Претходно
Цитати кои ќе ве мотивираат да не ги пропуштите можностите за успех
Понекогаш во животот има моменти кога се чувствувате обесхрабрени и сте доведени во искушение да се откажете. Во таквите мигови тешко е да се издржи докрај, иако можностите за успех се чини дека ни се многу блиску. Во продолжение прочитајте ги цитатите што ги одбравме за вас, а имаат за цел да ве мотивираат за да ги надминете сите пречки што ќе ви се појават.
„Претворете ги вашите пречки во можности, а вашите проблеми во перспективи.“ – Рој Т. Бенет
„Мудриот човек ќе создаде повеќе можности отколку што навидум постојат.“ – Френсис Бејкон
„Често ги пропуштаме можностите затоа што ни оддаваат впечаток на премногу работа.“ – Томас А. Едисон
„Неуспехот е само можност поинтелигентно да започнете одново.“ – Хенри Форд
„Кога работите не одат како што сакате, запомнете дека секој предизвик, секоја неволја, содржи можности за ваш личен развој.“ – Рој Т. Бенет
„Наградата за добро завршената работа е можноста да се направи повеќе.“ – Џонас Салк
„Можноста не чука, таа се појавува кога ќе ја срушите вратата.“ – Кајл Чендлер
„Секој ден е нова можност. Можете да го надградите вчерашниот успех или да ги оставите сопствените неуспеси зад себе и да започнете одново. Таков е животот со секој нов ден, а таков е и бејзболот.“ – Боб Фелер
„Можностите се како изгрејсонце. Ако чекате премногу долго, ќе ги пропуштите.“ – Вилијам Артур Вард
„Не дозволувајте пропуштените можности од минатото да се мешаат во можностите пред вас.“ – Рајан Робинс
„Успехот е таму каде што се спојуваат подготовката и можностите.“ – Боби Унсер
„Не чекајте извонредни можности. Искористете ги обичните прилики и направете ги одлични. Слабите по карактер ги чекаат можностите, а силните пак, ги создаваат.“ – Орисон Свет Марден
„Ретко можев да видам можност додека таа не престана да биде тоа.“ – Марк Твен
„Премногу луѓе мислат на сигурност отколку на можност. Изгледа дека повеќе се плашат од животот отколку од смртта.“ – Џејмс Ф. Бирнс
„Тешко е да се препознае можноста, а ние вообичаено чекаме да нè мами со звучни сигнали и билборди.“ – Вилијам Артур Вад
„Можноста не го губи своето време со оние кои не се подготвени.“ – Идоу Којеникан
„Ако некој ви понуди неверојатна можност, но не сте сигурни дека можете да го направите тоа, кажете „да“, а потоа ќе научите што треба да направите!“ – Ричард Бренсон
„Сè што е негативно, сиот притисок, сите предизвици – сето тоа е можност за мене да се издигнам.“ – Коби Брајант
„Тајната на успехот е да бидете подготвени кога ќе ви се укаже можноста.“ – Бенџамин Дизраели
Доколку ви се допаднаа овие цитати, ви препорачуваме да прочитате и 10 цитати што ќе ве инспирираат да го пронајдете успехот што ви значи.
Извор: yourtango.com
