Претходно
Кратка историја за „грдиот“ божиќен џемпер
Првите „грди“ божиќни џемпери се појавиле во западните земји пред повеќе од половина век и се покажале толку интересни, па традицијата на нивно носење се вкоренила и во другите земји и тие станале составен дел од празниците.
Џемперот првично било само функционално парче облека наменето за мажи. Џемперите од волна ги носеле рибарите, ловците и оние кои морале да работат надвор. Најмногу ги плетеле девојчињата и жените за нивните татковци, сопрузи, синови, а подоцна и за самите нив, така што традицијата на плетење и подарување џемпери на некој близок потекнувала многу пред појавата на „божиќниот џемпер“.
Плетениот џемпер станал новогодишен детал во средината на минатиот век. Во педесеттите години од XX век во западните земји започнало активното рекламирање на Божиќ и сè што е поврзано со него: украсувањето на штандовите со снегулки, создавањето празнично расположение во продавниците и трговските центри, ставањето новогодишни симболи кај сите видови производи. Масовната популарност на божиќниот џемпер започнала во осумдесеттите години на минатиот век, кога комедија „The Cosby Show“ започнала да се прикажува на екраните и постигнала успеси. Главниот лик Бил Козби таму се појавил во божиќен џемпер. Од тогаш божиќниот џемпер започнал активно да се користи во поп културата, и постепено станал неопходен дел од божиќните прослави.
Тој на овие простори се појави, како и многу странски трендови, преку популарните новогодишни филмови. Не може да ги наречете божиќните џемпери вистинска традиција кај нас, но од семејните божиќни фотографии може да забележите дека џемперот стана задолжителен атрибут, а како што се забележува и на Инстаграм, тој е актуелен до ден-денес.
Идејата за задолжителниот божиќен џемпер е производ на поп културата и маркетингот. Од 90-тите години наваму, ова парче облека се прикажувало често во филмовите. Идејата за „совршен американски Божиќ“ била опишана во комедија „Божиќни празници“ (Christmas Holiday) од 1989 година. Во него, главата на семејството е насочена кон исполнување на празниците со сите потребни атрибути – и задолжителниот џемпер меѓу нив. Класичната сцена на забава на која сите се облечени во плетени џемпери е претставена во многу комедии. Грдиот „божиќен џемпер“ добива иронична конотација и во филмот „Бриџит Џонс“, каде хероина се состанува со аристократот во апсурден џемпер со елен. Најдобриот пријател на Хари Потер, Рон, малку се срами од традицијата во неговото семејство кога си подаруваат слатки божиќни џемпери со иницијали. Ако во текот на 80-тите божиќниот џемпер бил трогателен момент, во 90-тите години сите активно се забавувале со оваа традиција. Во исто време, божиќниот џемпер не ја губи својата популарност. Покрај тоа, првите тематски забави посветени на овој „моден детаљ“ се појавуваат во Ванкувер, а натпреварите за избор на најгрд божиќен џемпер се одржуваат секоја година во Америка.
Од 2016 година наваму, во музејот „Мадам Тисо“ има неверојатно симпатична композиција од фигурите на членовите на кралското семејство во божиќните џемпери.
Бидејќи божиќниот џемпер стана популарен заради маркетиншкиот трик да создаде љубов меѓу луѓето за време на новогодишните празници, со текот на времето, тој ја совлада дури и високата мода. Во 2010 година, модните куќи ги објавија своите верзии од божиќните џемпери. На почетокот, нивното украсување било сведено на скромни снегулки, но подоцна се појавиле и елени, новогодишни елки и др. Во втората половина на 2010-та година, брендовите се обиделе да ги преиспитаат традиционалните божиќни џемпери и лансирале свои верзии на други парчиња облека, стилизирани како „грдите“ џемпери – маици, чевли, фустани со смешни принтови и натписи.
Во 2019 година, божиќниот џемпер двапати се појавил во центарот на дискусијата. Првиот пат – кога џемперот со ознака „Волната боли“ и раскрвавениот облик на овца се појавил на страниците на онлајн продавницата на ПЕТА. Таквиот божиќен џемпер чини 149 долари. Вториот „скандалозен“ џемпер по појавата веднаш го отстрани од продажба еден од најголемите трговски ланци во светот „Волмарт“ заради негативните реакции на клиентите. На синиот џемпер со снегулки е прикажан Дедо Мраз кој седи на креветот правејќи „снежни патеки“ на масата. Во описот на производот се вели дека најдобриот бел снег доаѓа од Јужна Америка. „Волмарт“ морал да се извини за лошата шега и да признае дека овој производ не ги одразува вредностите на дистрибутивната мрежа.
Можеби сакате да ги дознаете и интересните факти за облеката купена на старо.
