Претходно
Време е да го прогласиме победникот: Кој е најпребаруваниот мејкап производ за 2017-та година?
Мејкап трендовите секоја година носат нешто ново и свежо и создаваат хитови кои одбележуваат еден цел период. А, што е најпопуларно можете да дознаете и по пат на пребарувачот Гугл во кој редовно внесуваме зборови и поими кои нè интересираат. Секој декември Гугл ги прегледува податоците од претходните 365 дена за да дознае кои зборови, прашања и фрази биле најмногу пребарувани во годината на која ѝ се ближи крајот.
Во 2017-та година најбараниот бјути поим е малку изненадувачки со оглед на тоа дека не станува збор за производ од декоративна козметика, како маскара или кармин, ниту за стил на шминкање, туку за средство со кое се нанесува шминка. Станува збор за сунѓерчето за нанесување шминка во облик на јајце. Тоа всушност служи за нанесување на шминката, па масовно се барале и упатства и совети како правилно да се користи.
Во продолжените дознајте ги топ 10-те поими кои во текот на 2017-та година биле најмногу пребарувани на Гугл.
1. Блендер за шминка
2. Трепки од крзно на куна
3. Шминка за „Ноќта на вештерките“
4. Подигнување на трепките
5. Шминка за матурска вечер
6. Неутрална шминка
7. Плумпер за поголеми усни
8. „Скелет“ шминка
9. „Пердув“ веѓи
10. Сјај за усни
Доколку ве интересира каква беше состојбата во минатата година во светот на модата, тогаш ве потсетуваме на најечсто поставуваните модни прашања на Гугл за 2016-та година.
