КАФЕ ПАУЗА

Tag: брчки

Зошто треба да го вклучите женшенот во негата на вашата кожа?
Растението женшен е азиско растение кое во голема мера е застапено во традиционалната медицина, особено во источноазиските земји. Најраспространето е во Кина, Кореја и Сибир. Во изминатите 3 децении, стана една од најпопуларните билки во целиот свет. Во продолжение прочитајте повеќе за здравствените придобивки од ова растение.rnrnrnrnНајчесто се користи исушениот корен на билката за кој се смета дека има лековити својства во поглед на лекување кожни заболувања, модринки, отоци и рани. Денес се користи најмногу во производите за нега на кожата како маски за лице, креми за очи и серуми. Според едно истражување од 2017 година, клучните придобивки на женшенот се:rn
- Намалување на знаците на стареење
- Антивоспалителни и антиоксидативни својства
- Заштита на кожата
rnЖеншенот е богат со витамини и минерали, па затоа е погоден за сите типови кожа. Неговите активни компоненти како женсенозид, можат да помогнат во процесот на ревитализација и реактивирање на кожните клетки.rn

Ја намалува појавата на тенки линии и брчки

rnЖеншенот ја зајакнува циркулацијата во крвните садови при што ја помага синтезата на колагенот. Две клинички испитувања покажале дека екстрактот од женшен ја намалува појавата на брчки. Според друго испитување, екстрактот од женшен исто така може да ја зголеми хидратацијата на кожата при што го спречува формирањето на нови тенки линии.rn

Го одржува сјајот на кожата

rnБез разлика дали вашата кожа е помрсна или посува, антиоксидантните својства на женшенот ѝ помагаат на кожата да ја задржи влагата, но и да го врати природниот тен.rn

Го ублажува црвенилото на кожата

rnЕдно истражување од 2013 година покажало дека женшенот има антиинфламаторни и антиоксидантни својства кои можат да помогнат во ублажување на црвенилото, отокот и акните. Екстрактот од оваа билка може дури и да помогне при некои кожни заболувања бидејќи друго испитување покажало дека женшенот ги намалува симптомите на воспаление кај луѓето со егзема.rnrnОткако прочитавте за здравствените придобивки од женшенот, можеби ќе сакате да прочитате и кои 11 намирници треба да ги избегнувате ако сакате мазна кожа без брчки.rnrnИзвор: greatist.com
December 30, 2021
5 природни лекови што ќе ги направат линиите на челото помалку видливи
Брчките на челото може да почнат да се појавуваат поради возраста, повторливите изрази, генетиката и изложувањето на сончева светлина. Иако не можете целосно да се ослободите од брчките на челото, некои природни лекови може да ви помогнат да ги направите помалку видливи. Клучот е да се фокусирате на производите и техниките што може да помогнат во задржување на влажноста и еластичноста на кожата.rn

1. Банана

rnrnrnБананите се одлични за нега на кожата, особено за вашето чело. Содржат витамини и природни масла кои го подобруваат изгледот на кожата. Најдобриот дел е тоа што е прилично лесно да се направи и да се примени. Сè што треба да направите е да изматите 1/4 банана додека не добиете мазна паста.rnrnПотоа, ставете тенок слој на челото и оставете го да отстои 15 до 20 минути. На крајот, само исплакнете го со топла вода и ќе почувствувате дека челото станува помазно и навлажнето.rn

2. Цитрусно овошје

rnrnrnЦитрусното овошје е богато со витамини Е и Ц, кои можат да обезбедат дополнителна мазност на вашата кожа и исто така да го подобрат целокупното здравје на кожата. Иако можете директно да го нанесете овошјето на челото и да го оставите да отстои 10 минути пред да го исплакнете, постои едноставна маска што веројатно ќе ви даде подобри резултати.rnrnВо сад, додаjте 60 мл свеж сок од портокал и додајте брашно, онолку колку што ви е потребно за да направите кремаста паста. Нанесете ја на челото и оставете ја да отстои 20 минути пред да ја исплакнете со топла вода.rn

