КАФЕ ПАУЗА

Tag: двојка

  • 11 знаци дека вашата љубовна врска нема да трае долго

    11 знаци дека вашата љубовна врска нема да трае долго

    Не е лесно да се признае дека на љубовната врска ѝ доаѓа крајот. На почеток мислите дека можете да ги средите работите, но со текот на времето гледате дека ништо не се менува и истите проблеми остануваат помеѓу вас и вашиот партнер. Ги игнорирате знаците кои покажуваат дека врската нема да трае, со надеж дека нешто ќе се смени. Но, не гледате никакво подобрување, па почнувате да размислувате дека можеби најдобро би било да се разделите. Уште потешко е ако навистина се обидувате да ги поправите работите, но повторно нешто не е како што треба.rnrn11 знаци дека вашата љубовна врска нема да трае долгоrnrnМожеби не ви изгледа логично да прекинете долга врска, но уште помалку смисла има да го игнорирате чувството кое ви кажува дека треба да продолжите понатаму. Доколку сепак не сте сигурни дали на вашата врска ѝ се ближи крајот, овие 11 знаци ќе ви докажат дека таа нема да трае и дека време е да раскинете.rn

    1. Не се карате, но и не комуницирате

    rnНемојте да мислите дека карањето со партнерот е нешто лошо. Тоа значи дека не се плашите да бидете искрени со нив и дека се обидувате да ги поправите работите. Но, ако се карате само колку да се расправате, тоа е сосема различна приказна. Доколку сте се карале толку многу, што сте преминале во фаза кога не зборувате повеќе за значајни работи, можеби ќе ви делува како олеснување. Но, тоа исто така може да е знак дека и двајцата сте се откажале од можноста да се разберете. По ова, следниот чекор честопати е раскинување.rn

    2. Немате сексуални односи

    rnИнтимноста со партнерот е одличен начин да се поврзете со него. И кога тоа не се случува повеќе, ќе почнете да се чувствувате оддалечени и несакани. Сексот во долгите врески можеби не е толку лесен и возбудлив каков што бил на почетокот, но сепак е од големо значење за врската. Доколку не сте научиле како да го одржувате вашиот сексуален живот, тој ќе згасне и ќе отворите рана во врската која можно е да биде излечена со афера. Ако не сте имале секс со партнерот подолго време, почнете да разговарате отворено за работите што ве мачат.rn

    3. Вие сте родители, но не и партнери

    rnОва важи за двојките кои веќе оформиле семејство и имаат деца. Во таков случај многу често партнерите се фокусираат толку многу на децата, што ја занемаруваат љубовната врска. Затоа многу парови се разведуваат кога децата ќе пораснат. Љубовната врска помеѓу жената и мажот е од витално значење и е основата врз која е создадено новото семејство. Не дозволувајте тоа што ќе се внесете во улогата на родител да направи да заборавите што значи да се биде партнер. Важно е да се грижите за вашиот партнер, за да можете да изградите добар однос со вашите деца.rn

    4. Молчите кога некој ќе згреши нешто наместо да разговарате за тоа

    rnЦелта на овој метод е оној што згрешил да почувствува тензија и неизвесност што ќе се случи, додека не се сети самиот што направил и колку многу погрешил. Понекогаш двојките ја користат оваа тактика за да воспостават контрола врз ситуацијата и да добијат повеќе моќ, но ова не е воопшто здраво. Единствениот начин на кој ќе имате среќна врска е ако заборавите на вашето его и отворено разговарате.rnrn11 знаци дека вашата љубовна врска нема да трае долгоrn

    5. Постојано се поправате еден со друг

    rnНе постои добра причина зошто партнерите би требало да се поправаат еден со друг постојано. Тоа може да направи партнерот да се почувствува омаловажено, па дури и глупаво ако се случува цело време. Секогаш треба да се држите до главната поента, а не да замерувате за малите безначајни работи.rn

    6. Не сте искрени

    rnЗаедно со довербата, искреноста е од големо значење за траењето на една врска. Ако го избришете овој сегмент од врската, вашиот партнер може да се почувствува како да не ве познава или како да не може да ви верува. Тој никогаш нема да биде сигурен дали ја кажувате целата вистина.rn

    7. Вашите конфликти содржат критики и замерки

    rnВашата врска нема да трае долго доколку постојано се критикувате. Поради тоа вие или партнерот ќе се почувствувате инфериорни. Речиниците како: „Зошто јас морам да правам сѐ? Никогаш не ми помагаш“ е еден вид замерка која може да ја уништи врската.rn

    8. Не постои доверба помеѓу вас

    rnФакт е дека доколку не постои доверба во врската, таа нема да трае, особено ако вашиот партнер не сака да вложи труд за да се среди проблемот. Најпрво, треба да станете свесни за природата и јачината на болката што ја чувствувате. Ако вашата болка е потценета, омаловажена или игнорирана од самите вас или од другите, тогаш раната ќе остане и довербата никогаш нема да биде вратена. За да не дојде до тоа, соочете со вашата болка, анализирајте ја и разговарајте со партнерот.rnrn11 знаци дека вашата љубовна врска нема да трае долгоrn

