Како си поминуваат хороскопските знаци во кафеана?

Близнаци

Со близнак можете да си поминете најубаво во кафеана, без оглед на тоа дали таму одите како заљубен пар или пријатели кои само што се запознале. Машките родени во овој знак знаат да бидат неодоливи, бидејќи знаат да имитираат, пејат, играат и да го забавуваат друштвото. Жените родени во овој знак секогаш се во друштво со помлади, не го држат својот партнер на око бидејќи не се љубоморни и сакаат да се забавуваат како деца.

Рак

Иако најмногу си ги сака својата куќа и семејството, за него неретко втора куќа е омилената кафеана. На ниедно друго место не може да се опушти со чаша алкохол во рака разговарајќи со пријател како што може во кафеана, а често знае да се запее и заигра до касните односно раните утрински часови. Жената родена во овој знак знае да сврти некое оро или пак да заигра танго. Ова најчесто го прави кога е со друштво, но кога е излезена со својот партнер, тогаш гледа цела вечер во него како никој друг околу нив да не постои.

Лав

Кралот на забавите, играњето и сите други можни прослави, знае да организира сè во својата омилена кафеана. За него келнерите трчаат да отворат врата, а музиката штом го види му ја свири омилената песна за поздрав. Лавицата, атрактивна и провокативна, најпрво ја набљудува ситуацијата и друштвото во кое се нашла, а потоа дури стапува на сцена. Тоа најчесто се случува кога сите погледи се вперени кон неа, додека таа игра на својот трон, подиумот.

Девица

Машкото родено во овој знак е создаден за мерак и уживање, но кој би го рекол тоа, знаејќи дека девиците се мирни, пристојни и воздржани? Веднаш штом малку испие, тој станува човекот во кафеаната кој е највесел, нарачува нова тура пијалаци и ја подгрева атмосферата до оној степен кога сите стануваат да поиграат. Токму тогаш на сцена стапува женската девица, бидејќи во неа се буди нешто што ја тера да се качи на маса или на шанк и да заигра. Утредента таа ќе се однесува како тоа да била нејзината сестра близначка, а не таа.

Вага

Машкото родено во знакот на вага е боем, џентлмен и хедонист. Тој не може без своето друштво во кафана, без разлика дали станува за отмен ресторан или маалска биртија. Често инсистира да ја плати сметката, се грижи дали сите чаши се полни, не дозволува музиката да се тргне од неговата маса, но за возврат богато ги части. Жената родена во знакот вага, најчесто бира отмени ресторани за трач разговори со своите пријателки, а кога е расположена за пиење алкохол, кафанчињата покрај вода каде што се пие до зори и се омилени.

Скорпија

Елегантен и бучен, магнетски привлечен за спротивниот пол, мажот роден во знакот на скорпија ужива во кафанската атмосфера, правејќи се дека не забележал дека некоја женска личност го изела со очи. Жената родена во овој знак секогаш одбира ресторан, умее машки да се напие или пак е тотален антиалкохоличар. Сепак тоа не ја спречува да ужива, да се забавува и да флертува со момчиња.

Стрелец

Тој ја обожава кафеаната како место за излегување, особено доколку се наоѓа во центарот на градот каде што доаѓаат попознати фаци, вклучувајќи го и него, бидејќи тој е популарен во секое друштво. Знае да започне разговор на некоја жешка тема, но умее и да се контролира и кога ќе се поднапие не прави скандали. Жената родена во овој знак, на прв поглед одлично се вклопува во секое друштво и во секоја кафеана, но најмногу сака редовно да ги менува местата за излегување и да открива нови, бидејќи е авантуриста.

Јарец

Жената родена во овој знак, за разлика од мислењето дека само работи и е мирна и воздржана, знае и тоа како да се опушти во вистински кафеански амбиент, пиејќи црвено вино. Неретко знае на добра музика и да заигра. Мажот роден во знакот на јарец, на изглед е срамежлив и расеан, но во кафеана заглавува до раните утрински часови и не им дозволува на другите да си одат порано. Некои пријатели, особено колегите од работа, не го препознаваат кога е во вакво издание.

Водолија

Водолијата не прави разлика дали е дома или во кафеана, бидејќи домот го смета само за престојувалиште, а кафеаната ја обожава како место на кое се дружи, јаде, пие, флертува и што ли уште не. Жената родена во овој знак, заедно со своите пријателки знае да ја дочека зората во кафеана, додека нејзиниот љубен игра видео игри дома.

Риби

Мажот роден во знакот на риби, се чувствува фантастично во кафеана, особено ако е во машко друштво. Воопшто не се грижи колку е часот, бидејќи кога него му е убаво се чувствува како да е во некој друг свет. Жената родена во овој знак обожава дискретни места, по можност во близина на некоја река, каде што има одлична услуга и џентлемени кои пазат на секој нејзин потег.

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.