Претходно
Како да инвестирате повеќе во себе за да постигнете личен напредок?
Кога ќе го слушнеме зборот „инвестиција“ секогаш помислуваме на финансиски средства. Сепак, дали некогаш сте размислувале за инвестиција во сопствениот живот? Секое искуство, секој избор, секоја работа што ја правите – сите овие нешта можат да бидат инвестиција во секојдневниот живот. Еве само дел од нив.
Пријателства
Потребно е време и труд за да изградите добри односи со пријателите. Истражувањата покажале дека луѓето кои имаат најмалку пет луѓе на кои можат да им се доверат се многу посреќни од оние кои немаат никого или кои имаат површни односи. Длабоките пријателства значат дека секогаш ќе имате поддршка од луѓето кои не ве осудуваат и кои ќе бидат до вас кога работите се лоши… или добри. Вистинските пријатели се благодат во животот. Чувајте ги.
Доволно сон
Колку помалку спиете толку повеќе сте под стрес. На тој начин дополнително го оптоварувате умот и телото. Затоа, не заборавајте дека неопходни се барем шест часа сон за вашето тело да функционира нормално. Ова ќе ви даде енергија и ќе ве направи попродуктивни.
Водете дневник
Можеби ви одзема време, но придобивките од пишувањето дневник се огромни. Навраќањето на она што ви се случило во текот на денот може да ви помогне да направите самоанализа, но и да најдете решение за проблемите кои ве мачат. Така, ќе чувствувате дека нештата се под поголема контрола во вашиот живот и ќе бидете подготвени да се справите со животните предизвици.
Учете нови работи
Човек учи додека е жив. Тоа се должи на фактот дека нашите умови имаат способност постојано да апсорбираат нови информации и да развиваат нови начини на размислување. Откријте кои се вашите интереси и што е она што сакате да правите во слободно време. Учењето нови работи ќе ви биде дополнителен стимул да работите повеќе на себе. Тоа е од непроценливо значење за личниот раст и развој.
Откако ги прочитавте нашите стратегии за личен напредок, можеби ќе сакате да ги прочитате и најубавите цитати за личен напредок: 9 будистички изреки за мудроста, среќата и слободата.
Извор: allwomenstalk.com