    9. Не сочувствувате еден со друг

    rnВрската нема да трае доколку не покажувате емпатија кон партнерот. На тој начин, вашиот партнер ќе се почувствува исклучено и обезвреднето. Емпатијата е моќно средство кое ни помага да ги разбереме и замислиме туѓите чувства. Емпатијата создава посебно чувство на заедништво и поврзаност, формирано од моќната и заемна идентификација со вашиот сакан.rn

    10. Не разговарате за иднината

    rnОсвен ако не се работи за кратка љубовна врска, важно е да разговарате за вашата иднина со партнерот. Доколку вие сакате да се венчате, но вашиот партнер не сака ниту да разговара за тоа, станувза збор за знак на предупредување дека партнерот не знае како да комуницира. Или едноставно не гледа иднина за врската. Ако забележите дека некоја тема е проблематична, не ја форсирајте. Разговорот нека биде лесен и ведар и слушајте наместо да осудувате кога ќе зборува вашиот партнер.rn

    11. Вашите емоционални потреби не се исполнети

    rnИако ниту една врска не е совршена, важно е да знаете што ви е потребно вам и на вашиот партнер за да се чувствувате сакани. И доколку вашиот партнер не сака да ги исполни тие потреби, тоа значи дека вашата врска оди кон пропаст. Емоционалниот интензитет се зголемува кога ќе почувствувате дека ви треба нешто. Се работи за истиот емоционален процес како што се биолошките потреби. Кога одредена емоција ќе стане посилна, вашиот мозок почнува да ги меша желбите со биолошките потреби. А сите добро знаеме дека за човечкиот опстанок потребно е да бидат задоволени биолошките потреби, исто како што за опстанокот на врската потребно е да се задоволат емоционалните потреби.rnrnДоколку забележите некои од овие знаци, не грижете се. Постои начин да ги средите работите. Разговарајте со вашиот партнер, кажете му зошто не сте среќни и одредете дали овие проблеми може да се поправат. Сѐ додека и двајцата сте подготвени да комуницирате и слушате, ништо не е невозможно.

  • 10 причини поради кои момците обожаваат да одат на одмор со нивната девојка

    10 причини поради кои момците обожаваат да одат на одмор со нивната девојка

    Првиот заеднички одмор како двојка е голем чекор во развојот на врската. Ќе бидете заробени заедно барем една недела. Нема да имате каде да побегнете, ќе ја поминувате секоја секунда заедно и макар за момент ќе видите како би изгледало кога би живееле заедно. Можеби и ќе се соочите со некои одвратни навики на партнерот. Ова е дефинитивно голем пресврт во љубовната врска кој ќе пресуди дали сте создадени еден за друг или треба да ја барате среќата на друго место. Разбирливо е да сте возбудени и нервозни, но бидете сигурни дека тој одвај чека да заминете. Ова се 10-те причини зошто момците ги обожаваат одморите со нивните девојки…rnrn10 причини поради кои момците обожаваат да одат на одмор со нивната девојкаrn

    1. Планирањето е забавно

    rnМомците обожаваат девојки кои се организирани и кои посветуваат внимание на секој можен детаљ од одморот. Вистинско уживање е да поминете време заедно во планирање на тоа што ќе спакувате, со каков превоз ќе отидете и како ќе го поминете секој час од одморот за максимално да го искористите времето. Несомнено е дека ќе се зближите и ќе станете уште повозбудени за одморот што ве очекува.rn

    2. Нема ништо подобро од секс на одмор

    rnТоа што ќе бидете заедно сами на непознато место ќе ја зголеми вашата сексуална желба и ќе сакате да имате секс постојано и насекаде. Нема да можете да ги тргнете рацете еден од друг, а ќе имате и одлична прилика да пробате некои нови секс пози на необични места. Потемнет тен, разголени тела и мирис на море… Има ли нешто попривлечно?rn

    3. Нема да имате никакви обврски

    rnНема да се расправате за тоа кој ќе ги измие садовите, кој ќе го изнесе ѓубрето и нема постојано да го проверувате вашиот мобилен телефон и имејл. Ќе можете да се фокусирате само еден на друг, без никакви дистракции и нервози кои вообичаено се дел од вашето секојдневие.rn

    4. Сите ќе ги направите љубоморни со вашите фотографии на Инстаграм

    rnЗар не е тоа поентата на добриот одмор? Сите останати ќе бидат вознемирени поради тоа што уште се заглавени на работа, додека со завист и голема љубопитност со часови ги прегледуваат вашите објавени фотографии.rn

    5. Ќе излезете од вашата удобна зона

    rnНа одмор нема да можете да се препуштите на секојдневните рутини. Нема да можете да поминувате цели вечери во гледање филмови, како што тоа го правите вообичаено. Ќе имате можност да искусите многу нови работи и да направите компромис за и двајцата да можете да ги правите работите што ги сакате. Можеби вие сте сакале да планинарите, па вашиот партнер со задоволство прифаќа да ви се придружи иако тоа никогаш не го интересирало. Или, пак, тој ве одвлечкал во музеј кој инаку никогаш не би го посетиле сами. Ќе научите многу нови работи и ќе станете поотворени кон нови искуства.rn

