Љубовната приказна на поп-ѕвездата Тејлор Свифт и НФЛ-ѕвездата Тревис Келси повторно е во центарот на вниманието. Во последните денови сè погласни се шпекулациите дека парот е подготвен да го изговори судбоносното „да“, а обожавателите внимателно го следат секој нов детал што се појавува во јавноста.
Иако официјална потврда од двојката нема, бројни медиуми објавуваат дека подготовките за големата прослава се во тек. Се споменува раскошна церемонија во Њујорк, со стотици гости од светот на музиката, спортот и филмот, како и засилени безбедносни мерки околу местото каде што наводно ќе се одржи свадбата.
Меѓу имињата кои се поврзуваат со настанот се долгогодишни пријатели и соработници на Свифт, како и познати спортисти блиски до Келси. Дел од славните личности веќе се забележани во Њујорк, што дополнително ги поттикна гласините дека свеченоста е навистина блиску.
Интересно е што во јавноста се појавија и фотографии и видеа поврзани со свадбените подготовки, а на социјалните мрежи кружат и сатирични, па дури и фотографии создадени со вештачка интелигенција. Една таква фотографија предизвика и реакција од самиот Келси, кој одговори со насмеани емотикони, покажувајќи дека не му пречат шегите на сметка на големиот ден.
Од почетокот на нивната врска, Тејлор Свифт и Тревис Келси важат за еден од најпопуларните славни парови во светот. Секое нивно појавување предизвикува огромен интерес, а веста за нивната свршувачка минатата година беше меѓу најкоментираните на социјалните мрежи.
Додека јавноста со нетрпение очекува официјална потврда, едно е сигурно – свадбата на Тејлор Свифт и Тревис Келси, доколку навистина се одржи деновиве, ќе биде еден од најследените настани во светот на шоу-бизнисот оваа година.
