Да добиете поддршка од две големи регионални ѕвезди уште пред да ја објавите првата песна – тоа е почеток за кој сонуваат многу млади музичари. Токму тоа му се случило на белградскиот пејач Давор, чии први песни меѓу првите ги слушнале Јелена Карлеуша и Милица Павловиќ.
Според неговиот тим, двете пејачки биле воодушевени од песните и од потенцијалот на младиот изведувач, а нивната поддршка му дала дополнителен поттик да го направи првиот голем чекор на сцената.
Три години подготовки пред првиот настап
Давор е роден на 28 ноември 1999 година во Белград. Апсолвент е на Факултетот за култура и медиуми, но музиката отсекогаш му била најголемата страст. Пред да се појави пред публиката, поминал цели три години во интензивни подготовки.
Меѓу првите што го препознале неговиот талент бил познатиот режисер Станко Црнограња, кој го советувал сериозно да ѝ се посвети на музиката. Давор имал и ретка можност од близу да го следи градењето на кариерата на една од најголемите ѕвезди во регионот – искуство кое, како што вели, му покажало колку работа, дисциплина и посветеност стојат зад секој голем настап, спот и хит.
„Ко“, „Ломљива“ и „Самурај“ – дебито со три спота
На 12 јули 2025 година го претстави својот прв музички проект, ЕП-то „Ко“, со три песни: „Ко“, „Ломљива“ и „Самурај“. За секоја од нив е снимен високобуџетен видеоспот со впечатлива сценографија, кореографија и посебен визуелен идентитет.
Зад неговиот почеток стојат и искусни професионалци – продуцентот Владимир Узелац, познат по долгогодишната соработка со Милица Павловиќ, како и музичарот и продуцент Лорд, кој со години беше дел од групата „Пилоти“.
Пејач, танчер и моден израз во едно
Она што дополнително го издвојува Давор е амбицијата да се претстави како комплетен поп-изведувач. Покрај вокалот, големо внимание посветува на танцот, сценскиот настап и модата – сè она што денес ја прави разликата меѓу добар пејач и вистинска ѕвезда.
Со поддршка од познати имиња и тим кој веќе изградил големи регионални кариери, Давор го започна својот музички пат. Дали токму тој ќе биде следното големо машко поп-име на Балканот, ќе покаже времето – а почетокот секако е ветувачки.
