој беше на неа. Сопственикот на паричникот беше возач на еден богат човек. Ми се заблагодари и ми рече дека на неговиот шеф му е потребен дизајнер. На мојот прв работен ден бев платена однапред. Сумата беше 3 пати поголема од мојата претходна плата. Кој не би верувал во случајности после ова?“

rn

„Мајка ми ми кажа една интересна приказна за тоа како положила устен испит. Таа ја земала картичката од професорот и сфатила дека го знае одговорот на само едно од двете прашања. Таа го прашала професорот дали може да почне со второто прашање. Професорот се изненадил, но ѝ дозволил. Кога била сред одговор на прашањето, влегол друг професор кој го заменил сегашниот, кој пак му кажал дека едното прашање го одговорила. Тогаш мајка ми уште еднаш го одговорила второто прашање, пред новиот професор и го положила испитот.“

rn

„Не сакам луѓето да мислат дека сум здодевен, па секогаш барам начин да го зачинам мојот живот. Огромен ѕид за качување? Се разбира! Скокање со јаже? Нормално! Возење на луда железница? Ајде да одиме! Но, во реалноста јас сум навистина исплашен од овие адреналински авантури. Кога правам нешто такво, изгледа како да уживам, но во себе плачам и се молам да преживеам.“

rnrn

„Јас и мојата сопруга сме вистински полиглоти. Јас знам 9 јазици, а таа 7. Посетуваме разни држави и со локалните жители разговараме на нивниот јазик. Многу од нив се задоволни од овој гест, а некои воопшто не препознаваат дека сме странци. Но најдоброто нешто од сето ова е што можам да разговарам со сопругата на јазик кој другите не го разбираат. Омилената комбинација ми е руски-јапонски-холандски.“

rn

„Кога бев трето одделение, отидов на кино со моите пријатели. Пред филмот бевме на прошетка покрај реката. Носев многу убави чевли. Фрлавме мали камчиња во водата, но големите ни беа позабавни. Кога со ногата удрив еден камен, со него одлета и мојот чевел. Не можев да го дофатам и почнав да плачам. Тогаш помина еден човек кој забележа што се случи. Влезе во водата со неговите скапи панталони и го зема чевелот, а потоа и ми го облече. Се чувствував како Пепелашка.“

rn

„Јас сум 30-годишна успешна жена. Одгледав син, работев како менаџер во голема компанија, патував… Но ја скршив ногата и времето ми застана. Не морав нигде да брзам. Почнав да читам книги, да гледам филмови и повремено да работам. Кога ми заврши боледувањето, сфатив дека не сакав да живеам како пред тоа. Дадов отказ од работното место и почнав да работам хонорарно. Сега имам време да одморам од секојдневната рутина, да станам посилна, да го гледам изгрејсонцето и навечер да јадам сладолед на плажата.“

rnrn

„Постојано ме прашуваат зошто сум толку среќна и активна во последно време. Скокав со падобран, пробав параглајдерство, си направив тетоважа и ја потрошив мојата заштеда на патување во Индија. Сите ја сакаат „новата“ јас. Но, никој не знае дека пред еден месец го победив ракот. Денес најсреќна сум затоа што сум жива.“

rn

„Запознав едно момче додека чекав ред да си го подигнам пасошот. Чекањето се одвиваше речиси 6 часа. Потоа со момчето отидовме на прошетка, го гледавме изгрејсонцето и разговараме цела вечер. Тој ми го побара бројот, но неговиот телефон беше празен, а јас немав пенкало. Тогаш тој разгледа наоколу, зема една гранка, мало парче јаглен и го запиша мојот број на гранката. Кога си отишол дома мајка му била изненадена од гранката, но неговиот одговор на сите прашања бил ‘Никој не смее да ја допре!’“

rn

„Актерите обично не ги помнат дијалозите кои можат да ги прочитаат на сцената. Не се сеќавам за која претстава стануваше збор, но имаше сцена во која еден курир истрча на сцената и му даде писмо на кралот најавувајќи: ‘Ваше височество, писмо за вас!’ Кралот го отвори писмото, но тоа беше празно. Шега од неговите колеги. Но актерот не се откажа, му го даде писмото на курирот и му рече: ‘Прочитај ми го!’ Но, и курирот беше снаодлив, па му рече: ‘Јас не знам да читам, ваше височество.’“

