За поп дива од калибарот на Каролина Гочева, нема потреба да трошиме многу зборови на претставување. Освен со неверојатните гласовни способности кои разнежнуваат, развеселуваат, ве ежат и растажуваат истовремено, Каролина ја плени публиката со нејзиниот цврсто изграден стил. Каролина е девојка која е секогаш претставителна, знае да носи буквално сè, од секси и женствено, до спортски и лежерно. Нејзиниот стил е препознатлив, а се темели на елеганција, убавина, женственост, но пред сè на квалитет.
На македонската јавност ѝ е позната уште од нејзините тинејџерски години, но она што буквално ја подига нејзината музичка кариера во нагорна линија е потпишувањето договор со Авалон продукција во 2000 година. Нејзините сценски настапи пленат и воодушевуваат, особено кога ќе испее некоја балада. Токму поради тој неодолив шарм на сцена, досега два пати беше одбрана да ја претставува нашата земја на избор за песна на Евровизија. Можеме со сигурност да кажеме дека Каролина и покрај тоа што е доста успешна и позната на Балканот, останува верна на своите корени и со гордост ги исполнува и традиционалните македонски песни. Токму таа ги наежи срцата на сите македонци ширум целиот свет кога во огромен црвен фустан настапи на прославата за Денот на независноста минатата година.
Нејзиниот втор албум, „Зошто сонот има крај“, беше повод Каролина да биде прогласена за мега-ѕвезда. Пролетта 2003 излегува и нејзиниот трет албум насловен како „Знаеш колку вредам“, кој исто така е одлично прифатен од публиката. „Кад звезде нам се склопе… као некада“ е насловот на српската верзија од истиот албум со што нејзината популарност се шири на териториите на поранешна Југославија. Со албумот „Во заборав“ од 2005-тата година, Каролина го менува нагло својот имиџ и покажува една поинаква, жешка страна. Таа е женствена, секси и неодолива, но никогаш претерано и секогаш со вкус.
Никогаш не потпаѓајќи на ниски медиумски провокации и озборувања, таа успева колку што може повеќе да ја заштиути својата приватност, останува ладна на „чаршиски“ муабети и буквално докажува дека нејзината слава се темели на нејзината способност и талент, а не на правењето скандали. Многубројни турнеи, гостувања, настапи на фестивали, само докажуваат дека Каролина е една од ретките на нашите простори кои можат слободно да се мерат со светските ѕвезди.
Нејзиниот петти студиски албум, „Македонско девојче“ е најпродаваниот во Македонија во 2008. Наместо спотови за песните, за овој албум излезе едночасовно шоу со десетте песни од албумот. Овој пат со смирен, сериозен и по малку ретро стајлинг, „Македонско девојче“ е сосема поинаков албум од нејзините дотогашни, кој содржи песни исполнети со чувства, во кои секоја жена би се пронашла макар за момент. Потоа следува „Капка под небото“ како и „Најубави песни“, што се докази дека Каролина останува доследна на нејзиниот стил и имиџ на поп дива и нешто за што со гордост можеме да кажеме дека е наше, македонско.
rnrn
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
Родена е на 21 јуни 1986 во Лејк Плејсид, Њујорк и потекнува од богато семејство. Токму поради оваа причина често е мета на критичарите и на злите усти, кои велат дека е позната само поради луѓето кои се платени да стојат зад неа, како продуценти, стилисти, текстописци и слично. Сепак, добрата музика и добриот глас се очигледни и впечатливи, а тоа се нештата кои се најмногу важни и се ценат во светот на музиката. Таа изјавува дека најголеми влијанија врз нејзината музика имаат Бритни Спирс, Елвис Присли и Курт Кобејн.
Какви и да се вашите претпоставки за неа, таа сепак не изгледа како сите оние размазени и богати ѕвезди, барем не на сцената. Во нејзините спотови, таа не се расфрла со гламур и сјај, туку нуди несекојдневни, интригантни сцени кои ќе ве натераат да размислите подобро. Нејзината музика навистина отскокнува од денешните стандарди, и се разликува од сè друго што е моментално актуелно во светот на музиката.rnrnЛана, пред сè, негува имиџ на женствена, но и трагична дива од ’60-те, што честопати е збунувачко бидејќи тоа е несекојдневно и невообичаено за денешната музичка сцена.
Нејзината кариера започна најпрво во 2008, кога Лана Дел Реј издаде мини-албум (
И покрај критиките за нејзините настапи во живо, што најверојатно се последица на недоволното искуство, оваа девојка има нешто во себе што ќе ве натера макар за момент да уживате во нејзината музика. На моменти ќе ја сакате, а на моменти може и да ви биде здодевна, зависно од тоа колку сте подготвени да поднесете нешто несекојдневно. Она што таа сака да го остави како впечаток е природниот изглед, намерно не ставајќи акцент на нејзините усни и трепки, иако всушност нејзината вистинската цел е да ги истакне, оставајќи впечаток на дама од минатиот век.rn
