Претходно
Како да престанете непотребно да се грижите за иднината?
Дали постојано се грижите за иднината? Дали останувате будни цела ноќ пред некој важен настан како испит или интервју за работа? Дали размислувате за секој можен иден исход затоа што премногу се грижите? Во ред е да бидете нервозни доколку ви претстои важен настан, но прекумерната или неконтролирана грижа за иднината може негативно да влијае врз вашето ментално здравје. Во продолжение прочитајте ги нашите стратегии за справување со грижите за иднината.
1. Преиспитајте ги вашите мисли
Мислите се само тоа… мисли. Тие не се вашата реалност. Затоа, наместо да верувате во сето она што го замислува вашиот ум, преиспитајте ги вашите вознемирени мисли. Запрашајте се дали вашите стравови се реални. Колкави се шансите да се случи најлошото сценарио? Дали сте премногу песимисти? Ова ќе ви помогне да ги смирите вашите мисли и да го префрлите вашиот фокус на сегашниот момент.
2. Сменете го начинот на размислување
Еден од наједноставните начини за надминување на анксиозноста е повторно фокусирање на мислите и менување на вашиот начин на размислување. Обидете се да го промените начинот на кој ги гледате ситуациите што ја поттикнуваат вашата анксиозност. Намерно размислувајте за позитивните работи што може да се случат на претстојниот настан, наместо да размислувате за можните негативни аспекти.
3. Преземете ја контролата
Анксиозноста честопати нè тера да ги избегнуваме и да се криеме од ситуациите и искуствата кои се надвор од нашата комфорна зона. Таа може да биде и „виновникот“ кој нè тера да пропуштиме можности и да го одложиме извршувањето на важните задачи. Ова може дополнително да го зголеми нашиот стрес и анксиозност и да нè натера да се плашиме од нашата иднина уште повеќе. Затоа, важно да преземете акција и да ја преземете контролата врз страшната ситуација. Откако ќе се справите со ситуацијата, нема да морате да се грижите за тоа.
4. Техники за релаксација
Секогаш кога анксиозноста го обзема вашиот ум, обидете се да го опуштите умот и да се смирите. Постојат неколку техники за релаксација кои можат да ви помогнат да се справите со анксиозноста како:
- Длабоко дишење
- Медитација
- Топол туш
- Разговор со саканата личност
- Фокусирање на здивот
- Слушање музика или гледање филм
Техниките за релаксација исто така можат да ви помогнат да го оддалечите вашиот фокус од вознемирените мисли и да го вратите во сегашниот момент.
Откако ги прочитавте нашите совети и стратегии за справување со анксиозноста, можеби ќе сакате да прочитате и за 28-те лаги во кои анксиозноста нè тера да веруваме.
Извор: themindsjournal.com
