Претходно
Совети за секој хороскопски знак до 10 октомври!
Астролозите ви откриваат што треба да направите оваа недела доколку сакате вашиот живот да се промени на подобро.
Овен
Фокусирајте го сето ваше внимание кон работата бидејќи сега кариерата треба да ви биде приоритет. Бидете активни, давајте нови идеи и искористете ја максимално креативноста што ја носите во себе. Можно е да добиете одобрување од надредените, но ќе треба да вложите поголем труд.
Бик
Одвојте време за самоанализа и запрашајте се кои се вашите таленти. Одговорот на ова прашање ќе ви отвори нови врати и можности. Доколку и самите не знаете која е вашата супермоќ, консултирајте се со семејството и оние кои најдобро ве познаваат.
Близнаци
Оваа недела обидете се да ги завршите обврските кои долго време ги одложувавте. Не плашете се бидејќи ќе ги надминете сите пречки и предизвици. Доволно е да бидете упорни!
Рак
Препуштете ѝ се на топлата атмосфера на вашиот дом, изолирајте се од другите и обидете се да се одморите. Само така ќе соберете доволно сила за идните достигнувања.
Лав
Обратете внимание на тоа што го носите и на модните детали кои ги користите – нека вашиот изглед биде во хармонија со вашата природа. Ова не само што ќе ви даде поголема самодоверба и ќе привлече погледи полни со восхит од спротивниот пол туку и ќе ви помогне да бидете поефикасни на работа.
Девица
Време е да го обоите вашето секојдневие со нови или заборавени стари хобија и интереси. Не барајте изговори и доволно е само да започнете бидејќи сега е вистинското време за тоа. Тоа не само што ќе ви го освежи животот туку и ќе ви даде повеќе сила за посакуваните промени.
Вага
Време е да почнете да се фокусирате на себе, наместо да ги исполнувате потребите и барањата на другите. Запрашајте се што е тоа што ве прави среќни и исполнети. Научете да се сакате себеси, да бидете различни од другите и, притоа, гордо да го прифатите овој аспект на вашата природа.
Скорпија
Оваа недела одвојте време за медитација и вежби за дишење. Тие не само што ќе ви го намалат стресот и ќе имаат корисен ефект врз вашето здравје туку и ќе ви помогнат да ги избегнете неочекуваните трошоци. Подобро е да се ослободите од стресот преку техники за релаксација, наместо да му се препуштите на импулсот за купување.
Стрелец
Фокусирајте се на вашите планови и амбиции. Во овој период многу од вашите желби ќе станат тешки за остварување, но тоа нека не ве обесхрабрува. Поставете си нови микро-цели за кратки временски периоди, дури и ако се работи за нешто мало, доволно е да ве инспирира.
Јарец
Оваа недела астролозите ве советуваат да ѝ се посветите на работата. Не плашете се од можните препреки на кои ќе наидете – доволно е внимателно да размислите и да направите јасен план за акција.
Водолија
Сфатете дека во вас самите се наоѓа изворот на вашата сила, дека вие самите сте заслужни за вашите достигнувања и успеси. Затоа, одвојте време да се одморите и да се грижите за себе така што ќе уживате во малите нешта што ве прават среќни и задоволни. Тоа ќе ви даде поттик и мотивација да продолжите понатаму.
Риби
Обидете се да поминувате повеќе време со семејството. Не заборавајте дека блиските односи со вашите сакани ќе ви донесат среќа и поддршка за сето она што го правите во животот. Доколку, пак, некој ви недостига, сетете се на убавите спомени.
Откако ги прочитавте советите за секој хороскопски знак за оваа недела, можеби ќе сакате да прочитате и кои 4 хороскопски знаци ќе имаат најмногу среќа во поглед на финансиите во октомври.
Извор: sensa.mondo.rs
