Автор: Весна ЈовановскаrnrnКанадската инди-рок група Аркејд Фајр, за своите фанови направи интерактивна верзија од музичкиот спот „Sprawl II“ од албумот „The Suburbs“. Се работи за релаксирачко видео, дизајнирано да ги детектира движењата на корисниците. Им овозможува на околу шест минути да ја преземат главната улога во спотот и да ја регулираат брзината на движењата во видеото.
Во класичната верзија, спотот започнува со статични кадри од куќи. Таму приказната ја води коосновачот на бендот Режин Шасањ, која излегува од една од куќите и со слушалки на ушите шета низ предградие, во кое живеат чудни и безлични луѓе, кои повремено и механички танцуваат во дворовите.rn
rnПреку интерактивното видео вие имате можност да го смените нивното темпо, да управувате со нив, како со марионети. Сè што треба да направите е да го посетите сајтот за спотот, да ја изберете интерактивната верзија и да „влезете“ во видеото. Имате две опции за тоа. Едната е да играте пред вашата веб-камера и да гледате како кадрите се прилагодуваат на вашите движења. Доколку немате камера, тогаш грабнете го комјутерското глувче и кликајте на видеото.rnrn
Едноставноста на ова видео е со цел да можат да го користат сите, бидејќи за него не се потребни дополнителни компјутерски програми или вештини. Овој хибриден проект е заснован на линеарен филм и детекција на движења, комбинирани во една визуелна техника.
„Високиот технолошки аспект не е главната поента и приоритет во спотот на песната Sprawl II“, вели Морисет, кому ова не му е прво интерактивно видео. Тој е познат и по некои од пораните проекти на Аркејд Фајр, како нивниот победнички интерактивен клип „Neon Bible“.rnrn———————————————————————————————————————————————————————rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.