    6. Ќе пробате нова храна

    rnБез разлика каде ќе отидете на одмор, сигурно ќе пробате нова храна заедно. Заборавете на хамбургерите и италијанската храна и никако не пропуштајте да ја вкусите локалната кујна. Освен ако и двајцата не сте многу пребирливи. Или сте отишле на кампување.rnrn10 причини поради кои момците обожаваат да одат на одмор со нивната девојкаrn

    7. Вашите љубовни состаноци ќе бидат неверојатно романтични

    rnМожеби и кога сте дома често излегувате и одите во убави ресторани, но сега сте во убав ресторан на друго место и тоа е навистина посебно искуство. Долги прошетки на плажа додека сонцето заоѓа, водење љубов под ѕвездите… Не треба да вложите којзнае колку труд за да направите романтична атмосфера. Доволно е тоа што сте сами, на егзотична дестинација, далеку од сите обврски и луѓе кои ви предизвикуваат стрес и нервози.rn

    8. Ќе се зближите поради некои мали безначајни работи

    rnМоментите поминати во пријатна тишина, запознавањето нови луѓе, хаотични авионски летови, губењето низ уличките на непознатиот голем град… Сето ова ќе доведе до забавни шеги кои ќе бидат само ваши и ќе се чувствувате поблиски. Дури и кога ќе се налутите еден на друг, по некое време ќе се смирите, а тоа само ќе ве зближи уште повеќе.rn

    9. Можеби ќе го пронајдете вашето место

    rnОваа нова дестинација можеби ќе стане вашето најомилено место во светот. Местото каде што би сакале да остарете, да ги одгледате вашите деца или да ги поминувате вашите годишнини. Она што мислевте дека е само обична недела помината на одмор, станува местото со коешто ќе се поврзете засекогаш.rn

    10. Ќе имате прекрасни сеќавања

    rnБез разлика дали врнело цела недела или сте си поминале најубаво на светот, ќе имате сеќавања за коишто ќе можете да зборувате сѐ додека сте заедно. Убаво е сознанието дека ќе имате заеднички сеќавања на кои ќе се смеете до солзи секогаш кога ќе се споменат.

  • Проблеми со кои сите се соочуваат во новата љубовна врска

    Проблеми со кои сите се соочуваат во новата љубовна врска

    Новата љубовна врска е секогаш прекрасна и забавна, затоа што ви дава можност да се потсетите дека постојат добри и нормални луѓе на светот кои се способни за љубов. Но, прилагодувањето на новата врска, новиот животен распоред и ограничувањата кои тој ги наметнува, може да биде навистина тешко. За среќа, не сте сами и сите се чувствуваат на истиот начин. Ова се 14-те најчести проблеми со кои се соочуваат новите љубовни парови.rnrnПроблеми со кои се соочуваат сите во новата љубовна врскаrn

    Одржувањето баланс помеѓу времето поминато заедно и времето поминато сами

    rnСте започнале нова врска и нормално е да сакате да го поминете секој можен момент заедно. Но, тоа може да ѝ наштети на врската и да ѝ стави крај уште пред да започне.rn

    Внесувањето на новиот партнер во групните дружби со пријателите кои ги познавате со години

    rnОва може да биде особено тешко, бидејќи истовремено сакате да останете лојален пријател кој не ги откажува плановите со друштвото за да биде со партнерот, но и да бидете сигурни дека саканата личност убаво си поминува со вашите пријатели.rn

    Се обидувате да не станете онаа личност која насекаде го влечка партнерот со неа

    rnСамо затоа што сте во врска не значи дека автоматски треба секаде да се појавувате во придружба.rn

    Се обидувате да ги извршувате сите лични обврски како што се спиењето, средувањето на собата и вежбањето

    rnТешко е да стигнете сѐ да направите кога имате плус уште една работа во вашиот распоред, која ви го одзема поголемиот дел од вашето време.rn

    Тешко ви е да сфатите дека новиот партнер не е ист како другите

    rnСекој е различен! Не постојат врски кои се целосно слични една на друга, што логички знаете дека е така, но срцето никогаш не размислува логички. Само затоа што некој ве повредил некогаш во минатото, не значи дека и оваа личност ќе го направи истото.rn

    Се прашувате кога е вистинското време да почнете да го/ја претставувате како новото момче или девојка

    rnПо некое време ќе сфатите дека „Ова е мојот нов пријател“ навистина звучи глупаво и потребна ви е алтернатива.rn

    Не знаете како да го дефинирате вашиот однос

    rnОва би требало да е најлесниот дел од целата врска, но во реалноста не е баш така. Изгледа како да сте во врска, но сѐ уште не сте разговарале за тоа. Сакате да го започнете разговорот, но не сакате да делувате премногу заинтересирани бидејќи сте на почеток и страв ви е да не бидете одбиени и исмеани. Не грижете се. Не морате да ги официјализирате работите за да се сметате за љубовен пар.rnrnПроблеми со кои се соочуваат сите во новата љубовна врскаrn

    Соочувањето со првата голема караница

    rnНавистина би било прекрасно кога врската засекогаш би живеела во првите магични денови со мали несогласувања, но сите се караат. Тоа е неизбежно кога поминувате многу време со некого.rn

    Сознанието дека не сте единствената личност во врската која има историја

    rnОсвен ако немате 12 години и ова е првата врска што некогаш сте ја имале, факт е дека секој партнер со кој ќе бидете ќе има свој сопствен багаж, и мора да бидете способни да се справите со него ако очекувате врската да трае.rn

