Авантурите на братучетката на познатиот Супермен
rnГлавни улоги: Мелиса Беноист, Мекад Брукс, Дејвид Хеирвуд, Калиста Флокхарт, Чајлер Леи
Жанр: акција, авантура, научна фантастика
Креатор: Али Адлер, Гред Берланти, Ендрју Креисберг
Премиера: 11 јули 2015
Број на сезони: 1
Времетраење: 43 минути
Јазик: англиски
Наша оценка: 8/10
Ваша оценка: [ratings]
Ако сте расположени за нова ТВ серија од Универзумот на DC Comics, тогаш без сомнение треба да почнете да ја гледате оваа. Дејството на настаните, како и самиот тек на приказната многу наликува на добро познатите „Arrow“ и „The Flash“, па доколку ви се допаѓаат и тие, сигурно ќе ви се допадне и оваа. Единствената разлика е што во главната улога конечно имаме девојка, па и целата ТВ серија делува малку „поженствено“ бидејќи ни се пренесува преку нејзините очи. За ова доживување придонесува и самата актерка, Мелиса Беноист, која е зад ликот на Суперглр. Таа делува многу слатко и невино, додека пак, кога ќе го облече својот суперхеројски костум, целосно се трансформира во личност која е моќна и силна.
Приказната започнува така што имаме можност да ѕирнеме во дневниот и нормален живот на 24-годишната Кара Зор-Ел, братучетка на Супермен која била испратена на Земјата за да го чува. Но, по сплет на околности таа била заглавена во длабоката вселена долго време и кога конечно пристигнала на Земјата, Супермен веќе бил возрасна личност која знае како да се грижи за себе. Токму затоа и таа доби втора шанса за нов живот. Но, колку и да се труди, нејзината природа едноставно нема да ѝ дозволи таа да биде како и секоја обична девојка на оваа планета. Кара во себе содржи срце и душа на суперхерој, па токму затоа и нема да може да ја потисне оваа своја внатрешна потреба да им помага на луѓето околу неа.