3. Природни масла

rnrnrnКокосовото и маслиновото масло ја навлажнуваат кожата и ја подобруваат еластичноста на кожата. Сувата кожа не е доволно еластична, што ги прави брчките повидливи. Кога ќе се фокусирате на навлажнување на челото, кожата може да стане поеластична.rnrnНанесете маслиново или кокосово масло пред спиење, веднаш откако ќе го измиете лицето. Нанесете го маслото директно на брчките на челото и масирајте го додека кожата не стане мрсна. Ако сакате, можете да направите мешавина од двете масла.rn

4. Белки од јајца

rnrnrnБелките може да придонесат за подобрување на изгледот на кожата на челото. Сепак, наместо само да нанесете белка од јајце, можете да ја измешате со мед бидејќи оваа маска ќе ви помогне да ги намалите брчките на челото.rnrnВо сад измешајте 1 лажица мед со 1 белка од јајце. Нанесете ја смесата на челото (па дури и на целото лице и на вратот). Оставете ја да стои 15 минути пред да ја исплакнете со ладна вода.rn

5. Вежби за чело

rnrnrnВежбите за мускулите на челото ќе ги намалат брчките и ќе ги коригираат свиснатите очни капаци. Еве како да го направите тоа:rn
- Ставете ги рацете во форма на „C“ на очите, како да сакате да ги држите очите отворени. Држете ги показалците на веѓите, а палците во близина на носот, над ноздрите.
- Притиснете настрана и надолу, отворете ги градите и завртете ги рамената.
- Отворете ги широко очите и држете 5 секунди. Притиснете ги показалците за да спречите движење на веѓите.
- Трепнете 5 пати и затворете ги очите. Опуштете се 5 секунди и повторете уште 2 пати.
rnПогледнете ги овие 7 секојдневни навики што ги уништуваат вашите нокти.
February 25, 2021
Местото каде што ви се појавуваат брчки открива многу за вашето здравје

Повеќето луѓе ја забележуваат првата појава на брчки во своите доцни 20-ти и раните 30-ти години, а тие се повидливи кај лицата со сува и потенка кожа. Брчките се неизоставен дел од процесот на стареење и никој не ги сака, но и покрај сите козметички и хируршки процедури, не постои начин да ги спречите или трајно да ги отстраните. Покрај годините, брчките може да откријат и многу поважни работи за вашето здравје. Погледнете се во огледало и ако вашето лице има повеќе брчки на одредени места, тоа можеби укажува на некои потенцијални здравствени проблеми.rn

Хоризонтални линии на челото

rnrnrnХоризонталните линии што се појавуваат на челото се нарекуваат и „брчки од грижа“ и со право се наречени така. Лицето кое ги има овие линии на челото најчесто секојдневно преживува голем стрес и ако тие се многу нагласени, тоа значи дека навистина треба да забавите и да ги ревидирате вашите приоритети. Покрај тоа, овие линии може да бидат знак дека внесувате премногу шеќер и пиете многу малку вода.rn

Брчки над левата веѓа

rnrnrnБрчките во оваа област се директно поврзани со слезината. Ако забележите дека линиите во близина на левата веѓа за кратко време стануваат поизразени, тоа би можело да биде знак дека слезината не работи како што треба и не би било лоша идеја да посетите лекар и да проверите што не е во ред со овој орган. Освен тоа, слезината се стимулира со одредени видови слатка храна, па внимавајте на количеството шеќер што го внесувате и препорачливо е да јадете суво овошје наместо преработени шеќери.rn

Брчки над десната веѓа

rnrnrnТие се показатели за нивото на токсини во вашето тело. Црниот дроб е поврзан со кожата, поточно со брчките што се појавуваат во близина на десната веѓа. Значи, ако тие линии се појавуваат почесто од вообичаено, тоа би можело да биде знак за нерамнотежа на црниот дроб. За да го решите ова, преминете на органска храна која вклучува зелен и лиснат зеленчук и обидете се да ги елиминирате силните зачини, внесувањето премногу протеини и да ја намалите солта во вашата исхрана.rn

