И покрај тоа што во зима носиме обувки кои ги кријат стапалата, тие и во овој период бараат посебна нега и не треба да се запуштат, туку грижливо да се негуваат. Многу е важно да не ги занемарувате вашите стапала во зима, бидејќи повеќе се потат поради затворените обувки. За да немате проблеми со габични инфекции, задебелени пети и враснати нокти, стапалата треба секојдневно да ги негувате. Доволно е секој ден да се одвојуваат по 15 минути за нивна нега и да се следат овие совети, за да ви бидат нежни и убави како никогаш порано. 
rn
Наутро освежете ги стапалата
rnСекое утро намачкајте ги стапалата со специјални производи кои освежуваат и ја поттикнуваат циркулацијата, па на тој начин полесно ќе ги поднесете дневните обврски. Навечер после туширање користете помада со смирувачко дејство или спреј за ублажување болки и отоци.rn.rn
Секоја недела омекнете ја кожата
rnЕднаш неделно стапалата добро намачкајте ги со помада, завиткајте ги во проѕирна фолија и потоа облечете чорапи. Носете ги неколку часа, но уште подобро е да останат преку цела ноќ. На овој начин кожата ќе ги впие сите хранливи материи и стапалата ќе станат нежни.rn.rn
Не сечете ги кутикулите
rnНикогаш немојте да ги сечете кутикулите со ножици, бидејќи ќе направите ранички кои болат и тешко зараснуваат. Наместо тоа премачкајте ги со специјално масло за третирање кутикули, почекајте да се впие во кожата, а потоа нежно притиснете ги со стапче за уши. Ноктите на нозете пак, треба да се обликуваат така да врвот на нокотот биде рамен по цела широчина. На овој начин се спречува враснувањето, кое може да биде многу болно.rn.rn
Масажата ги намалува болките
rnНавечер, пред спиење, масирајте ги стапалата со специјално масло или бадемова помада, но ако немате ништо од ова, може и со кое било млеко за тело. Масажата ќе ви ги намали болките, ќе ве релаксира и ќе ви помогне полесно да заспиете.rn.rn
На стапалата им е неопходна влажност
rnПоради постојаното триење од обувките, стапалата најпрво ја губат влажноста и еластичноста, а потоа се сушат и пукаат. За да не се случи ова, секоја вечер после туширање намачкајте ги со најхидратантната помада што ја имате.rn.rn
Уште еден совет
rnПоради зголемено потење на нозете во зима, расте ризикот од појава на габични инфекции. Ако и вие имате ваков проблем, секоја вечер веднаш после туширањето, добро избришете ги стапалата (особено кожата помеѓу прстите), а потоа истријте ги со парче лимон. Лимонската киселина ја дезинфицира кожата, а и ноктите ги прави побели.rn———————————————————————————————————————————————————————rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.