Итан Хант и неговиот тим, заедно со познати сојузници, се борат против времето кога една мисија ќе тргне наопаку
rnРежија: Кристофер Меквари
Улоги: Том Круз, Хенри Кавил, Винг Рејмс
Времетраење: 147 минути
Премиера: 27 јули 2018
Јазик: англиски
Жанр: акција, авантура, трилер
Наша оценка: 10/10
Ваша оценка: [ratings]
https://www.youtube.com/watch?v=wb49-oV0F78
Новото продолжение на добро познатата франшиза е типична „Невозможна мисија“. Нашиот омилен тим на големото платно одново се соочува со незамисливи ситуации и истите ги надминува со исклучителна леснотија, притоа создавајќи една од најдобрите авантури што некогаш сме имале можност да ги искусиме во светот на филмовите. За ова потврдуваат и сите позитивни критики и коментари од професионалните критичари, љубителите на жанрот и останатите луѓе ширум светот што одлучиле да го погледнат овој филм.
„Невозможна мисија: Последици“ е филм што исто така ни покажува и дека Том Круз е спремен да умре за да создаде нешто во што ние ќе уживаме. Дејството изобилува со сцени за кои сите други актери би користеле каскадери, но не и Том Круз. Тој сака сè самиот да сними за да може што пореално и подетално да ни го долови моментот и целосно да нè внесе во приказната – исто како и ние да сме таму со него. Па, ако викендов немате што да правите, ви препорачуваме да го погледнете токму овој филм бидејќи еден од најдобрите невозможни мисии досега!