Брчки над носот

rnrnrnБрчките во оваа област може да бидат знак дека страдате од алергии, но тие, исто така, може да бидат показател за прекумерна вознемиреност и стрес. Покрај тоа, овие брчки може да бидат поврзани и со намаленото либидо поради дисбалансот на половите хормони.rn

Длабоки брчки на краевите на очите

rnrnrnТие често се појавуваат кај луѓе кои „се смеат со цело лице“, но исто така, може да бидат знак и на слаб вид и напнатост во очите или страбизам. Овие брчки, исто така, се поврзуваат со некои внатрешни органи, особено со црниот дроб, со бубрезите и со желудникот, а се појавуваат при нарушувања на животниот стил и се знак дека треба да ја подобрите исхраната и да го намалите внесот на алкохол.rn

Брчки на краевите на устата

rnrnrnОвие брчки се поврзани со функцијата на дебелото црево и може да укажуваат на тоа дека нешто во дигестивниот систем не работи правилно. Можете да си помогнете со пиење повеќе вода, консумирање храна богата со витамин Д, пробиотици и редовно вежбање.rn

Брчки од смеење

rnrnrnСпецифичните линии што се протегаат од носот до устата на границата со образите се поизразени кај луѓето со заоблено лице. Доколку се силно изразени, тие може да бидат знак на лошо функционирање на панкреасот, што може да се подобри преку консумирање производи како лук, боровинки и грозје.rn

Брчки над горната усна

rnrnrnРазвојот на длабоки вертикални линии над горната усна е редовна појава кај пушачите. Иако усните стануваат малку отечени и искривени, основната причина за вертикалните линии на усните е пушењето и прекумерната изложеност на сонце.rnrnСепак, брчките на усните се поврзани и со слезината и може да укажуваат на слабо функционирање на овој орган. Подобрувањето на исхраната преку внесување најразличен зеленчук, вклучувајќи моркови и репка, може да биде корисно за здравјето.rn

Брчки на вратот

rnrnrnЛиниите на вратот се природен феномен и стануваат поизразени како што стареете. Тие може да бидат резултат на прекумерна тежина, а исто така, може да сигнализираат и здравствени проблеми со тироидната жлезда. Здравјето на тироидната жлезда може да се подобри преку внесување цинк во организмот и намалување на внесот на глутен во вашата исхрана. Меѓутоа, ако состојбата на вашата тироидна жлезда се влошува со текот на времето, најдобро е да побарате лекарска помош.rn

Брчки под долната усна

rnrnrnЛиниите што се создаваат помеѓу долната усна и делот на брадата значи дека акумулирате премногу негативна енергија. Ако забележите дека линијата под долната усна е сè поизразена, одвојте малку време за да се опуштите и да го промените пристапот на решавање на проблемите.rnrnПогледнете ја оваа програма од 9 вежби со кои ќе се ослободите од брчките и салото на лицето.

February 22, 2020
Необично истражување: Дали гледањето филмови влијае на нашите брчки?

Резултатите од една неодамнешна студија покажуваат дека гледањето одредени филмови предизвикува привремено појавување на брчки! Студијата опфатила 2.000 учесници на кои им биле пуштени хорори и трилери, како и комедии, и потоа споредувале како кожата им реагирала на тие филмови.rnrnrnrnВо просек, оние што гледале хорор по 20-тина пати направиле гримаса на ужас, додека пак оние кои гледале трилер дури 50-тина пати направиле гримаса на шок, напнатост или изненадување. Учесниците кои гледале комедија се насмеале околу 115-тина пати во текот на филмот.rn

„Шокираниот или престрашениот израз на лицето има посилно дејство на кожата, односно предизвикува појава на брчки околу очите и на челото. Оние што често гледаат филмови кои предизвикуваат такви реакции, во текот на 5 години од гледањето, ќе имаат до 50% поизразени брчки од некој што не гледа хорор или трилери“, наведува д-р Хари Синг, авторот на студијата.

rnПа, ако гледате возбудливи филмови, очекувајте да имате дополнителни брчки околу очите, додека пак, ако повеќе сакате комедии, брчките ќе ви се појават околу усните. Што мислите вие, дали ова истражување ја покажува реалната слика или пак, можеби нешто друго е во прашање?rnrnПогледнете ги и овие 5 штетни и несакани ефекти од гледањето порнографски филмови.