    Полека ќе откривате како новиот партнер реагира на одредени ситуации

    rnДали им е тешко да зборуваат за некои работи, додека вашите претходни партнери биле како отворена книга? Луѓето имаат многу карактеристики и не можете сѐ веднаш да дознаете додека не се најдете во одредена ситуација за прв пат.rn

    Се обидувате да останете свои, но и да им се допаднете на сите нивни пријатели

    rnВи се чини како да сте во врска и со сите нивни пријатели и не сакате да бидете личноста која никој не ја сака во друштвото. Секако дека треба да бидете отворени за нови познанства, но најважно е сепак да останете свои бидејќи токму тоа е причината зошто тој/таа се заљубил/а во вас, а тоа ќе го забележат и неговите или нејзините пријатели.rn

    Се обидувате да го задржите вашето лично „јас“

    rnЛесно е да се занесете во новата возбудлива и забавна врска, но ако не внимавате можно е да почнете да се менувате за подобро да си одговарате со вашиот нов партнер. Бидете внимателни, бидејќи последното нешто што го сакате е да не можете да се препознаете откако врската ќе заврши.rn

    Тешко ви е да ја покажете вашата ранливост на нова личност

    rnСите оние тешки приказни од минатото кои сте ги кажале веќе милион пати, одново ќе треба да ги преживувате, затоа што новиот партнер не ги знае. Тоа искуство може да биде навистина ужасно и емотивно, но нема сомнеж дека ќе ве зближи уште повеќе.rn

    Тешко ви е да продолжите понатаму и да се потсетите дека заслужувате да бидете среќни

    rnРаботите одат толку супер на почетокот што само чекате нешто лошо да се случи. Обидете се да не го правите ова. Уживајте во овие денови на свежа љубов. Тие се ретки, прекрасни и незаменливи.

  • Најцврстите љубовни врски се оние во кои едниот партнер е логичар, а другиот емотивец

    Најцврстите љубовни врски се оние во кои едниот партнер е логичар, а другиот емотивец

    Различни луѓе реагираат различно во иста ситуација. Ова посебно се однесува кога треба да се соочиме со некои тешкотии во нашиот професионален и приватен живот. Се верува дека љубовните двојки во кои и двајцата партнери размислуваат и се однесуваат на различен начин, полесно ги надминуваат пречките во животот и остануваат заедно подолго време за разлика од оние кои се слични.rnrnДали ова е вистина? Ако е, зошто е тоа така? Луѓето се непредвидливи. Може колку сакате да се обидувате да ги разберете, да погодувате како се чувствуваат, да размислувате како можете да им помогнете, и пак на крајот ќе погрешите. Се чини дека ниту еден човек да не е постојан во своето однесување. Но, секој поединец мора да донесува одлуки врз основа на нешто, нели?rnrnНајцврстите љубовни врски се оние во кои едниот партнер е логичар, а другиот емотивецrnrnЛуѓето може да се поделат во две категории…rnrnЛогичари: Оние кои донесуваат одлуки врз основа на логичната и објективната вистина, откако внимателно ги согледале сите позитивни и негативни работи.rnrnЕмотивци: Оние кои донесуваат одлуки врз основа на нивните чувства и интуиција, и кои размислуваат како тие ќе влијаат на самите нив и на нивните блиски.rnrnПоентата е дека најсреќните љубовни парови се оние кои вклучуваат логичар и емотивец. Секако дека не постои совршена двојка и секој треба самиот да си одлучи со кого ќе биде во врска. Двајца логичари и двајца емотивци би можеле да живеат заедно среќно до крајот на животот. Зошто да не? Меѓутоа, на логичарот полесно му е да живее и да се сложува со емотивецот, токму поради тоа што и двајцата се многу различни. Секој од нив ќе има различен пристап кон истиот проблем, со што автоматски се зголемува можноста за решавање на истиот. Да ја согледаме оваа констатација преку примери…rn

    Логичарите ги земаат предвид фактите, а емотивците чувствата

    rnНа почетокот од врската, логичарот ќе направи проценка на сите факти: Социјалниот статус, финансиските можности, неговото слободното време и дали воопшто му е потребна врска во моментот.rnrnЕмотивецот прави проценка на неговите чувства. Дури и целата објективна реалност да е против врската, емотивците се подготвени да направат сè за да бидат среќни во љубовта. Повеќето врски почнуваат токму благодарение на емотивците!rn

    Логичарите ги забележуваат надворешните знаци дека нешто не е во ред, а емотивците едноставно го чувствуваат тоа

    rnЛогичарите сфаќаат дека врската не оди баш најдобро кога ќе видат цврст доказ за тоа, како на пример кога ќе го видат партнерот како флертува со некој друг или кога ќе видат дека добива пораки од типот „Кога ќе те видам? Те бакнувам“.rnrnЕмотивците ги забележуваат промените во говорот на телото и тонот на гласот. Тие едноставно чувствуваат дека нешто не е во ред, без да имаат каков било доказ. Емотивецот е првиот кој ќе каже гласно дека има проблем во врската.rnrnНајцврстите љубовни врски се оние во кои едниот партнер е логичар, а другиот емотивецrn

