Претходно
Ситуации во кои можете да откриете каков е секој човек
Луѓето најчесто се трудат да се однесуваат според нормите, но сепак постојат одредени ситуации во кои можеме да видиме каков е вистинскиот карактер на секоја личност. Вистина е дека луѓето многу глумат, но сепак во дадени моменти, карактерот може да ги издаде. Еве за кои ситуации се работи…
1. Позиција на моќ
Позната е изреката: „Дај му на човек моќ за да го видиш каков е навистина.“ Ова е сосема точно. Луѓето се менуваат кога ќе се почувствуваат моќни.
2. Искушение
Сите имаме тенденција да се избереме себеси пред другите, но ако сакаме да искористиме некоја предност за себе и притоа му нанесеме штета на друг, тогаш сме паднале во искушение и со тоа си го покажуваме нашиот вистински карактер.
3. Можност за покажување
Дајте му некому прилика да се покаже. Ќе каже ли нешто лошо за себе или ќе се пофали со нешто? Притоа внимавајте и на неговиот тон. Тоа може да открие многу.
4. Нормално лудило
Ви пукнала гума, сте останале без бензин, ви снемало струја… Можеби не е толку очигледно, но како се однесуваме во таквите ситуации може многу да открие за нас. Оние што успеваат да останат мирни и сталожени и не паничат најдобро се носат со предизвиците и не се плашат да побараат помош кога им е потребна. Со тоа покажуваат силен карактер и стабилна личност.
5. Врски
Во некои ситуации не може да се процени карактерот на човекот според неговото однесување. На пример, некој може да е фин и љубезен со случајните минувачи, а да е вообичаено ужасна личност. Затоа се вели дека вистинскиот карактер на луѓето избива дури кога ќе стапат во брак.
6. Ситници
Понекогаш карактерот не може добро да се препознае во некоја одредена ситуација, туку треба внимателно да се анализира во сите ситуации. Како личноста се однесува со пријателите, а како со вас? Која е првата личност што ќе ви помогне во неволја, а кој за сѐ ќе очекува противуслуга? Притоа, овде не се мисли само на материјални работи, туку и на нематеријални како вложено време, сочувство и сл. Со други зборови, малите нешта во карактерот се како огледало, во кое се одразува личноста во вистинското светло.
7. Долго чекање
Можете да го процените човек и кога сте на пример, заедно вечера во ресторан и предолго ја чекате храната што сте ја нарачале. Нормалните луѓе разбираат дека не е виновен персоналот и нема да се изживуваат со нив поради тоа.
8. Во криза
Како реагираат луѓето кога нешто ќе тргне на лошо? Плачат, стануваат агресивни или почнуваат да го бараат виновникот? Или пак, наместо да се концентрираат на негативното, прават сѐ што е во нивна моќ за да го решат конкретниот проблем и да се потрудат за сите да биде подобро.
Погледнете ги и овие 7 лични карактеристики што ги мрази речиси секој.