October 11, 2019
Што кажуваат брчките на вашето лице за вашето здравје? Проблемите со срцето се читаат од челото

Брчките на лицето, освен што ги издаваат нашите години и акумулираниот замор, укажуваат и на тоа од која болест постои можност да заболиме во иднина.rnrnrnrnТака на пример, длабоките брчки на челото можат да бидат ран показател на атеросклероза, односно засирени крвни садови кои можат да доведат до сериозни срцеви заболувања. Во студија која траела 20 години и во учесниците биле на возраст од 32 до 62 години, се открило дека луѓето со длабоки брчки на челото почесто умирале од срцеви болести во однос на оние кои ги немале. Настанувањето на овие линии на челото најчесто е предизвикано од стрес, кој е пак најголемиот причинител на болестите на срцето.rn

Брчки на образите – рак на кожа

rnДури и кога на вашата кожа на лицето ги нема препознатливите дамки од сонце кои укажуваат на можна појава на рак на кожа, присуството на тенки брчки на образите упатува на истото.rn

Многу ситни брчки – висок крвен притисок

rnПретходно споменатата студија покажала дека жените кои во зрелите години можат да се пофалат со младолик изглед и недостаток на впечатливи брчки всушност имале понизок крвен притисок од оние со видливи линии. Научниците сметаат дека тоа е зашто крвните садови на госпоѓите без брчки се поздрави и со самото тоа изгледаат помлади, така што подобро ја штитат кожата. Додека, кај оние со видливи брчки, вените биле во полоша состојба, односно тие биле помалку проодни поради што постоел ризик од висок крвен притисок.rn

Изразена збрчканост по целото лице – остеопороза

rnВрската помеѓу остеопорозата, болеста на коските и богатата мрежа од брчки на лицето е колагенот. Имено, со години во нашето тело се намалува лачењето на овој протеин заслужен за еластичноста на кожата, но и за цврстината на коските. Резултатот од ова е истовремено повеќе брчки и покревки коски склони кон остеопороза.rnrnПрочитајте повеќе на темата во ова истражување кое открива дека длабоките брчки на челото може да се прв знак за срцева болест и смрт.

September 15, 2019
Едноставна масажа за лице против брчки

Масажата на лицето е една од најдобрите и најефикасните решенија против брчките на лицето. Иако преовладува митот дека подигнувањето и спуштањето на кожата го омекнува вашето лице, правејќи вдлабнатини, треба да знаете дека тоа не е вистина. Кожата е еластична, а масажата на лицето може да го освежи тонусот на кожата, да го забави стареењето и да ја одложи појавата на нови брчки.rnrnrnrnВо потрга по најдобра масажа за лифтинг на лице која можете да ја практикувате секој ден во вашиот дом, го пронајдовме овој туторијал на британската блогерка за нега на лице и убавина Абигејл Џејмс, кој е многу популарен на нејзиниот Јутјуб канал, а според коментарите е исклучително ефикасен и одличен.rnrnАбигејл оваа рутина ја практикувала веќе неколку години, а ја научила гледајќи ги професионалните дерматолози и експертите за кожа кои сметале дека секојдневното (рачно) масирање на лице може да помогне во борбата против „отпуштените“ образи и брчки.rnrnТреба да имате на ум дека секое масирање на лицето треба да го правите внимателно. Кожата да ја кревате со прстите и дланките и никако да не ја спуштате надоле. Оваа масажа можете да ја правите 3 пати неделно.rnrnАбигејл советува да ја правите оваа масажа со некое растително масло, без разлика дали тоа ќе биде кокосово или некое друго, а голем број од блогерките сметаат дека кремата од шеа путер делувала многу ефикасно.rnrnВо продолжение погледнете го видеото како правилно да ја изведете оваа масажа:rnrnhttps://youtu.be/jqKX-guFdXcrnrnПогледнете ги и овие 5 продукти што ќе ви помогнат да се справите со брчките.

