Драга моја Сесилија, ако го читаш ова, тоа значи дека јас сум мртов…
rn
Наша оценка: 9/10
rn
Ваша оценка: [ratings]
rn
rnrnСите ние имаме тајни, и секое семејство има тајни, само што има разлика од тајна до тајна. Некои тајни може целосно да го променат животниот тек на многумина, да им ги изменат животите од корен, да ја разнишаат секоја нишка на спокојот, и да им го завртат светот за 360˚. Ви претставуваме неверојатна брза, мистериозна, импулсивна, прекрасна драма која ќе ве остави без зборови, бестселер според Њујорк тајмс, кој особено ќе им се допадне на обожавателите на „Очајни домаќинки“.rnrnКако што веќе спомнав, сите ние имаме тајни, ама не како оваа…rnrn
rn
Доделуваме 2 книги во соработка со издавачката куќа Сакам книги
rnrnrn
rnrnСесилија навидум има сè што една жена може да посака. Мајка е на три прекрасни девојчиња, има верен сопруг кој е почитуван од сите во заедницата, бизнисот ѝ цвета, секогаш е исполнителна, одговорна и подготвена да пружи помош. На нејзината организираност може секој да позавиди. Но, овој розов свет на Сесилија за брзо ќе почне да се распаѓа поради мрачната тајна која со години го разорува срцето на нејзиниот сопруг и не му дава мир и спокој. Сесилија наоѓа писмо адресирано до неа, со намера да дојде до нејзините раце по смртта на нејзиниот сопруг.rnrnНа почетокот така сигурна дека нема да го отвори писмото бидејќи е добра сопруга и му ветила на својот сопруг дека нема да го стори тоа, Сесилија сè повеќе ја јадат несигурноста и копнежот. Ако писмото е само обично лигаво изразување љубов, зошто нејзиниот сопруг така се потресе кога дозна дека писмото е пронајдено? Зошто толку инсистира да не биде прочитано?rnrn
„Сè се случи поради Берлинскиот ѕид. Да не беше Берлинскиот ѕид, Сесилија никогаш немаше да го пронајде писмото и тогаш немаше да седи овде, на кујнската маса, воздржувајќи се да не го скине и отвори.“
rnВо целата оваа приказна вмешани се и други две дами чии животи страшно се поврзани со тајната на сопругот на Сесилија. Рејчел е постара дама која цел живот го минува во тажење и оплакување на нејзината прерано почината ќерка, во неспокој поради тоа што убиецот е слободен и го живее својот живот онака како што нејзината ќерка не можела. Тес е мајка на малечко момче, воздржана и срамежлива жена, која дознава дека нејзиниот сопруг е способен да ѝ нанесе голема болка.rnrnСекоја глава од книгата маестрално раскажува за животите на овие дами, на почетокот суптилно поврзувајќи ги за подоцна целосно да ја расчисти нивната поврзаност. Книгата започнува со мала споредба со Пандора, љубопитната жена која го отворила она што не смеела да го отвори.rnrnКнигата навистина ме маѓепса, не можев да ја оставам, го обожавам тој концепт на сeповрзаност, обожавам да претпоставувам што се случило, обожавам кога една книга е неизвесна и не можам да дочекам да дознаам нешто. Книгава ќе ве натера да се запрашате, дали сè се случува со причина, дали сите наши постапки се испреплетени со нечии други постапки и мисли, дали сè е магично поврзано, дали сè се враќа и сè се плаќа?rnrnОна што навистина ми се допадна е претпоставувањето што би било кога би било, епилогот е магичен, затоа мора да останете фокусирани до самиот крај, за да дознаете што би било кога некои работи не би се случиле или се случеле поинаку.rnrnМагична книга, прекрасна, вреди да се прочита.rnrn
„Никој од нас не ги знае можните патишта по кои нашите животи можеле – и можеби требале – да тргнат. А најверојатно и така е подобро. На некои тајни им е пишано вечно да останат во тајност. Само прашајте ја Пандора.“
rnrn