    Логичарите прво ги гледаат лошите работи, а емотивците добрите

    rnСекој пар ќе мора да се соочи со некои тешкотии порано или подоцна. Меѓутоа, ако и двајцата партнери ги гледаат само лошите работи, тогаш нема што понатаму да се дискутира.rnrnКога логичарот се откажал и почнал да го гледа само негативното во врската, чувството зема замав и почнува да ги бара позитивните работи, причините зошто тие мора да останат заедно.rnrnКога во врската едниот е логичар, а другиот емотивец, има големи шанси дека нивната врска ќе ја истрае кризата. Кога сè уште не дошло до директен конфликт, емотивецот ќе остане до неговиот сакан по секоја цена.rn

    За логичарите конфликтот е нешто природно, за емотивците тоа е крај на светот

    rnЛогичарите признаваат дека конфликтот е проблем кој треба да се реши. Но, емотивецот секоја караница ја доживува како катастрофа. Тие ќе страдаат и ќе се плашат сè додека повторно не се воспостави хармонија. Според нив, таа мора да биде воспоставена по секоја цена.rnrnЛогичарите ги решаваат конфликтите, а емотивците гледаат да избегаат од нив. Ако дојде до караница, логичарите се тие кои ќе го вратат мирот во врската.rn

    Логичарите ги решаваат проблемите, а емотивците чекаат на нив да го направат тоа

    rnДоколку логичарите препознаат дека има проблем, тие почнуваат да дејствуваат за да го решат. Веднаш купуваат цвеќиња, чоколади или даваат комплименти.rnrnЕмотивците не се ни обидуваат да преземат нешто додека не помине тоа ужасно чувство на страв и болка еднаш засекогаш. Токму затоа секогаш има некој кој дава подароци и некој кој ги добива.rn

    Логичарите сакаат да доминираат, емотивците имаат потреба да бидат сакани

    rnЛогичарите веднаш прифаќаат одговорност, тие немаат проблем со тоа и се чувствуваат изгубени кога немаат контрола во врската.rnrnЕмотивците, пак, го прифаќаат тоа без проблем и подеднакво се чувствуваат изгубени ако не ја добиваат грижата и вниманието што им требаат. Совет за логичарите: Ако забележите дека партнерот делува вознемирено, гушкајте го почесто.rnrnНајцврстите љубовни врски се оние во кои едниот партнер е логичар, а другиот емотивецrn

    Логичарите сакаат да разберат зошто нешто се случува, емотивците сакаат да разберат зошто тоа им се случува баш ним

    rnКога ќе дојде до конфликт, логичарите се стремат да дојдат до коренот на проблемот. Тие сакаат да разберат што точно тргнало наопаку во нивната врска. Дали нивниот партнер направил нешто? Или, пак, тие сè уште се соочуваат со последиците од претходната врска?rnrnЕмотивците размислуваат што не е во ред со нив. Тие сакаат да дознаат што направиле за да го оддалечат партнерот од себе, и најважно им е да разберат каде лежи нивната грешка во целата ситуација.rnrnЛогичарите ќе се обидат да имаат конструктивен разговор иако тоа би можело да доведе до раскинување, додека емотивците едноставно ќе седат и ќе размислуваат за себе.rn

    Логичарите ја бараат вистината, емотивците можат да прогледаат низ прсти ако тоа е потребно

    rnЛогичарите се секогаш искрени и со другите и со самите себеси. Ако сфатат дека погрешиле, ќе го признаат тоа без двоумење.rnrnЕмотивците не сакаат секогаш да ја знаат вистината. Понекогаш тие повеќе претпочитаат бели лаги, а и тие самите се подготвени да подлажуваат за да ја одржат врската стабилна.rnrnСè на сè, кога двајца логичари ќе решат дека подобро е да не бидат заедно, а двајца емотивци ќе се испокараат, логичарот и емотивецот ќе ги соберат остатоците и повторно ќе ги состават во една нераскинлива целина. Најважна е способноста на парот да ги преживее кризните периоди во врската, а двојката со различен начин на размислување и однесување има поголеми шанси да ги преброди истите.

  • Вистинска љубовна приказна од Титаник која е многу поромантична од онаа на Џек и Роуз

    Вистинска љубовна приказна од Титаник која е многу поромантична од онаа на Џек и Роуз

    Секој кој го гледал филмот „Титаник“ сигурно се сеќава на бабата и дедото кои лежат на креветот во нивната кабина додека надоаѓа ледената вода, мирно чекајќи го крајот во прегратка. Призорот од легендарниот филм ги допре и најстудените срца, но малкумина знаат дека не станува збор за уметничка слобода, туку за неверојатна вистинска приказна за луѓето кои одбиле да се спасат и решиле смртта да ја дочекаат онака како што и живееле – заедно.rnrnВистинска љубовна приказна од Титаник која е многу поромантична од онаа на Џек и РоузrnrnИсидор и Ида Штраус биле вистинска двојка од соништата. И покрај тоа што нивниот брак бил договорен од страна на семејството, љубовта помеѓу американскиот бизнисмен со германско потекло, еден од основачите на трговскиот ланец „Мејси“ и добро воспитаната девојка чија фамилија неодамна стигнала во САД од Европа, набргу процветала и станала искрена и длабока.rnrnВистинска љубовна приказна од Титаник која е многу поромантична од онаа на Џек и РоузrnrnВо 1871 година, Исидор и Розали – Ида, се венчале. Во наредните 15 години нивниот брак бил крунисан со дури 7 деца. Пријателите и фамилијата ги сметале Исидор и Ида за сродни души и сопружници кои биле неверојатно приврзани еден за друг. Исидор поради својата работа често патувал, но секогаш разменувал по неколку писма дневно со неговата сопруга.rnrnКога децата пораснале, Ида и Исидор повеќе немале причина зошто да не бидат заедно, па Ида почнала често да патува со сопругот. Тоа се случило и таа фатална зима 1911/1912 година.rn