August 23, 2019
Истражување открива: Длабоките брчки на челото може да се прв знак за срцева болест и смрт

На Интернет дефинитивно нема недостаток од статии, коишто ни даваат безброј совети за како да спречиме појава на брчки или како да се ослободиме од нив. Нивната суштина, генерално се базира на идеологијата да изгледаме што е можно помладо во секоја доба од животот, но новите истражувања индицираат дека откриен е нов загрижувачки аспект за оние кои имаат поизразени бразди на челото, одошто е вообичаено за нивната возраст.rnrnrnrnДобро познат е фактот дека ризикот од срцеви болести се зголемува со текот на годините, но според биомедицинскиот истражувач Јоланде Есквирол, брчките на челото можат да бидат и првиот знак за срцева болест. Медицинските интервенции и промените во животниот стил, можат значително да го намалат овој ризик, но најтешкиот дел, е раното препознавање на пациентите кај коишто има голем ризик од смртност.rn

Збрчканото чело може да биде најочигледниот знак за ризик од срцева болест

rn

„Ризичните фактори во срцевите болести, како што се покаченото ниво на холестерол или хипертензијата, не можат да се видат или почувствуваат. Ги истражувавме брчките на челото како маркер, бидејќи истите се многу едноставни за забележување и визуелно истакнати. Со едноставно погледнување во лицето на една личност, денес можеме да констатираме дека брчките се аларм, па можеме да им дадеме совети на пациентите како да го намалат ризикот“, објаснува Есквирол, за Европското здружение за кардиологија.

rnПретходните истражувања на оваа тема, веќе го имаат истражено степенот до кој карактеристиките на соодветната возраст, можат да бидат индикатори за срцево заболување. Така на пример, брчките на надворешните агли од очите, не покажале никаква поврзаност со зголемен ризик од срцева болест.rnrnrnrnОд друга страна, кај мажите коишто патат од опаѓање на косата, имаат брчки на ушната ресичка и имаат ксантелазма (жолтеникави или црвенкасти дамки на горниот и долниот очен капак, настанати од високи нивоа на холестерол) имало корелација со зголемен ризик од срцеви болести.rn

Пронајдена е поврзаност помеѓу брчките на челото и зголемениот ризик од смртност

rnВо нивното моментално истражување, истражувачите тестирале 3.200 возрасни лица, на возраст од 32-62 години, во времетраење од 20 години. Тие заклучиле дека кај луѓето коишто имале брчки на челото, постоел повисок ризик за умирање од срцева болест, отколку кај оние кои немале брчки. Испитаниците коишто имале многу длабоки брчки на челото, дури имале за 10 пати зголемен ризик од смрт, во однос на другите коишто немале брчки.rnrnrn

„Колку е повисок степенот на збрчканост, толку е поголем ризикот за смртност од кардиоваскуларни болести. Брчките на челото може да бидат показател за атеросклероза“, објаснува Есквирол.

rnИстражувачите сè уште не знаат на што се должи оваа поврзаност, но се сомневаат дека може да станува збор за атеросклероза, што е една од причините за срцеви напади и други срцеви болести. И покрај тоа што брчките на челото дефинитивно не се безбеден начин за детектирање ризик од кардиоваскуларни заболување, во споредба со постоечките утврдени методи, сепак треба да се имаат предвид и да се користат како ран предупредувачки знак.rn

„Ова е првпат да се открие поврзаност помеѓу кардиоваскуларните ризици и брчките на челото, па откритијата треба да бидат потврдени во понатамошни истражувања. Како и да е, сега оваа практика на погледнување во челото на пациентите, може да се користи во ординациите на докторите и низ клиниките“, потенцира тој.

rnПрочитајте и за оваа тајна чувана 8 векови: Чудотворен лек за срцеви тегоби.

