Филм за случајностите кои може да имаат фатални последици, сè додека не ги погледнете од комичната страна и за тоа дека изгледот понекогаш навистина лажеrnrn 
Режија: Илај КрегrnrnУлоги: Тајлер Лабин, Алан Тудик, Катрина БоуденrnrnВреметраење: 89 минутиrnrnЈазик: англискиrnrnПремиера: 9 декември 2010 годинаrnrnЖанр: комедија, хорорrnrnНаша оценка: 7/10rnrnВаша оценка: [ratings]rnrn–————————————————————————————————————————————————-rnНекои денови не ви се гледаат динамични акции, заплеткани трилери или „лигави“ романтични комедии. Некогаш едноставно сакате да се опуштите, да не размислувате премногу и да не се инволвирате длабоко емоционално во приказната на филмот. Сакате да ве изненади, насмее, разведри некој филмски жанр каков што одамна не сте погледнале. „Такер и Дејл наспроти злото“ е баш филмот кој треба да си го пуштите вечерва доколку одлучите да останете дома. rnrnИнтересен спој од хорор и комедија, кој не е некоја глупава пародија на која не би знаеле дали се смеете по навика или затоа што е навистина смешно. Филмот е онолку предвидлив колку за да не ви го замара мозокот, онолку грозен колку за да не се згадите, страшен колку да ве држи во мала неизвесност и смешен таман за да ви ја направи вечерта. Згора на сè, е и толку долг колку што е потребно за еден филм кој му припаѓа на овие два жанра.rn————————————————————————————————————————————————–rn
rn
Такер и Дејл цел живот сонувале да имаат своја викендичка на планина и конечно ова им се остварува. Одлучуваат да заминат таму за викендот за да пијат пиво, да ловат риби и да се релаксираат. По некоја случајност, младите момци и девојки се на истото место, каде како резултат на сплет на околности, една од русокосите девојки завршува во нивната викендичка.
Нејзините другари се обидуваат да ја спасат од сомнителните „селани“, но при секој обид всушност самите се убиваат. Од перспективата на Такер и Дејл пак, изгледа како да се работи за група студенти со самоубиствени претензии кои дошле овде групно да завршат со своите животи. На никој не му е јасно што вистински се случува, а луѓето еден по еден си умираат.
Приказната во филмот тече спонтано, средно динамично и сосема по малку предвидливо. Хуморот е спореден, но различен. Хорор-елементите се присутни, но недоминантни. Заради ова, дејството е фино спакувано во 90-минутна приказна која ќе ви го покачува адреналинот, ќе ве засмејува и ќе ве остави со импресии.
Кога и како да го гледате: Ова е филм за во друштво. Не седнувајте да го гледате сами, освен ако не сте принудени. Секако дека не е ни за преку ден, заради тоа што во основата е хорор-приказна. Страшните и грозни елементи не ги има премногу, ниту се неподносливи, така што не мора да се плашите дека ќе скокнете со садот со пуканки при некое ненадејно или непријатно дејство.
rnrnrn———————————————————————————————————————————————————————rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.