    „Каде одиш ти, одам и јас“, велела Ида.rn

    rnПарот зимата ја поминал во Европа, најмногу во Франција. Било предвидено дома да се вратат порано, но штрајкот на произведувачите на масло во Англија ги одложил нивните планови. На Исидор му било кажано дека додека трае штрајкот, кон Америка сигурно ќе исплови само еден брод – неверојатниот брод кој не може да потоне, Титаник.rnrnВистинска љубовна приказна од Титаник која е многу поромантична од онаа на Џек и РоузrnrnИ така Исидор и Ида тргнале за Америка на 14-ти април 1912 година кога Титаник удрил во ледената санта и почнал да тоне. Парот бил забележан како стигнал до чамецот за спасување со број 8 во придружба на слугинката на госпоѓата Штраус, Елен Бирд. Бидејќи станувало збор за госпоѓа и господин во поодминати години, офицерот задолжен за евакуација им понудил место во чамецот, но Исидор одбил да се спаси сè додека на Титаник имало жени и деца. По тоа, ниту Ида не сакала да влезе во чамецот.rn

    „Живеевме заедно многу години. Не сакам да се одвојам од својот сопруг. Како што сме живееле, така и ќе умреме – заедно.“, рекла Ида, а на ова биле сведоци и многу други кои веќе биле во чамецот.

    rnИако сопругот ја молел да се спаси, Ида не го променила своето мислење. На нејзината слугинка ѝ ја дала бундата и ѝ рекла дека нејзе нема да ѝ биде потребна. Откако ја сместила во чамецот, таа се повлекла заедно со сопругот. Последен пат биле видени како седат на палубата и се држат за рака додека околу нив сè се рушело и исчезнувало во ледените води на Атлантскиот океан.rnrnВистинска љубовна приказна од Титаник која е многу поромантична од онаа на Џек и РоузrnrnКога преживеаните патници стигнале во Њујорк со бродот „Карпатија“, многумина, вклучувајќи ја и слугинката Елен, ја раскажале приказната за Исидор и Ида Штраус на новинарите, нарекувајќи ја најневеројатниот пример за љубов и приврзаност. Таа со молскавична брзина се проширила низ целиот свет. Рабините во текот на службите во синагогите им ја прераскажувале на верниците, весниците пишувале за неа, посветена им е дури и песната „Катастрофата на Титаник“ која била многу популарна помеѓу американските Евреи.rnrnТелото на Исидор било пронајдено и идентификувано, но телото на Ида засекогаш останало некаде во длабочините на океанот. Сепак, на гробот на Штраус во Бронкс нивната љубов е засекогаш овековечена со еден едноставен цитат од „Песна над Песните“:rn

    „Водата не може да ја згасне љубовта – ниту пак да ја удави.“

    rnПостои и снимена сцена инспирирана од последните моменти на Исидор и Ида за „Титаник“ која за жал не успеала да добие свое место во крајната верзија на филмот, но можете да ја погледнете во следново видео…rnrn

  • 3 главни причини зошто мислите на друг маж додека сте во врска

    3 главни причини зошто мислите на друг маж додека сте во врска

    Вашето внимание е постојано привлечено од некои други мажи, и сè почесто се фаќате себеси како размислувате и фантазирате за некој друг кој не е вашиот партнер. Постојано се борите против тоа, но забранетите мисли сè уште се присутни во вашата глава. Чувствувате грижа на совест бидејќи сметате дека на некој начин го изневерувате партнерот и се прашувате што би можело да биде причината за тоа, бидејќи сметате дека сте сосема среќни и задоволни од врската. Но, нештата понекогаш не се баш такви какви што изгледаат. Нашата потсвест знае да крие многу работи. Сосема е возможно да сакате еден, а да имате друг во мислите. Еве зошто е тоа така…rnrn3 главни причини зошто мислите на друг маж додека сте во врскаrn

    1. И двајцата сте под стрес

    rnСтресот може да биде предизвикан од милион фактори: Финансиски проблеми, проблеми на работа, семејни проблеми и многу други нешта. Сето тоа придонесува за намалување на сексуалната желба. Нормално е во ваквите секојдневни стресни ситуации да ви се случи да фрлите око на некој друг. Имено, кога и двајцата партнери во врската се чувствуваат напнато и под притисок, многу е тешко да се покажуваат позитивни емоции, односно да се искажува љубовта што ја имаат еден за друг. Тоа не значи дека љубовта не постои, туку дека не се покажува доволно. А кога ни недостасува внимание во врската, почнуваме да го бараме на други места.rn