September 7, 2018
8 јога вежби за лице коишто успешно се борат против брчките

За да ја одржите вашата насмевка младолика и свежа, не е неопходно да користите скапи маски за лице или креми против брчки. Сѐ што треба да направите е активно да го менувате начинот на кој се движат мускулните групи на вашето лице. Докажано е дека фацијалните вежби односно јогата против стареење на кожата на лицето, ќе направи да изгледате и да се чувствувате многу помладо.rnrnrnrnВо продолжение погледнете ги овие 8 едноставни, а ефикасни вежби против стареење коишто можете редовно да ги применувате, за да имате поцврста и тонирана кожа.rn

1. Масажа на лицето

rnДоколку немате можност да посетите професионалец, можете и сами во домашни услови да си правите масажа на вашето лице, којашто ќе ви ја разубави кожата бидејќи ќе се подобри протокот на крв и ќе се дефинираат мускулите.rnrnrnrnСо врвовите од вашите прсти започнете нежно да го масирате челото, движејќи се од долу кон нагоре. Воедно, можеби ќе сакате и да го измасирате вашиот скалп, а тоа треба да го правите со кружни движења на вашите прсти. Потоа, префрлете се на вашите образи и започнете нежно да ги тапкате со правец на движење кон слепоочниците. За да забележите позитивните резултати на вашето лице од овие масажи, неопходно е да ги практикувате барем 20 пати, 2-3 пати неделно. Секако, не заборавајте да ги измиете вашите раце и лице, пред да започнете со фацијалната јога.rnrnrn

2. Контрастна масажа

rnКонтрастната масажа има моќ магично да ја преобрази и подигне кожата на вашето лице. Исто така, таа е неверојатна ефикасна за ослободување од двојната брада (подбрадокот). За да ја направите оваа масажа, ќе ви бидат потребни пешкир, вода и најважното – желба да изгледате младо и свежо.rnrnrnrnЗдиплете го пешкирот на пола и потопете го во студена и малку солена вода. Потоа, фатете го за краевите и нежно тапкајте ја вашата брада со него. Повторете го тапкањето 10 пати, а потоа повторете ја постапката, но овој пат пешкирот намокрете го во млака вода.rn

3. Азбука

rnЗа да ги затегнете ослабените мускули на вашето лице, на чие место најчесто се појавуваат брчки, можете и да ја применувате вежбата со рецитирање на англиската азбука. Можеби ова ви звучи како необичен предлог за вежбање на лицето, но имајте предвид дека буквите како „X“ (екс) и „О“ (оу) можат да направат огромна разлика. Доколку ги изговарате неколку пати во текот на денот, ќе ги дефинирате и вратите во живот ослабените мускули на вашето лице, а тоа е неизоставен дел од рутината против стареење на кожата.rnrnrn

4. Подигнување на слепоочниците

rnОваа вежба ќе ви овозможи да раздвижите голем број мускули на вашето лице, но првенствено мускулите околу слепоочниците, бидејќи кога тие ќе почнат да слабеат целиот горен дел од лицето почнува да виснува надолу. Јошико Мамада е жената којашто ја смислила оваа техника на масирање, во комбинација со вежби за дишење.rnrnrnrnЕве од што се состои:rnrn1. Застанете пред огледало и поставете ги прстите од вашата десна рака на левата слепоочница, попрецизно околу надворешниот агол на окото и надворешниот агол на веѓата. Нежно притискајте и тегнете ја кожата нагоре, при што главата не треба да ја навалувате нанапред.rnrn2. Останете во истата позиција и почнете бавно да ја навалувате главата кон десно, нежно истегнувајќи го вратот. Притоа, рамената треба да останат фиксирани и релаксирани.rnrn3. Сѐ уште останувајќи во истата положба, започнете да го пружате јазикот во правец на вашата глава и истовремено издишете и кажете „ха“. Дишете преку нос. Останете во оваа позиција, дишете 4-5 пати и продолжете да го тегнете јазикот нагоре.rnrn4. Вратете го јазикот назад во вашата уста, релаксирајте ги мускулите и вратете се во првобитната позиција. Повторете ја целата постапката, на другата страна од главата.rnrnОстанатите јога вежби за лице, продолжуваат на следната страница…rn