rnrn

„Јас сум келнерка и мислам дека имам видено речиси сè. Имам сретнато пијани и луди луѓе, луѓе кои не сакаат да плаќаат, но и луѓе кои плаќаат многу повеќе од потребното. Но, еднаш дојде едно момче кое порача кафе за него и жив стек за малото лавче кое го носеше со него. Е дури тогаш можев да кажам дека сум видела сè.“

rn

„Мојот стан е на вториот кат, а мојот роденден е во лето. Еднаш додека спиев ме разбуди многу гласна врева. Ги отворив очите и видов како неколку цветови ѕиркаат пред мојот прозорец, а потоа некој тропна на вратата. Тогаш сфатив дека цветовите и тропањето се на сите мои прозорци. Моите пријатели, кои сакаат планинарење решиле да ми го честитаат роденденот на необичен начин. Ги отворив прозорците и моите пријатели влегоа низ нив. Никогаш нема да го заборавам тој момент.“

rn

„Седев напред во автобусот и си одев накај дома. Заглавивме во сообраќаен метеж. Возачот забележа дека една од бравите на приколката на камионот до нас беше отворена. Отворената брава може да предизвика навистина опасна ситуација. Беше темно, а возачот на камионот не можеше да го забележи проблемот. Нашиот возач се приближи што е можно повеќе до бравата за да ја затвори. После неколку обиди тој успеа. Тогаш сфатив дека понекогаш не ни знаеме дека некој нè спасил од навистина опасна ситуација.“

rnПогледнете ги и овие портрети на најхрабрите жени кои се впишале во историјата.

August 31, 2017
Само најсилните луѓе страдаат од анксиозност и тоа токму поради овие 5 карактеристики

Кога ќе помислите на некој што страда од анксиозност, сигурно не ни помислувате дека таа личност е силна. Силата е нешто што го поврзуваме со луѓето кои не покажуваат никаква слабост.rnrnrnrnНо, луѓето кои страдаат од анксиозност се многу силни, можеби дури и посилни од оние кои го немаат овој проблем. Животот и онака е тежок, а луѓето со анксиозност имаат дополнителен товар со кој се соочуваат секој ден. Оваа битка е тешка бидејќи луѓето со овој проблем се чувствуваат како да војуваат со самите себе.rnrnИ покрај сè, тие сепак можат да функционираат нормално. Но, за нив дури и најлесните задачи можат да бидат невозможни, а тие успеваат да ги завршат. Ако имате анксиозност, или познавате некој таков, можеби треба да ја прочитате следната листа. Оваа листа ги содржи одликите на кои луѓето со анксиозност треба да се гордеат.rn

1. Подготвеност

rnЛичноста која се справува со анксиозност е секогаш подготвена за секаков вид препреки и проблеми. Овие луѓе го имаат разгледано секое сценарио и ако нешто тргне наопаку, тие секогаш имаат однапред подготвен план.rn

2. Сочувство

rnЛичноста која има проблеми е многу почувствителна од останатите. Овие луѓе се толерантни и простуваат на начини на кои другите не можат ни да ги замислат.rn

3. Храброст

rnБез разлика дали жртвата на анксиозност го знае тоа или не, сепак оваа личност е многу храбра. Таа не ја одбрала анксиозноста, но сепак работи секој ден и се обидува да има поубав живот. Потребен е посебен вид храброст за справување со ова.rn

4. Сила

rnЛичноста која страда од анксиозност е силна, и тоа многу посилна отколку што мислат другите. Овие луѓе ги чувствуваат сите работи 10 пати полошо од останатите, но никогаш не се откажуваат.rn

5. Искреност

rnИсто така, личноста со анксиозност е многу поискрена од другите. Тие нема да користат лаги за да напредуваат во животот бидејќи го изградиле својот живот околу вистина. Тие знаат какво е чувството да бидат излажани, и не сакаат да му го направат тоа на некој друг.rnrnВеројатно не посакувате да имате анксиозност, но до некој степен таа е добра и секому може да биде потребна, секако во мало количество. Таа сигурно ќе ве направи посилна и повнимателна личност.rnrnПогледнете и кои знаци на депресија и анксиозност се забележуваат уште кај новороденчињата.

August 15, 2017