    2. Не поминувате доволно време заедно

    rnКога сме презафатени со други обврски, поминуваме сè помалку време со партнерот и токму тогаш може да се јави интерес за некој друг. Многу е едноставно: Што повеќе време поминувате далеку од него, толку повеќе време трошите на други со што создавате совршена прилика за да развиете симпатии за оној симпатичен колега од работа.rn

    3. Не сте задоволни од вашата врска

    rnСтавете се во следнава ситуација: Вие обожавате да трчате, но на вашиот партнер ни најмалку не му се допаѓа таа активност. Потоа, запознавате некој кој ужива да ја прави истата работа и почнувате да се прашувате зошто вашиот партнер не може да биде таков. Малку по малку, почнувате сè повеќе да се зближувате со таа личност врз основа на заедничките хобија и интереси.rnrnНема потреба понатаму да објаснуваме. На вас останува да одлучите што е тоа што ве прави среќни.

  • Мали работи поради кои тој ве сака уште повеќе

    Мали работи поради кои тој ве сака уште повеќе

    Во врска сте некое време и веќе почнавте да си го кажувате еден на друг големото „те сакам“ секогаш кога ќе се видите, кога ќе завршите со телефонскиот разговор или кога треба да се разделите. Љубовта е обострана и на двајцата ви е сосема јасно кои се главните причини поради кои таа се родила. Меѓутоа, постојат некои мали работи кои прават тој секој пат одново да се вљубува во вас, а вие не сте ни свесни за тоа. Неговата љубов кон вас станува посилна секогаш кога:rnrnМали работи поради кои тој ве сака уште повеќеrn

    Ќе го насмеете

    rnСигурно сте ја чуле изреката „Ако можеш да ја натераш девојката да се насмее, можеш да ја натераш на што било друго.“ Истото се однесува и за машкиот пол. Мажите обожаваат девојки со добра смисла за хумор со кои можат да се смеат за секакви глупости (кои во реалноста можеби и не се толку смешни). Ако забележувате дека тој секогаш се смее на вашите шеги (дури и на оние глупавите), бидете сигурни дека се чувствува опуштено и целосно ужива во вашето друштво.rn

    Ќе заспиете на неговото рамо

    rnСликата како мирно спиете во неговата прегратка нему му е неодолива. Ова е еден од ретките моменти кога тој се чувствува разнежното и целосно разоружано. Можеби вие не обрнувате многу внимание на овој момент, но верувајте дека тој за него е еден од најинтимните бидејќи ве чувствува особено блиски.rn

    Ќе му го вратите дуксерот

    rnЕден од најромантичните моменти според сите филмови е кога на девојката ѝ е ладно и момчето ќе ѝ го позајми неговото палто. Ова не е толку необично сценарио во секојдневниот живот. Сте седеле на клупа во парк, станало посвежо и тој ви го дал дуксерот. Ништо посебно. Но, кога ќе го вратите, ова парче облека ќе го има вашиот мирис и тој засекогаш ќе остане запаметен по вас, со што ќе му стане особено посебен и драг.rn

    Ќе се разбуди до вас и ќе сфати колку е среќен што ве има

    rnОва го прави многу почесто отколку што мислите. Бидете сигурни дека се случило безброј пати да се разбуди пред вас и само вљубено да ве гледа некое време, без вие воопшто да забележите. Потоа, се враќа на спиење, вие се будите и му се лутите што дозволил да се успиете.rn

    Ќе поминете цел ден во кревет

    rnОва е одлучувачкиот момент! Ако поминете 24 часа заедно без да правите ништо особено, а сепак да не ви стане здодевно, нема сомнеж дека тоа е она вистинското. Во овој момент вие од „нешто како пар“ еволуирате во вистинска вљубена двојка. Тогаш може за прв пат да сфати дека е всушност вљубен во вас.rn

    Нема да се видите подолг период

    rnТогаш кога за прв пат ќе дојдете во ситуација да не се видите цела недела, ќе видите колку се силни чувствата што ги имате еден кон друг. Тоа што нема да ве види подолго време, ќе го натера да сфати колку нему му е потребно вашето присуство и колку му е поубаво кога е со вас.rn

    Ќе го изненадите со нови техники во кревет

    rnТоа значи дека вие се трудите и сакате целосно да го задоволите, што верувајте тој и тоа како ќе го цени. Ако внесете нешто ново или макар само преземете иницијатива, ќе ја разгорите страста во врската и тој уште повеќе ќе почне да гори од желба по вас кога нема да бидете заедно.rn

    Ќе бидете тука за него кога најмногу му требате

    rnСите имаме периоди кога ни е тешко и не се чувствуваме баш најдобро, без разлика дали постои вистинска причина за тоа или не. Со оглед на тоа што на мажите им е многу потешко да ги искажуваат своите емоции, ако тој ви го довери неговиот проблем и вие му пружите целосна поддршка и утеха, несомнено е дека ќе сака да ве задржи засекогаш. Особено ако покажете интерес дури и кога не можете целосно да го разберете. Без разлика што не можете никако да му помогнете, нему му е доволно само сознанието дека може да се потпре на вас.rnrnМали работи поради кои тој ве сака уште повеќеrn