July 17, 2018
Јадете ги овие прехранбени продукти и вашите брчки ќе исчезнат!
Функцијата и изгледот на вашата кожа, во голема мера зависат од исхраната којашто ја внесувате. Модерната наука за исхраната, во последниве неколку години, опфаќа и посебна дисциплина, која се фокусира на односот помеѓу одредените прехранбени методи, продукти и хранливи состојки и здравјето на кожата.rnrnrnrnЕдна од највозбудливите области од нутритивната дерматологија, е примената на храна и хранливи материи во превенцијата од фотостареење, којашто е во склоп на програмата против стареење. Некои направени истражувања, укажале дека одредени групи на храна, како што се рибата, зеленчукот и раститетлните масла (особено екстра-девственото маслиново масло) делуваат превентивно против појавата на брчки, а зголемениот внес на месо, млечни продукти и шеќери, создаваат настанување на брчки.rnrnНутриционистите објаснуваат дека бројните истражувања коишто се направени на темата, укажале на антиоксидантните својства на различните растителни пигменти, коишто се применуваат во медицината против стареење.rnrnСтанува збор за црвените пигменти антоцијани коишто ги има во зрнестото овошје, зелениот пигмент хлорофил во зелениот зеленчук, жолтиот пигмент куркумин во куркумата, збирот од портокалови и црвени пигменти каротеноиди, коишто ги има во разновидното овошје, зеленчук и алги, како и фикоцијанинот во алгата спирулина.rnrnНиколас Перисон, е американски дерматолог и е еден од првите автори, којшто ја популаризирал оваа област, пред околу 15 години. Тој објавил три книги, во кои ја обработува проблематиката за убавина, здравје и млада кожа, по пат на програма на исхрана и посебна нега. Својот живот го посветил на дерамтологијата, со посебен фокус на поврзаноста помеѓу исхраната и здравата кожа, како и примената на хранливи состојки во терапијата и превенцијата од вообичаените проблеми со кожата.rnrnДоцентот, доктор и специјалист Дарија Вранешич Бендер, ги истакнала најважните правила за убава и здрава кожа, според дерматологот и нитруционист, Николас Перисон:rn
- Јадете големи количини мрсна риба, особено лосос, како и други продукти коишто содржат протеини, како што се јајцата и пилешкото месо. Протеините се неопходни за обновување на кожата и забавување на стареењето на ќелиите на кожата. Воедно, Омега-3 масните киселини ја одржуваат потребната влажност на кожата и ги спречуваат воспалителните процеси.
- Консумирајте почесто свежо, темно, зрнесто овошје, особено боровинки. Тие содржат антиоксиданси, кои помагаат во детоксикацијата и спречуваат предвремено стареење.
- Јадете дињи, јаболка и круши. Овие овошја имаат низок гликемичен индекс. Од друга страна, лубеницата, бананите и мангото, имаат висок гликемичен индекс, па поради тоа треба да се консумираат умерено.
- Дајте им предност на јаткастите плодови, особено на лешниците и бадемите, бидејќи тие се богати со витамин Е и линолна киселина. Др. Перисон смета дека молекулите коишто ги содржат овие плодови, помагаат во борбата против стареењето.
- За појадок, консумирајте свежо приготвена овошна каша или овесни снегулки, кои ќе ви помогнат во одржувањето на нормално ниво на шеќер во крвта.
- Пијте 8-10 чаши, чиста изворска вода секој ден. Дури и малата дехидратација, може да предизвика вашата кожа да изгледа старо. Исто така, избегнувајте кафе и чај.
rnМоже да ве интересираат и овие 7 начини како да се ослободите од брчките.
May 18, 2018
13 помалку познати факти за ботоксот

Во светот постојат илјадници различни третмани, козметички производи и процедури за нега на лицето, но едно нешто цело време останува присутно – ботоксот. Се добива од отровот што го лачи една бактерија, наречен ботулински отров. Речиси и да не постои личност која не чула за овој популарен третман за „пеглање“ на знаците на стареење, а некои се колнат во тоа дека токму ботоксот е ефикасен третман во борбата против мигрените. Па, да дознаеме нешто повеќе за него, нешто што не е толку познато.rnrnrn

