Претходно
Пронајдете ја вашата силуета и дознајте нешто повеќе за себе!
Изгледот на секоја жена не зависи само од генетиката, туку и од функцијата на една жлезда, која е поактивна од останатите. Генерално, женските фигури може да се поделат на 4 типа. Секако дека оваа класификација не е идеална, бидејќи работата на нашиот организам зависи од многу фактори. Сепак, овие 4 силуети се сметаат за најчести и нивните карактеристики се застапени кај повеќето жени. Пронајдете ја силуетата што е најслична на вашата и дознајте нешто повеќе за себе…
Јаболко – Доминантна е надбубрежната жлезда
Основни карактеристики: Горниот дел од телото е значително покрупен од долниот. Жените со ваков тип тело обично имаат широки рамена, изразени гради, мал задник, силни раце и нозе. Во поголемиот дел од случаите, нивната кожа е природно цврста и тие не се склони кон целулит. Ако добијат вишок килограми, најпрво им се дебелеат градите, рацете и стомакот.
Психолошки особини: Дамите со ваква фигура обично поседуваат изразени лидерски вештини, многу брзо донесуваат одлуки, самостојни се и одговорни. Сепак, тие имаат една маана: Немаат мерка во работата, одморот, храната или спортските активности.
Препораки: На овие жени совршено им одговара вегетаријанската исхрана. Понекогаш треба да се исклучат од грижите и да научат да уживаат во едноставните работи. За да ја одржуваат формата најмногу им одговара пливањето.
Правоаголник – Доминантна жлезда е хипофизата
Основни карактеристики: Нивното тело наликува на тинејџерска фигура. Тие имаат тесни колкови, но немаат јасно изразен струк. Рацете и нозете обично не им се долги, а главата и им изгледа поголема. Исто така, за овој тип тело карактеристичен е долгиот струк и малиот тркалезен задник. Жените со ваква фигура многу тешко ја зголемуваат тежината, а најпрво се дебелеат во пределот на стомакот. Слабиот лимфен состав може да им предизвика отоци и сува кожа.
Психолошки особини: Дамите со ваков тип тело се интровертни. Нив ги интересира уметноста и знаењето. Може да изгледаат недружељубиви и затворени, но не поради тоа што не знаат да комуницираат, туку поради тоа што се многу независни. Понекогаш премногу се затвораат во светот на нивните мисли и забораваат на реалноста и секојдневието.
Препораки: Одлично им одговара исхрана на база на протеини, а би требало да го намалат внесувањето на јаглехидрати. За да постигнат душевна хармонија, овие жени треба да бидат опкружени со убави работи. Во нивните домови треба да има што е можно повеќе цвеќиња и миризливи свеќи. Што се однесува до вежбањето, одлично им одговараат вежби со тегови, односно бодибилдинг.
Песочен часовник – Доминантна е тироидната жлезда
Основни карактеристики: Нивната фигура потсетува на песочен часовник. Ако ја зголемат тежината, овие дами се дебелеат во пределот на стомакот и колковите. Рацете и нозете честопати им остануваат тенки дури и тогаш кога имаат вишок килограми. Тие имаат и некои недостатоци како што се слабите мускули и кршливите коски. Исто така, можно е да имаат проблеми поради тенката и сува кожа, а склони се и на појава на целулит.
Психолошки особини: Овие жени се весели, активни и дружељубиви. Многу се комуникативни и благодарение на тоа, лесно се вклопуваат во кое било друштво.
Препораки: Што се однесува до исхраната, тие треба да му дадат предност на зелениот зеленчук (зелена салата, брокула, зелка, грашок и слично) и на млечните производи со низок процент на масти. Овошјето, лебот, алкохолот и кофеинот најдобро е максимално да ги ограничат. За да се ослободат од стресот и напнатоста на крајот од работниот ден, најмногу ќе им помогне врелиот туш. Од спортските активности им одговараат групните активности и танцот.
Крушка – Доминантна жлезда е јајчникот
Основни карактеристики: Кај претставниците на овој тип, телото е класично женско, со тесен горен дел, заоблени колкови и изразен задник. Силуетата потсетува на крушка. Тие обично почнуваат да се дебелеат во пределот на колковите, а струкот и стомакот последни се заоблуваат. Склони се на појава на целулит.
Психолошки особини: Овие дами се многу грижливи, добродушни и чувствителни. Лесно се зближуваат со нови луѓе, бидејќи ги чувствуваат нивните мисли и желби. Поради нивниот бавен метаболизам, може да остават впечаток дека се незаинтересирани, но тоа е погрешно, бидејќи во овие жени се крие вистинска бура од емоции.
Препораки: Што се однесува до исхраната, обрнете внимание на овошјето и зеленчукот, но и на лесните протеини. Најдобро е да заборавите на путерот, маргаринот, сосовите, чоколадото и тестенините. Неопходна ви е комуникација доколку сакате да постигнете психички мир. Одбегнувајте ја самотијата, но држете се настрана од агресивни и нервозни луѓе. Дишењето и јогата ќе ви помогнат да се ослободите од напнатоста и ќе ви дадат позитивна енергија. Не заборавајте дека имате забавен метаболизам, па затоа неопходна ви е физичката активност, особено вежбите за издржливост.
Дознајте уште неколку информации за основните форми на женското тело.
