Факултет кој ќе ви ги направи студентските денови незаборавни

„Виновник“ за неверојатниот дизајн на факултетот за архитектура „Umeå School of Architecture“ е шведската компанија Henning Larsen Architects. Тој е лоциран во градот Умео во Шведска, на уникатно и совршено место – покрај реката Умео.rnrnФасадата на зградата има коцкест облик и на неа ритмично се распределени квадратни прозорци со различна големина. Уметничкиот шмек кој го создава ентериерот, пространиот дизајн и неформалните простории за состаноци, создаваат една поинаква, отворена лабораториска атмосфера, која е во согласност со идејата за развој, креативна работа и иновативност.rnrnКако центар за развој на футуристичкиот стил во архитектурата, главната цел на оваа градба е да преставува инспирација и мотивација за студентите. Идејата била да се создаде светла и пријатна околина за учење, во која сите професори и студенти ќе бидат во една иста просторија, поделена на повеќе нивоа, а наместо ѕидови во просториите за предавање има стакла, кои даваат одличен визуелен ефект и овозможуваат фантастичен поглед кон реката.rnrnПет-годишната студиска програма започнала есента во 2009-та година, по чие завршување студентите се стекнуваат со звањето дипломирани архитекти. Од оваа есен 2010-та, тие имаат можност да запишат и мастер студии.rnrnФакултетот за архитектура е дел од универзитетскиот комплекс, кој содржи и академија на уметности, музеј на уметноста, исто така дизајнирани од  Henning Larsen Architects.rnrnЗа оние помладите, на кои сé уште им е рано за студирање, можеби ќе сакаат да го погледнат фантастичното училиште во Мелбурн.