1. Го користат повеќе луѓе отколку што може да претпоставите

rnТретманот со ботокс е најпопуларната нехируршка интервенција уште од 2000 година. До 2015-та година се изведени околу 4 милиони процедури.rn

2. Најпрво бил користен во медицината

rnВо 70-тите и 80-тите бил користен како медицински третман за страбизам (заслабнување на очниот мускул), а потоа се применувал и за третирање грчеви во лицето и вратот.rn

3. Откриен е сосема случајно

rnКозметичките својства се откриени сосема случајно. При третмани на страбизам и на двојно гледање, пациентите на очните лекари често им се заблагодарувале што нивните брчки се поплитки или целосно измазнети. Така и започнала познатата процедура на разубавување, а првичната намена речиси и да е веќе заборавена.rn

4. Доволно е истражен и медицински и научно

rnНиту еден друг продукт не бил толку долго и интензивно истражуван, како што е ботоксот. Постои долго време на пазарот и е безбеден и ефикасен.rnrnrn

5. Во САД третманите се покриени со здравственото осигурување, но не во сите случаи

rnОд 2002 година, ботоксот влегува на листата на третмани кои се покриени со здравственото осигурување, но само кога се во прашање третманите во делот меѓу веѓите, линијата над очите и против потење под пазувите.rn

6. Постојат повеќе нестандардни процедури

rnОсвен за мазнење на брчките и против потење, ботоксот може да се користи и за да се намали потењето на кожата на главата, за корекции на носот, за намалување на брчките кои се создаваат со смеење, за контрола на масноста на кожата, за намалување на видливите пори… Листата е долга.rn

7. Навистина е ефикасен против потење

rnБотоксот го намалува лачењето на пот во критичните зони, како што се главата, пазувите, дланките и делот под градите. Се вбризгува директно во жлездите кои предизвикуваат потење, во комбинација со невромодулатори.rn

8. Ефикасен е и за мигрени

rnМногумина тврдат дека ботоксот е ефикасен третман против мигрени. Според докторите, дури и најсилната мигрена може да биде запрена со само неколку третмани. Постојат многу сведоштва за целосна промена на животот кај луѓето кои страдаат од мигрени, но уште не е познато како точно дејствува ботоксот во овој случај.rnrnrn

9. Постојат и измами и непрофесионалци

rnКолку што е ботоксот популарен, толку се чести и случаите на несакани ефекти поради неправилно инјектирање. Некогаш, тоа може да предизвика трајни естетски оштетувања. Најбезбедно е кога го нанесува сертификуван доктор кој во исто време е или дерматолог или естетски хирург или оториноларинголог или офталмолог.rn

10. Повеќе не значи и подобро

rnСекој човек е различен, па така и количината на ботокс која е потребна за третман зависи од самата личност. Преголема количина подобро измазнува, но во такви случаи се појавува недостаток на фацијална експресија.rn

11. Третманот е универзален

rnКога е изведен од професионалец кој користи само чист препарат, ботоксот може да се користи кај сите тонови на тенот, без ризик од дисколорации и лузни. Може да го користат и мажи и жени и не е ограничен само за одредени географски поднебја.rn

12. Отоците не се смируваат веднаш

rnПотребно е најмалку три дена, а понекогаш и седум за да може да се смири отеченоста на третираниот дел, но откако ќе се повлече, резултатите траат и по неколку месеци.rn

13. Променети се ставовите и примената

rnНекогаш пациентите сакале поголема количина, макар тоа да значи и дека нема да можат да се насмевнат со месеци. Но, денеска ботоксот се користи доста поразумно, во помали количини, распоредени на различни делови од лицето. На тој начин се постигнува релаксација на фацијалната мускулатура, наместо нејзина парализа.rnrnДознајте и кои се придобивките и негативните последици од ботоксот.

April 27, 2018