    Ќе се скарате жестоко

    rnСекој пар евентуално доаѓа до моментот кога навистина мора да вложи труд за да успее врската, а тоа најчесто се случува по првата голема караница. Можеби самата караница не е многу забавна и интересна, но неминовно е да се случи за да бидете сигурни дека и двајцата сте спремни да се борите за врската и да направите сè што е потребно за да ја одржите во живот.rn

    Ќе имате еден од оние совршени љубовни денови

    rnОвој ден е различен за секој, но сите парови ги имале оние денови кога коцките совршено се вклопиле и си поминале лудо и незаборавно заедно. Без разлика дали станува збор за пешачење во природа, пијачка во бар или филмски маратон. Ова се тие денови на кои тој се потсетува секогаш кога ќе го изнервирате.rnrnСекогаш кога нема да ви оди баш најсјајно во врската и ќе почнете да се сомневате во неговите чувства, сетете се на овие неколку ситници. Честопати ја занемаруваме вредноста на малите работи и забораваме дека тие всушност ја сочинуваат големината на нештата. Ценете ги убавите моменти во врската и негувајте ја како кревко цвеќе на кое му е потребна љубов за да расцути и да стане вечно.

  • Работи што ги прави една љубовна двојка

    Работи што ги прави една љубовна двојка

    Вие двајца се сакате, меѓусебно се поддржувате, луѓето ве препознаваат како љубовна двојка, сродни души сте… Но, има некои работи кои (не)свесно ги правите како љубовна двојка кои се непријатни за другите луѓе околу вас.rnrnRaboti-shto-gi-pravi-edna-ljubovna-dvojka-www.kafepauza.mk_rn

    Бебешки имиња и имиња на миленичиња

    rnЦуци, муци, буци, бебе, сонце, сончко, миличко, златичко, мило, златце, злато мое, душичка… и уште толку многу прекари на кои им е местото кога сте вие двајца заедно, а никако пред пријателите и роднините. Некои двојки тоа го прават намерно, со цел да видат другите колку тие се сакаат, а некои се обраќаат така и кога се сами заедно. Како и да е, ако слушнат вашите пријатели како дечкото си го викате со името „сончко“ или девојката ја викате „миличко“, верувајте дека ќе им биде непријатно. Роднините ќе се чувствуваат незгодно и непријатно кога ќе слушнат како вие го нарекувате нивниот внук.rn

    Златото мое ќе дојде со мене во шопинг.

    rnОва е реченица која пријателката не сака да ја чуе. Пријателите ќе ве озборуваат, другарите ќе ви се смеат, а вие тоа не го сакате, нели?rn

    „Ние никогаш не се караме“

    rnНекои парови сакаат да се фалат пред пријателите дека тие никогаш не се караат. Ова е најголемата лага што ќе ја чуете. Тоа го прават за пријателите да помислат дека тие се совршен пар, кај нив се е совршено, а сите знаете дека совршенство не постои.  Еве ја вистината: оние кои се во среќна врска, се караат. Не секогаш, се разбира, ама недоразбирања мора да има дури и ако сте сродни души. Тоа понекогаш се „здрави кавги“ кои ќе ја зацврстат врската. Целта на овие кавги не е да се сфати што се случило и зошто се караме, туку да се обидеме тоа да не се случува повеќе во иднина.rn

    „Јас не одам на забава без него/неа“

    rnОва е највознемирувачката работа што некои парови ја прават. Ако една девојка е во врска со некое момче, не значи дека и тој е поканет на забавата кај нејзината најдобра другарка и обратно, ако тој има тазе врска, не значи дека и девојката треба да дојде. Ова се однесува повеќе за тазе, нови врски во кои новата девојка/момче не се знае доволно со пријателите на партнерот, а забавата е тематска. На пример, повторно соединување на пријатели од средно школо, факултет, некој курс и слично. Тука не би требало да присуствуваат партнери на поканетите. Освен што е непристојно, оставате впечаток дека не ги почитувате доволно луѓето кои ве поканиле. „Ние сме како еден човек. Не одиме никаде разделени“ е реченица која вознемирува и секогаш остава погрешен, лош впечаток за вас.rn

    Местенки

    rnАко вие сте во долга љубовна врска или сте го нашле човекот на вашиот живот, не значи дека и пријателите кои немаат партнер го сакаат истото. Некои се фокусираат на кариерата, некои не сакаат да се врзуваат… тоа е нивен избор. Не значи дека треба да си дадете за право да ги местите со пријатели на партнерот кои исто така не се во врска како и вашата пријателка. Тоа е некултурно. Треба доволно добро да ги знаете двете личности пред тоа да го направите. Ако веќе го направите еднаш, обидете се да не го правите тоа на секое ваше следно излегување.rn

    Константно бакнување и разменување нежности

    rnРазменување страсни бакнежи, нежности во јавност и флертувања се работи кои не треба да ги правите пред вашите пријатели. Освен што ќе ги посрамотите вашите блиски пријатели, тоа дава знак дека не знаете да комуницирате со другите кои се наоѓаат на маса со вас. Тоа е исто знак дека не сте сигурни во вас во однос со партнерот. Ако сакате да ги задржите пријателите, обидете се да се воздржите од ова, барем додека не отидете дома.rnrn rnrn

    rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.