Претходно
На кој начин можете да ги цените и да уживате во малите нешта во животот?
Нашите животи се состојат од безброј мали моменти во времето кои можат да бидат извор на вистинска среќа, љубов и мудрост. Понекогаш, токму овие мали мигови нè водат кон големите и важни значајни моменти од нашите животи.
Станува збор за бесценети нешта кои честопати оставаат длабоки траги во животот и ни даваат надеж и верба во борбата со предизвиците на кои секој од нас наидува. Без разлика дали се работи за првата голтка утринско кафе, топлината на утринските сончеви зраци, ненадејниот дожд или насмевката на саканата личност – сето тоа се мали детали кои можат навистина да ни го направат денот поубав. Еве на кој начин можете вистински да уживате во малите нешта во животот.
1. Бидете благодарни
Изразувањето благодарност за добро дело, големо или мало, го отвора патот за понатамошна добрина во вашиот живот.
2.Ценете се себеси
Да се сакате и цените себеси – ова е веројатно една од најважните работи што треба да ги правите додека се обидувате да најдете мир во вашето секојдневие.
3. Бидете „овде“ и „сега“
Депресијата ве тера да живеете во минатото, анксиозноста, пак, се поврзува со претераната загриженост за иднината, а мирот може да се пронајде само доколку научите како да живеете во сегашноста.
4. Не занемарувајте ги малите гестови на грижа и доверба
Гестовите на доверба, грижа и љубезност што ни ги покажуваат нашите партнери во основа се причините за живеење и продолжување напред. Ако одвоите време за да ги забележите, ценете ги и возвратете ги бидејќи тие се бесценети.
5. Дишете
Ова е нешто што го правиме од раѓање и нешто на кое ретко кога обраќаме внимание. Одвреме-навреме, или кога ќе наидете на одредени тешкотии, оставете ги сите мисли настрана, сиот тој товар и обидете се да ги испразните умот и срцето. И само дишете. Неколку внимателни бавни вдишувања и издишувања ќе ви помогнат одново да го воспоставите внатрешниот мир.
Откако прочитавте на кој начин можете да уживате во малите нешта во животот, можеби ќе сакате да ги прочитате и 5 -те начини да обратите внимание на малите нешта дури и кога сте премногу зафатени.
Извор: themindsjournal.com
