Јапонскиот фотограф и веб-дизајнер Хидеаки Хамада од Осака, ужива фотографирајќи ги неговите љубопитни слатки момчиња Хару и Мина, додека тие го живеат своето безгрижно детство. Овој многу горд татко прави фотографии од неговите деца уште од моментот кога тие пристигнале на овој свет. Постариот син Хару има 5 години, а помладиот Мина, 3 години. Од повеќе причини, тој решил да го документира нивниот живот и да ги сподели нивните лични моменти, со целиот свет.rn
rn
„Сакам да правам фотографии од моите деца, за тие да почувствуваат нешто кога ќе пораснат. Овие фотографии во иднина ќе бидат моите малечки подароци за моето семејство.“
rn
rn
„Лично, сметам дека дигиталните фотографии како материјал, се многу покревки во однос на печатените, но онлајн изразувањето нуди безброј можности. Ги поврзува луѓето низ целиот свет.“
rn
Некои од фотографиите на Хидеаки, биле дел од неговата соло-изложба во галеријата „Синсевел“ во Тајван.
Одамна не сме сретнале татко кој го фотографира детството на неговите деца на толку сладок и оригинален начин. Со сличен тип фотографија се бави и Џејсон Ли, таткото кој прави креативни фотографии од неговите две ќеркички.rn
Навистина е прекрасно тоа што еден ваков горд татко, ги споделува скапоцените моменти од детството на неговите синови со светот, потсетувајќи нѐ нас како гледачи, дека треба да останеме љубопитни за животот и да ја продлабочиме почитта во врска со односите кои ги имаме со нашите браќа/сестри.rn
rnrn
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.