Претходно
Кои се најголемите предности и недостатоци во врската со секој хороскопски знак?
Секој хороскопски знак има свои уникатни особини, па корисно е да знаете што да очекувате кога се состанувате со некого. Колку повеќе информации ќе добиете од астрологијата, толку подобро. Никој не е совршен, но можеби во продолжение ќе го пронајдете знакот што е совршен за вас.
Овен
Предности: Овните се подготвени за секакви авантури и се многу забавни личности. Нивната енергија е заразна, а хемијата помеѓу вас ќе биде неверојатна.
Недостатоци: Овните понекогаш може да бидат премногу строги кон себе и може да ве нападнат во таква ситуација. Немојте да бидете изненадени ако не ви враќаат на вашите пораки и повици.
Бик
Предности: Биковите се симпатични личности покрај кои ќе се чувствувате сигурмно и заштитено. Најчесто готват многу вкусна храна, но дури и ако не е така, тие сигурно знаат како да направат некој специјалитет со кој ќе ве освојат.
Недостатоци: Овие личности понекогаш може да стојат в место и да не прават ништо. Ако не знаете како да се справите со тврдоглави луѓе, стојте подалеку од Биковите бидејќи нивната тврдоглавост е легендарна.
Близнаци
Предности: Никогаш нема да ви биде здодевно ако излегувате со личност родена во овој хороскопски знак. Тие се паметни, одлични говорници и секогаш ќе ги стават во прв план вашите потреби и чувства.
Недостатоци: Бидејќи Близнаците се многу интелигентни, тие мислат дека знаат сè и може ненамерно да ве направат да се чувствувате интелектуално инфериорни. Тие исто така имаат навика премногу да размислуваат за работите и да бидат вознемирени од погрешни причини.
Рак
Предности: Раковите ќе се однесуваат кон вас многу добро и ќе можете да им верувате на сè што ќе кажат. Можете да им ги кажете сите ваши тајни. Ракот е знак што секогаш се одликува со верност и посветеност.
Недостатоци: Промени во расположението – една минута се најсреќните луѓе на светот, а веќе следната стануваат мрачни. Не обидувајте се да ги натерате да ви кажат што не е во ред.
Лав
Предности: Лавовите имаат прекрасни карактеристики: смисла за хумор, способност да ги направат работите возбудливи и забавни и тие се многу згодни. Ако се состанувате со личност родена во овој хороскопски знак, ќе ги имате најдобрите спомени.
Недостатоци: Лавовите не се многу чувствителни кога станува збор за чувствата на другите луѓе. Кога ќе ве повредат, нема да преземат одговорност за тоа.
Девица
Предности: Девиците се многу симпатични личности и секогаш ќе ги земат предвид вашите чувства. Тие се многу сериозни и созреани. Освен тоа, Девиците се доверливи и никогаш нема да ве остават кога ќе се чувствувате изгубено.
Недостатоци: Тие може да бидат премногу чувствителни и да се сомневаат во вашата искреност кога ќе се обидете да им помогнете да се чувствуваат подобро.
Вага
Предности: Личностите родени во овој хороскопски знак се бакнуваат најдобро, а знаете дека ѕвездите не лажат. Вагите се одлични флертувачи и покрај нив ќе се чувствувате привлечно и динамично.
Недостатоци: Овие личности мразат конфликти, па наместо да раскинат со вас лице в лице, тие само ќе ве игнорираат и никогаш нема да знаете која е причината. Вагата понекогаш може да почне да се расправа со вас само затоа што ѝ е здодевно.
Скорпија
Предности: Кога ќе се поврзете со Скорпија, тоа обично е многу длабоко и интензивно – и сексуално и емоционално. Скорпијата прави сè со страст, па така и состанувањето со вас.
Недостатоци: Овие личности може да станат многу напнати и сериозни, а тоа може да биде малку застрашувачко. Понекогаш врската е токму таква, но таа не треба да биде бескраен, мелодраматичен договор.
Стрелец
Предности: Стрелците се навистина забавни, смешни и оптимисти. Тие се целосно подготвени за нови искуства и сакаат ментално да се поврзуваат со нови луѓе.
Недостатоци: Тие сакаат да пробуваат нови работи, па може да биде предизвик да ги натерате да се смират и да ви се посветат. Стрелците праќаат многу измешани сигнали, па ќе ви биде тешко да откриете што чувствуваат за вас.
Јарец
Предности: Никогаш нема да се грижите дали Јарецот ви е верен, бидејќи овие личности се многу доверливи и лојални. Тие нема да чекаат празник или роденден за да направат да се чувствувате посебно и постојано ќе ви даваат цвеќиња и подароци без никаков повод.
Недостатоци: Јарците може да ве контролираат и да се чувствувате задушено. Исто така, тие може да манипулираат со вас, а дури ни самите нема да бидат свесни за тоа.
Водолија
Предности: Водолија ќе ве изненади со својот постојан прилив на уникатни мисли. Овие личности секогаш се подготвени да пробаат нови работи, без разлика дали станува збор за нов ресторан или клуб. Ако сте во врска со Водолија, секогаш ќе се чувствувате пријатно и опуштено и можете да бидете тоа што сте.
Недостатоци: Понекогаш Водолиите размислуваат само со главата, а не и со срцето, па емоциите може да бидат малку проблематични за нив. Тие може да станат агресивни ако не можат да ја контролираат ситуацијата.
Риби
Предности: Рибите целосно ќе ве разберат вас и вашата чувствителност. Постојано ќе се трудат да ве насмеат и нема да ви бидат само партнер, туку и најдобар пријател.
Недостатоци: Тие можат да бидат многу чувствителни и да се затворат без да ви објаснат што сте направиле или што сте кажале за да ги повредите или да ги налутите. Може да настанат големи проблеми поради некои мали недоразбирања.
Прочитајте кои се специфичностите на секој хороскопски знак.
