Претходно
3 хороскопски знаци што имаат најдобар сон
Луѓето што заспиваат уште пред да ја стават главата на перница отсекогаш биле вистинска мистерија. Овие луѓе можат да заспијат во јавен превоз, додека чекаат во чекалната на оринацијата или на клупа во паркот. Доволен им е само еден момент и сонот е тука. Има многу фактори што влијаат на навиките за спиење, како што се начинот на исхрана и стресот, но и астрологијата. Во продолжение прочитајте кои хороскопски знаци се сметаат за експерти во областа на спиењето.
Бик
Исто како што уживаат во својот омилен коктел, сонот им претставува само уште едно сетилно задоволство. Биковите не гледаат проблем во легнување рано додека сите други сè уште мислат дека е рано за спиење. Бикот може да спие онолку колку што му дозволуваат неговите обврски. Пред да легне да спие, Бикот ќе ужива во обилна вечера, во када со топла вода и во својата омилена книга.
Риби
Со имагинативниот Нептун како нивни владетел, Рибите имаат нејасна граница помеѓу реалноста и фантазијата. Всушност, Рибите изгледаат како да одат во сон кога се будни. Интуитивните Риби се длабоко поврзани со својата поетска страна на личноста, па го гледаат сонот како одлична инспирација. Исто така, Рибите уживаат да бидат во светот на соништата, бидејќи тој е неисцрпна инспирација за нив. Припадниците на овој хороскопски знак им се препуштаат на соништата барајќи во нив некакво засолниште од интензивната реалност.
Вага
Вагите бараат уметничка убавина и рамнотежа во текот на целиот свој живот, а нивните навики за спиење не се исклучок. Припадниците на овој хороскопски знак се трудат да го посветат секој атом од својата енергија на секое поглавје од својот ден. Без разлика дали е со стар пријател во градот, ја негува својата градина или заспива, Вагата го прави тоа детално и посветено. Нејзината рутина пред спиење вклучува пилинг, хидратација, ноќен крем, шолја млеко и долг разговор со партнерот.
Прочитајте што сакаат да подобрат кај себе хороскопските знаци во новата година.
