ТВ серија за ултрауспешна жена невролог, која во себе чува огромна тајна
rn
Главни улоги: Кели Рајли, Дич Дејви, Дејвид АџалаrnrnЖанр: драмаrnrnКреатор: Ејми Холден ЏоунсrnrnПремиера: 24 април 2013rnrnБрој на сезони: 1rnrnВреметраење: 42 минутиrnrnЈазик: англискиrnrnНаша оценка: 8rnrnВаша оценка: [ratings]rn
rnКетрин Блек (Кели Рајли) е познат невролог и научник која работи во центар за невролошки испитувања и лекување. Таа постојано решава тешки случаи спасувајќи ги нејзините пациенти и е вистинска ѕвезда помеѓу нејзините колеги. Во приватниот живот, креветот го дели со прекрасен маж кој работи како главен готвач во нов ресторан. Вил (Дејвид Аџала) е тотално заљубен во неа и по само една година врска, ќе ја побара за жена. Навидум, харизматичната, енергична, успешна и популарна докторка има сѐ што би можело да се посака, но тоа е така додека слој по слој не почнеме да ги откриваме нејзините тајни.rnrn
rnrnТаа има биполарно нарушување, кое го контролира благодарение на препишаната терапија, но понекогаш сака да ги прескокне лекарствата за да го ослободи умот и да дозволи да биде она што е, тогаш кога не е секојдневната Кетрин Блек. Тогаш станува исклучително сексуална, доживува музички халуцинации и едноставно не може да ги контролира своите постапки. Токму затоа, се плаши да ја сподели оваа тајна со Вил, бидејќи стравува дека и тој ќе ја напушти како сите мажи претходно во нејзиниот живот.rnrn
rnrnНо, тоа не е единствената тајна која ја крие од Вил, на работа и пред сите околу себе. Единствено, нејзината психијатарка д-р Хелен Хартрамф (Ванеса Редгрејв) ја знае целата вистина за нејзиниот живот. Затоа Кетрин редовно ја посетува секоја недела и од неа добива соодветни насоки кои ѝ помагаат да ги носи вистинските одлуки во животот.rnrn
rnrnЖивотот на Кетрин не е комплициран само заради нејзиниот однос со Вил и фактот дека никој на работа не смее да дознае за нејзината состојба, што би значело дека веднаш ќе ја изгуби. Таа има интензивен, но сепак необичен однос со семејството на нејзиниот брат Џошуа – неговата жена Реган и нивната ќерка Езме. Секако, постои причина за таквиот однос.rnrn
rnrnНа работа, денот ѝ го прави интересен и шармантниот и секси неврохирург Ијан Бикман (Дич Дејви), кој со својата самоувереност и наклонетост кон жените, не ја остава рамнодушна ниту Ктерин, ниту пак ќе ве остави вам.rnrn
rnrnСлучаите кои Кетрин и нејзините колеги ги решаваат се приказна за себе. Тие се специфични, необични, претходно не сме ги виделе на ТВ екраните. И покрај тоа што животот на Кетрин во најголем дел се врти околу нејзината работа, случаите во клиниката не се во центарот на вниманието. Постои некој многу добар баланс помеѓу она што го гледаме таму и она што ѝ се случува на Кетрин кога е сама, кога е околу нејзините најблиски, или пак во друштво на тотални туѓинци.rnrnАко сакате серии со доктори, оваа ќе ви се допадне. Но, и ако не сакате вакви серии, Црната кутија, што е израз кој докторите го користат за мозокот, сепак може да ви се допадне, доколку сте љубители на мистериите, абнормалното и психолошките феномени.rnrn rnrn
rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.